⚠️ Ҳушёрлик — давр талаби. Мигрантлар эса икки карра ҳушёрроқ бўлишлари керак!
Ҳушёр мигрант ким?
— Ўзи билмаган/тушунмаган тадбир, гуруҳ, жамоаларга аралашмайди;
— Маъно-мазмунини яхши билмаган ҳужжатларга имзо қўймайди;
— Ҳужжатсиз юрмайди;
— Барча ҳужжатларининг нусхаси (ксерокопияси) қилинган бўлади ва асосий ҳужжатларидан алоҳида, ишончли жойда сақланади;
— Рус тилини билмаса, тилни яхши биладиган ишончли шерикларсиз узоққа кетмайди;
— Ташқи меҳнат миграцияси агентлиги, Ўзбекистон Республикаси консуллиги, бепул ва пуллик юристлар ва журналистларнинг контактлари телефонига сақланган бўлади;
— Яқинлари билан доим алоқада бўлиб туради, йўқолиб қолмайди. Ишонган, дадил қариндошлари, дўстлари ёки шериклари билан алоқада бўлади — телефони, қаерга чиқиб кетаётгани, геолокацияси, ҳужжати ва мақсадини айтиб/алмашиб туради. (Бирор нарса бўлса уни излаш осон ва тез бўлиши учун) ;
— Имкон қадар иккита телефон, иккита рақам ишлатади (запас)
— Имкон қадар иккита (икки хил) банк картасини ишлатади (запас). Масалан, Сбербанк ва Тинькофф.
— Сим карта ва интернети икки хил операторга тегишли бўлади. Масалан, Билайн ва Теле2
— Билет олишга яраша доим пули бўлади. Ўзи умуман кетишга доим тайёр бўлиб юради. Россияга келган кунининг эртасидан руҳан кетишга тайёр юради;
— Ўзи ишонган шифокорларнинг контактини телефонига сақлаб қўйган бўлади. (Бирор безовталик бўлса боғланиб, маслаҳатлашиши учун) ;
— Ҳар ой запрети ва ҳужжатларининг жойидалигини бепул ёки пуллик ресурслар орқали текшириб туради;
— Доим режа билан иш тутади. Масалан, патенти учун кейинги ой тўлаши керак бўлган пулни бу ой ажратиб қўяди. Икки ойдан кейин қилиши керак бўлган кирди-чиқди учун манзилни ҳозирдан излайди. Бир ойдан кейин керак бўладиган дам олиш кунини ҳозирдан сўраб, иш берувчига ариза ёзади ва ҳ.к. ;
— Мигрантларга тегишли янгилик ва хабарларни ўқиб, огоҳ бўлиб юради;
— Зерикса, чарчаса, атрофдагиларга ва ўзига зарар келтирмайдиган дам олиш турини танлайди.
Яна нималарни қўшган бўлардингиз? Постни мигрантларга юбориб қўйинг!
© Зарнигор Омониллаева
👉 t.me/musofirlar