Allim Tv - 🇰🇷🌐 Koreya va boshqa joylarga grant, programalar!

🇺🇿II Koreys tili olimpiadasi (saralash)

O'tgan yilgi Koreys tili olimpiadasi muvaffaqiyatli o'tgani uchun bu yil ham olimpiada o'tkazishga qaror qilinibdi.
(Uzun quloq gaplarga qaraganda olimpiada g'oliblari Koreyaga bepul borib-kelishlari ham mumkin bilishimcha:)

Olimpiada sanasi: 1-dekabr 14:00 dan 16:00 gacha
Joyi: Viloyatda joylashgan maktablarda, keyinchalik saytda e'lon qilinadi.
Ro'yxatdan o'tish sanasi: 28-noyabrgacha

Ro'yxatdan o'tish va imtixon joyini bilish havolasi: korean-contest.softgo.uz

Kimlar uchun:
1) Koreys tilini biladigan, 9-11-sinf o'quvchilari
2) Ishtirokchi o'z maktabi direktoridan olimpiadada qatnashish uchun tavsiyanoma olishi kerak (tavsiyanoma shakli yuqoridagi saytda bor, ro'yxatdan o'tish paytida yuklab olishingiz mumkin)

Olimpiadaning saralash bosqichida Toshkent shaxri, Qoraqalpog'iston Respublikasi va viloyatlardan 10-15 nafardan eng yuqori baxo olganlar Respublika bosqichida ishtirok etishlari mumkin.
Manba: Koreya Respublikasi ta'lim markazi telegrami

P.s. Bu yil GKS bakalavr grantini yutgan bola, o'tgan yili shu olimpiada g'olibi bo'lgan edi. Shuning uchun bu olimpiada qatnashib, eng yaxshilardan (balki g'olib bo'lish nasib qilar) bo'lish sizga katta foyda beradi. Afsus biz paytda bunday narsalar yo'q edi😅

@allimtv

🇰🇷🇺🇿2025 GKS-U Embassy track javoblari

2025-yilgi GKS-U Embassy track 2-bosqichi javoblari e'lon qilindi.

O'zbekiston uchun 2 ta odam g'olib bo'libdi. Yutganlarni tabriklaymiz.

NIIED g'oliblar hujjatlarni tanlangan universitetlarga yuborgan. 20-dekbargacha universitet 2-bosqich g'oliblariga qabul qilinganlik yoki qabul qilinmaganlik haqida habar yuborishi kerak. Shunga emailni tekshirib turinglar! Agar shu sanagacha sizga universitetdan email kelmasa ular bilan bog'laning.

2-bosqichdan o'tganlar qaysi universitetni tanlagani haqida 27-dekabrgacha [email protected] emaili orqali NIIED ga habar yuborishlari kerak.

(Qanday javob yozish important notes faylida kelgan. Yaxshilab o'qib chiqing!)

Qolgan barcha muhim ma'lumotlarni 2025 GKS-U Important Notice faylidan o'qib ko'ringlar!

P.s. Bu yil rejadagidek 2 ta odam Embassy track dan o'tdi. Umid qilamizki keyingi yili ko'proq odam grant sohibi bo'ladi! Lekin aytishlaricha endi kutishga tushadigan nomzod bo'lmas ekan. Shuncha kutib oxirida GKS yutmasligi ham mumkinligi uchun:(
InshaAlloh oy oxirigacha University track javoblari ham chiqadi!

@gksallim

🇺🇿Ishga: Xorazmda 1 kunlik tarjima

19-noyabr kuni Xorazmda 1 kunga tarjimon kerak. (Xorazmda turadigan odam kerak, o'sha yerda ko'rishib bir kun tarjimaga yordam berish kerak)
Koreys-O'zbek tiliga.
Mavzu IT ta'lim.
To'lov 100-150$ (tajribaga qarab).
@sadulla91 telegrami orqali habar berishila mumkin.
Maqul kelgan nomzod bilan suhbat qilinadi va rezyumeni yuborish so'raladi.

P.s. KOICA ishi bo'yicha tarjimon qidiryapmiz, Xorazmda yordam beradiganlar bormi?:)

@allimtv

🇰🇷Ishga: DL E&C ishga qabul qiladi

Koreyaning DL E&C kompaniyasi injinerlik yo'nalishi bo'yicha diplomga ega va 2025-yil fevral oyida diplom oladigan talabalarni ishga taklif qiladi.
Injinerlikni aynan qaysi sohalari uchun ishga taklif qilishayotganligini rasm va quyidagi havola orqali bilib olishingiz mumkin.

Ishga kirish talablari:
1) Dipomga ega bo'lish (yoki 2025-yil fevralda olish)
2) Sohaga mos yo'nalishda o'qish
3) TOPIK 4-daraja yoki undan yuqori sertifikat egasi bo'lish
4) E-7 viza olishda muammosi yo'qlar

Hujjat topshirish: 18-noyabrgacha.
To'liq ma'lumot va ro'yxatdan o'tish uchun: https://dlenc.recruiter.co.kr/career/jobs/34716

Ishga qabul qilinganlar vaqtinchalik ishga olinib, 2 yildan so'ng doimiyga o'tishlari mumkin.
Ishga qabul qilish tartibi: Hujjat topshirish - AI imtixoni - Suhbat (2 bora) - Viza o'zgartirish.

P.s. Injinerlik yo'nalishini o'qib, ish izlab yurganlar uchun yaxshi imkoniyat. Bu ishga Mustaqil Hamdo'stlik davlatlariga kiruvchi davlatdan kelib, Koreyada o'qiyotgan hamma topshirsa bo'ladi. Harakat qilib qoling:)

@allimtv

🇺🇿🇰🇷97-TOPIK imtixoni

Ertaga O'zbekistonda 2024-yilgi eng oxirgi TOPIK imtixoni bo'lib o'tadi.
Imtixonda mayda narsalarni ham ko'zdan qochirmasdan, fikrni bir joyga jamlashga harakat qilishni maslahat beraman. E'tiborsizlik eng katta dushman.

16 yildan beri TOPIK imtixoni topshirayotgan odamdan ozginayu-sozgina maslahatlar:
1) Vaqtni to'g'ri taqsimlang
2) E'tiborli bo'ling
3) Mayda narsalarga chalg'imang
4) Bitta savol ustida o'ylanib qolib ko'p vaqtingizni yo'qotmang!

Rasm manbasi: Topik imtixoni rasmiy telegram kanali

P.s. InshaAlloh barcha o'zi kutgan natijaga erishsin! Mabodo o'xshamasa yana imkoniyat bo'ladi:)
#topik #97 #imtixon #koreystili

@allimtv

🇺🇿Sharqshunoslikda uchrashuv

Bugun soat 14:30 da Sharqshunoslik universitetda "GKS granti haqida uchrashuv" bo'lib o'tadi.

Bu uchrashuvda GKS granti haqida hamma ma'lumotlarni olishingiz mumkin. Uchrashuvda "O'zbekiston GKS talabalari uyushmasi"dan Dilfuza Abbosova va men Ibragimov Sadulla (Allimt admini) ma'lumotlar beramiz:)

Shunga vaqti borlar bemalol kelishi mumkin deb o'ylayman.
Manzil Sharqshunoslik universiteti asosiy binosi 1-qavat.

P.s. Universitetlarda bunaqa uchrashuvlar yana bo'ladimi yo'qmi bilmayman. Shunga qimmatli ma'lumotlar quruq qolib ketmang😉

@allimtv

🇰🇷BUSA jamoasidan shaxmat bellashuvi

Busandagi O'zbek talabalari uyushmasi (BUSA) Koreyadagi hamyurtlarimizni shaxmat maydonida kuch sinashishga taklif qiladi.

Qachon: 17-noyabr, 10:00 dan 15:00 gacha
Manzil: Silla universiteti Xalqaro binosi 424-xona (국제관)
Ro'yxatdan o'tish sanasi: 15-noyabrgacha
Ro'yxatdan o'tish uchun havola: https://forms.gle/T9FgHC6qeaiuNHtF8

Tanlov g'oliblariga:
1-o'rin uchun 200 000 won
2-o'rin uchun 150 000 won
3-o'rin uchun 100 000 won mukofot pullari beriladi.
Manba: BUSA telegram kanali

P.s. Koreyadagi hamyurtlarimiz shunday tadbirlar orqali birlashtirish juda yaxshi. Bu orqali ona yurt sog'inchini bosish mumkinmi deymanda nima deysiz?

@allimtv

🇺🇿Maktab o'quvchilari uchun grant

Kimlar uchun: 2007-yil 1-fevraldan, 2009-yil, 31-dekabrgacha tug'ilgan o'g'il bolalar.
Toshkent shaxrida maktabda o'quvchi va maktabni bitirganlar uchun!

TOPIK 1-daraja yoki bundan baland darajasi egasining grantni qo'lga kiritish imkoniyatlari ko'proq.

Grant qoplaydigan harajatlar: O'qishga kirish puli, o'qish puli( 3 yilga), turar joy (yotoqxona) va ovqat harajatlari. Ta'tilda O'zbekistonga kelib ketish harajatlari ham qoplanadi.
O'qish muddati: 2025-yil 1-martdan - 2028-yil 29-fevralgacha (3 yil)

Grantga hujjat topshirish muddati: 18-noyabrgacha (Toshkentdagi Koreys tili markazi 2-qavat 210-xona)

Kerakli hujjatlar:
1) Shahar xalq ta'limi boshqarmasidan tavsiyanoma;
2) Maktab, kollej yoki litesy direktori (nomzod o'qidigan joy) dan tavsiyanoma;
3) 9-sinfni bitirganligi haqida hujjat;
4) 6, 7, 8-sinf tabel baholari
5) Tibbiy ma'lumotnoma (086 forma)
6) Agar mavjud bo'lsa TOPIK I yoki bundan yuqori imtixonni topshirgani haqida sertifikat (majburiy emas)
7) Koreyada o'qish haqida ariza
8) Shaxsiy ma'lumotlarni taqdim etishga rozilik hujjati
9) Xorijga chiqish pasporti nusxasi
10) 3x4 rasm 1 dona

1-dan 5-gacha bo'lgan hujjatlarni Koreys tiliga tarjima qilib, notariusdan tasdiqlatish kerak.
7 va 8-hujjatni tashkec.uz saytidan saqlab olib, to'ldirish kerak

Nomzodlarni tanlash yo'li:
20-noyabr 10:00 - 11:00 da imtixon va 11:10 - 12:00 da suhbat bo'ladi.

Qo'shimcha ma'lumotlar uchun: [email protected] Telefon: +71 2918182
Manba: Koreys tili markazi telegram kanali

P.s. Maktab o'quvchilari uchun bu juda yaxshi imkoniyat! Lekin faqat Toshkent uchun berilgani g'alati.

@allimtv

🇰🇷2025-yilgi LG CNS xalqaro malaka oshirish

+Doimiy ishga kirish imkoniyati bilan!

LG kompaniyasi DX Engineer larni ishga qabul qiladi. Chet ellik xodimlar turli-tuman loyihalarda qatnashib, Koreya va chet eldagi vakolatxonalarda ishlash imkoniyatiga ega bo'ladi.

Kimlar uchun:
1) Koreya universitetlarida bakalavr yoki undan yuqori daraja diplomi bor yoki 2025-yil Fevral oyida bitiradiganlar
2) Koreys tilidan TOPIK 4 yoki undan yuqori darajasi borlar
3) D-2 yoki malaka oshirishda ishlay oladigan vizasi bor va E-7 vizaga almashtira oladiganlar.
+ albatta shu sohani o'qiganlar bo'lishi kerak.

Ishga qabul qilish tartibi: Ariza to'ldirish - Kodlash testi - 1-suhbat - malaka oshirish - yakuniy intervyu va baxolash - doimiy ish o'rniga taklif qilish.

Ishga hujjat topshirish muddati: 11-noyabrgacha.

Hujjat topshirish havolasi: https://careers.lg.com/app/job/RetrieveJobNoticesDetail.rpi?jobNoticeId=402894

Malaka oshirish muddati: 2-yanvardan 28-fevralgacha. 8 haftalik malaka oshirishdan keyin yakuniy suhbat bo'lib o'tadi.

P.s. Ish qidirayotgan IT sohasidagilar uchun yaxshi imkoniyat. Koreyaning 3 ta gigant kompaniyalaridan birida ish tajriba orttirish oltinga teng bo'ladi:)

@allimtv

🇺🇿Magistr va PhDga elektron viza

Bunaqasini eshitganmisiz?
Men yaqinda eshitdim. Koreyaning sanoqli universitetlariga kirishda bunday imkoniyat bor ekan.
Ulardan biri Janubiy Koreyaning Kangwon universiteti.

Elektron vizaga hujjat topshirayotganda:
1) Ota-ona yillik daromadi hujjati;
2) Elchixonaga viza uchun hujjat topshirganda bir oylik KDB bank hisobi hujjati kerak emas
3) IELTS bandlari bo'yicha baholar ham ahamiyatsiz

Kamiga bu Kangwon universitetining Global business fakultetiga birgina suhbat orqali o'qishga kirish imkoniyati ham bor ekan.
Bu Koreyaga ketishni xohlaganlar uchun ajoyib imkoniyat.
Suhbat qilish uchun onlayn yoki Toshkentga kelishiz shart emas.
Ular suhbat olish uchun o'zlari viloyatga borishar ekan.

Batafsil ma'lumot uchun:
https://t.me/sam_inter_silk_road

Shoshiling, ro'yxatdan o'tish vaqti kam qolgan!

Post reklama sifatida qo'yildi. Tanish bilishchilik asosida:)
P.s. Koreyaga o'qishga ketishni xohlovchilar uchun yaxshi imkoniyat. Kangwon universiteti Koreyada eng yaxshi 50 talikka kiradi.

@allimtv