Sana'a_love_story

إلى من عشت بقربه اجمل ايامي
واستشعرت بجانبه لذه الحب
لا سلطه لنا على الظروف ،
التي أبعدت قلبينا رغما عن الحب
وأعلم جيدا انك ستكون حاضراً بداخلي
، وكأنك مازلت بقربي تحاوطني كما يحاوط السلسال عنقي
يهزمني الشوق والحنين وارغب بمحادثتك مئات المرات
ولكني
اتذكر جيدا بان هذا الطريق محال ان يجمعنا
فيهزمني فؤادي واعود لنقطه البدايه
كيف سأنسى من كان حاضرا دوما بجانبي
من ساندني وامسك بيداي وأخطاني خطواتي الاولى
كلها تساؤلات تقتلني وتجعل عيناي تسيل دمعا
لما وقعت أقداري بك وانت لست لي ؟
لما كلما حاولت نسيانك تجرني الذكريات وأزال عالقه بها،
كيف سأنسى من كان لي اباً وصديقاً وحبيباً 
دوماً كن بخير.

🥺🥺جاهزين للصدمه💔💔

(( القصه في الحقيقه وقفت بعد مشكله الحادث مازالوا بيواجهوا صعوبات موافقة ابو غيداء ،))

ماحبيت انهي القصه بوجع ، حبيت احط لهم نقاط يمشوا عليها وافكار لعل وعسى قصتهم تكمل مثل ما انهيتها انا.

حبيت بدعواتكم يتوفقوا...

وفعلاً محمد عمل اشياء كثيره من الخطوات والمحاولات الي كتبتها بعد ماكتبتها ولكن للاسف لحد الان مافي اي موافقات...

ولكن إن شاء الله بتكمل قصتهم مثل ماكتبتها لكل نهايه بدايه يارب تكون نهايه قصتي بدايه خير لهم

ووعد مني لو كملت قصتهم على ارض الواقع اعملها لكم جزء ثاني


اسئله كثيره برد عليها هنا...

انا مش غيداء ولا بطله القصه ابدا

البنت الحقيقيه اسمها مش غيداء

محمد ورث الجنبيه ايوه من جده بمبلغ كبير وحصل ورث وفعلا تغير وضعه

غيداء بتحب غسان وشبه يوميا بيجلس معها ويلعب عندهم

واي اسئله ثانيه برد عليها بفقرة كواليس بكره


في الاخير....

حابه احط لكم المجال للي معه خطه إقناع لعم علي يكتبها عشان ابطالنا تكمل قصتهم سوا


وهذه الرساله الي وصلتني من غيداء جبرها ❤️❤️...

((والله اننا اشتي اشكرش من داخلل كبببير كان حلميي زماان اجابر عبيرر تييه كنت اقرا رواياتش من تلفون ابي تخيلي لما يرقد في التليجرام كنت اتمنى اجابر تيه الادميهه واليوم الحمدلله الحمدلله جابرتش يوميه وفهمتيني وجابرتش مابنفسي كله وفوق هذا كتبتي قصتيي اللي كنت ابسرها حاجة مستحيللة...
شكرا قووي والله يسعددش ضعف ماسعدتيني وجبرتي قلبي بكلامشش ومواساتش

امممم قووي والله 🥺❤))

وانا امممم قوي ياغيوده وتعودت عليش شبه يوميا نتكلم بخصوص احداث الروايه وتفاصيلها

ذاكرين ايش يعني اممم 😍🥺)


المهم كلامكم وتعليقاتكم وحبكم اسعدني قوي وبيحفزني دائماً اطلع افضل ماعندي من ابداع، رغم مريت بصعوبات تعيق كتابتي بس تحديت نفسي اني اعطي لكل شي وقت وكنتو من ضمن اولوياتي لانكم تستاهلوا بتوحشوني❤️

محمد : كيف تسخى عليها، انا قلت سخيت عليا مش انا ابنك بس غيداء !

علي: الحق حق يتخايلك كنت اقسى معك وبس

محمد مبرقط مش قادر يتحمل خايف يعصب ويندم، قام خرج

غيداء قامت تشتي تلحقه

علي صيح بصوت: اجلسي هنا لو لاحقتيه على ابنه انش مره

محمد سمعه وهو بيصيح فوقها من الطاقه لاتلحقه..

خرج وقفل الباب

حفصه دخلت :, ياعم اشتي اقلك الصدق انا والله العظيم شاهده عليهم كم يامره واحاكيها غيداء ب..

علي قاطعها: لو تدي شويه عقل لها عتفعلي خير علميها لاتقع ظالمه.
غيداء ضبحت:الله يحفظك يابه ليش هكذا بتربط المواضيع ببعض اسمع حفصه

حفصه: اسمعني ياعم

علي: ماهو؟

حفصه : سردت كل شي عندها ومتفاعله وكم صيحت فوق غيداء ووو

علي : سكت

غيداء ماتحملت وقفه ابوها لابتسام ، خرجت تبكي وجلست خارج

ايمان وصلت شافتها انصدمت: مالش؟

غيداء حكت لها الي حصل

علي بعد مافهم منهن وصلته رساله شافها( لقطه شاشه من محمد بعد ماقرا كلامها قبل ماتحذف) شاف بنته: سيري ابسري زوجش مانا ماعد لي عين ادعيه واعتذر منه.

غيداء ماصدقت الي سمعته خرجت وراحت بيتها..

محمد في الحوش: اطلعي الان لفلفي ادواتنا وكل شي تشتيه عنسافر بعد اربع ايام

غيداء: مالك ! وغسان؟

محمد: انا تعبت من العيشه والمشاكل وانتي الحاجه الوحيده الي بقيت لي حاليه في الدنيا هذه عتجي معي!

غيداء: وين ابعد بقعه في الخريطه؟

محمد ابتسم لها لما شافها رايقه وهادئه وماعترضت: سويسرا

غيداء ضحكت: لاتزبج عليا هذك كنت صغيره مش داريه ليش طبعت في راسي انها ابعد بقعه

محمد: وانا والله اني قررت اسير واستثمر لي هانك ونعيش ونبعد من التعب هذا كله شويه

غيداء: بس ابتسام؟

محمد وراها الرساله..

غيداء ودموعها : انا حبيته وانا شاوقع له ولك ام وصاحبه وكل حاجه..

محمد: انا داري الحب الي حبيته لش مش من قليل انا عارف روحش وقلبش كيف ، هيا خطينا لنا منهم كلهم...

يكفي كل الي قد وقع مش ناقص اكثر ، كله الا اني اخسرش ،

غيداء: اليوم اخس يوم بحياتي ماكنت اشتي اكون بهذا الموقف عمري اتخير بينك وبين ابي، لذلك انا موافقه شاسافر معك وين ماكان ونعيش بهدوء وصدقني غسان وسط عيني لاتهمه ولو كبر يشتي امه لاتحرمه منها

محمد: اكيد ماشحرمه، بس يكبر ابني وسط حب احسن مايكبر وسط قسوه اقتهرت لما شفت ماحبته.



بعد ثلاثه شهور(سويسرا)

غيداء ومحمد وغسان بيتلوو : محمد صح الشيبه هذا يشبه ابي؟

محمد: لا تتوحمي على ابي علي ، عتخليني افتجع من ابني بدل مايفتجع مني

غيداء جلست تضحك وتلحق غسان بيجري

محمد بيصيح فوقها : جي كذا انتي وياه ، غيداء، يا أكبر جهالي يا مجنونه انتي واحمه

#انتهت# بكره كواليس
ت.ع.خ

غيداء جالها ضحك من كلامه ! ايش من تسوق ومكياج وقلافد ماله !.

محمد مشي و رجع الحاره حقهم

غيداء: عنروح البيت ؟؟ قد قلت مالك هنجمت فوقها انك عتسير السوق

محمد : الا عنسير السوق، بس قبل ماتخرجي ابوش اتصل يشتي نسير

غيداء طننت من نبرته: ابوش ، ايش قد به! ماتقول هكذا الا لو انت ضابح

محمد: والله ياغيداء ماعد دريت ، انزل ونبسر

غيداء نزلت معه وماسكه غسان

حفصه فتحت ودخلت لما سمعت صوت محمد

غيداء دخلت سلمت على ابوها وبعدها محمد

علي شاف غسان: سرتو تدو الولد بعد مافهمتو غلطكم

غيداء: اي غلط؟؟

محمد( خاف عليها تدخل بمشاكل معه): جيت افهم منه مافعلت مش انتي المشكله، انتي خليش ع جنب او اخرجي

علي صاح : اجلسي عاد انا ابوش كلمتي الي تستمع مش كلمته،

محمد مسك نفسه وجلس

غيداء خايفه لاتكون حفصه شكيت لابوها او ايش في

علي: الولد يخرج عند حفصه ورجعي بسرعه

غيداء خافت اول مره تشوف ابوها هكذا صارم، خرجت غسان رجعت ساكته

محمد: خير يابه ادخل في الموضوع على طول ، لاتعصب عشان صحتك انا فدالك

علي: انت اخر واحد يفتح فمه هنا، تسمع وبس ، انا لما وافقت اديلك بنتي قلت انك وقعت رجال ودريت ايش لك وعليك بس كذبت عليا وخدعتني امد حاجه كانت في نفسك وصلت لها وبعدا رجعت لطبيعتك

غيداء: ايش من طبيعه يابه؟ ايش فعل لهذا كله

علي: هامل لابنه ولا بيشوفه ولا بيخرجه ولايدخله ليش !

الاثنين تكلموا في نفس الوقت بقفزه

غيداء: من قلك! والله انه يوميا عندنا ولا ابوه عنده شله عاينه شله المستشفى

علي: مش فضل منه غصب عنه، انتي عادنا جاي لش في الطريق، ليش ماتذكريه فارحه انه قاتل عليش وحبش انتي، عتحبسيه من ابنه

محمد وقف : يا به انا فدالك من اين بتدي الكلام هذا فهمني اول ،

علي : بينبسر بعيني كيف من اين

محمد: والصدق! انت علمتنا مانكذب متاكد ابسرتني بعينك٢٤ ساعه ابني مش هو عندي!

علي عصب: ماعد دريت اصدق ومن اكذب

محمد: والله العظيم الذي خلقني وخلقك انه يوميا عندي ولا انا عنده اخرجه، عاد امس امه طلبت المستشفى نشله وبعدا خورت مطعم واليوم تشتي تتفرط وواصل الولد عندي قدنا مستحي من غيداء ولانها بتحبني متحمله وانا داري ان امه بنفسها ماقدرت عليه قوا لها.

علي ضابح : اسمع يكذب من ماكذب ويصدق من ماصدق، ذلحين ماعد بش معي غير حل ، ترجع مرتك على ذمتك هذك ام ابنك وهذه زوجتك



محمد بضبح: صلي على النبي يابه مالك، من قد شكالك وحلقها هكذا، ماشردها ولا اشتيها،


علي: خلاص وانا بنتي عندي ،تشتي مرتك ترد ام ابنك

غيداء شافت محمد وعيونها ملان دموع وتأشر له يسكت ،رسلت له( ابي معصب الان سكته لاتكارحه).

اشتي تفاعل شاقلب مع عم علي😒

ابتسام راسلت اختها بتكتب لها: ( يا اختي ما رايش اشتي اعترف لش بشي محد يعرفه وتعبت اخليه داخلي ، انتي داريه محمد خرجني بيت وطلقني و رجع لغيداء فكرت الفتره الي سارت عيضعف شاقدر الفت نظره حبه غيرت طباعي فعلت اشياء كثيره اتقرب منه ،كان يصد ولاهو داري وين انا حاسه نفسي جالسه اربي جاهل وبس حتى الولد هذا ماقدرت اتقبله ولا حبيته ولا في مشاعر له من اول لحظه عرفت بها حملي ، بينحاول اباعده لاتعلق به، الفتره الي راحت بيتقرب مني شخص وانا بينلاحق شخص ماحس بقربي منه) ذلحين مارايش قررت اواجه محمد

يا اما ويرجعنس على ذمته لعل وعسى احب ابني واتقبله لما احس ابوه معي، ولا افلت الولد لابوه وادي فرصه للشخص الي بيحبني ومنتظرني))..

كملت تكتب الرساله وغسان بيبكي يشتي تتحمله كانت منفعله وهي بتكتب ومتوتره بسببه نسخت الرساله من الملاحظه وعلى بالها عاد اسم اختها في الواتس اول اسم رسلت لاول رساله..

محمد كان مرسل لها: اجي لغسان ؟ قد عتخرجي؟

شاف هذه الرساله

ابتسام كملت ترسل ومانتبهت للاسم والصوره بسبب إزعاج ابنها غلقت التلفون وقامت تبدل له وتجهزه يسير عند ابوه ...

محمد كان مراعي لها فوق السياره في الحوش شاف رسالتها طويله!!! بيقرا الرد..

كان عامل خاصيه اخفاء الصح الازرق لابتسام.. كمل يقرا وجالس مطنن بيفكر سارح في الي شافه حس بزعل وصدمه منها كيف كذابه وبتمثل وتتمسكن ،

وصل له اتصال من علي جاوب: ايوه يابه ، حاضر بعيني ، اشل غسان واجي صليك،

علي: كيف لك! عادك ذكرت ان معك ولد كملت العرس

محمد: ايش من ذكرت الولد عندي يوميا ساير جاي عندي وعندها

علي : انت كذاب انت اكبر كذاب ، انت دائما تفعل الي تشتي وترجع تكذب، عيحاسبك الله مش انا لاتبرر لي ولاشي.

محمد مستغرب: يابه مالك، مش انت عندي ولا انا قبالك واصل امد تصدق اني ساير جاي بالولد

علي: تمام اشتي تجي لاعندي نتجابر

محمد غلق وفتح رسالتها يشوف حذفت الرساله وكتبت له قد عتجي لغسان جهزته لك ، رد لها: تمام الان ، انا مراعي له.

طرق لغيداء تخرج

غيداء خرجت معه فوق السياره شافته ضابح: مالك؟

محمد هز راسه: ولاشي

غيداء: ماتشتي تشلني عادي ؟

محمد بنظره زعل و ترجاي: غيداء قوا، مش وقت تفهمي المواضيع بطريقه معينه، بعدين شاحكي لش.

مشيو وقف عماره ابتسام نزلت وابنها في يدها ( كانت مفكره وحده عشان يوصلها )

ابتسام: اهلا غيداء كيف انتي، كنت بينقل لو مابش معك شي توصلني بس خلاص شاطلع تكس

غيداء منتظره محمد يقلها تمام

محمد: امشي شويه وعلى يدش اليسار اوصلي راس الشارع بيخطين منه سيارات، غيداء تشتي اشلها السوق معها تسوق ومكياج وقلافد مشتيش اتاخر عليها

(لاايك)

غيداء: شويه

حفصه: انتي ماتسمعي كلامي لوماتندمي ابسري اين هو واصل مع ابنه ادي له مايشغله

غيداء: وذلحين سار يسعف غسان

حفصه: ليش مافيه؟

غيداء: امس قالو اتدرب على راسه

حفصه ضحكت: اسعفه للمطعم، انتي خبلا بتصدقي كل شي ، اوبهي لزوجش

غيداء: كيف توبه لزوجي هذا ابنه

حفصه: من ام ابنه عينها عليه

غيداء: لو عينها عليه مافلتته

حفصه: يمكن ندمت

غيداء: انتي من اول ماوحمتي طارحه لها في راسش لو اخطى بعدش لافعل لي مشاكل

حفصه: عترجعي تذكري كلامي وتندمي

غيداء: انتي اولدي بس تسير عيافتش لها وعتذكري كلامي

في المستشفى..

الدكتور: يمكن حين هو اول طفل لكم بتزيدو الخوف والدلع مابش فيه شي .

ابتسام: الحمدلله

فوق السياره..

ابتسام: كنت اشتي شويه مصاريف لغسان نواقص ،لو مابش معك شي

محمد: من عيني به هنا قريب سوبر ماركت

ابتسام: كيف غيداء

محمد: مالها شي

ابتسام: سلم عليها، ماعد بنبسرها

محمد: يوصل، ليش ياسعم بتخرج وتتفرط يمكن انتي مابتخرجي

ابتسام: هنيت لها، تحمد الله عليك ، ايوه انا بينعوض غسان الوقت الي انا فيه في الجامعه واجلس معه

محمد : عادي لو تشتي تخرجي كلميني ساع المحاضرات وشامسكه

ابتسام: تمام، اليوم العصر معي حفله عتقدر تجي له شاروح بدري

محمد: تمام اتصلي لي

ابتسام: تمام

وقت الغداء محمد رجع البيت

غيداء: خير ماطلع فيه؟

محمد: سليم

غيداء: وليش اربع ساعات وهو سليم؟؟

محمد: كان ناقصه اشياء سرت شليت له

غيداء : قدلي يومين بينراشيك نسير اشتري اشياء احتاجها

محمد: ياغيداء كان على طريقنا واشيائه غير اشيائش هو يحتاج ضروريات وانتي كماليات كبري عقلش انا فدالش

غيداء: حاضر

محمد ماحب يكسفها: أشلش اليوم بعيني

غيداء: عادي براحتك ايحين مافضيت

محمد : شاطلع ابدل وانزل اتغدا قربي

ابتسام مرت لبيت علي مع ابنها

علي فتح الباب: قلت ادي غسان يسلم عليكم قدو فاقد لكم

علي : ادخلي

ابتسام دخلت

حفصه واقفه: اهلا

ابتسام طنشتها : كيف انت ياعم كيف صحتك وين امي ايمان

حفصه: عند اختها

علي بيلاعب غسان رجع يكلمها: كيف الدراسه معش

ابتسام: تعب مع غسان لكن الحمد لله ، مانفعل نصيب اربيه وحدي بغير اب كل شي فوق راسي وابوه اهم شي يفتهن وقلبه مبسوط

علي: او مقصر معش

ابتسام: سهل معذور عادو عريس

علي: ايش من عريس قد عيكمل سنه، مابيجي لابنه

ابتسام: الا، بس انا مشتيش ازيد بها امد غيداء لاتتضايق حرام مسخاش عليها

علي: انا الغلطان الي وافقت له ببنتي قلت عيوبه لابنه وانه مابش فايده فيه

ابتسام: امانه لاتكلموه اني شكيت لكم عيحرمني من ابني

علي: تمام


(( بكره النهايه، عيكمل زواجهم؟!

ت.ع.خ

حفصه: الصدق !! محمد هنا مع ابتسام وابنها وبس كيف وليش ماناش داريه بشي.

غيداء جلست تتبرقط ليش سار بدون مايقلها!

بعد ساعه ونص رجع رايق

محمد: تاخرت عليش

غيداء: وين كنت؟

محمد: سرت عند غسان وان امه بتبكي خايفه اتدرب على راسه للبلاط شليناه المستشفى

غيداء قاطعته بصدمه : بتكذب عليا ؟

محمد : ايش اكذب مالش ، وبعدها شليته المطعم

غيداء: غسان ابن سنه وشهور قلك يشتي مطعم؟؟؟

محمد: غيداء مالش بتهاجمي بكلامش وتقاطعي اسمعيني طيب

غيداء: ايوه !!

محمد: ابتسام طلبتني ادخل معها جاوعه تشتي تاكل ولانها وحدها ماتقدر تجلس في المطعم وتروح الليل بغسان، دخلتها تتعشا وطلبنا له شبس

غيداء ضبحت: وليش ماقلت لي !

محمد: تلفوني طفي ، مالش رجعتي تحاسبي هكذا

غيداء : من حقي احاسبك طالما انت ماتكلمت من نفسك

محمد : استغفر الله بس ، كاننا في تحقيق ماحب تتكلمي معي هكذا ماتعودت منش الاسلوب هذا غيري طبعش ساع اول...

في بيتها..

ابتسام اتصلت لصاحبتها: نفذنا الخطه وصلنا للمستشفى قلت اعراض عاديه والدكتور متطلب حتى كشافه ، وبعدها سرنا مطعم وجلس معنا مسك ابنه وانا فتشت وتعشيت وهو ارتبش شويه لما شافني وفاعله مكياج

صحبتها ضحكت: اديلي وقت بس واخليه عندش عتبسري

ابتسام: مش داريه انا صح او غلط بس تمام

صحبتها: عادي ينفع يكون صح الشرع حلل اربع

ابتسام : تمام

صحبتها: ذلحين عتستغلي ياحبيبتي ان ابنش كل شويه مدري ماله جي شوفه يمكن من الي وقع به واشغليه ويوم تفتحي الباب...الخ تعليمات

ثاني يوم الصباح

غيداء نكزت وهو بيتكلم في التلفون

محمد: ماسرتيش الجامعه؟ ايش تاعب !! صدق ، طيب الان جاي

غيداء: من هذه؟

محمد: غسان اسير اشوفه الدكتور قال نراقبه ال٢٤ساعه وامه تقول مدري ماله اسير وارجع اطمنش

غيداء: اجي معاك اتطمن عليه

محمد: بعدين ياغيداء جي ماشراعيش تلبسي الولد لو فيه شي

بعد دقائق فوق السياره

ابتسام: كيف فرح حبيبي مع بابا ياربي انت فارح فوق سياره بابا ؟

محمد لفت له وهو خايف عليه شافه مبتسم بيصفق: فارح ياغسان؟ جي عندي سوق مع بابا يلا

ابتسام مدت له غسان

محمد حضنه وبيخليه يسوق

ابتسام فتحت البلوتوث وبتشبك الاغنيه به و رفعت الصوت

محمد استغرب الي فعلته بس ساكت ماقال ولاشي

ابتسام: احس اننا تسرعت بالخوف عليه، بينشوف طبيعي ماعد رجع يمكن الصبوح ماعجبه الان تمام

محمد: وانا بينحس انه بخير بس خلينا نتطمن

ابتسام: تمام

غيداء ضبحت وحدها لبست وراحت بيتهم

حفصه: عمتي سارت مع عمي يزورو خالتش

غيداء: وانتي ايش بتفعلي

حفصه: ولاشي اتلوى بين الشمس قالو حالي الشمس للواحمات، وانتي ليش ماقد وحمتي ياغيداء

بعد شهور بنفس الاحداث والروتين...

في الجامعه..

ابتسام وصلت متاخر..

صحبتها: انتي زيدتي الغياب والاخير ليش هكذا

ابتسام: تشتي الصدق ولا ابن عمه

صحبتها بتمزح: -هاتيهم كلهم الصدق وابن عمه

ابتسام: احس تعبت من الطب وتعبت من بعض المواضيع فيه ومضغوطه نفسي ارجع الراحه الي كنت فيها بدون التزامات، نفس الوقت نفسيتي زي الزفت

صحبتها: ليش ايش بتهمي؟ كيف طليقش مهتم بولده؟

ابتسام: ندمت اني تركته لها وكان لي ، بينشوف الراحه والسعاده الي هي فيها واقول ليش استسلمت كنت قادره اخليه يحبني

صحبتها: تشتي الصدق انتي غلطانه تركتيه ابنش لو كبر عيقلش طلبتي الطلاق عشان تتركيه لحبيبته

ابتسام: وكيف افعل

صحبتها: خلي كل الخطط عليا وانا ارجعه لش

في البيت..

غيداء شافت محمد جالس منسجم باللعبه: محمد

محمد مطنش ومتحمس

غيداء: محمدددد

محمد بشويه انفعال: ماااالش ؟

غيداء زعلت من رده: خلاص ولا شي

محمد طنش بعد ربع ساعه فاز فرح ،ذكر انها كانت تداعيه: مال حبيبي

غيداء : انا صالحه جالسه من اول لوحدي بينجابرك وتتقارح فوقي

محمد: وانتي رجعتي ساع غسان داحوسه

غيداء: والله؟

محمد: ايش تشتي هيا اقطبي

غيداء: ولاشي

محمد مافهمت انها زاعله فكر مافي شي تقوله: رجع يلعب

غيداء ضبحت جلست تقلب في تلفونها

محمد كمل اللعبه هزر تلفونها وطرحه: جاوع اشتي عشا مش وقت التلفون

غيداء : ياسلام انت من اول ماسك التلفون وانا ذلحين تقلي مش وقت

محمد: يووو ياغيداء كيف بتدحسي اقطبي اشتي اخرج ادي غسان

غيداء : انت ملاحظ ان ماعد بش وقت لي الصبح شغل والعصر لعب وبعدين غسان

محمد: انتي قد انتي في قلبي

غيداء: وين محمد حق زمان وين الحب والدلع

محمد: موجود في قلبي انتي الي بتدوريه وهو قبال عينش هيااا غيداء

غيداء: كنت تقلي هيا حبيبي ليش ذلحين غيداء

محمد ضبح منها دخل المطبخ يدور عشاء لقي الصحن فيه كله مدلعته فلافل حمص وسلطه وشبس وبسباس وشاهي، مالش ياغيداء مااتتكلمي ايش هذا!!

غيداء: هذا الي ساعه اداعيك قبل مايبرد وانت بتتعصب ليش ادعيك وانت بتلعب

محمد ضحك:الله يهديش بس ، هيا جي نتعشا سريع واسير اديه قبل مايرقد

غيداء: تمام

بعد ساعه

غيداء بتتصل له ليش تاخر ؟ تلفونه طافي، اتصلت لانور تسأله

حفصه جاوبت من تلفون انور : اهلا ياغيداء وين انتي مابينبسرش

غيداء شافت الطاقه الستاره مصلحه!!: وين تبسريني؟ او بيبان لاعندش الستائر مغلقات؟


حفصه انصدمت: يو يعني مش انتي في المطعم مع محمد؟

غيداء: اي مطعم ! هو قال لانور عيسير مطعم؟ قد تعشا !!

حفصه: الصدق مشتيش افعل مشاكل مادخلني لما يجي اخوش اتصلي له هو بيجابره

غيداء: ايش من مشاكل!

غيداء: بالعكس رجع مفرفش تقلي جاهل رجع من الحديقه شكلنا بنضبحهم...ضحكت

حفصه: والله انه قهرني مافقد لي ولاشي وصل يدور مشاكل اخوش

غيداء: ليش ماله

حفصه: مدري ، شكلي بينضايقه انا، شاسير لي بيتنا احسن

غيداء: -بطلي جنان يمكن عاتبتيه اول ماوصل ولا كيف

حفصه: مابلا اجابره ويتقارح، وانا متحملش قلبته عليا مابحد له يومين ويرجع ضابح والله انه قهرني ، يلا خاطرش قد رجع

غيداء: قفلت

انور: لمن بتشتكي

حفصه: غيداء السلا والحلا عندها وانا لي النكد

انور: ماشاء الله ماقد خرجت من الغرفه خمس دقائق قد سرتي تشتكي بي لغيداء ، عتقلي لها قله عقلش

حفصه: لو ضابح مني شلني بيتنا

انور: إن لله وإن إليه راجعون ، مالش اليوم

حفصه: ولاشي ظنيتك عترجع فاقد لي وانك ولافي حسك

انور: وصلت وانتي بتدوري مشاكل

حفصه:ايوه حبي لك قدو مشاكل تمام

انور: اشتي ارقد شويه وانتي اهدأي وصلي على النبي

حفصه: قلبتني مجنونه الله يسامحك...( بكيت)..

انور طنشها و رقد

بعد المغرب..

محمد: غيداء معي عمل ضروري اخرج بسرعه انا وانور وارجع

غيداء: خلاص شاخرج معك ابسر حفصه مالها

محمد : تمام

في بيت علي ..

حفصه: يعني بدل ماتقوم من النوم تجلس معي تشتي تخرج مع صاحبك

انور: بينقلش شاخرج مع محمد ادالي عمل بتفهمي من عيصرف علينا وانا جالس عندش

حفصه:اجلس تعذر لك بس، الله معك

انور ضبح وخرج

غيداء تمت تسلم على ابوها وامها لقيت انور خارج من غرفته وهو ضابح: محمد مراعي لك خارج

انور: داري ، فهمي صاحبتش وعقليها تبطل جنان

غيداء مالحقت تفهم منه مشي دقت لحفصه ودخلت

حفصه: اهلا جيتي في وقتش
غيداء: مالش ؟ ماحصل

حفصه بعد ماحكيت لها وشكيت

غيداء: طيب مافيها

حفصه: مش انا ساعش مش انتي فاهمه الرجال ، يمكن زوجش بيحبش اما انا اخوش احسه متغصب لي

غيداء: من قلش جننا عليش وبعدين اسلوبش معه غلط ، الحب مش بالحكا ياحفصه ، بطلي تلاحقيه تعاتبيه

حفصه: ليش مايوقع ساع زوج فلانه وزوجش وفلانه ليش

غيداء : هو هذا سبب المشاكل كلهن انش تشتي حياتش ساع حياه الي بتبسريهن ، افهمي طبعه هو ماعليش من غيره..

حفصه: حاولت اغيره وانا بيهرب اكثر

غيداء: اكيد عيهرب من كثره الدحس، اخي طبعه حالي قوي لو فهمتيه وداريتيه والله لايغير تعامله معش هو يبين انه جلف لكن قلبه حنون وطيب وبالكلمه الحاليه يسبر جربي الي بينقلش وعتبسري

حفصه: لقيت ابتسام كانت تشتي تدي ابنها وانا قالعتها تخلي لكم حالكم رجعت شلته عمتي عندنا

غيداء: سهل هو إلا بيجي كم ساعه ويروح له عند امه، حرام ابوه بيفقد له وهو يفقد لابوه

حفصه: انتي بتفلجيني

كتبت لكم تصبيره وبكره اعوضكم بالباقيات ❤️

غيداء: مافيها ياعمه سهل يفتهن ابسري كيف فارح

رحاب: انتي هكذا بتخليه يلقى سعادته مع خبرته وتبيني له عادي وبعدا عترجعي تشتكي

غيداء: لازم ادي له وقت مع خبرته ليش احرمه منهم

رحاب: عيتعود

غيداء: يتعود سهل، مثل مانا بينخرج وادخل وهو من حقه

رحاب: بس لو تعود ماعد عتبسريه

غيداء: ماشي انا داريه ماعيسخاش عليا لو حسيت بعدها شاعاتبه لكن ماينفع استبق تصرف بشي ماقد حصل

رحاب: والله انه معش حق ، الله يتمش بعقلش، كنت اقل كي بتحبيه وتخليه عادي يبعد عنش ، لكن لاعد ازيد اجننش وانتي عاقله

غيداء : لاني بينحبه اشتي يكون مفتهن ماضيق عليه وافرض نفسي صميل ، ادي له وقت لخبرته لشغله لابنه.

بعد ماكملت طلعت له الشاهين وجلست تجابره

غيداء: كيف السفره مافعلتو

محمد: والله سمرات وسباحه ولعب

غيداء: وما من ثانيه الي بتقول

محمد: هذولا اصحابي حبيت امزح معش

غيداء: ليش واصحابك يشتو يتزوجو؟

محمد: ماشي ماقد بش معهم الاولى بعضهم، والي مزوج ماسطاه مثلي يعني

غيداء بنظره دلع : وتسخى

محمد: بعقلش انتي ولا اقوم اوريش الجنان

غيداء ضحكت: يعني قلت يمكن يمكن

محمد: ماتقلي يمكن ولا يمكن انتي بالذات عارفه انتي ايش بالنسبه لي ، ماصدقت وصلت لش.

غيداء : ولاشي عيغيرك عليا !..

محمد: الا لو جننت بش اكثر ايوه شاتغير هكذا بس

غيداء ضحكت

محمد: مشتيش شي ولا حد يشكك بحبي لش ولا واحد في المئه

غيداء: والله انه رغم الي بينسمعه مابينصدق ولا بينخلي حد

محمد: ايش بتسمعي

غيداء: تعليمات النسوان كيف توقع خاتم باصبعي كيف انتبه لك

محمد: لاتصدقي لحد قد شليتي قلبي بكله ، ياويلش تصدقي تخاريفهن

غيداء: ما بينصدق الا قلبي وعقلي بس.

محمد: لو تبسري كم معي اعمال ومشروع كبير هذه الفتره ادعيلي بس يتم ع خير

غيداء: قد بينقل العمل قدلك فتره ماعد بتتابع شي

محمد :اكمل المشروع الجديد وبعدا اتفرغ لهم

بيت علي غرفه انور..

انور: مالش بالله وجهش بدل ماتفرحي بجيتي.

حفصه: ليش افرح وانت فارح بخبرتك اكثر مني

انور: مادخل خبرتي بش كيف فارح بهم

حفصه: مفروض تسفرني انا مش هم

انور: مش شليتش بعد العرس

حفصه: ايوه بعد الزواج تنسى خبره وسفريات مفروض ماتفلتني

انور: طيب هي يومين غيرت جو وجيت

حفصه: وانا ضابحه شقرح انت غيرت جو ومفتهن وانا ساع الكلبه لوحدي

انور: لاتدوري هدار عادنا جيت

حفصه: بدل ماتساليني قلبتها مشاكل هيا تمام.

انور شافها زعلت ضبح وخرج جلس مع ابوه

حفصه اتصلت لغيداء: مابتفعلي

غيداء: جالسه

حفصه: ومحمد؟

غيداء: عندي

حفصه: كيف طبعه ساع صاحبه عيقرح ضبح ولا ماشي

غيداء: بالعكس رجع مفرفش تقلي جاهل رجع من الحديقه

حفصه:بنتصايح لانه هو الي غلطان دائما وانتي ماترضي تتدخلي وتنصحيه

ايمان: انا مارضاش اتدخل بخصوصياتكم، اما لو دريت انه غلطان اكيد ماشسكت

حفصه: المهم ياغيداء انا شاوقع لش عكس مابيفعلو معي شانصحش لما صدق تبسري حياتش احلى حياه

غيداء ضحكت: ومن قلش انها مش احلى حياه

حفصه: عاد انتي اصبري شويه وتعرفي كيف الحياه صدق

غيداء: تمام اول ماعرفت كيف هي شاجي لاعندش

حفصه: والله ياغيداء بتتمسخري بي وانا من حبي لش بينحاول اوقع معش مثل ما نفسي مرت اخي توقف معي

غيداء: مش مسخره بس مش شرط ضروري يحصل لي شي ليش بتفاولي لي

حفصه : لان كل الرجال سوا

غيداء: ماشي ، ولو كلهم سوا فبنظرهم احنا كلنا سوا ومش احنا كلنا سوا ، كل واحد له طبعه بنشترك في بعاسس بس

حفصه ضبحت: انا من بينكلم واحده بيحبها زوجها عيموت عليها ماعندش حجه تدافعي بقوه

بعد يومين..

غيداء بتجهز الغداء عشان محمد في الطريق

محمد وصل سلم عليها وجلس كان ضابح

غيداء: مالك؟؟

محمد: اصحابي رجعو بالثانيه وانا رجعت بمشبك

غيداء كان في يدها ماء عشان يشرب محمد سمعت الي قاله قربت القلص من فوق راسه وهو بارد: حبيبي السفر والطريق اثر عليك ضروري تصحصح

محمد شهق: يححح ، بعيني ياغيداء لاحقها وهي هربت لانازل

رحاب : اهلا ايحين جيت

محمد: الان

رحاب : مالك شعرك مبلول

محمد: هذه غيداء وين جت هربت لهنا

رحاب ضحكت: مدري

غيداء طلعت بسرعه نزلت الغداء وتغدو سوا مع رحاب

خارج في الشارع..

مرت انور راجعه مع ايمان لقيت ابتسام وابنها: وين عتسيري؟

ابتسام: اطرح غسان عند جدته، معي محاضره

ايمان: اديه عندي، رحاب تاعبه ظهرها حرام بيشغلها

ابتسام: ابوه عيمسكه سهل

حفصه: ابوه كان مسافر عادو جا تاعب وبعدا ماقد وصل سوا خليهم شويه يفتهنوا وبعدا اديه

ابتسام: والمحاضرات كيف

حفصه: اجلي الدراسه وانتي، ابنش اهم.

ايمان بقصت حفصه: سهل اديه عندي امد

ابتسام شافت حفصه بنظره، ناولت ايمان شنطته والولد ومشيت

حفصه: هذه قدو بالعاني وابوه مسافر والله ماقالت شي ولا طرحت ابنها بقعه

ايمان: وانتي بطلي تهاجمي مادخلش

حفصه: كيف مادخلي ، تشتي الصدق هي غيداء عودته الدلع

ايمان: يابنتي خلي كل واحد يعيش مثل مايشتي لاعد تقلي لها شي غيداء الي فيها مكفيها انتي حين تقلي لها هكذا بتزعليها وتكرهيها في الولد

في البيت..

محمد مبسوط وبيجابرهن فعالياتهم..

غيداء: اهم شي غيرت جو

محمد: قوي ،روعه السفره مع الشباب

غيداء مبتسمه : الله يسعدك

كملو ورفعت الاكل دخلت تغسول

رحاب لحقتها تعاونها : كيف مافي حسش ياغيداء يسير مع خبرته ويفتهن ويغير جو وعاد انتو عرسان لاتعوديه

غيداء: مافيها

غيداء: وانا كيف اجلس وحدي ؟!

محمد: انزلي عند امي سيري بيتكم هي يومين ورجعت

غيداء سكتت

محمد: جهزي لي ثياب سريع امد مانزل اتفاقد السياره

غيداء : قامت تجهز له ثياب

ثاني يوم الصباح سارت بيتهم..

مرت انور شافت جت بأشياء في يدها : عتمسي عندنا ؟

غيداء: ايوه

مرت انور : او حانقه؟

غيداء عقدت حواحبها: مع من غير شر ، بس سافر محمد جيت هنا بدل ماجلس وحدي

مرت انور مسكت خصرها: وماله مايشلش معه !! ايش قد برأسه

غيداء: عيسير مع خبرته ايش برأسه

مرت انور: خبلا هم مايودفو بواحد الا خبرته

غيداء: مش هو جاهل يودفو به

مرت انور: اوقعي حاذقه من حين تزوجت اخوش ماعد ذاكر حد من خبرته الا زوجش

غيداء ضحكت: و انور سافر معهم ياسعم مش انتي داريه!

مرته: انور سار العمل !! ايحين سارو؟

رن تلفونها جاوبت...

انور: حفصه شاسافر مع محمد الحديده عمل يومين ونرجع

حفصه: عمل مه؟ قالت غيداء عتسير مع خبرتك ماقد معاكم

انور: اتزوج ! مامعنا نلوي ونرجع

حفصه: عتشلونا معاكم

انور: أشلش مع الخبره! انا الغلطان اتصلت انبيش ..غلق

غيداء ضحكت عليها: هيا لاعد تنصحيني

مرت انور: الله يسامحك بس يامحمد عتخرب زوجي انت

غيداء: خاربين من زمان..

ايمان كملت تسلم من الصلاه: عتعقلين ؛مافيها لو سارو ياسعم انهم عصافير تخبيه من خبرته يا حفصه مابتعلميها، حالي المره تخلي لزوجها مساحه مع خبرته عشان يخلي لش حالش

غيداء ذكرت موقفها نفس حفصه بس هي مابينت ، كلام امها اثر فيها وهدات شويه.

الليل ..

حفصه: غيداء هيا تتصل لهم !.

غيداء: كلمني. محمد قبل ساعه ، اتصلي انتي

حفصه: ماله انور مايتصل ماكرها هرب او كيف

غيداء: مشغولين حتى محمد ماقدر يكلمني سوا كلهم جنبه

انور: على الاقل ذكرش ، هيا والله ماتصل له طز فيه.

غيداء شافت رساله منه :( فقدت لش) اول مارجع شاشلش وتسافر انا وانتي ( ابتسمت)

حفصه: هذا محمد صح

غيداء: ايوه، خافت تقلها ايش قال وتزيد تجنن انور

حفصه: هيا والله ماتصل لاخوش ( طفت تلفونها)

لفتت لغيداء: وبعدا انتي اشتي احاكيش كم لي وانسى ليش بتخلي عندش غسان

غيداء: محمد بيفقد له وعادي

حفصه: مش هو عادي عتعوديها يجي واصل ماعد عتاخذي راحتش ، بعدا لما يوقع لكم جهال عيجي ابنش وقدو ضابح مابش نفسه له للجهال

غيداء: وانتي مادراش ! انا طالما قبلته ومعه ولد شاقبل اي شي عشانه

حفصه: عترجعي تندمي

غيداء: مستحيل اندم، ربي عيعوضني وعتبسري وبعدين قد بينحنج غسان مافيها و الله ان حتى بينفقد له


حفصه: الله يعينش صدق

ايمان: حفصه خلي للبنت حالها لاتعلميها الجنان حقش يكفيني انتي وانور مصايحه واصل


( ت.ع.خ)

غيداء: مع سهل خليه مع ابوه حرام ينكز ويبكي

رحاب : الله يتمش بعقلش ونزلت

محمد شاف غيداء: انا اسف قوي اسف على الرفسه هذه بس ماعرفت كيف اسكته

غيداء: سهل الان شارفع كل شي بسرعه

محمد بدأ يعاونها: خليش انتي سهل انا شارفع

غيداء: طيب نبسر من عيتم الاول

محمد داخل نفسه: هي بعقلها أو طيبه لهذه الدرجه

كملت ترفع شافها بنظره

غيداء : ايش؟

محمد: مش داري ايش اقول شفتي لما يوقع كلام عميق وخيرات بس ماتقدري توصفيه

غيداء: عن ايش؟

محمد: عنششش انتي ملاك

غيداء استحت : فكرت شي ثاني

محمد : كيف كان العرس ماقالين لش من الكوافيره

غيداء ضحكت: لو تبسر محد صدق ابدا كلهن سألين و زينب مستغربه كيف قدرت قلت لها لانك بترسم

محمد: يلا شافتح محل وامكيجهن كلهن

غيداء قربت مسكت رقبته: شاموتك

محمد ضحك: طيب ماقالو ان معي اجمل مره في العالم

غيداء: مايهمنيش مايقولو اهم شي أنا كيف بعيونك

محمد مسك عيونه: انتي داخل هولا الثنتين وحدش وبس

ثاني يوم وقت المغرب..

ابتسام جت لقيته عند رحاب كان بيبكي: يوه ماله؟

رحاب: حرام عليش كيف متهنيه المذاكره والدراسه ولا في حسش منه جاهل في هذا السن بحاجه امه ماعتطير دراستش ولا عيقفلو الجامعات ادي حق الجاهل هذا من امومه بعدا تشتي تطرحيه لابوه عادي

ابتسام زعلت: بس اتفقت انا ومحمد

رحاب: وانا ام بينقلش الصح ماقال محمد شي ولا تحاكا ولا غيداء ، انا الي غثيت كيف الولد مضيع بدونش

ابتسام: طيب مافعل معي مذاكره وبعدا اختبار وبعدا جلست اراجع انا والبنات مواضيع

رحاب: انا قلت الي عندي نصيحه وانتي أخبر . لو تعلق ابنش بغيرش لاترجعي تقتهري مثل ماقتهرت انا


بعد أيام ...

محمد قام من النوم تلفونه بيرن راح يجاوب خارج..

غيداء استغربت ليش خرج لحقته بعد شويه سمعته بيتكلم مع صاحبه رجعت الغرفه ترقد ما جالها نوم

محمد دخل : نكزتش؟

غيداء: من اتصل هذا الساع؟

محمد: خبرتي مخزنين قرحت الخداره نسافر الحديده

غيداء: هذا الساع؟

محمد : ايوه بعد الفجر عنخطى

غيداء: وانت عتسير ؟

محمد: غيداء !!! سمعتيني ماقلت لش ايوه نسافر يعني شاسير، مالش ساع الي بتهددي


غيداء: مش اهدد بس مستغربه انت نوم كيف عتسير ( مش ساخيه يروح)


محمد شاسير اغير جو

غيداء: ليش ضابح؟ ( خافت لو مل منها ) مخاوفها غير مخاوفه وطريقه تفكيرها غيره

محمد: مش ضابح يا حبيبتي خورنا نسير رحله شبابيه

غيداء: انت متزوج هم فارغين

محمد : يعني لو متزوج ايش خلاص ماسيرش بقعه احتبس

غيداء زعلت : طيب براحتك

محمد شايف زعلها مش مقنع مافهم انها فهمت شي عكس الي فهمه
( سوء الفهم بين الزوجين بدون نقاش )

غيداء: وانا كيف اجلس وحدي؟

رحاب ضحكت شافت غيداء: زينب بتحش عليش... قالت لها الي قالته

غيداء ضحكت: والله انه محمد من صدق

بنات خال زوجها: قلدش الله !! محمد. ؟

رحاب لفتت لغيداء وضحكت: ايحين ياغيداء مش قلتي عتخرجو ولاعد سمعت لكم حس

غيداء: اصلا كنت خايفه إنه ماقد بدأ ولا حسيت ماشاءالله يده خفيفه

زينب : ايش من يده خفيفه وبس مش مصدقه والله !!! اخي ؟

هديل جالسه تتفرج لها بنظرات :بعض نسوان يجي زوجها يجرب يفعل لها روج وعادو معوج ويقلين زوجي مكيجني وهو الا فعل الروج

غيداء: ماستوعبت قصدها منشغله بالي بيجابرين وفستانها

سمعت رد زينب

زينب: بس مش هي غيداء من هذا النوع ، قالت محمد فعل لها كل تفصيله في وجهها

هديل فعلت نفسها مابتسمع: هيا ندخل شرق مالكن واقفات

غيداء استغربت لما شافت الموقف

زينب : تعلمي تردي لاتسكتي

غيداء: ماسمعتها

زينب: لاحظت هنا كل ماسكتي كل مازيدين بها يفكرين انتي ضعيفه شخصيه مش داريات انش على نياتش

غيداء ضحكت: ابردي لش منهن مافي حسي من حد

زينب مبتسمه لها: خلاص محمد شل حسش من الكل

غيداء ضحكت

بعد ماكمل العرس رجعين البيت..

غيداء وصلت بتسمع صوت بكاء دخلت تشوف البيت مكركب لعب وجعاله في كل بقعه بتداعيه : محمد.. محمددد

محمد خرج مبهرر: قد كان رقد قيمتيه

غيداء شافته في حضنه بيبكي : اشله؟

محمد تفعلي خير ناولها

غيداء حضنته بتلوي به : انت فعلت له حليب؟

محمد: ماشي ماعرفت قلت يرقد وبعدا سهل

غيداء ضحكت : نونو جاوع كيف يرقد وبعدا سهل ، لديه وين شنطته؟ دخلت تشوف

رحاب طلعت وراها تناولها الكيس حقها دخلت وشافت الي شافته غيداء محمد واقف

محمد: ادخلي يمه

رحاب مبهرره بتكلمه بمشاوره : وين مرتك؟؟ زعلت!

محمد استغرب: من ايش تزعل؟ دخلت عند غسان

رحاب: ماقالت شي حين ابسرت البيت هكذا؟

محمد: ماشي ،اصلا مادريت مافعل له، لاعبته رشيت له البفك كان يضحك يسكت

رحاب : وليش امه ادته هذا الساع

محمد: معها اختبارات قالت اشله عندي

رحاب: وانت عريس عادك جيت تحترم شويه ابنها ماعتفعلو له انتو

محمد: مدري هذك غيداء عنده

رحاب حست موقف صعب وهي بتصيح فوق محمد في الأخير هذا ابنه بس عشان لاتبدا مشاكلهم مع غيداء : وقفت باب الغرفه شافتها حاضنته بتلوي به ترقده

رحاب قربت مدت يدها: اديه عندي، وسيري اجلسي عند زوجش لايمهد فستانش

غيداء : سهل

رحاب : ارقده لش اديه

غيداء ناولتها وخرجت رتبت البيت

محمد: اسف على المهد هذا مقدرت له بيبكي جلست الاعبه

غيداء : سهل ياروحي الان بساعتي ارفع كل شي

محمد: بيعاونها يرفع معها

رحاب خرجت وقد رقدته: انزله عندي؟

غيداء: مع سهل خليه مع ابوه حرام ينكز ويبكي

غيداء بعد خمس دقائق من وقت ماقالت له اصلح شعري اول : محمد خلصت شعري ماعتفعل

محمد شافها:( شعرها مقسوم نصين في كل جهه كعكه ملفوفه بربطه ) بصدمه :غيداء عتسيري هكذا العرس ؟؟؟

غيداء بتشوف نفسها: مع شابدل الفستان بعقلك، ضحكت

محمد: مش الفستااان ، شعرش صلحتيه خلاص؟

غيداء : ايوه بس شافتحه هانك

محمد : وليش فعلتي هكذا شكلش ساع الجهال الي يغنين في الاذاعه المدرسيه

غيداء ضحكت: عتبسر بعدا كيف يقع

محمد : هو لازم ابسر والله ماتفتحيه الا هنا

غيداء بكل ثقه: تمام جلست هيا ابدأ البرايمر

محمد : داري خلاص ولاتقلي شي، اجلسي ساكته عشان اركز

غيداء شافت الساعه ': الله يستر ايحين تتم

محمد بهرر : قلنا اصاااه

بعد ساعه ونص ..

رحاب شافت الساعه ٣ وربع بتتصل لها ... محد بيرد

اتصلت لمحمد و لابيرد..

قامت تخلص تجهيزات

غيداء ماعد قدرت تتحمل خايفه ماقد فعل شي وبتسمع بيأذن عصر : حبيبي جالس بتتفرج فيديوهات مكياج مالك ماتتم

محمد : غيداء انتبهي تفتحي عينش

رش لها مثبت المكياج

غيداء نكزت فتحت عينها: مابتفعل

محمد : غمضي.. فعلت مثبت المكياج

غيداء حست بصدمه أنه ربش ترتيب المكياج وبدأ بالمثبت وانه ساعه بيقرا ادوات المكياج..

محمد طرح المرايه قدامها : هيا افتحي عينش تميت

غيداء انصدمت من كلمه تميت !!!! ايحين مكيجني ..

بتشوف نفسها مصدومه : محمد

محمد مبتسم بيتأملها

غيداء لفتت له : مش مصدقه والله ، كيف ! تخيل اول مره لك كيف فعلت الالوان حق العين رهيب

محمد : اسكه ابسريني

غيداء شافته

محمد جلس يضحك ! المكياج في كفه وشعرش في كفه شكلش جاهله قومي بدلي ووريني شعرش كيف وانزلي لان امي عتلاقيها فوق السياره مراعيه

محمد كمل يصلي شافها لبست الفستان وجالسه بتلبس الذهب فتحت الكعكعه الاولى وشعرها وقع مموج نااااعم مكسر تكسيرات خفيفه ،،

غيداء صلحته باصابعها وهي بتشوفه: هيا ابسرت الكعكه كيف هي

محمد بيضحك : تجنني

غيداء استحت : هي مواهبك الي تجنن يا حبيبي

في الصاله اول ماوصلين ...

زينب شافت غيداء كانت لابسه فستان بنفسجي راوي لونه غامق بسيط وذهب انيق مفصص بالوان متماشيه مع فستانها وردي درجات بنفسجي وشعرها مسرح بنعومه وأناقه لما لفتت مكياجها رهيب دكمت امها : وين سارت غيداء تتصلح وقعت رهيبه احسن من يوم عرسها مكياجها فضيع

رحاب مدري والله ماقالت لي نسيت اسال اصلا مابسرتها الا ذلحين...

بنات خال محمد بيسألنها: وين سرتي ياغيداء وين تصلحتي؟من مكيجش؟ كل واحده فيهن كانت تدي اسم

غيداء ضحكت: محمد

زينب لامها : قد مرت اخي بدأت زبج الي بدايه زواجهن كل شي زوجي فعلي ادالي

رحاب ضحكت شافت غيداء: زينب بتحش عليش

وهم في المطبخ..

محمد : حبيبي مايعجبها البصل ماشفعله

غيداء : وحبيبي مايعجبه الطماط عنبعده

محمد ضحك: وكيف عنفعل بالطبخه!! عتوقع بغير طعم

غيداء ضحكت: هيا نغير الخطه نفعل شي ثاني

محمد : تمام

غيداء فجأه وهو مندمج بيفكر ايش يفعل: تحبني؟

محمد فلت الي في يده شافها : ضحكككك

غيداء ضحكت: مالك

محمد بصوت عالي: هذا سؤال دلع ولا منش صدق

غيداء مغمضه عيونها: مني صدق

محمد تنهد : منهاااا. صدق مافعل الان كيف اجاوبش ، مارأيش

غيداء بتهرب منه : خلاص دريت

محمد: ليش سألتي طيب

غيداء:مدري اليوم حين كلمتني بطريقه مش متعوده منك تكلمني هكذا

محمد انصدم: انا ؟؟ ماقلت!!

غيداء: حين صيحت ادخل وانك عتوصل غسان

محمد: لاني خايف عليش ليل تشليه تتحمليه وتخطي ممكيجه قبال الرجال انتي بعقلش !

غيداء: هاا خايف عليا، اصلا نبرتك كانت هنجمه

محمد: لاني شفت قله عقلش تشليه انتي ليش! غيداء انا داري ليش كنتي تشتي تشليه فاهم انش بتتضايقي من سيرتي بس صدقيني واوثقي اني مابينفعل شي يخليش تندمي على ثقتش فيني انا بينحبش انتي وحدش

غيداء : مدري ليش عندي خوف ، ماعد اشتي حد يشلك مني

محمد: قد شليتيني انتي ولاعد تفكري هذه الأفكار الخبلا تمام

غيداء: هزت راسها

محمد : يلا جي عاونيني

غيداء بتضحك: انت بتسلق بيض اعاونك في ايش

محمد: ابرشي الجبن افعلي شاهي

غيداء حاضر...


ثاني يوم نزلت هي ومحمد عند رحاب الظهر..

رحاب : غيداء عتجي معي عرس اخت زوج زينب تجهزي

غيداء: تمام

رحاب: ولا اقلش سيري كوافير عادش حريوه

غيداء : حاضر

رحاب: وصلها يامحمد ذلحين تقطب لاتتاخر

محمد حاضر: اطلعي البسي...

وهم في الشقه..

محمد بيتفرجها وهي بتمشط شعرها : غيداء مارأيش نخدع امي وامكيجش انا !!

غيداء ضحكت: عتخدعني انا مش هي

محمد: جربي ولو ماعجبش تمكيجي لنفسش

غيداء طننت شويه: وافقت مش عشان بينحبك بس عشان اعرف رسمك حالي نبسر ماعتفعل ، اسكه

محمد: بس قبلها وريني انتي الاشياء كلها حق ايش

غيداء خرجت المكياج جهزته وبتشرح له....

رحاب راكنه أنهم قد خرجوا...

محمد منتظر تخلص تصلح شعرها وبيشوف فيديوهات مكياج...

(( اليوم أفكاري بطيئه جدا لذلك اكمل لكم بكره حق اليوم وبكره)

ت.ع.خ

غيداء غيرت الكلام : ماشاءالله طبخش طعيم يامرت اخي

مرت انور فرحت:صدق، يهنى قلبش

ايمان:بتقرب لمرت انور رجل الدجاجه

غيداء :مالش ساكته او مافقدتي لي قد معش مرت انور ماعد بش غيداء تخلي حقها

ايمان ضحكت: الا فقدت لش ، ومرت اخوش تقرح القلب مابتاكلش سوا

غيداء:هي عتساير انور ويفتح شهيتها للاكل بخورات اخر الليل واختراعاته

ايمان بتكلم مرت ابنها : فيه طبع هو ومحمد كان يعجبهم يخترعوا اكلات واصل بعدها كسلو

بعد الغدا...

ابتسام جت و رحاب و زينب جالسات كلهن..

مرت انور جالسه جنب غيداء بتتفرج ابتسام وغيداء بيتجابرين

ابتسام بتكلم غيداء وابنها بيهزر شعرها شويه ويبكي ويدحس ويبقصها متضايقه مش قادره تسمع غيداء سوا عقدت حواجبها وهي بتتكلم وباين عليها متغيره ملامحها

مرت انور دكمت غيداء: ابسري امانه كيف هي مبرقطه بتتحاكى وقد عتقوم تقتلش

غيداء ركزت على ملامحها صح متغيره لفتت لمرت اخوها : مدري مالها

مرت انور : هكذا كل ماتتحاكي من محمد وتقلب

ابتسام : ادخل ارقد غسان هرمني وارجع لكن

غيداء: يمكن من ابنها

مرت اخوها ابسري حين ترجع ومابش معها مايضايقها وتحاكي وابسري

غيداء :ساكته بتسمع

رحاب شافت ابتسام دخلت لفتت لغيداء : كيف سفرتكم باين عليش افتهنتي

غيداء: الحمدلله روعه قوي

مرت انور : مابش احلى من بلادنا

غيداء: ايوه، بس الصدق وهانك حالي

رجعت ابتسام ارتاحت مبتسمه جلست: ايوه ياغيداء تعلمتي اللغه قلت عترجعي وقدش بتتحاكي تركي

غيداء ضحكت ، يعني الي اعرفهم من اول مابش غيرهن

ايمان : ماتشتي منها قد رجعت

ابتسام شافت الوقت قد بدأ يسبح يأذن مغرب: انا شاخطى اسير اذاكر شويه وايحين مايشتي محمد يرجع غسان يرجعه

غيداء هزت راسها: تمام

مرت انور: ابسري كيف ضايقت وقامت صدقتيني وعادها عتطرح لش ابنها وهي داريه انش حريوه وانتي جالسه تدافعي عليها


بعد صلاة العشاء ، مروحين للبيت

محمد: ادخلي اسبقيني اشله لامه وارجع

غيداء: ليش

محمد: ماقدرش الليل انتبه له يجلس يبكي

غيداء: ليش تسير انت ماقلت ليش ترده

محمد: من عيسير طيب هذا الساع لراس الشارع؟

غيداء: اشله انا؟

محمد: وانتي ممكيجه ملبسه ؟ والرجال مرتصين كلهم،، شاطلعه لها بساعتي وارجع، ادخلي


غيداء ضبحت دخلت وهي بتقلب كلام مرت انور في راسها

ونصايحها لها قبل ماتروح


اول مارجع محمد في يده اكياس

غيداء متغيره ملامحها منه : ليش تأخرت؟

محمد فاهم انها بتغير بس بيهدي الوضع: ماتاخرت عندها ناولتها من الباب وخورت نطبخ انا وانتي ، سرت اشتري هولا

غيداء شافت الاكياس والمحل هذا صح بعيد ابتسمت: الله ذكرتني بأيام زمان ،

محمد: ذكرتي الاكله؟

في المطعم الي كان يحب يروحه..

صاحبه المطعم كبيره في السن تعمل معجنات لذيذه شافته رحبت به سلمت عليه وعليها سألته: هذه اختك؟؟ لا مش لابسه نظاره اميزها سوا

محمد: هذه بنت قلبي و زوجتي واختي وحبيبتي وكل شي حلو لفت لها وقال لها الكلام باليمني

غيداء مستحيه مبتسمه له

ضيفتهم وباركت لهم..

محمد بيأكلها: وهذه اطعميها

غيداء: خلاص شبعت

محمد بهرر: اقلب الوجه الثاني

غيداء ضحكت اكلتها وسبقت شلت اخر قطعه عشان تأكله بدل مايأكلها: انت ولا مره اكلت من يدي

محمد: تقولي عنجلس هكذا ؟ ولا عترجعي تأكلي جهالش وتنسيني

غيداء: انا الي خايفه من هذا الشي بس أن شاء الله نجلس

محمد: ولو نسينا كل واحد يذكر الثاني هذا الوعد تمام

غيداء: تمام

محمد مد.يده: يلا عشان نتذكر اللحظه هذه لو يوم تغيرنا على بعض

غيداء مدت يدها

محمد باس يدها: خلاص انا حليت هيا نمشي

غيداء قامت: وين عنسير

محمد: البيت ماعد باقي

غيداء: تمام

محمد: ايش الي تمام جبر العقل ، جي أشلش بقعه تعجبني كافيه ضخم وتشوفي كل شي من فوق

غيداء: رغم اني معك على الأرض واحس نفسي طايره فوق

في اليمن...
ابتسام بتلاعب ابنها اتصلت لها اختها: كيف انتي وابنش

ابتسام: الحمدلله

اختها: صدق محمد تزوج؟

ابتسام: من قلش؟

اختها: اتصلت لاعندكم للبيت جاوبت بنت خاله

ابتسام: ماقالت لش

اختها: قالت ابتسام قد نقلت اتصلي لها للسيار قلت لها ليش نقلت قالت محمد استأجر لها شقه وعيدي مرته هنا

ابتسام: ايوه

اختها: وانتي ليش ترضي تخرجي وتفلتي حق ابنش

ابتسام: ليش ابني عيورث ابوه من ذلحين أو ايش، هو حر الرجال

اختها: قلتلش انش هبلا لو تسمعيني بس
ابتسام: عشنا كل شي بالغصب في الحياه غصب نتقبل ام ثانيه وغصب نتزوج وغصب نفعل عمل غصب عننا لكن يحبني وأحبه مش بالغصب جربت ومابش فايده خلاص شي مش لي مش لي

اختها: هو لانش مش حاذقه كل شي بيسير من يدش اول شي الرجال ذلحين عتبسري الي بعد وتذكري كلامي إذا ماغيرته على ابنه وشلته عليش وعليه، وبعدا تندمي على ابنش ويكبر ويلومش

ابتسام: تمام كما قدنا محتاجه نصيحه شاتصل لش

اختها: يعني اقفل؟

ابتسام: لا ، بس مشتيش حد ينصحني في حياتي اشتي اعيش قراراتي بنفسي

اختها : الله يعينش

ابتسام: محد سأل عليا ؟

اختها: الا، دريو أن قد معش ولد وهم محيرفين كانو يشتو يجو يزوروش

ابتسام خافت: بعدين؟

اختها : قلت لهم زوجش محرم ومطلق تستقبليهم حين ماجو ولادش

ابتسام: ايوووه

اختها: رجعت خالتش وقع لها تهزيء من ابوش وهدأت

ابتسام: الحمدلله

اختها: يلا الله يعينش ويهديش بس

ابتسام: يهدينا جميعا...قفلت وشافت ابنها
( لا نصدق خالتك ..

الليل الساعه ٧

محمد كمل يصلي: هيا غيداء عنتاخر
غيداء محتاره قدام ثيابها: ايش البس ؟
محمد: هي زياره بس ونمشي البسي الي تحبيه
غيداء : أحسك عادي مش فارح أو متحمس أو فاقد لهم
محمد: انتي شليتي فرحتي كلها لش، البقيه بينحسهم زي بعض ، تصدقي رغم جلست عندهم فتره بس مدري كيف كنت احسكم انتو اهلي اكثر منهم خالي طيب وقف معي ماله شي وأخي حاول يتقرب مني حين جيت ، بس مدري كيف أحسها واجب مجامله مدري كيف،، بس انتي غير عن الدنيا هذه كلها

غيداء : انت بتقول الكلام الحالي كله ماعد خليت لي اقوله؟

محمد : عنقول في الطريق هيا يأمره تأخرنا

غيداء ضحكت: مره ! وين حبيبتي
محمد: هذه قبالي حبيبتي

خرجوا وهم في الطريق

محمد: اشتي أشلش كل بقعه رحتها اول مره، كنت اكلم نفسي واقول لما اتزوج غيداء شاديها هنا وهنا

غيداء بتشوف البنات: كنت تشوف هولا البنات كلهن؟؟

محمد ضحك: ايوه وأكثر منهن

غيداء: ياسلام وعادك بتحانك

محمد: مش احانك اديت الصدق بينشوفهن كلهن وغيرهن، بس قلي لي بتحبهن كلهن!

غيداء: ياسلام ، اكيد ماشي مابلا انا

محمد: خلاص يعني الناس كلهم بكفه وانتي بكفه لاتقارني نفسش مع حد

غيداء مسكت يده : بينغير

محمد صاح في الشارع وضحك بفرحه: انا فدالها الي بتغير انتي مصدقه انش معي هنا!!؟ اسكه ابسريني

غيداء شافته: مجنون ؟

محمد: والله انه صدق مش حلم

غيداء: تخيل يامحمد لو هذا كله حلم وبعد شويه تفتح عيونك وأنه كابوس

محمد سحب يدها فحصها: ها حلم؟؟

غيداء : مع مع مش حلم خلاص بس الناس بتبسر ،،

بعدين ليش مشينا رجل ؟

محمد: البيت هنا قريب من الفندق شاشل السياره ونخرج بها لما نروح من عندهم


اول ماوصلوا استقبلوهم ..

غيداء جالسه وبتشوف تصرفاته مع اخوه مش فارق عن وضعها شي مستحي ويتعامل معه رسمي غير لما يكون في بيتهم ويكلم انور حست بزعل عليه


محمد وقف يستاذنهم

خال محمد: عندنا تعشوا هنا؟!

محمد: عندكم العافيه ،مره ثانيه

اخوه: ماعنحرجك عاد انتو عرسان خذ راحتك وشل السياره طرحت لك المفتاح فوق الماسه


محمد: تسلم

خال محمد: لو غيرت رأيك الشقه فاضيه جو فيها

محمد ضحك:تمام تسلم ، يلا خاطركم

لما خرجوا وطلعو السياره..

محمد: ايش رأيش ؟ كيف شفتيهم


غيداء: الصدق طيبين

محمد: ايوه

غيداء: بس ليش أحسك رسمي معهم مش جلست عندهم فتره

محمد: جلست فتره بس كنت اتنقل ودراسه وشغل ونفس الوقت خالي طيب وقف معي وأخي يتواصل معي من فتره لفتره بس مازلت احس بغرابه شويه


غيداء : طبيعي ، هم نفس وضعك بالضبط ماعرفوك سوا

محمد بدأ يغني لها رد على كلامها: مش هاممني الدنيا كلها وانت حدي

محمد: صباح الخير شبعتي نوم

غيداء بتستوعب هي فين ومن قدام وجهها ،،؟؟!!

محمد : مالش؟

غيداء :ماذكرش ايحين رقدت

محمد: هذا لانش كنتي متعوده وانتي نونو ارقدش وتطرحي راسش فوق كتفي وتحسي بحبي لش وبالحنان وترقدي

غيداء ضحكت: ناهي وين جت حنان ، طلعت لي عصبه

محمد ضحك : يهي واللقانه ، هذا بدل ماتقلي لي صباح الورد

غيداء كانت ملتفته بتشوف السماء في النهار وجمالها : صباحي السماء ولون عيونك

محمد ضحك : احنا هنا بنتغازل وابوش بيقالع انور

غيداء ضحكت: سهل يكفي احنا قد قالعونا خيرات ذلحين هو يستلم شويه

بعد ماوصلوا المطار ودخلو المدينه...

غيداء: تعرف تتكلم معهم؟

محمد: ماشي كان يترجمو لي خالي او اخي حين اجي، هذه المره مستحيل اخليهم معنا واصل ، وانتي ناسيه انش ركنتيني لما نسافر عتتحاكي تركي قد معش لغه من المسلسلات

غيداء ضحكت: وانت صدقت

محمد: ايوه طبعا ، مالي دخل وريني كيف عتتصرفي

غيداء:اقلك مش ضروري نحاكيهم يكفي نتجابر احنا وبس

وصلوا الفندق واتصل محمد لامه وبعدها لانور يشوف كيف الوضع

انور بصوت واطي: قد.التعنت لما شبعت انا وانت

محمد ضحك: توقعت

انور: بكر الصبح يقيمنا نتجهز نجي نسلم عليكم قلت له مابحد سافرو ...محمد ودفت ابي ابسرني اتكلم جا صليا

محمد: اديه احاكيه

علي هزر السماعه: هكذا تفعلوا؟ ماعد بش احترام زوجت جهال او كيف عاد الناس يبلغوا يتكلمو مش هكذا

محمد : ماكان به وقت اتصل وقع كله فجأه خالي حجز

غيداء بتشوفه وتضحك كيف غير كلامه وخايف

علي : هيا انتبه لها لاتخليها وحدها وتخرج البنت ماتعرف حد هانك تسير تضيع

محمد ماسك نفسه لايضحك: حاضر بعيني هذه معك حاكيها

غيداء بتأشر له لا لا

محمد ناولها وبيحانكها

غيداء شلت السماعه : لاتزعل مني يابه مانا مش داريه بشي قال لي انه حاكاك

علي : يلا ناهي انتبهي لنفسش وخليش مع زوجش تمام

غيداء: حاضر ؛ وين امي احاكيها؟

علي: امش راقده لابعدا وحاكيتيها

غيداء: حاضر قفلت التلفون ناولته

محمد سحب التلفون منها وقحص يدها : بتحارشي هااا

غيداء ضحكت: بينقلك لاتدي التلفون خفت يصيح

محمد :ماصيحش ليش يصيح انتي مع زوجش

صيح حين ماستأذناش ومتاكد لو استاذنت ماعيرضاش

غيداء بتضحك : الله ماعد حد يصيح فوقي شاتعذر بك في كل شي

محمد: من اول يوم نذاله

غيداء : ايوه

(( تنتهي القصه بزواج الابطال في اغلب الروايات توقعتوا تنتهي قصتنا هنا ؟؟!
الحب قبل الزواج يفرق عن بعد الزواج ، بنعرف اذا الشخص حبنا صدق بعد العشره والمواقف ، ايش قالوا الي حبوا بعض وتزوجوا ؟؟
استمر حبهم للأبد !!! كم سنه يعني ))

توقعاتكم لبكره و ت.ع.خ