Zafarbek Solijonov Telegram Posts

Суюқ ва қуюқ қон

Сигма Подкастда янги лойиҳа бошлашибди. Шифокорлар Хонаси — замонавий тиббиётдаги миф ва ҳақиқатларга бағишланган подкастлар серияси.

Унда онколог Рустам Нарбаев ва терапевт Жавоҳир Холмуҳаммедовлар тиббиётнинг турли соҳаларидаги етакчи мутахассислар билан суҳбатлар олиб боришади.

Томоша қилинг:

https://youtu.be/bjS0MO22i5A?si=GvX-tj0x3ur0FdMe

Ўзбекистон ва Словакия ўртасидаги муносабатлар сифат жиҳатидан янги босқичга чиқди.

Президент Шавкат Мирзиёев ва Словакия бош вазири Роберт Фицо Кўксаройда музокаралар ўтказиб, стратегик шериклик тамойилларини мустаҳкамлашга келишиб олишди. Бу учрашув нафақат сиёсий мулоқот, балки иқтисодий, илмий ва маданий алоқаларни ҳам жадаллаштиришга туртки бўлди.

Словакия бугун Ўзбекистоннинг Европадаги муҳим ҳамкорларидан бири бўлиб бормоқда. Мамлакатлар ўртасидаги савдо ҳажми ошиб боряпти, икки томонлама лойиҳалар, хусусан, автомобиль саноати, қишлоқ хўжалиги ва «яшил энергетика» йўналишларида муҳим келишувларга эришилди. Словакия инвесторларининг Ўзбекистонга бўлган ишончи ортиб, қўшма лойиҳалар сони ҳам кўпаймоқда.

Таълим ва илм-фан соҳасида ҳам сезиларли силжишлар кутилмоқда. Коменский университети ва Ўзбекистон олийгоҳлари ўртасида қўшма дастурлар йўлга қўйилиши режалаштирилган. Маданий алмашинув, санъат ва маданият соҳасида ҳамкорликлар орқали халқларимиз бир-бирига янада яқинлашмоқда.

Президентлар Фахрий меҳмонлар хиёбонида биргаликда дарахт экиб, ҳамкорлик руҳи ва дўстлик тимсолини яратишди. Бу нафақат рамзий, балки амалий жиҳатдан ҳам мустаҳкам алоқаларнинг бошланишидир.

Яна бир эътиборли жиҳат: Словакия Европа Иттифоқи доирасида Ўзбекистон билан боғланиш учун «кўприк» бўлиши мумкин. Айниқса, технология, рақамли инфратузилма, стартаплар ва экология соҳаларидаги ҳамкорликларга катта умид боғланмоқда.

Ўзбекистон ташқи сиёсатида бундай очиқ ва прагматик ёндашувлар орқали йирик шерикликлар сони ортмоқда. Энг муҳими, бу жараёнлар оддий одамлар ҳаётига ижобий таъсир кўрсатмоқда.

👉 @Zafarbek_Solijonov

Шу кунларда Словакия Бош вазири Роберт Фицо расмий ташриф билан Тошкентда бўлиб турибди. Фицо IV Тошкент халқаро инвестиция форумидаям қатнашаркан. Демак инвестиция бўйича ижобий кутилмалар бор.

Словакияда ижро ҳокимиятини тўлиқ Бош вазир бошқаради. Словакия Марказий Европада жойлашган. Индустриал-аграр давлат биздек. Инсон тараққиёти индексида жуда яхши кўрсакичларга эга. Яшаш давомийлиги, таълим ва аҳоли жон бошига тўғри келадиган даромад кўрсаткичлари ушбу индекс ошишига хизмат қилган. Ҳамкорликни кенгайтирориш керак ашағлар билан😎

👉 @Zafarbek_Solijonov

Сал аввал "Humans иши" бўйича хабар бергандик. Унда Humans тарифларнинг нархи қимматлигини иддао қилиб, "Ўзтелеком"нинг ҳукмрон мавқеи юзасидан Антимонопол ташкилотига ариза киритгани ҳақида ёзгандик. Ҳозирга келиб, мазкур кейс "ёняпти". Ҳаммада "энди нима бўлади?" деган савол.

Humans навбатдаги қадамни ташлади. Давлат ташкилотлари бирма-бир муносабат беришни бошлади. Humans мавжуд инвестиция низоси юзасидан Жаҳон банки ҳузуридаги Халқаро арбитражга мурожаат қилди. Буни Марказий банк ва бошқа ташкилотлар ҳам тасдиқлади. Humans давлат ташкилотлари хатти-ҳаракатлари сабаб жуда катта молиявий зарарга кирганини айтмоқда.

Бу каби катта кейслар Ўзбекистон тарихида бир неча марта бўлган. Масалан "OXUS Gold" кейси. Мазкур иш қисман инвестор фойдасига ҳал бўлган. Фоизлари билан 10.3 миллион доллар тўлаб бериладиган бўлган. Newmont Mining кейсиям бор. Тарафлар ўзаро келишувга эришган. 80 миллион доллар инвестор фойдасига компенсация чиққан. Шунингдек, ҳаммага маълум "МТС иши". МТС иши ҳақида интернетда маълумотлар кўп. Қидириб ўқисангиз бўлади. Иш бир нечта арбитражларда кўрилган. Охири низоларга барҳам берувчи ўзаро келишув битими имзоланган. Кузатамиз, бу кейс қандай якунланаркин.

Марказий банк хабарига кўра, 2024 йилда тўлов тизими "Мароқанд" АЖ (Humans ҳам таркибида) қимор ишларига аралашган, ушбу ҳолатга ҳуқуқий баҳо бериш учун тегишли органларга мурожаат қилинган.

Ўз ўрнида "Ўзтелеком" ҳам бўлган воқеаларга нисбатан муносабати билан чиқди. Унда Ўзбекистонда интернет нархи 2017-2024 йилларда 40 баробар арзонлагани, ташкилот соғлом рақобат тарафдорилиги, Humans шартнома асосида ташкилот хизматларидан фойдаланиб, даромад олган бўлсада харажатларни қопламай келаётганини айтди. Бироқ Humans тариф нархлари халқаро майдонда 1 ГБ учун 2020-2023 йиллар орасида 1.34 $дан 0.3 $га арзонлагани, Ўзбекистонда эса нарх 2021 йилдан бери ўзгармай қолаётганини айтганди. Қизиқ ҳолат.

Воқеалар ривожини кузата туриб, бир қанча саволлар юзага келмоқда. Ҳолатга Антимонопол ташкилот қандай муносабат беради? Халқаро арбитраж қандай реакция кўрсатаркин? Компания шунча воқеалар билан оворалигида бой берилган фойдаси қопланадими?

Бироқ бир нарсани ҳисобга олиш керак. Компания бозордан сиқиб чиқарилмаслиги, муаммо имкон қадар ўзаро келишув билан ҳал бўлиши, давлат ташкилотлари ҳам давлатимизнинг инвестицион жозибасига зарар етказиб қўймаслиги учун олтин ўрталиқни топишга ҳаракат қилишини истардим. Чунки бунақа ишларда узоқ йиллик мақсадлар муҳим бўлиши керак.

👉 @Zafarbek_Solijonov

Ноқонуний сигарет савдоси бўйича ҳалиям водий вилоят, шаҳарлари олд ўринда. Шунча тарғиботларга қарамай уларда вазият сезиларли даражада ўзгармаган. Наманган, Қўқон шаҳарларида бунақа "точка"ларни топиш мумкин. Хоҳиш бўлса кифоя.

Наманганда Сардоба бозори бор, кўпчилик билади. Шу ерда ноқонуний сигарет савдоси авж олгани айтилади. Адашмасам, бозор Солиқ идораси ёнгинасида жойлашган. Ажойиб. Масъуллар бир ўрганиб кўриши керак экан. Тўғрими?😁

👉 @Zafarbek_Solijonov

Кушонлар — эрамизнинг I–IV асрларида мавжуд бўлган, лекин бугунги тарихий тафаккурда ҳали ҳам етарлича қадрланмаган сивилизатсиявий кучлардан биридир. Улар Буюк Ипак йўли орқали Хитойдан Римгача бўлган ҳудудда савдо ва дипломатиянинг асосий воситачиларидан бири бўлган.

Канишка даврида буддавийлик давлат мафкурасига айлантирилиб, Марказий Осиёдан Ҳиндгача бўлган кенг маконда диний ва маданий бирлашув сиёсати юритилди. Бу тарихда илк империявий "идеология экспорти" ҳолатларидан бири ҳисобланади.

📌 Энг яхши илмий-оммабоп подкастлардан бири саналган “Қурултой”нинг навбатдаги сони шу ҳақда
👉https://youtu.be/9OKd2nW_iLc

ННТ вакилларининг хорижга чиқиши ҳақида хабардор қилиши қонунчиликда янгилик эмас.

Адлия вазирлиги кўплаб муҳокамаларга сабаб бўлаётган вазиятга аниқлик киритди. Тармоқларда Ўзбекистондаги ННТларга хорижга чиқиш ҳақида Адлияга хабар бериш мажбурияти юклангани ҳақида хабарлар тарқалмоқда.

Масаланинг муҳим томони шундаки, ушбу амалиёт қонунчиликда янгилик эмас. Бу амалдаги қонун («Нодавлат нотижорат ташкилотлари тўғрисида»ги қонуннинг 8-моддаси)да белгилаб ўтилган.

Вазирлик ушбу мажбуриятни амалга ошириш тартибини осон ва рақамлаштирилган ҳолда белгиламоқда. Эндиликда буни  e-ngo.uz электрон тизими орқали тез ва осон амалга ошириш мумкин.

Маълумот ўрнида айтиб ўтиш керак, ННТларнинг хорижга чиқиш ҳақидаги хабарномалари рад этилмайди ва ташкилот вакилларининг хизмат сафарларига чиқиш ҳуқуқига таъсир ўтказмайди.

👉 @Zafarbek_Solijonov

Ишончли эҳсон — энди HUMANS орқали!

Ижтимоий Ҳимоя миллий агентлиги ва HUMANS компанияси янги "HUMANS for Humans" хайрия платформасини йўлга қўйди.

Эндиликда HUMANS иловасининг “Одамларга ёрдам” бўлими орқали эҳтиёжманд оилалар, кексалар ва болалар уйларига аниқ ва тезкор равишда ёрдам кўрсатиш мумкин.

Биргина илова орқали эҳсонингиз ҳақиқий муҳтожларга етиб боради, уларни қидириш ҳам шарт эмас.

👉@Zafarbek_Solijonov

Халқ мурожаати эътиборсиз қолмади

Бозорда тирикчилик қилмоқчи бўлган онахон ўз видеомурожаатида «Қўйлиқ» деҳқон бозорида унга нисбатан адолатсиз муносабат бўлганини айтди. Гап фақат бир инсон ҳақида эмас, балки тизимнинг одамларга қандай муносабатда экани ҳақида.

Бу видеони кўриб, ЎзЛиДеП депутати Барно Бердиева шахсан бозорга борди. Онахон билан учрашди, бозор маъмурияти билан гаплашди. Масала кўтарилди, фикр алмашилди.

Бу яхши. Лекин яна бир нарса муҳим: бундай вазиятлар яна такрорланмаслиги керак. Чунки халқда “Менинг овозим эшитилади” деган умид бор.

Давлат халқ учун бор. Ишонайликки, амалдорлар ҳам буни унутмайди.

👉@Zafarbek_Solijonov

Пул ажратилган. Масъулият-чи?

Халқ демократик партияси фракцияси ҳукумат тақдим этган давлат бюджети ҳисоботини шартли равишда қўллаб-қувватлади. Чунки ҳисоботдаги рақамлар ортида жавобсиз қолган саволлар кўп.

▪️ Қатор вазирликлар: Камбағалликни қисқартириш ва бандлик, Қишлоқ хўжалиги, Энергетика вазирликлари ажратилган маблағларни ўзлаштира олмаган;
▪️ Тиббиётни ривожлантириш учун ажратилган маблағлар муддатда ишлатилмаган;
▪️ Энг аламлиси, заиф эшитувчи болалар учун операция маблағлари умуман йўналтирилмаган.
▪️ Мактабгача таълимда оилавий боғчалар дастури самарасиз экани кўринди.

ХДПнинг талаблари:

– Давлат маблағлари учун раҳбарлар шахсан жавоб бериши керак;
– Натижа кўрсатмаган вазирликларга келаси йил маблағ ажратилмаслиги керак;
– Самарасиз харажатлар бўйича жамоатчилик олдида очиқ ҳисобот бўлиши шарт.

Ҳисобот қабул қилинди, лекин хулоса аниқ: аҳоли ҳис этаётган натижа йўқ экан, ҳисоботнинг баҳоси ҳам шартлидир. Давлат маблағи — халқ ишончи. Бу ишончга фақат қоғозда эмас, амалда жавоб бериш керак.

👉@Zafarbek_Solijonov