الشاعر زين العابدين الحلفي

@zz8ee

تدور الكرة الارضية حول غيرة العباس

@za0ne

الشاعر زين العابدين الحلفي

21 Oct, 15:15

الشاعر زين العابدين الحلفي pinned «رابط حسابي على الانستكرام https://www.instagram.com/za0n0?igsh=MW15MTh4eWl3MGlnZA==»

الشاعر زين العابدين الحلفي

20 Oct, 00:24

حيرتني وداعت الموت الخذاك
مو حرگ لا ولله كمت اركض وراك
انا محد تعباني وتعبتني
انه محد شاف ضلي
وشوكك كبالك يعتني... حيرتني
كاعد الموت اعله صدرك مدري حزنك
بل حزن انه اركض وانت سبگتني
كلشي سهله
سوالفك ، وچفوفك الگضن چفوفي
وايدك التمسح دمعتي ذني سهله
الصعبه ما اكدر اعوفك
شلون اعوفك ياوتيني بگلبي كاعد
ماكو مثلك حته ابدلك... حيرتني
كلشي بيه يحن عليك
وبيه كلشي من اصفن يذكرني بيك
مو رحت چا شنهي ضلتك
شعدك بنص كلبي گاعد... حيرتني
حته شيبي مشيب بگد مابچيتك
وداعت الشيب بلحيتك
نسيت ابني وبيه عثرت ومانسيتك
منين أنسه
وانت كاعدلي بصفنتي
انت واحد تطلب الدنيه رحمتك
كلي ليش بكلبي تحرك... حيرتني

1,256

الشاعر زين العابدين الحلفي

19 Oct, 12:30

https://youtu.be/kctGuMvXu-4?si=Fg3qQA7vmZd-AS5f

1,369

الشاعر زين العابدين الحلفي

28 Sep, 12:23

( وسيم بكل حرب )

خيال وما رجفت ايده وترعب صولاته
من المخيط شمرهم بيده وشامخ ريشاته
ابن المادنك لا صاح ولا خطه طكاته

سراط الملحمه :: عجاج الموزمه
يطابكهن طبك :: الارض وي السمه
           ياقائد الاحرار

سبحان عيونك :: كلها يخافونك
حتى من الصوره :: موت يشوفونك

**

صل وما كزبر لا هود والحر يضوگه
هو الوگر فوك الراس وشاله من عروگه
محد فوك الكافل عالي بس الله الفوگه

وسيم بكل حرب :: أبد ما ينغلب
الكلب عنده وتد :: فقط لمن يطب
            ويصير الاستنفار

ياحر ياضاهر :: ذو الگف الساطر
مدرع چم حومه :: وعابر چم باچر

**

يم رجلينه العالم سجدت رب السكايه
بياعه وب العرگــه الساده تصير الشرايه
الحر شيخلف غير الحر الما رج حچايه

يرهبان الارض :: تكر طول بعرض
اليمر اسمك عليه :: يصليلك فرض
          حار وتحب الحار

دهدار حسينه :: الموت بچفينه
اليكرب يم خيمه :: يگطع رجلينه

**

يامحلاة الشعر النازل من فوك متونه
كلمن شاف ابن الحربيه يصيح خيعونه
يابطن الطلكت چابته نگللها الممنونه

چبير امن الزغر :: ضرب سيفه سقر
اليشوفه يبتلي :: فلا عندة مفر
           وما لحك اليندار

من شد زمامه :: ما ضلت هامه
اليندار يشوفه :: صاير جدامه

00000000000000
زين العابدين الحلفي

2,766

الشاعر زين العابدين الحلفي

27 Sep, 14:23

https://youtu.be/B1V6idmlH8s?si=GMhZ5TzSx8wRuOn4

2,211

الشاعر زين العابدين الحلفي

27 Sep, 10:36

( سيف الله الباشط )

خطاب مولاتي العقيلة مع مولاي قمر بني هاشم -

حي الله زود الما يهاب ويفري الارگاب
حي الله ابو چفوف السمر ماله مثيل
هد يبن ابوي ولا تخاف بضهرك حسين
وتوي الشوارب جيب وين الثكيل

شطين الكوفه سويها
شط للدم وشط للغيره
اطوي الكاع وصير الثاقب
چبير انت الحومة زغيره

عفيه ابن ابوي وبس انت الها
خلي الزلم تتراكض حفايه
لتخلي صوت يطب للمخيم
يأول قيادة وتوكف حمايه

**

ياحيد ياصل كونت فوك الميادين
بس واحد انت وبارزة طگتك ثجيلة
اطويها طوي الكاع لو مربيك الغبار
كلهم رعيع واعرفك راع انته عيلة

صل مهيوب بلسعك تكتل
محد يعگب سيفك سالم
دين انت وسجدو كدامك
من كلشي الطف بيك توالم

النشمي نشمي شما در زمانه
نيشان تنحط فوك البيارغ
عباس يا گالب معاني الدنية
كل المراجل بيها انت سابغ

**

سبحان چفك لويطك تتخسف الكاع
يل شايل بچفك للوه وغيرة وشمايل
عباس يافخر العرب زودك بزودين
كدما ثكيل مفرگس ضهور الأصايل

سبعينك وانت ابلش بيهم
ياهو الأول ياهو الثاني
خالك دوس عگاله برجلك
سيف الله الباشط كله اني

عباس صيدگ بالمعارگ كلفه
احسم العرگة وأخذ الصداره
محد يگحمك يل چنك اليل
بس چفك البطف خلـــه شاره

**

دمام وطبول الحرب دگن بطاريك
كلمن نضرلك ارتعب وتصوفر رگاض
فرقان بالطف واگف وكالبها صوبين
ودخيل سيفك يالفحل لودخن وغاض

خياله بخياله نردمت
لمن فوك المهره تعليت
يل سيفك بعده بگرابه
وخلصت الطف كلي شخليت

عيت وعجت بس بالترابه
وكل صوت يطلع الله واكبر
من صار شربه ادراك العجايب
يعني ابو فاضل بالحومة زمجر

00000000000000000
زين العابدين الحلفي

2,430

الشاعر زين العابدين الحلفي

22 Sep, 22:38

https://youtu.be/r8yKExDcRQY?si=Njed4AMFY11FiN49

2,535

الشاعر زين العابدين الحلفي

22 Sep, 07:15

https://youtu.be/AJlCf-NZZmo?si=iR9xSa1IOBM6BwnN

2,433

الشاعر زين العابدين الحلفي

15 Sep, 10:19

( معنى الحُب )

حب ماله مثيل... سواني چبير
الما عنده علي... بيمن يستجير

الكلشي نهاية وحب علي ماله نهايه
بكل دكه من كلبي يدك يعني البدايه

ماشايف بعيني شخص
شما گلفه يكلي خلص
وحته بمماتي ودفنتي
الكا على حسابي ينص

واحد علي بالدنيه مخلوق
ومن طينته معجون طيني
هاذ الابو الماخله ديان
نطاني حنينه وسدلي ديني

**

شاء الله وصدر... حبك بالكلب
توقع من اديك... لفيايك اطب

مُنكر عشت بس حبك السواني أنسان
فايض محبه العاشكك مايبقه عطشان

من ميثم تعلمت احب
او زاعلت كلشي چذب
صوبك اجيت ودنگت
طالب رحمتك والأدب

الماله آدب ماعده اي دين
وديني آدب مو بس مجالس
مو زحمه لو دك صدري اعليك
لحسين ثوبه شكه عابس

**

تلث احرف هجاء... من زغري نطقت
حروف أسمك علي... وبيهن چلبت

بطارف عباتك چلبت مارايح بعيد
ولو ماوجودك چاعشت حزن بحلك عيد

يمك أبد مالي مقام
اني العبد وانت الأمام
لو ما وجودك ب الحياة
اقرء علا الدنيه السلام

چا لاسمه ولاكون مخلوق
بس الله شــــاء وحط رحمته
يل اول بكلشي انت موجود
شچم ادم ب ادم لحگته

**

شاء الله القدير... حطك بلصميم
وبيك أنزل بيان... سراطٍ المستقيم

قطب الگلوب الحبتك يم كبرك تطوف
الغرگان ب الهم سيدي مديتله چفوف

خليني صادق بالعشگ
ما امشي وي مشي الفتگ
ومن اسأل عنك اكول
تريد الصدك هاذ الصدگ

بس انت صدكي وكلها اوهام
الحبك صدك طاهر حليبه
يل تمشي بلدم بيش اوفيك
مايوفي عاشك حب حبيبه

00000000000000000
زين العابدين الحلفي

3,340