أتمنى اعمل معاكي بيت دافي ، بنصحى فيه قبل الفجر نتوضى ونصلي ونقعد انا وانتي نفطر وناخد الشاي في الساعتين اللي قبل الشغل ، ونتشارك احلامنا واوجاعنا وخططنا للجاي ..
وعن الجمعية اللي هندخلها عشان نشتري التكييف ونبيض البيت .. وتحكيلي انك حاسه انك حامل وعايزه نروح للدكتور نطمن ،واحكيلك عن مشاكل الشغل وتطمنيني ان الجاي أحسن ..
والمهم اننا سوا ، ونهون على بعض مشاكل الحياة ، وتوصيني منساش اجيب لبن وانا جاي عشان ناوية تعملي كيكة ..
والبس وقبل ما انزل ابوس راسك على باب الشقة وتقفي في الشباك تبصي عليا وانا ماشي وتدعيلي ان ربنا يرزقني ويراضيني لاني مراضيكي ..
اتمنى اعمل معاكي حياة أهدى وابقالك الونس وشريك في انترية واحد وكبايتين شاي وكلام مهما اتعاد ميبقاش مُمل .