تيم السچاچة

هلو گايز✨🤍
شلونكم شخباركم؟؟ 🫶

شلون تطلعون اعفاء عام؟؟ ⚡️
هاي النصايح للناس اللي فقد الامل بالاعفاء ومعدلهم  بالسبعين👍

عندا مجموعة من النصايح اقروها زين واستفادو🥹🤍✨


1:التزمو بصلاتكم! اي لازم تلتزمون بصلاتكم حتلو ما عدكم وقت وعدكم امتحانات وعدكم شغل وعمل عادي ميضر تاخذون من وقتكم 10دقايق تصلون بيها وخلو صلاتكم دائما بوقتها لييش؟؟!✨
لان الصلاة كلما تكون بوقتها تكون خفيفة عل انسان وكل ما تكون متأخرة تكون ثقيلة عل انسان  خللي اشبه الصلاة من تروح خطار يم شخص اذا رحت لهذا الشخص بالساعة 7بالليل راح تكون مرتاح عكس انو تروح للشخص نفسة الساعة 12راح تكون نعسان وتعبان وبس تريد بطانية ومخدة وتنامون 😂✨🩷
فَـ الصلاة نفس الشي اذا اخرتها تحسها مثل الجبل على ضهرك واذا صليتها بوقتها تحسها كلش خفيفة ✨🤍
وحاولو تسوون المستحبات اللي وي الصلاة واذا متگدرون عادي سو تسبيحة الزهراء متخاذ من وقتكم كم دقيقة 💞
ارجع واگول التزمو بصلاتكم لان هي سبب توفيقكم والدعاء عند الصلاة مستجاب لكن اذا صلاتكم سرعية الصلاة بكبرها متنقبل 😔✨


2:احسبوا شگد تحتاجون درجات بنصف السنة وبالفصل الثاني؟ 💞
مثلا معدلكم 78تحتاجون بنصف السنة معدل92وفوگ وبالنصف الثاني تحتاجون 90وفوگ
ادري راح تگولون صعب بس صدگوني انتو بس شدو حيلكموالدرجات راح تصير تسعينات ⚡️
حطو هذا الهدف تحدي بينكم وبين نفسكم ✨💞🙈
ولتقارنون نفسكم بالاخرين حتلو اهلك يقارنوك بالناس لتهتم بين قوسين لتسمع اي حجي ممكن يحبط معنوياتك

3: احذفو كل البرامج اللي تشتتكم عن الدراسة ابسط شي الانستا غلقو فترة يعني لتحذفو اتمنى تعرفون شنو اقصد 😂😭✨
يعني وقفو فترة طويلة كلش..
عدنا التيك توك ! ⚡️💞 هذا البرنامج محبوب من الكل يعني شلون؟ ⚡️🤍
حاليا اغلب الناس عدها تيك توك فحذفو او لتطبون عليه والاحسن حذفو لان التشتت اللي بي مو طبيعي جرب هسة تگلب تيك توك ومباشرةً الزم الكتاب واقرة راح تحس نفسك مشّوش وعقلك مدا يستقبل المعلومة! 🙃
هذا التأثير راح يصير عل الامد البعيد يعني لو تگلب ساعة بالتيك ورا ساعتي تروح تقرة عقلك مراح يستجيب المعلومة 😃. فَـ حذفو هاي البرامج اثناء فترة الدوام والامتحانات. 🫶🤍✨

4:حددو شنو المواد اللي كملتوهن؟ 👍
يعني مثلا كملتو الاجتماعيات(قصدي مواد نصف السنة) خلو مراجعتكم بي مكثفة لان انتو مخلصين المادة ماعدكم واجبات جديدة بالاجتماعيات او غير مواد اما لو عدكم مادة ممكمليها مثل الكيمياءحطو مراجعتكم بيها عادية ✨
لان انتو مستمرين تاخذون دروس جديدة بهاي المادة ف لازم توازنون بالمواد...

وبسس اتمنة تستفادون ✨🥹💞
شكرا لمريم الجميلة 💞✨
شكرا لاستاذ مصطفى 🤍✨

جانت وياكم رقية 🤍✨😔

https://vm.tiktok.com/ZM6y8xNdg

وضع الطالب بعيد رأس السنة والامتحانات 😭😂💔👆🏻

كتبولي وين راح تطلعون 💫🎄

السلام عليكم جمعة مباركة عليكم 🌹❤️
حبيت انطيكم بعض النصائح لحفظ مادة ✨الانكليزي ✨

1-✨الانشاء✨طبعاً الانشاء هواي طلاب تعاني بحفظة واني جنت من هاي الطلاب بس بعد بحث 🧐 ومحاولات عديدة 🥀وجدت طريقة كلش مفيدة🌹 انو بالبداية احفظ الانشاء قراءة 100٪ بعدين اكتبة وراها اشوف شنو الاخطاء الي عندي ✨وأشر عليهن ✨واحفظهن وطبعاً هاي الطريقة مجربة من عدة اشخاص 🌝🌚

2-✨الفراغات✨ طبعا الفراغات او الاسقاطات الطريقة هي الترجمة يعني مثال «نهر الفرات موجود في دولة العراق» نعتبر ⚡️العراق هي الفراغ⚡️ تمام ورة ما سويت ترجمة للجملة🌹 اربط اهم كلمة بالفراغ 🌹يعني انتوا كلكم هسة ربطتوا كلمة الفرات بالعراق الي هو الفراغ تمام وطبعا هاي الطريقة هم مجربة 🌞

3-✨الاملاء ✨طبعا هذا الشي ما اله طريقة 😭😂 بس اكو هواي محاضرات باليوتيوب تعلمك هذا الاملاء ومن المدرسين ✨الاستاذ علي الغرابي ✨

4-واهم شي ✨القطعة الخارجية✨ الي حتة اني احيانا اعاني منه بس هواي باوعت محاضرات باليوتيوب تعلمك شلون تحلها بالتفصيل ف انت طالب الوزاري تعب روحك وابحث

✨طبعاً نصيحة لكل طالب ثالث متوسط لتخلي شي يوكف بوجهك حتلوا جانت درجاتك كلها ضعيفة تكدر تعوض الي فات بعدنا بالبداية✨ اتعبوا العبوا ✨
وانتوا الي رسبتوا و كل الناس ضلت تتشمت بيكم وتقول متكدرون توصلون ومراح تصيرون شي واكثر شي البنات لتهتمون اني اخوي صار بي نفس الشي بس مستسلم وهسة هو طالب كلية مرحلة اولى وشكراً اتمنى تستفادون 🌹

جانت وياكم السچاچة ✨رنين ماجد ✨

بما انو اقتربت نصف السنه اليكُم بعض الادعية ان شاء الله تفيدكُم 🤍.

* دعاء #قبل_المراجعة :

" اللهم اني أسألك فهم النبين وحفظ المرسلين والملائكة المقربين اللهم اجعل ألسنتنا عامرة بذكرك وقلوبنا بخشيتك واسرارنا بطاعتك انك على كل شيء قدير وحسبنا الله ونعم الوكيل" .

* دعاء #بعد_المراجعة *

" اللهم اني أستودعك ماقرأت وما حفظت وما تعلمت فرده عند حاجتي اليه انك على كل شيء قدير " .

*دعاء عند #التوجه_للإمتحان

" اللهم اني توكلت عليك وفوضت أمري اليك لاملجأ ولا منجى منك الا اليك " .

*دعاء عند #دخول_الإمتحان

" رب أدخلني مدخل صدق وأخرجني مخرج صدق واجعل لي من لدنك سلطانا نصيرا " .

*دعاء عند #بداية_الإجابة

" رب اشرح لي صدري ويسر لي أمري واحلل عقدة من لساني يفقهوا قولي ,باسم الله الفتاح اللهم لا سهل الا ما جعلته سهلا يا أرحم الراحمين " .

*دعاء عند #تعسر_الإجابة

" لا اله الا أنت سبحانك اني كنت من الظالمين يا حي يا قيوم برحمتك أستغيث رب اني مسني الضر وانت أرحم الراحمين " .

*دعاء عند #النسيان

" اللهم ياجامع الناس ليوم لاريب فيه اجمع عليه ضالتي " .

*دعاء بعد انتهاء الاجابة

"  الحمد لله الذي هدانا لهذا وما كنا لنهتدي لولا أن هدانا الله".

أن شاء الله رَبي يسهلها عليكم وحتحصلون المعدلات الي تتمنوه ربي يوفقكم .
[مـࢪيم حسيـن]

طلابنا الحلوين ، يوم الأحد دوام رسمي ، ماكو عطلة ، فقط يوم الأثنين عطلة الي يصادف 1/1 🎄💫💕

الي عندة امتحان و واجبات مهمة خلي يقراهن 📚💛🙃

هلوو سچاچة شلونڪم شخبارڪم 💕

سچاچة اقروا لان نصف السنة مابقى لها بس وقت قليل وية العطل والامتحانات يجوز 14 يوم ، بيوم 20 تبدي الامتحانات نصف السنه مو صح
فانتِ اذا چنتِ تحضرين ب اليوم ماراح يصعب عليج / عليك شيء والله 💛📚

واذا ماجنت اتحضر ف راحح تتعب هوايي وهو حته ماكو عطل امتحان ورة امتحان في نصف السنه فشدوا حيلكم يا شطار 💫💪🏻❤️‍🔥

وعتمدوا على دراستكم والله ماتفيدڪم غير دراستڪم وانتو متفرحون اذا ما رفعتوا راس اهلكم بين الناس صح لو مو صح ✅ ؟
انــmęـي شاطرة بس سويت تحدي وي صديقاتي ڪون وحدة تطلع اعلى من الثانيه وهيج ، انتوا هم انصحكم تتحدون اصدقائكم وتسووون تحديات ايجابية تحفيزية 💚😆🔥

كثروا من قراءة القرآن وما اوصيكم بعد بالصلاة 😇 ربي يوفقكم ويسهل اموركم ، و اذا طلعتوا برأس السنة حاولوا تتونسون وتغيرون جو لان هاي اخر الطلعات بعد 🎄😂❤️‍🔥

چانت وياڪم السچاچه [Rįtaj, ࢪتــــاج]
😔💗والتوفيق للجميع يارب 🥀🥀

"ما تسعى اليه ، يسعى اليك "

شوفوا ، انتو بس أسعوا للشي الي تريدوه ، حيسعى الكُم
يعني شلون ؟؟
يعني مثلاً انتَ او انتِ تريد تصير دكتور او مهندس الخ….
مو انتَ ما تدرُس وما تتعب وما تبذُل ساعات طويله للدراسه  وساعاتك كُلها تقضيها كَسل ونوم وتريد تحقق حلمك ، ترا الحِلم من يشوفكُم عايفيه وكاعدين ولا يمَه يروح منكُم !
يروح لناس كاعده تقرا وتتعب وتستاهلهَ !
اذا ما سعيتوا لحِلمكُم انسوا تحققوه !

زيين شلون نخلي يسعى النا ؟

سهله ، بس تعبوا ودرسوا واهتمو بيه وابذلوا كُل جهدكِم راح يجيكُم !
اصلاً لا أراديًا انتو لمن واحد يهتم بيكُم تكومون تحبوه وتتقربون منه ، الحُلم نفس الشي الي يهتم بيه ويتعب حتى يوصله يگوم يتقرب منه الى ان يصير جزء منه (يعني صاحب الحلم يحققه)

-  گوموا لحِلمكُم حتى يجي هُوّ الكُم ،اني ادري بيكُم كُلكم ابطال وتكدرون تحققون أحلامكُم وتفرحون وتَفرحون اهلكُم 🫶🏻⭐

https://vm.tiktok.com/ZM6Dvsva5

تحفيز لكل طالب لأمتحانات نصف السنة وبالأخص للي درجاته جانت ضعيفة 💕💪🏻🔥

هلو سجاجة خميس سعيد 🤍
اليوم راح اعلمكم شلون نستعد اللاختبارات بنصف السنه بطريقه سهله 👍🏻

1- اعداد مخطط زمني للدراسة سو جدول واكتبو عليه الامتحانات الي ماجنتو مركزين عليها او المواد الي مقصرين بيها وادࢪسوها🫶🏻🙃

2- الصلاة امر مهم نلازم نعملة اثناء الدراسة لان توفيقنا بيد الله وحلو انو تنظمون وقت دراستكم على مواعيد الصلاة💚🌱

3- استخدام أدوات مساعدة للدراسة استخدمو الهيلايتر و الستكنوت والملخصات لان هيا من اهم الامور الي تساعدنا على الدراسة واستخدمو الملخصات والهلايتر وحددو الاشياء المهمه والمطلوبه منكم بل ملخصات والكتب عشان تسهل عليكم الدراسة 🌺

4- الابتعاد عن المشتتات مهم هواي انو اثناء الدراسة نبتعد عن الاشياء الي شتت انتباهنا مثل التليفون والتلفزيون وحاولو انو تكعدون بمكان مابية لا تلفزيون ولا مبايل 👤💕

5- الدراسة الجماعية من احد اسهل الدراسة هيا الدراسة الجماعية بس قبل ماندرس دراسة جماعية لازم نتأكد من نقطتين اول شيء ماندرس بيوم الامتحان وثاني شي انو نتأكد من الناس الي گاعدين وياهم هما يحبوا انهم يدرسو ولا جايين يضيعو وگت ☺️👍🏻

الاستفادة من الدراسة الجماعية هيا:
اذا ما فاهم شي راح تفتهم
واذا احد ما فاهم شي راح نفهمه واذا عندك نقاط ضعف بهاي النقطه يزيد فهمك الها وهماتين تتبادلون المعلومات والخبرات في حل المسائل او الدروس📚

6- حل المسائل بل ورقه والقلم اكو هواي مواد البعض يفكر نفسه فاهمها بس لازم ما نقراء الامثلة نحلها على ورقه عشان نتأكد احنا فاهمينها لان في شغلات نطلع احنا مافاهمينها مثل الرياضيات وغيره🤗

7- الاستعانة بالتكنولوجيا عند عدم الفهم اذا اكو شي ما فاهمينا ما عليكم الا اليتيوب نكتب اسم الموضوع او اي شي ما فاهمه انته ويطلع الك شرح بس اهم شي على هاي النقطه انو مانروح نشوف هذا نزل فيديو وهذا هم نزل بس نركز على الشي الي اجينه نريد نفهمه وبعدين نرجع نكمل الشيء الي احنا نريدة🧐

8- مفاهيم خاطئه هذول الجملتين اسوا جملتين وقت الدراسة هيا اني ذكي ما يحتاج ادرس و اني مو ذكي ليش ادرس اصلاً لاتكول هيج لان بالاصرار والدراسة راح ننجح مهما كان مستوئ ذكانا عالي او لا🧸

9- طريقة فعالة للحفظ اذا جنتو تعانون من الحفظ استعينو بهاي الخطوات واحد اعملو خرائط ذهنيه او جداول بيها تلخيص لكل النقاط اثنين الحفظ بصوت عالي ثلاثة بعد ما نحفظ نكتب الشي الي حفظنا على ورقه علمود نثبت حفظنا
اكثر 💪🏻

10- كتابه اسئلة مقترحة لكل فقرة علمود نسهل الحفظ علينا نكتب جوة كل فقرة الاسئلة المقترحة ألها😐❤️

11- أخذ استراحات متفرقة هيا من اهم الاشياء الي تساعدنا على استكمال الدراس اننا نأخذ استراحة من يمضي وقت للدراسة مابين 40-50 دقيقه نأكل بية نڪعد بيها علمود نرجع بنفسية جديدة لان العقل بعد ساعة من الدراسة يبطل يستوعب او يدخل المعلومات الزيادة عليه 😮‍💨

12- الاهتمام بالغذاء الصحي لازم خلال فترات الامتحان ان نحاول مانأكل الاشياء الي مو صحيه وخاصة السكريات ونحاول انو ناكل اشياء مفيدة وخاصه المكسرات لان بيه دهون صحية وتساعد على تقوية الذكرة😋

13- الدراسة في اماكن مختلفة لازم كل فترة من نكعد بمكان ندرس نغيرة علمود يصير النه واهس للدراسة ونكدر نكمل الدراسة بدون ملل😄

وهاي الاستعدادت تكدرون تسوها بنهاية السنة ونصف السنة هم 💕

وجانت وياكم السجاجة {زه‍ࢪاء}
ادعولي ادخل وزاري 😭💔
وشكر خاص لاستاذ مصطفى والست مريم 🤍🌹🌹

صبـ(⛅)ـُ(آٍلـٍـً(🌺)ـٍورٍدً)ـ(⛅)ـٍآٍآٍحً

https://vm.tiktok.com/ZM6AQqhNE

معاناة هواي من الطلبة 🥺💔

طبوا وكتبولي وين تقرون انتوا 👆🏻

💛طلاب الثالث متوسط💛

مع اقتراب امتحانات نصف السنة 📚💕

توفرت ملازمنا لكل المواد 🔥✅

الملازم كاملة شاملة لكل المنهج + مبسطة وسلسة للقراءة

سعر الملزمة 12 الف + توصيل مجاني لكل محافظات العراق 🚗💚

الملزمتين ب 20 وتفاصيل اكثر ان شاء الله

للطلب راسلونا ع المعرف @mu_jalel

السلام عليكم سجاجه شلونكم 🩷
طبعا بالنسبه لأغلبيه الطلاب عدهم صعوبة فـي حفظ انشاء الانكليزي
وقصيدة العربي 🫨

بالنسبه للأنشاء
فـ اول مره تحفظ الكلمات الغريبه الموجوده بالانشاء 💙
ثانيا تترجمه الى عربي وتفتهم القصه والغاية شنو من الانشاء 💜
وثالث تحفظه على شكل نقاط او تحفظ سطر سطر..

وقصيدة العربي فـ اسهل طريقة تطلع واحد يقراهه باليوتيوب وتضل تعيد بالمقطع لحد ما تحفضهة
ووره ما تحس نفسك حفضتهه اشرحها النفسك كد ما تكدر ✨
واكتبها ورقه وقلم مره او مرتين
وهيج راح تحفظ القصيده وابد مراح تنساها

تحياتي للأستاذ مصطفى والست مريم 💜.
معاكم الطالب عزالدين