أمنـة 🦋.

يمشي ببطء في حقل مليء
بعلامات الاستفهام،
يخافُ أن يدوس سؤالاً بالخطأ،
فيُصاب بإجابة دائِمة.

مُنذ أن عرفتك
‏أدركت ما معنى
‏أن يجد الأنسان
‏شخصاً تألفه الروح
‏ويعود إليه دائماً
‏نهاية كل يوم
‏بنية السَكينة
‏من كل شيء🩶.

🤍

٢٠/٠٩/٢٠٢٤ ..
الشعور الطاغي هالفترة علية هو كرهي لنفسي ، لشخصيتي الحالية ، لوضعي ، امنه قبل اذا تشوف امنه هسة حتنصدم منها هواية مو هاي امنه التعرفها ولا هاي امنه اللي الناس تعرفها ، احس هاي الشخصية اكو شي طفاها طفت بداخلي و عجزت ارجع الگاها بس اني ابد مداحبني مداتقبلني و ماعرف شنو السبب اللي مخليني اشوف نفسي هيچ بس هو احساس و كلش متعبني هالاحساس ، اتمنى من رب العالمين يكون مغيرني بهيچ يوم السنة الجاية و اكون نسخة احسن من نفسي و اكون راضية عليها .

تلملمن..

خوفي لا تصحى بوكت
بي تذكر أسمي
و انه ما باقي بحياتك
خوفي لا تندم عليّه
و ما ترحمك ذكرياتك
تشوف اصابيع الـ بديك بلا أظافر
و تبچي چي شايفها صعبه
يصرخ بروحك ضميّرك
- 'عفت أظافيرك بگلبه' .

ساكت والسوالف بيّه مال صياح..

ما مرتاح،
منّك.. منّي
من الجاي، من الراح،
ما مرتاح !

"انا ما كرهته ، اني بس مُحبط منه"
علاقات هواي تنتهي عِند نقطه الأحباط
اللي هو شي أبعد مِن الزعل وأقل من
الكره .. الأحباط هذا مُمكن يجي بلحظة
مِن تصرف الأحباط هو شعورك بعدم
الرضا مع عدم القدرة على تغيير شيء
او حتى المغادرة ،

مثل العودة إلى المنزل، لكنّهُ أنت،
أنت منزل هذهِ الروح..

يا رب ..
ولله اني تعبت
سلمت امري و كل حياتي الك شلون ما تمشي خلي تمشي بس خليها تمشي بسلام هذا كل الاريدة .

ليش أعاتِب ؟
إنتَ دَليت الحِزن عِنوان وَجهي .
وإنتَ دَليت البَواچي دروب خَدي ،
وانَا غير السَكتة
صَاحب للسِوَالف ياهو عندي ؟
الله شاهد تَعبتني
الله شاهد مَا نمت لَيلة بُطر
لَو مَا لچمتك فَززتني .

قسماً بالله مكتومة كتمة بيها انفجار يدمرني ويدمر الدنيا .

ابقي يَمي ..
وخلي هاي الدنيا كلها تصير ضدي
هاچ چفي وصححيلي إغلاطي كُلها
المُهم خليني اعلى گدچ
وانتِ هم صيري اعلى گدي
حبي خوفي وحبي حزني
وخلي كُل أيامي تضحك
لو غبت خليني أحسن اني غالي
ولا تعوديني إعلى فگدي
ابقي يمَي ..
والصعب والمو صعب
فوراً يعدي

المرء على قدر حنينهُ ، يُهان

•

تكسر وتجبر عليمن !
انتَ رايد هالمشاكل ليش تزعل
وانتَ تدري ؟
أنطيتك أكثر شيء أملكة
لخاطر عيونك حبيبي انطيت عمري ..

تبكي لأنّ الأيام ما عادت أيام ..

الله يرحمچ برحمته الواسعة و يجعل مثواچ الجنة و ينور قبرچ يا حبيبتي تبقين صديقتي المقربة الاولى و حبيبتي 🫂🤍

حبيبتي زينة 🕊️🤍..
البارحة چان عيد ميلادها چان المفروض يصير عمرها ٢٣ سنة سودة علية ما شافت شي من شبابها راحت بهالعمر الصغير ما لحگت اشوفها ولا اعرف بهالشي الا من الغريب ، ترحمولها و اذكروها بدعوة حلوة 🤍.