Cadu və İntihar
Cadu olunmuş insana intihar elətdirmək istəyən cinlər əgər hündürlükdən atmaq istəyirlərsə, həmin insana yeri yaxın göstərirlər. Bəzi xəstələri dinləyərkən onların belə dediyini eşitdim: "Pəncərəyə yaxınlaşdım, sanki kimsə mənə - düş pəncərədən, ayağını qaldır qoy yerə - deyirdi, aşağı baxanda yer o qədər yaxın idi ki, ayağımı atsam yerə çatacaq kimi gəldi, gözüm yeri yaxın görsə də ağlım, bunu inkar edirdi, - mən axı 9 cu mərtəbədəyəm, yer mənə necə bu qədər yaxın ola bilər - deyərək atlamaqdan vaz keçdim".
Düşünürəm ki bir çox intihar edən insanlar, məhz bu səbəbdən intihar edir. Ancaq Allahı daim yad edən, daim zikr edən insanlar, sehr olunsa belə, bu hallarla üzləşdikdə özünü itirmir və vəziyyətdən çıxırlar.
Bir çox intihar edən insanlar var ki cinlərin onları vadar etməsi, ağlını həmin vaxt əlindən alması səbəbindən günah daşımırlar, çünki bunu öz iradələri ilə etmirlər. Belə insanlar, cinlərin onları qətl etdikləri üçün, onların üzərində haqq sahibidirlər və axirət günündə haqlarını onlardan alacaqlar. Onu öldürmək üçün musallat olan cinlər, həmin cinləri sehr vasitəsilə ona musallat edən sehrbaz, onu öldürmək üçün sehrbazın yanına gedib cadu elətdirən insan - hamısı bu işdə məsuliyyət daşıyır və Allah qarşısında cavab verəcəklər. Axirətdə bu insanlar gətiriləcək və cadu olunmuş insan onların savablarını (əgər varsa) götürəcək və savabları bitdikdən sonra, öz günahlarını onların üzərinə yükləyəcək və beləcə müflis vəziyyətdə cəhənnəm oduna atılacaqlar.
Bu hər bir pislik edən insanın qarşılaşacağı haldır, sehr, cadu, əməl də bu pisliklərdən biridir.
https://t.me/RuqyeSunnedir