مو حجم المهمة ولا نوعيتها ..
كونك طبيب بمشفى او مركز ريفي طرفي ما حدا سمعان فيه عم تخدم المنطقة وتحاول تساعد الناس حسب امكانياتك لا يقل اهمية ابدا عن طبيب باحث بأعرق جامعات بريطانيا واميركا ..
رب العالمين بيعرف اسمك هون كنت ولا هنيك ..
مهمة المهندس المدني او المعماري لا تقل انسانية ابدا عن مهنة الطبيب .. البناء لما لح يوقع اذا ما انجز بامانة لح يكلف ارواح اكتر بكتير من الطبيب .. عكس الصورة النمطية
مهمة والدتك يلي كانت تفيق بكير كتير كرمال تلبسك وتطعميك وتجهزك للمدرسة لا تقل ابدا اهمية عن مهمة والدك بالخروج للعمل وكسب الرزق ..
امك لح تربيك .. والكسب الحلال لابوك كمان الو أثر فيك
بكل بساطة كل واحد منا رب العالمين حطو بمكان واستخدمو بهدا المكان بطريقة معينة ..
يا بأدي مهمتو بنجاح يا لأ ..
المقارنة لح توديك بدواهي ..
بمكانك ومهنتك ورزقتك ومحيطك الاجتماعي ..
سآل نفسك رب العالمين رضيان عن صنيعك او لأ ؟
عم تقدم أفضل ما عندك ولا لأ ؟
#انجح_بمهمتك .. ☘️
د.ياسر السيد