مهما قدمت علي شغل ومجالكش رد .. إوعي تيأس و تقول أنا مش نافع لإن معنديش خبرة !
- لما تروح تعمل مقابلة و تقعد قدام HR أو الـ GM و ينفضك أسئلة من حيث لا تدري .. دي مش نهاية الدنيا.. كلها خبرات بتكتسبها عشان المرة اللي بعدها ف شركة تانية هتبقي إجابتك أقوي و ثقتك ف نفسك هتبقي أعلى فإوعي تيأس !
- عملت مقابلة إنت و واحد تاني و إنت عارف إنك مؤهل عنه للقبول .. بس هو إللي إتقبل .. متقولش الواسطة.. قول إن ربنا مكتبليش نصيب هنا عشان مفيش خير ليا هنا و الخير ربنا كاتبهولي ف مكان تاني .. خليك مؤمن بإختيارات ربنا لينا
قيمتك الحقيقية هي همتك ... وقت ما تبقي واقع نفسيََا ومفيش حد حواليك يسندك و يشجعك و يوقفك علي رجليك تاني .. إسند نفسك بنفسك يا صديقي
و أخيرََا .. بسطها علي نفسك و عديها بيقينك إن نجاحك و رزقك و خطواتك كلها ليها ميعاد محدد جدََا عند ربنا هتلاقي ربنا سهلها والله عليك أكتر ما إنت بتتمني..
وخليها ع الله دايمََا و لو وثقت فيه إنه هيرزقك الخير فكل خطوة الموضوع انتهى هنا..ربنا مبيخذلش حد يبني