#seminar #vorkshop
FIDE 3.4 zonasi prezidenti boshchiligida Osiyo Shaxmat Federatsiyasi va O'zbekiston Shaxmat Federatsiyasi koʻmagida 2024-yil 25-noyabrdan (seminar boshlanishi) 27-noyabrgacha (seminarning oxirgi kuni, testlar) FIDE hakamlari seminari Toshkent shahrida boʻlib oʻtadi.
Seminarni xalqaro hakam, FIDE ma’ruzachisi Ashot Vardapetyan va assistent – xalqaro hakam, FIDE ma’ruzachisi Husan Turdialiyev (O‘zbekiston) olib boradi.
Ishtirok etish uchun arizalar tashkiliy qo‘mitaga 2024-yil 20-noyabrgacha kechiktirmay elektron pochta orqali yuborilishi kerak.
Seminar va test sinovlaridan muvaffaqiyatli o‘tgan ishtirokchilar “FIDE hakami” unvoniga sazovor bo‘lish standartiga ega bo‘ladilar.
Test sinovlaridan o‘tayotgan barcha hakamlar seminarda qatnashish uchun O‘zbekiston shaxmat federatsiyasiga 20 yevro miqdorida kirish to‘lovini to‘laydilar, keyinchalik bu to‘lov FIDEga yuboriladi. FIDE bilan NA litsenziyasi uchun to'lov ham 20 evroni tashkil qiladi.
Hakamlarni seminarga yuborish ularni yuboruvchi tashkilotlar hisobidan amalga oshiriladi.
O’rinlar soni cheklangan.
Ushbu tadbir FIDE litsenziyasiga ega hakamlar uchun kontinental Workshop bo'lib, rus tilida bo'lib o'tadi va shaxmat atamalari esa ingliz tilidagi bo'ladi. Workshop 2024-yilning 28-29-noyabr kunlari Toshkent shahrida Xalqaro shaxmat akademiyasida bo‘lib o‘tadi.
Maqsad – Shaxmat qonunlari va FIDE musobaqalari qoidalaridagi so‘nggi o‘zgarishlardan xabardor bo‘lgan va FIDE doirasida bo’lib o’tadigan tadbirlarda yuqori darajadagi ko‘pmillatli hakamlik jamoalariga mukammal darajada qo‘shila oladigan, Osiyolik litsenziyalangan hakamlar va kadrlarini tayyorlash.
Seminarni xalqaro hakam, FIDE ma’ruzachisi Ashot Vardapetyan va assistent – xalqaro hakam, FIDE ma’ruzachisi Husan Turdialiyev (O‘zbekiston) olib boradi.
Workshopda ishtirok etish uchun barcha hakamlar uchun kirish to'lovi 20 evro (Milliy valyutada MBning kursi bo‘yicha to‘lanadi) tashkil qiladi.
Sayohat xarajatlari Milliy federatsiyalar yoki ishtirokchilar tomonidan qoplanishi kerak.
Shuningdek, kerakli hujjatlarning skanerini telegram orqali oldindan yuborishingiz va onlayn ro'yxatdan o'tishingiz mumkin.
🚀 Telegram 🔵Facebook 📷Instagram