ကော်ဖီ
ဟိုးရှေးရှေးတုန်းက ကော်ဖီသောက်တာဟာ ပြစ်မှုမြောက်တဲ့ ခေတ်တစ်ခေတ် ရှိဖူးတယ်။ အကြောင်းရင်းကတော့ ကော်ဖီဟာ အလွန်မွန်မြတ်စင်ကြယ်တဲ့ သောက်သုံးစရာ တစ်ခုဖြစ်ပြီး လူသားတွေ သောက်ဖို့ မထိုက်တန်ဘူးလို့ သဘောထားကြလို့ပဲ။ နတ်ကွန်းတွေမှာ နတ်တွေကို ပူဇော်ပသစရာ ပစ္စည်းတစ်ခု အနေနဲ့ပဲ ထားတယ်။
တစ်နေ့မှာ နတ်ကွန်းလာတဲ့ လူငယ်လေးတစ်ယောက်ဟာ ကိုးကွယ်တဲ့ နတ်မင်းဆီ ကော်ဖီဆက်ကပ်လိုက်တဲ့ အခါ ခွက်ကို မတော်တဆ ဆောင့်ချမိသွားပြီး သူ့ မျက်နှာနဲ့ နှုတ်ခမ်းတွေဆီ ကော်ဖီလာ စင်တယ်။ နှုတ်ခမ်းတဝိုက်က ကော်ဖီစက်တွေကို လျှာနဲ့ မတော်တဆ သပ်ချမိတဲ့ အခါ ကော်ဖီရဲ့ ခါးသက်နက်နဲမှုကို သူ အရသာ တွေ့သွားတယ်။ အဲဒီနေ့က စ ပြီး ဘယ်သူ့ကိုမှမပြောဘဲ ကော်ဖီတွေ ကိုယ်တိုင်ဖျော်ပြီး တစ်ယောက်တည်း ခိုးသောက်တယ်။
သူ့ ပုံစံက တက်ကြွပြီး အသက်ရှင်နေထိုင်ရတာ ပျော်ရွင်လာပုံရတဲ့ အခါ လုပ်ဖော်ကိုင်ဖက်တချို့က သူ့ကို မနာလိုဖြစ်လာတယ်။ ဒါနဲ့ လိုက်ချောင်းကြည့်တဲ့ အခါ ကော်ဖီခိုးသောက်နေတာကို မိသွားတယ်။
ဒီလိုနဲ့ အဲဒီနိုင်ငံရဲ့ တရားစီရင်ထုံးအတိုင်း ကောင်လေးကို သေဒဏ်ပေးဖို့ ဖြစ်လာတယ်။ သေဒဏ်မပေးခင် တစ်ည အချုပ်ခန်းထဲ ချုပ်ထားတဲ့ အချိန်မှာ မိန်းကလေးတစ်ယောက်က သူ့ကို လာခိုးတွေ့တယ်။ သူမကိုယ် သူမ နိုင်ငံ့အကြီးအကဲရဲ့ သမီးပါ လို့ မိတ်ဆက်တယ်။ " ရှင် သိလား ။ ဒီနိုင်ငံမှာ ကော်ဖီခိုးသောက်နေတာ ရှင်တစ်ယောက်တည်း မဟုတ်ဘူး။ အထက်တန်းလွှာဆိုတဲ့ လူတန်းစားတွေ အားလုံးပဲ ။ သူတို့က လူရှေ့သူရှေ့မှာသာ ကော်ဖီသောက်တဲ့ အလုပ်ကို ရှုတ်ချအပြစ်တင်နေကြတာ။ ကော်ဖီသောက်လို့ သေရမယ်ဆိုရင် သူတို့လည်း အကုန်သေသင့်တယ် " လို့ ပြောပြီး ကောင်လေးကို ထောင်က ခ်ိုး လွှတ်ပေးလိုက်တယ်။
နောက်ထပ် ဒဏ္ဍာရီ မူကွဲတစ်ခုမှာတော့ လာတွေ့ပြီး ဒီစကားတွေ ပြောပြီး လွှတ်ပေးသူက ဘယ်သူမှန်း မထင်ရှားလိုက်တဲ့၊ အာဏာပိုင်တွေထဲက တယောက်ပါတဲ့။ "လူတွေမှာ ကော်ဖီကို ဆန့်ကျင်ရမယ်ဆိုတဲ့ အသိ အားကောင်းနေသရွေ့တော့ ဒီဥပဒေက ဒီတစ်သက်ပြင်နိုင်ဦးမယ်တော့ မထင်ဘူး"လို့ အဲဒီလူက ကောင်လေးကို ပြောတယ်။ လူတွေကိုတော့ တရားခံက ထောင်ဖောက်ပြေးသွားပြီလို့ သတင်းလွှင့်လိုက်တယ်။
ဒီလိုနဲ့ ကောင်လေးဟာ တခြားနိုင်ငံကို ထွက်ပြေးသွားပြီး ကော်ဖီဖျော်နည်း တွေကို မျှဝေပေးတယ်။ အဲဒီမှာမှ ကော်ဖီကို လူကြိုက်များလာကြပြီး နှစ်တွေခေတ်တွေ ကြာလာတဲ့အခါ ကျနော်တို့ သောက်တဲ့ ကော်ဖီ ဖြစ်လာသတဲ့။
ပိုရက်စက်ပြီး ပို လက်တွေ့ကျတဲ့ ဒဏ္ဍာရီမူကွဲတစ်ခုမှာတော့ အဲဒီအဖြစ်အပျက်တွေအားလုံးဟာ ထောင်ထဲက ကောင်လေးရဲ့ နောက်ဆုံးသော စိတ်ကူးယဉ်မှုတွေ သက်သက်ပါပဲတဲ့။ ဒါပေမယ့် ဒီဇာတ်လမ်းတွေအားလုံးနဲ့ အတူ ကော်ဖီလည်း ကျွန်တော်တို့ဆီကို ရောက်လာတာကို ထောက်ရင်တော့ အဲဒီ ဒဏ္ဍာရီမူကွဲမှာတောင် အကောင်းမြင်စရာလေးတွေ ရှိနေသေးတယ်လို့ ဆိုရမှာပေါ့လေ ။ ။
- ဏေသစ်
ဟိုးရှေးရှေးတုန်းက ကော်ဖီသောက်တာဟာ ပြစ်မှုမြောက်တဲ့ ခေတ်တစ်ခေတ် ရှိဖူးတယ်။ အကြောင်းရင်းကတော့ ကော်ဖီဟာ အလွန်မွန်မြတ်စင်ကြယ်တဲ့ သောက်သုံးစရာ တစ်ခုဖြစ်ပြီး လူသားတွေ သောက်ဖို့ မထိုက်တန်ဘူးလို့ သဘောထားကြလို့ပဲ။ နတ်ကွန်းတွေမှာ နတ်တွေကို ပူဇော်ပသစရာ ပစ္စည်းတစ်ခု အနေနဲ့ပဲ ထားတယ်။
တစ်နေ့မှာ နတ်ကွန်းလာတဲ့ လူငယ်လေးတစ်ယောက်ဟာ ကိုးကွယ်တဲ့ နတ်မင်းဆီ ကော်ဖီဆက်ကပ်လိုက်တဲ့ အခါ ခွက်ကို မတော်တဆ ဆောင့်ချမိသွားပြီး သူ့ မျက်နှာနဲ့ နှုတ်ခမ်းတွေဆီ ကော်ဖီလာ စင်တယ်။ နှုတ်ခမ်းတဝိုက်က ကော်ဖီစက်တွေကို လျှာနဲ့ မတော်တဆ သပ်ချမိတဲ့ အခါ ကော်ဖီရဲ့ ခါးသက်နက်နဲမှုကို သူ အရသာ တွေ့သွားတယ်။ အဲဒီနေ့က စ ပြီး ဘယ်သူ့ကိုမှမပြောဘဲ ကော်ဖီတွေ ကိုယ်တိုင်ဖျော်ပြီး တစ်ယောက်တည်း ခိုးသောက်တယ်။
သူ့ ပုံစံက တက်ကြွပြီး အသက်ရှင်နေထိုင်ရတာ ပျော်ရွင်လာပုံရတဲ့ အခါ လုပ်ဖော်ကိုင်ဖက်တချို့က သူ့ကို မနာလိုဖြစ်လာတယ်။ ဒါနဲ့ လိုက်ချောင်းကြည့်တဲ့ အခါ ကော်ဖီခိုးသောက်နေတာကို မိသွားတယ်။
ဒီလိုနဲ့ အဲဒီနိုင်ငံရဲ့ တရားစီရင်ထုံးအတိုင်း ကောင်လေးကို သေဒဏ်ပေးဖို့ ဖြစ်လာတယ်။ သေဒဏ်မပေးခင် တစ်ည အချုပ်ခန်းထဲ ချုပ်ထားတဲ့ အချိန်မှာ မိန်းကလေးတစ်ယောက်က သူ့ကို လာခိုးတွေ့တယ်။ သူမကိုယ် သူမ နိုင်ငံ့အကြီးအကဲရဲ့ သမီးပါ လို့ မိတ်ဆက်တယ်။ " ရှင် သိလား ။ ဒီနိုင်ငံမှာ ကော်ဖီခိုးသောက်နေတာ ရှင်တစ်ယောက်တည်း မဟုတ်ဘူး။ အထက်တန်းလွှာဆိုတဲ့ လူတန်းစားတွေ အားလုံးပဲ ။ သူတို့က လူရှေ့သူရှေ့မှာသာ ကော်ဖီသောက်တဲ့ အလုပ်ကို ရှုတ်ချအပြစ်တင်နေကြတာ။ ကော်ဖီသောက်လို့ သေရမယ်ဆိုရင် သူတို့လည်း အကုန်သေသင့်တယ် " လို့ ပြောပြီး ကောင်လေးကို ထောင်က ခ်ိုး လွှတ်ပေးလိုက်တယ်။
နောက်ထပ် ဒဏ္ဍာရီ မူကွဲတစ်ခုမှာတော့ လာတွေ့ပြီး ဒီစကားတွေ ပြောပြီး လွှတ်ပေးသူက ဘယ်သူမှန်း မထင်ရှားလိုက်တဲ့၊ အာဏာပိုင်တွေထဲက တယောက်ပါတဲ့။ "လူတွေမှာ ကော်ဖီကို ဆန့်ကျင်ရမယ်ဆိုတဲ့ အသိ အားကောင်းနေသရွေ့တော့ ဒီဥပဒေက ဒီတစ်သက်ပြင်နိုင်ဦးမယ်တော့ မထင်ဘူး"လို့ အဲဒီလူက ကောင်လေးကို ပြောတယ်။ လူတွေကိုတော့ တရားခံက ထောင်ဖောက်ပြေးသွားပြီလို့ သတင်းလွှင့်လိုက်တယ်။
ဒီလိုနဲ့ ကောင်လေးဟာ တခြားနိုင်ငံကို ထွက်ပြေးသွားပြီး ကော်ဖီဖျော်နည်း တွေကို မျှဝေပေးတယ်။ အဲဒီမှာမှ ကော်ဖီကို လူကြိုက်များလာကြပြီး နှစ်တွေခေတ်တွေ ကြာလာတဲ့အခါ ကျနော်တို့ သောက်တဲ့ ကော်ဖီ ဖြစ်လာသတဲ့။
ပိုရက်စက်ပြီး ပို လက်တွေ့ကျတဲ့ ဒဏ္ဍာရီမူကွဲတစ်ခုမှာတော့ အဲဒီအဖြစ်အပျက်တွေအားလုံးဟာ ထောင်ထဲက ကောင်လေးရဲ့ နောက်ဆုံးသော စိတ်ကူးယဉ်မှုတွေ သက်သက်ပါပဲတဲ့။ ဒါပေမယ့် ဒီဇာတ်လမ်းတွေအားလုံးနဲ့ အတူ ကော်ဖီလည်း ကျွန်တော်တို့ဆီကို ရောက်လာတာကို ထောက်ရင်တော့ အဲဒီ ဒဏ္ဍာရီမူကွဲမှာတောင် အကောင်းမြင်စရာလေးတွေ ရှိနေသေးတယ်လို့ ဆိုရမှာပေါ့လေ ။ ။
- ဏေသစ်
