University Dz 🇩🇿 pinned «🔴 الطلبة لي راح يعاودوا الباك هذا العام ان شاء الله كاين هاذي القناة فتحتها في 2022 بصح محطيت فيها والو لكن هذا العام راني نحط فيها دايمن اي حاجة نفيدك في الباك راح تلقاها فيها 👇🔹 تمارين 🔹 دروس 🔹اختبارات 🔹مواضيع بكالوريا مقترحة 🔹ملخصات رابط القناة : …»
🟩 فوائد بطاقة الطالب ▪️ الدخول إلى أي مؤسسة جامعية في 58 ولاية ▪️ الاستفادة من المبيت في الإقامات الجامعية كي تسافر لولاية بعيدة ▪️ الدخول إلى المسارح والمعارض الجهوية والوطنية من غير دعوة ▪️ تتلقى عروض وتخفيضات في المؤسسات التكوينية الخاصة ▪️ تدخل بيها لمركز التعليم المكثف للغات التابع للجامعة ▪️ استعارة الكتب ▪️ و أهم حاجة يعني تسطر بيها و تاكل بيها في ريسطو 😊💚 . . University Dz
🔴 الطلبة لي راح يعاودوا الباك هذا العام ان شاء الله كاين هاذي القناة فتحتها في 2022 بصح محطيت فيها والو لكن هذا العام راني نحط فيها دايمن اي حاجة نفيدك في الباك راح تلقاها فيها 👇 🔹 تمارين 🔹 دروس 🔹اختبارات 🔹مواضيع بكالوريا مقترحة 🔹ملخصات رابط القناة : https://t.me/baac2k25
🔴 بالنسبة للطلبة لي عندهم "ميموار" ليسانس أو ماستر هاد العام حاب نوريلكم عفسة فادت الطلبة الاعوام الماضية: كاين واحد l'outil اسمو dspace يسمحلك باش دير plateforme تحط فيها les thèses mémoires و يكون كلش graphiquement يعني ماكالاه تكون تعرف البرمجة أغلب الجامعات الجزائرية والفرنسية يخدمو بيه وفي كل جامعة كاين المئات من مذكرات التخرج وفي كامل التخصصات سواءً العربية أو الإنجليزية أو الفرنسية. ادخل لـ Google اكتب "DSpace université" راح يحطلك كامل الجامعات الجزائرية اللي تحط مذكرات التخرج .. و كي تخير كاش جامعة ادخل فيها واكتب في خانة البحث اسم le mémoire تاعك و راح تلقاو les mémoires كامل version électronique يعني PDF ولا Word ... كشما تستفادو منهم و من تلك المذكّرات.. الله يوفقكـم ♥️ . . . . University Dz
🔴موقع المنحة الجامعية لحد الآن لم تحدد فترة غلقه، لكن على الطلبة التجديد لأن "منحة شهر أكتوبر" يتم صبها لمن تم قبول ملفاتهم فقط شارك المنشور مع صحابك ✅ . . . . University Dz
🔴 باذن الله راح نحاول نوفرلكم اي حاجة تحتاجوها في كل تخصص cours - TD -TP - Examens... فقط يدو شويا وقت اذا استفدت من قناة برطاجيها مع صحابك هكا تدعمني و نزيد نمدلكم اكثر . . . . University Dz
بزاف طلبة يحبوا يتعلموا الانجليزية و يطوروا من مستواهم فيها لكن ميعرفوش الطريقة الصحيحة لي يمشوا عليها باش يتعلموا و اذا بداو يتعلموا يبداو أيام و مبعد يحبسوا لانو مكاش الحافز ولا معندهش الطريق لي يوجهم لأفضل نتيجة اليوم راح نوريلكم الطريق الصحيح و الافضل لتعلم وتطوير من مستواكم في بعض الخطوات :
🔹 Listening and Speaking (التحدث والاستماع) : - حاول ترجع الانجليزية روتين يومي في حياتك تتفرج فيديوهات بالانجليزية في مجال بالترجمة او بدون مع الوقت راح تقدر تستغنى عليها ايضا اتفرج podcast كاين بزاف في يوتيوب حوس برك حاجة الاهم في هذا المنشور هو podcast . - حوال دايمن تهدر بالانجليزية حتى وملقيتش معامن تهدر مع نفسك كون حوار داخلي مع نفسك و كاين مواقع تخدم بالذكاء الاصطناعي تخلقلك حوار بينك وبينها كأنك تحكي مع الناس حاول تعاود الجمل والكلمات كيما تشوفهم في المسلسلات والافلام (رد بالك تتفرج المحرمات) لانو راح تكتسب اللغة كيما يهدروها السكان الاصليين .
🔹 Reading and Vocabulary ( القراءة والمفردات ) : - عود نفسك تقرا كلش بالانجليزية مام متفهمش مع البداية لكن مع الوقت تكتسب زاد من المفردات والجمل حاول تقرا كتب مجلات منشورات بالانجليزية اخبار اي شي روتيني في حياتنا اقراه . - حاول تكتب الكلمات الجدد وتوظفهم في جمل لانو الجملة هي افضل وسيلة تقدر تشد بيها مصطلحات جدد متحفظش الكلمات لانو راك تنساهم بعد مدة .
🔹 Writing and Grammar ( الكتابة و القواعد ) : -حاول دايمن تعبر وتكتب بالانجليزية واش صرالك في اليوميات انتاعك تحط منشورات في مواقع التواصل تستعمل التطبيقات لي تساعدك في تعلم القواعد وكتابة جملة صحيحة او فقرة . ركز على القواعد كي تكون تسمع ولا تقرا في اي عفسة لانو راح تكتسب منها القواعد ثاني نزيد نذكرك انو podcast عندو فايدة كبيرة في واش ذكرنا كامل .
في الاخير حاول دايمن تفكر بالانجليزية مثلا واش راح دير غدوة واش راح دير اومبعد اي عفسة ترجمها في عقلك للانجليزية واذا معرفتش عادي استعن بالترجمة و حط هدف في راسك توصل ليه بعد مدة مثلا بعد عام يكون مستواك B2 باذن الله راح تلحق اذا بقيت في استمرارية .
ان شاء الله يكون فادكم المنشور متنساش تبرطاجي مع صحابك يستفادوا . . . University Dz