موضوع إنك مش مرتبط و لا بتحب حد في علاقة بدون مسمى ده جامد و فيه تقدير لكل ثانية من عمرك اللي هو مركز في إنك بتدرس أو بتشتغل وبتمارس هواياتك وبتخرج مع صحابك وبتتعلم حاجة جديدة ورايق و لا شاغل بالك تستنى حد سنين من عمرك ولا بتفكر في حد ولو قابلت في سكتك شخص مناسب تدخل في علاقة محللة بدون ما تضيع وقتك لو مش مناسب هترجع لحياتك الطبيعية تاني و قبل ما بتنام بتبقى مخيلاتك عبارة عن إنك حققت أحلامك سافرت أو ركبت لامبورچيني وصلت لمكانة بتحلم بيها في المجتمع وبتنام وتصحى على يوم جديد لطيف بتسعى فيه لأنك تطور من نفسك وتبسط نفسك عشان مالكش غيرك تفكر فيه.