الطلاب الي وكف اعفائهم على درس و ضايجين لان ما طلعوا اعفاء ⬇️
انت بطل انت سويت شي اكو طلاب ممفكره تسوي الي هو حاولت تطلع اعفاء عام درست و تعبت و ما تنام و انحرمت من هواي شغلات علمود الاعفاء بس ما طلعت اعفاء عام لان صارت عندك اخطاء
هنا لازم تتقبل امر الواقع يمكن الله ضام الك فرحة جبيره بالسادس و الي هو المعدل و القسم الي تريده بوكتها راح تفرح العمر كله لان الاعفاء هو سنة وحده بس وين اذا قسم راح يحدد مستقبلك
و لا تنسى انت درجاتك عالية و سعيك عالي يعني ف باخير السنة راح يحتاجلك درجات قليلة و تنجح اكو طلاب يحتاجلهم بس 16 و اكو 20 على السعي ف بهاي الحالة يعني ما راح تتعب هواي عكس بعض الطلاب الي اصلا يحتاجلهم فوك ال75 لان ما فاتحين الكتب كلش
و ارجع و اكول هالشي صح يضوجك و تنقهر لان تشوف نفسك ما طالع اعفاء و غيرك طالع بس ممكن هالشي خير الك بعدين بالسادس 🫶