المجلس الاول
شهادة الزهراء
.......
في رحاب اهل البيت عليهم السلام
مجلس شهادة الزهراء عليها السلام
لطمية المجلس
.........
لاوين يمه رايحه يم المحنه
بعدج نعيش العمر يا يمه بمحنه
يصعب علينه لتيتمينه
بعدج نكضي العمر بالحسره والونه
***************
يمه ييمه أنشدج يمته تردين.
هالسفره يا يمه أظن بيها تطولين
ايهلج ييمه بنيتج. زينب تعوفين
ياهوة الدنيه يالحبيبه. لا تروحين
لا يالحبيبه. غيابج مصيبه
غيابج صعب مكدر ييمه أحملنه
***************
غيابج صعب يا يمه ويأثر عليه
متعلمه آنه اعليج يمه يا زجيه
مگدر علي فرگاج لتكطعين بيه
وشلون أحمل فرگتج لا مو بديه
محمل افراگج يصعب غيابج
افراگج صعب يمه يزهره ويلوعنه
***************
افراگج صعب ما. احمله ردي جوابي
تعوفيني يالغاليه سمعي اعتابي
گوليلي يمه بيش أداوي آنه اصوابي
فراگج بگلبي ايزيد يا يمه عذابي
فراگج اذيه. لا يالزجيه
فراگج صعب يمه يزهره ويمرمرنه
***************
يمه يزهره شلون أگضي العمر بعداج
ما اريد هالدنيه ييمه يعد عيناج
وياج اروحن يمه ما اگدر بلياج
يا يمه انادي اخذيني اترجاج وياج
لا تعوفيني لا تيتميني
تصعب عليه فرگتج وأجذب الونه
*****************
وياج ريت أگضي العمر يالتحبيني
مشبعت يمه من حنانج تعوفيني
ظلي ييمه ظلي يمه اودلليني
خليني اشبع عطف يمه اوكبريني
خليني وياج اتربه بحماج
يمه حنانج ما اشبعت يالزهره منه
*************
يمه يزهره الروح ما تحمل أذيه
خلافج ييمه ينگطع بعداج بيه
تعوفين اخي احسين وآنه شلون بيه
والحسن من بعدج تظل عينه جريه
يمه احاجيج. الله يخليج
الدنيه من بعدج ييمه تمحنه
*************
محنتني الدنيه بعد عينيج يزهره
شفت الولي عالگاع يشخب دمه نحره
وللكوفه اوللشام ودوني اميسره
والشام. تتفرج علي يمه. مستره
واللي اكفلوني. وحدي اتركوني
للدوم يا زهره فلا يبطل حزنه
**************
الحاجة ام احسان الخاقاني
كتاب مجالس الصابرين ج 2
لطفا لاتحذف اسم الشاعرة
....
https://t.me/sarkhat_alahzan
......
.........
لطمية للرسول صلى الله عليه وآله وسلم
........... .
نصلي ونسلم عله الهادي الحبيب
الباري نسأل يستجيب
انزور كبرك يبو القاسم عن قريب
الباري نسأل يستجيب
..........
سيدي يارحمة اللّٰــه وخيرته
نور كبل الدنيه انته بجنته
بساق عرش الرب محمد(ص) كتبته
انقدس اويه أهل العبه الرب الجليل
للخلك انته الدليل
انزور كبرك يبو القاسم عن قريب
الباري نسأل يستجيب
........
نوح باسمك سيدي صاح وهتف
والخليل امحبتك بيها انعرف
موسه بشر بيك يانعم الخلف
آدم اتلكه من الرب كلمات
بيها سر معنه الحياة
انزور كبرك يبو القاسم عن قريب
الباري نسأل يستجيب
......
سيدي الحبك يوالي عترتك
كل وكت بيها توصي امتك
وسف مولاي الصحابه خانتك
بعد عينك دخلو لدار البتول
صادرو منهاالذحول
تصيح بويه ولا أحد منهم يجيب
الباري نسأل يستجيب
........
سيدي هجموا عله الزهره بحقد
الباب يحركها لحركها مستعد
لاذت الزهره يعصرها وما يرد
طاح محسن سيدي فوك التراب
الكلب منها ويلي ذاب
تصيح بويه راح من عندي الحبيب
الباري نسئل يستجيب
...... ...
التمت أطفال الزجيه الطاهره
اتشوف محسن طاح منها اعله الثره
اتشوف دمها أمن الصدر كت اوجره
بويه حيدر ليش ساكت ماتكوم
كوم رد عنها الكوم
حيدر مقيد بصبره وما يجيب
الباري نسأل يستجيب
..........
عله افراشه المرض ظلت فاطمة
تعاين لاطفالها ومتألمه
بعد عين الأم تظل اميتمه
تدري باليجره عليها كربله
بغير والي اموجله
حسين علغبره يظل جسمه سليب
الباري نسأل يستجيب
.........
الحاجه ام إحسان الخاقاني
صرخه الأحزان ج 3
لطفاً لا تحذف اسم الشاعرة
..........
http://t.me/sarkhat_alahzan