Hədis-Evi

Həzrət İmam Əli (ə) buyurub:

Əməlin savabı onun əziyyət və zəhməti qədərdir.

(Ğürərul-Hikəm, hədis 4690.)
https://t.me/Shia_Hadis

Həzrət Rəsulullah (s) buyurub:

"Hər kim müsəlmanların qəbirlərindən olan bir qəbirdə (onun yanında) Allahın (c) kitabından bir ayə oxusa, Allah (c) ona yetmiş peyğəmbərin (ə) savabını əta edər! Hər kim qəbirlərin əhli üçün bağışlanma diləsə, cəhənnəm odundan nicat tapar və gülən halda cənnətə daxil olar!"

(Biharul-ənvar, cild 99, səh 300, hədis 29.)
https://t.me/Shia_Hadis

İmam Baqir (ə) buyurub:

Yaradılmışların arasında Allahın qəzavü - qədərinə və əmrinə təslim olmağa ən ləyaqətli insan, Allahı tanıyandır.

(Biharul-ənvar, cild 71, səh 153, hədis 63.)
https://t.me/Shia_Hadis

Allahın Peyğəmbəri (s) buyurub:

Ümmətim üçün üç şeydən –(Haqqı və ya haqq yolu) tanıyandan sonra azğınlığa düşməkdən, azdırıcı fitnələrdən, qarınqululuq və şəhvətpərəstlikdən qorxuram.

(əl-Əmali, səh 157, hədis 263.)
https://t.me/Shia_Hadis

Əhməd ibn Muhəmməd mənə Əli ibn Həkəmdən, o da Davud əl-İclidən, o da Zürarədən, o da Hümrandan İmam Əbu Cəfər Muhəmməd Baqirin (ə) belə buyurduğunu nəql edir:

“Uca Allah məxluqları yaratdıqda şirin və acı şor suyu da xəlq etdi. Sonra bu iki su bir-birinə qarışdı. Yerin üst təbəqəsindən torpaq götürüb onu möhkəmcə ovub narınlaşdırdı. Sonra həmin
vaxt zərrə kimi olan sağ tərəf sahiblərinə (saleh əməl sahiblərinə) salamatlıq və asayiş içində Cənnətə getmələrini, sol tərəf sahiblərinə isə “Sizə heç bir əhəmiyyət verməyəcəyəm, oda girin!” deyə buyurdu. Sonra buyurdu: “Mən sizin Rəbbiniz deyiləmmi?”-soruşmuş, onlar da: “Bəli, Rəbbimizsən!” -deyə cavab vermişdilər. (Belə bir şahidliyin səbəbi) qiyamət günü: “Biz bundan qafil idik” deməməniz üçündür”. (Əraf surəsi, ayə 172.)
Sonra peyğəmbərlər barədə onlardan əhd aldı və “Mən sizin Rəbbiniz deyiləmmi?” deyə buyurdu. Ardınca buyurdu: “Bu, Allahın elçisi Muhəmməd, bu, möminlərin əmiri Əlidir”. Peyğəmbərlər “Bəli” deyə cavab verdilər və bununla da peyğəmbərlikləri təsdiqləndi. Həmçinin ulul-əzm peyğəmbərlərdən əhd alaraq “Bilin ki, Mən sizin Rəbbiniz, Muhəmməd elçim, Əli möminlərin əmiri, ondan sonrakı canişinlər əmrlərimin icraçıları və elmimin xəzinədarlarıdır. Mehdi ilə isə dinimi qalib edəcək, dövlətimi quracaq, düşmənlərimdən intiqam alacaq, istəsələr və ya istəməsələr də ibadət olunacağam” buyurdu. (Ulul-əzm peyğəmbərlər) dedilər: “Ya Rəbb, iqrar və şahidlik edir”. Adəm isə nə inkar, nə də təsdiq etdi. Mehdi mövzusuna görə ulul-əzm peyğəmbərlik beş nəfər üçün təsdiqləndi. Amma Adəmdə bunun iqrarı üçün əzm görünmədi. Bu da Uca Allahın Qurandakı sözüdür: “Doğrusu, bundan əvvəl Adəmə də tövsiyə etmişdik. Lakin o (tövsiyəmizi) unutdu və Biz onda (əhdi qorumağa) əzm (səbat) görmədik”(Taha surəsi, ayə 115.)
Yəni qəsdi olsa da bundan vaz keçdi. Sonra Cəhənnəm oduna alovlanmasını buyurdu. Ardınca sol tərəf (pis əməl) sahiblərinə “Oraya daxil olun!” deyə əmr etdi. Onlar (odu görüb) böyük qorxu keçirdilər. Sağ tərəf sahiblərinə isə oraya daxil olmalarını buyurduqda onlar (şək-şübhəsiz) oda girdilər. Od onlar üçün sərin və xətərsiz oldu. Sol tərəf sahibləri dedilər: “Ya Rəbb, bizi bağışla!” Uca Allah buyurdu: “Sizi bağışladım, gedin, oda daxil olun”. Lakin onlar bu dəfə də qorxuya düşüb dayandılar. Bütün bunlara əsasən, itaətkarlıq, günahkarlıq və vilayət təsdiqləndi”.

(Bəsairud-Dərəcat, səh 108-109, hədis 2.)
https://t.me/Shia_Hadis

İmam Sadiq (ə) buyurub:

“İslam insanların olduğu zahiri (dindir): Allahdan başqa ilahın olmamasına və Məhəmmədin Allahın qulu və rəsulu olmasına şəhadət vermək, namaz qılmaq, zəkat vermək, həccə getmək və Ramazan ayının orucunu tutmaq. Bu, İslamdır”. İmam (ə) buyurdu: “İman isə bütün bunları qəbul etməklə yanaşı, bu işə (imamətə) mərifətin olmasıdır. Əgər kimsə bütün bunları qəbul edib, lakin bu işə (imamətə) mərifəti olmasa, müsəlman və zəlalət əhli olacaq”.

(Əl-Kafi, cild 2, səh 25.)
https://t.me/Shia_Hadis

İmam Sadiq (ə) öz ataları vasitəsilə İmam Əlinin (ə) belə buyurduğunu nəql edir:

"Cismin 6 halı vardır: Sağlamlıq, xəstəlik, ölüm, həyat, yuxu və oyaqlıq. Ruh da belədir. Onun həyatı onun elmidir, ölümü cəhalətidir, xəstəliyi şəkkidir, sağlamlığı yəqinidir (əminliyidir), yuxusu qəflətidir, oyaqlığı isə hafizəsidir".

(ət-Tovhid, bab 42, hədis 7.)
https://t.me/Shia_Hadis

İmam Sadiq (ə) Yunis ibn Zebyana belə buyurdu:

“Ey Yunis! Düzgün elm axtarırsansa, o bizim yanımızdadır. Çünki biz hikmət yollarını və doğrunu səhvdən ayıran mizanı irs aparmışıq.”

(Vəsailuş-şiə, cild 18, səh 49.)
https://t.me/Shia_Hadis

İmam Hadi (ə) buyurub:

“Əgər Qaiminizin (ə) qeybətindən sonra ona doğru çağıran, yol göstərən, Allahın höccətləri vasitəsilə onun dinini qoruyan, Allahın (elmdə) zəif olan bəndələrini iblisin toruna düşməkdən və nasibilərin hiylələrindən xilas edən alimlər olmasaydı, Allahın dinindən çıxmamış bir nəfər belə qalmazdı. Lakin gəmi sahibi gəmini və onun əhlini qoruyub saxladığı kimi, onlar da zəif qəlbli şiələrimizi qoruyub saxlayarlar. Onlar Allah yanında ən fəzilətli şəxslərdir”.

(Əl-İhticac, cild 1, səh 9.)
https://t.me/Shia_Hadis

İmam Sadiq (ə) buyurub:

İmam Sadiq (ə) buyurub: “İxlaslı əməl odur ki, Allahdan başqa heç kimin səni tərifləməsini istəməyəsən”.

(Əl-Kafi, cild 2, səh 16.)
https://t.me/Shia_Hadis

Həzrət İmam Əli (ə) buyurub:

Alimlərlə yoldaşlıq et ki, ədəbin gözəlləşsin və nəfsin paklaşsın.

(Ğürərul-Hikəm, hədis 4786.)
https://t.me/Shia_Hadis

Əbu Bəsir deyir: “İmam Sadiq (ə) buyurub:

“Hər şeyin bir həddi vardır”. Mən dedim: “Sənə fəda olum, təvəkkülün həddi nədir?” İmam (ə) buyurdu: “Yəqin”. Mən dedim: “Yəqinin həddi nədir?” İmam (ə) buyurdu: “Allahla birgə olduqda başqa bir şeydən qorxmamaq”.

(Əl-Kafi, cild 2, səh 57.)
https://t.me/Shia_Hadis

Həzrət İmam Əli (ə) buyurub:

“İmanın dörd sütunu var: 1. Allaha təvəkkül etmək; 2. İşləri Allahın öhdəsinə buraxmaq; 3. Allahın qəzasına (verdiyi hökmə) razı olmaq; 4. Allahın əmrinə təslim olmaq”.

(Əl-Kafi, cild 2, səh 48.)
https://t.me/Shia_Hadis

İmam Baqir (ə) buyurub:

Üç şey var ki, Allah onlar barəsində heç kəsə istədiyi kimi davranmaq icazəsi verməyib: əmanəti yaxşı və pis əməl sahibi olmasından asılı olmayaraq sahibinə qaytarmaq, həm yaxşı və həm də pis əməl sahibi ilə olan əhd-peymana vəfalı olmaq, yaxşı və pis əməl sahibi olmasından asılı olmayaraq ata-anaya yaxşılıq etmək.

(əl-Kafi, cild 2, səh 162, hədis 15.)
https://t.me/Shia_Hadis

İmam Sadiq (ə) buyurub:

“Həqiqətən, Allahın hərəmi var və o Məkkədir. Agah olun, Peyğəmbərin hərəmi var və o Mədinədir. Əmirəlmömininin hərəmi var, o Kufədir. Qum kiçik Kufədir. Həqiqətən, Behiştin 8 qapısı var ki, üçü Quma açılır. Orada övladlarımdan Musanın qızı Fatimə adlı bir xanım dəfn olunacaq və şiələrim onun şəfaəti ilə Behiştə daxil olacaqlar.”

(Bihаrul-әnvаr, cild 57, səh 228.)
https://t.me/Shia_Hadis

İmam Sadiq (ə) buyurub:

Qumda mənim övladlarımdan Fatimə binti Musa (ə) adlı bir xanım dünyadan köçəcək və onun şəfaətinin bərəkətindən mənim şiələrim hamılıqla behiştə daxil olacaqlar.

(Məcalisul-mominin, cild 1, səh 83.)
https://t.me/Shia_Hadis

Həzrət İmam Əli (ə) buyurub:

Dünyanın hər bir şeyini eşitmək görməyindən böyükdür. Axirətin isə hər bir şeyini görmək eşitməyindən böyükdür. Odur ki, axirəti görməyin yerinə, gözlərə görünməyən, qeyb pərdəsi arxasında olanları müşahidə etmək əvəzinə, elə eşitməklə və (Peyğəmbər (s) və Əhli-beytindən (ə) öyrənməklə) xəbərdar olmaqla kifayətlənin.

(Nəhcül-Bəlağə, xütbə 114.)
https://t.me/Shia_Hadis

Həzrət İmam Əli (ə) buyurub:

Hər bir şeyin müddəti və sonu vardır.

(Nəhcül-Bəlağə, xütbə 190.)
https://t.me/Shia_Hadis

Fatimə (ə) keçmiş və gələcək aləm qadınlarının xanımı, Qiyamət günü minik üzərində olacaq dörd şəxsdən biridir. Onun imamlara (ə) ötürülmüş müshəfi (kitabı) var. Söz və danışıq baxımından Peyğəmbərə (s) ən çox oxşayan şəxs idi. Bir çox xüsusiyyətləri, eləcə də yerişi Peyğəmbərə (s) bənzəyirdi. Fatimə (ə) Peyğəmbərin (s) yanına gəldikdə, Allah elçisi onu salamlayar, ayağa qalxar, onun əllərindən öpər və öz yerində oturdardı. Peyğəmbər (s) onun yanına gəldikdə isə, Fatimə (ə) ayağa qalxar, salamlayar və əllərini öpərdi. Peyğəmbər (s) onu çox öpərdi. Hər dəfə cənnət qoxusunu duymaq istədikdə Fatiməni (ə) iyləyərdi. Peyğəmbər (s) belə buyururdu: “Fatimə mənim bir parçamdır, onu sevindirən məni sevindirmiş, ona pislik edən mənə pislik etmişdir. Fatimə mənim üçün ən əziz insandır”.

(əl-Mənaqib, Şəhr Aşub, cild 3, səh 332.)
https://t.me/Shia_Hadis

Peyğəmbər (s) belə buyurub:

İnsanlar arasında mənə ən əzizi Fatimədir (s.ə).

(Biharul-ənvar, cild 43, səh 23.)
https://t.me/Shia_Hadis