فاركونه الماردت فركاهم
ولاني ميت ولاخذوني وياهم
تغيرت ذيج المحنه
وبعد ميرجعون اهلنه
العاشو اوياي بوفه شينساهم
فاركونه المارد فركاهم
ولاني ميت ولاخذوني وياهم
+++++++
جنه من نكعد سوه شمحلاتنه
والله يامحلى الحجي وضحكاتنه
ياوسافه الموت طش كعداتنه
الجانو بوسط الكلب
هسه نامو عالتراب
الموت اخذهم مني وين الكاهم
فاركونه الما ردت فركاهم
ولاني ميت ولا خذوني وياهم
++++++++
الموت فاركنه واخذ وين الحنينه
بلحضة راحت عشرة ايام وسنينه
المفارك حكه من ايضل حزينه
ويبقى للهم والعذاب
الدفن احبابه بتراب
ينجرح كلما سمع طاريهم
فاركونه المارد فركاهم
ولاني ميت ولا خذوني وياه
++++++
يبقى للهم والحزن والذكريات
والي يفكد غالي منه اعتبره مات
بغير لمة احبابنه شنهي الحياة
بلايه شوفي عيونهم
شنهي يسوه بدونهم
العمر مايسوه وعلي بلياهم
فاركونه المارد فركاهم
ولاني ميت ولا خذوني وياهم
++++++
شنهي كعدتنه بعد من دونهم
واحنه ندري بالتراب عيونهم
ريت هسه نعرف كون اشلونهم
اشلونهم بالمكبره
وبيهم شسوه الثره
راحو وعايش بقى ذكراهم
علي الخليفاوي