#موقف_اسعدني
يوم الاثنين كنت شغاله ف بنك الدم المركزي..
ولايه القضارف.. وكان معانا طلاب مختبرات طبيه السنه التالته جابوهم زيارة ل بنك الدم
ف اشتغلت معاهم شرح .. عادي زي أي زول سنير ف المجال .. جاه طالب ..
اليوم وانا شغاله إتفأجات انه في بنتين واقفين برا وبيأشرو افتكرت إنهم ناس عايزه حاجه من المعمل او بنك الدم
ف إذا بهم قالو لي نحن جاينك مخصوص نحن الطلاب الشرحتي ليهم .. وفتشناك وجيناك
عايزنك تشرحى لينا عديييل وتجينا في الجامعه وتدرسينا وتنزلي معانا ونحن والله انبسطنا ونحن دايرين نتخصص هيماتولوجي ..
ف من هذا المنبر محبتي للهيماتولوجي .. انا طالما دمت حية أي طالب وصلني م حأبخل عليه ب معلومه أبداً .. الا أكون م عارفاها وحتي اذا م عارفاها بسعى عشان اعرفها ..
ف من هذا المنطلق بشكر الطالبتين ديل وبقول ليهم ممتنه لانكم صنعتو يومي وحسيت اني عملت شئ عليه قيمة...💚💚💚💚💚💚💚💚💚
موقف بسيط بس أسعدني