حدوتة مصرية 🌹⁦❤️⁩ Telegram Posts

‏أنا اتحب ماشي إنما احب لا

معقول محبتش ولا واحدة قبل كدة ؟

= حبيت مرة و عرفت من ساعتها اني مينفعش احب . انا لما بحب ببقى ضعيف ، مبعرفش افكر و مبعرفش اشوف كويس ، ببقى مكشوف من أقل كلمة و بقع و بخسر كل حاجة، في ناس حظها كدة مينفعش تحب ، لما بتحب بتموت..!

- الإنسان يعيش مرة واحدة ١٩٨١

《 فن الرد على الآخرين !!!!》
ركبت سيدة " سمينة جداً " الباص
فصآح أحد الراكبين متهكمآ :
- لم أعلم أن هذه السيارة مخصصة للفيلة . . !
فـ ردت عليه السيدة بـ هدوء :
- لا يا سيدي !
هذه السيارة كـ سفينَة نوح !
تركبها الفيلة و ( الحمير ) أيضاً !

_ الكاتب الشهير : برناردشو
حين قال له كاتب مغرور ؛
- أنا أفضل منك، فإنك تكتب بحثاً عن المال !
و أنا أكتب بحثاً عن الشرف .. !
فقال له برناردشو على الفور :
- صدقت !! كل منا يبحث عما ينقصه .

_ الشاعر الأعمى المعروف :
بشار بن برد
حين قال له رجل ثقيل الدم :
ما أعمى اللّه رجلاً إلا عوضه ، فبماذا عوضك أنت ؟
فرد بشار : عوضني بأن لا أرى أمثالك !

_ تزوج أعمى امرأة ..
فقالت :
لو رأيت بياضي و حسني لعجبت !!
فقال :
لو كنت كما تقولين !!
لمآ ترككِ المبصرون لي !

_ أراد رجل إحراج المتنبي ..
فقال لـه : رأيتك من بعيد فـظننتك إمـرأة !!
فقال المتنبي : و أنا رأيتك من بعيد فظننتك رجلآ !!

_ امرأة قبيحة جدآ قالت لرجل :
لو كنت زوجي سوف أسكب في قهوتك سمآ
فقال : لو كنت زوجتي فلن أتردد لحظة واحدة في شربها

_ قال وزير بريطانيا السمين تشرشل ل برنارد شو النحيف : من يراك يظن
بأن بريطانيا في أزمة غذاء !
فقال : و من يراك يعرف سبب الأزمة !!

_ أقبل جحا على قرية فرد عليه أحد أفرادها قائلاً : لم أعرفك يا جحا إلا بحمارك
فقال جحا : الحمير تعرف بعضها!

_ رأى رجل امرأة فقال لها : كم أنت جميلة !
فقالت له : ليتك جميل لأبادلك نفس الكلام!
فقال لها: لا بأس أكذبي كما كذبت!

المثالية دايمًا في الاعتدال مش في المبالغة، متهتمش أوي عشان انت اللي هتتعب، عبر عن حبك من غير فيضان مشاعر، ادي للي قدامك وقته مش لازم تملكه طول اليوم، المشاكل في حد ذاتها بعتبرها ضمن اساسيات العلاقات الناجحة، اصل انت مش هتعرف اللي قدامك من غير ما تتخانقوا العيوب هتبان اه، بس السر في التمسك، ان مفيش طرف يتخلى، وفي النهاية ادي كل حاجة حقها، بس متجيش على نفسك.

الصراع ما بين القلب والعقل..
اسوأ ما ف صراع القلب والعقل انهم بيقدمولك خيارات صعب جدا انك تختار ما بينهم.. الخيار دايما بيكون ما بين الي انت عايزه وما بين الي انت محتاجه.. وع الرغم من كل فكره منطقيه العقل بيقدمها وبيحاول يقنعنا بيها الا ان ف الغالب القلب هو الي بيغلب.. بس م دايما خيار القلب بيكون هو الخيار الصح .

أكتر حاجة ممكن تخسر بيها إنسان بتحبه، هي الإفراط الأوڤر في إظهار المحبة والرعاية والاهتمام بيه، تخيل! الإنسان جواه طبع نَمْرَدَة، غصب عنه بيتقلب على الإنسان اللي بيبالغ في تقديره ومحبته، يبدأ ينفر منه، ويتعوج عليه، ويمكن يحس إن وجودك بقى تقيل على قلبه كمان.. الحب زيه زي أي عطاء، أفضل حاجة إنها تخليه في المنطقة الوسط؛ ما هو الشيء لما بيزيد أوي بيرخص في عيون الناس.. قال: ، أنت كمان لازم تبقى غالي على نَفْسَك، خليك خفيف عشان مترخصش في عيون غيرك.

زي ما فيه ناس معاملتها بتتغير من غير سبب، فيه ناس بتتغير بعد تعب ووجع كبير كتموه جواهم بسبب أفعال اللي قدامهم، بعد ملل من الانتظار ومن العتاب اللي مفيش منه فايدة.. زي ما فيه ناس بتتغير وبتكون ظالمة، فيه ناس بتتغير بعد ما بيتعرضوا لظلم كبير؛ لمجرد إن ذنبهم إنهم كانوا بيحاولوا يعدوا ويفوّتوا عشان الحياة تمشي؛ عشان مكنوش بيقفوا على كل غلطة ويحاسبوا ويحاكموا اللي قدامهم؛ عشان يكتشفوا بعد كده إن تضحياتهم- اللي كانوا حتى مبيعلنوش عنها- بقت حق مُكتسَب للي قدامهم خلاص! الألم بيغيّر صاحبه، غصب عنه، بس ظلم كبير أوي إنك كمان تلوم المظلوم؛ لمجرد إنه "اتغير" بعد كل اللي شافه.

‏بلاش تظهر لحد كمية الحب ال جواك نحيته او انك قد ايه ضعيف من غيره ومحتاجه فحياتك عشان هيدوس عليك ومش هيهمه انت كويس ولا لا هيجي عليك عشان عارف انك متقدرش تعيش من غيره هيغلط بدل المرة الف عشان عارف انك هتسامحه هيمشي ويرجع بمزاجه لانه متاكد ان ف كل مرة هتكون دايما مستنيه !

الحب هو التقبُّل، إن اللي بيحبك يتقبلك في كل حالاتك، يتقبل إنك تخالفه الرأي، يتقبل إنك ممكن في فترة تكون تعبان ومش قادر تكون بالشكل اللي اتعود يشوفك بيه، يتقبلك من غير ما يعاقبك، أو يحسسك بالرفض أو الانتقاص منك.. كلنا بيجي علينا وقت بنكون فيه ضعفا، ونكديين، وأحيانًا أغبيا ومش شايفين.. الحب في إنك تلاقي التقبُّل، تلاقي الإيد اللي تطبطب على كتفك وتقولك بالفعل قبل الكلام: أنا هنا عشانك في كل الحالات.

وفي النهاية، هتوصل لمرحلة إنك لا بتجري ورا حد، ولا بتفتكر مين سأل ومين مسألش، ومين خذلك، ومين طلع عيل، ومين بيقعد معاك وهو في ضهرك بياكل في لحمك بالغيبة.. هتبص للحياة حواليك زي الموج اللي بيروح ويجي، وأنت مش عاوز غير إنك تعيش في سلام، وتكبر دماغك.

أنا معنديش مشكلة إن شخص قريب مني يقصّر في حقي، أو يغلط، كلنا بيجي علينا وقت ومبنبقاش كويسين، خصوصأ لو ميقصدش، بس عندي مشكلة كبيرة جدًا مع المكابرة في الغلط، وعدم الاعتراف بيه من الأساس.. عندي أزمة حقيقية مع اللي في عز ما الغلط راكبهم، تلاقيهم بيدوّروا على مَخرج يحميهم من الاعتراف بالتقصير، ويحاولوا يخلوا الطرف المظلوم هو الظالم، عندي مشكلة وحواجز كتير مع الناس اللي مبيعرفوش يعترفوا بغلطهم ويعتذروا ويسكتوا، بس ببساطة! عندي مشاكل وحواجز نفسية كتير ضد محترفي قلب الترابيزة، اللي بيكونوا عايزين يطلعوني الشيطان وهما الملايكة، حتى وهمّا غلطانين في حقي.