يُؤجلها الله ولا ينساها، ليصنعها لك على الشكل الذي تتمنّاه، ليُلبِسك ثيابها على المقاس الذي يليق بروحك، لتُقبِل عليك باسمة في الوقت المُقَدَّر لها، فآمالك الصادقة في أمان، عند اللّطيف، الكريم، الوهّاب، الذي يهب ما يشاء إلى مَن يشاء، وأنت جزء يسير من مشيئته العُظمى♥️.
أدعو الله دومًا بالحب، الحب الذي يحفظ عليَّ بساطتي ويجعل الدفء يشرق في قلبي، حبًّا يشبهني لا أشعر معه أني ألهث كي أثبت شيئًا ما، حبًّا صبورًا يترفَّق بهفواتي وجهلي.
دااكلب بالقناة وشفت هذا الفديو عيوني صارت هيج حرفيًا🥹
عبالك ذاك اليوم ياربي ! شكد جنت احسها فترة صعبة شكد جنت احسها ايام ثكيلة ومراح تمر بسهولة
بس مرت !! تخيلوا مرت خلص بقت بس ذكرياتها والحمدلله صح هواي تعبت كلش هواي بس بنفس الوقت استمتعت بالرحلة
ونجحت من السادس الي جان بالنسبة الي كابوس وراها دخلت الجامعة وهم كلت يووو 4 سنين شراح يخلصهن بس هم تخرجت من الجامعة الاريدها والقسم الي اختاريته وبتقديرات حلوة رغم كل شي
واليوم اني موظفة بالوقت الصحيح الي رب العالمين اختاره الي رغم جنت انقهر لان دفعتي الاصلية تخرجت قبلي ب 4 سنوات .
منبهرة من رحمته من يأخذ شي شلون يعوض بـ اشيااااااء 💛
وهاي اعتبروها رسالة الكم مهما جانت الايام الي دتعيشوها صعبة راح تعدي . حتى اني ! دااعيش حاليا ايام صعبة بس اعرف راح تعدي وراح ارجع اكتب شلون جنت اكول ايام ثكيلة بس صارت سوالف ولتنسون ان الايام تعدي صح بس تبقى محسوبة من العمر واليوم الي يروح ميرجع
فخلوا المتعة بالطريق مو بالوصول !
ويارب كلكم تنولون اهدافكم بأسهل وايسر الطرق 🥹 انتوا الي عليكم السعي وبس وصدكوا رب العالمين ميعوف احد ابد 🤍