يارهيف القد ياترف يامنسوع جيد
انت غاية قلبً اصرم حناياه الوله
والله أنك فارقً مالك أشباه ونديد
فيك ماتهوى النفوس وتسج الأخيله
من لمح في وجهك اشراقة الصبح الجديد
مانشد عن سود الأيام واللي تحمله
ضامني في غيابك الوجد يالدّر الفريد
وانت مرتك الرجاوي وعادت ممحله
قلبك اللي من طهر ليه صاير من حديد
والقسىّ ماهو بطبعك ولا انت من أهله
شفني من الهجر اعاني وانا رايي سديد
مثل ماعانا من الضيق خصرً تعزله
راعني وانظر بعين المحبه ياعنييد
الجفى مرّ على الكبد مثل الحنظله
زدني بقربك وانا اقول لك هل من مزيد
لا تحاول تخلق من المواصل معضله .