من ألطف ما حدث ..
ما بظن بعد في حُب أكتر من هيك 🤍!
• كتبَ أحدُهم :
مِن العبارات دائمة النُطقِ لصديقٍ مقرب إليَّ هيَ :
" مو متل ريتا "
طَبعاً ريتا زَوجتهُ الآن ؛ من ٤ شهور تقريباً .. وَ خطيبتهُ منذ عامين .. والتي كانت حبيبته منذ ٧ سنين
بِمَحض الـلااراداية وَ العَفوية ، كلُ الأشياء لديه
"مو متل ريتا "
كُنا في المطعم .. مجموعة شباب ؛ وعندما كنا نتحدث عن الشيش طاوق كان رأيهُ :
" اي مو متل يلي بتعملو ريتا "
وَ طبعاً ليست المرة الأولى ولا الثانية ..
ولا حتى الألف!
فأيُّ فتاة ..
" اي مو متل ريتا .. ريتا أحلى "
وَ عن أي صفات
" اي بس ريتا أصدق ..
مو متل ريتا .. ريتا ماعندها هالحركات
مستحيل .. مو متل ريتا .. بيطلعوا عليها التياب أحلى"
وَ الجميل ؛ الاستثنائي .. المُضحِك و العفوي .. هو تذكرهُ لها بعبارة :
" بتعرف لو كانت ريتا هون
لكانت ... "
في أي حادثة وَ أي طُرفة ؛ وأي زمان أو مكان
مُنذ ٧ سنين ، في الثالثة ليلاً اذكرُ اتصالهُ ليخبرني عنها .. ما بَقي في ذاكرتي عَما تحدث لِي كان :
" أكيد شكلي حبيتها ..
- ليش؟
عندها حركات فَظيعة .. لازم عرفك عليها ؛ بالله لا تنسى تشوف كيف بترفع حواجبها وقت ما يعجبها شي .. أو وقت تمشي لحالها بتركض ركض
اذا بتتركها ع راحتا؟ بيعبي صوتا الحارة"
هَذه التفاصيل الصغيرة
هي التي تَصنعُ الحُب العجائبي هذا
الأشياء الصَغيرة التي نعرفها عن بعضنا البَعض ، بصغرها وغرابتها ومدى جمالها أو بشاعتها هيَ التي تَجعَلُ هذه العلاقة ممُيزة ..
الجَوائِزُ المُرضية ، وَ حَلوَى هَذِهِ العَلاقات .. هيَ شِدَةُ هَذِه التَفاصيل 🌻🤍🤍🤍🤍.