القناه مجرد مساعده في الله لو حد حابب يتكلم مع حد او يفضفض او محتاج ياخد رأي حد او في مشكله معينه بتمر بيها وحابب حد يقدملك نصيحه او حابب تسئل عن شئ معين وكل دا من غير ما تحس مجرد احساس ان مبقاش فيه خصوصيه لحياتك . وربنا يقدرني واقدر افيدكم .♥️🧸
وعليكم السلام ورحمه الله وبركاته فهميه دا ولو هو متفهمش دا يبقي بلاش .. قوليله إنك بتساعدي نفسك وإنك لما تتجوزيه وهو مش حابب الشغل فتمام وتبقي أنتي كمان عايزه دا .. بالتوفيق
من صفات ربنا العفو والمغفره وصدق الوعد وسبحانه وتعالي قال علي نفسه كدا ومن اصدق من الله قيلا ومن أصدق من الله حديثا وقال في كتابه العزيز "واني غفارا لمن تاب وامن وعمل صالحا ثم اهتدي " صلي ركعتين توبه لله وتصدق وقعت لازم تقوم تاني وتعزم علي ترك المعاصي والذنوب ربنا سبحانه وتعالى بيقول في كتابه العزيز " ومن يعمل سوءا او يظلم نفسه ثم يستغفر الله يجد الله غفورا رحيما " طيب اذاي اعرف ان ربنا تاب عليا وتقبل التوبه العلماء قالوا ان لو وفقك الله للتوبه يبقي سامحك ربنا قال في خواتيم سورة التوبه "ثم تاب عليهم ليتوبوا فلما تاب عليهم وفقهم للتوبه " وكمان ذي ماربنا وعدنا انه بيبدل السيئات حسنات ودي في خواتيم سورة الفرقان
" الا من تاب وامن وعمل عملا صالحاً فأولائك يبدل الله سيئاتهم حسنات "
ربنا سبحانه وتعالى بيقول كمان " الا يعلم من خلق وهو اللطيف الخبير "
خبير بامورك وصفاتك وبقدرتك في الخطأ فكان لطيف في الحرام والحلال . متيأسيش ابدا ومتخليش الشيطان ييأسك من رحمة ربنا . أفضل جاهد نفسك الاماره بالسؤء وهواك والشيطان . رافق الصحبه الصالحه ، حافظ علي صلاتك اعتزل كل شئ هيرجعك لتلك الامور مره تانيه ، أسعي إلي فعل الطاعات حافظ علي النوافل وقيام الليل والذكر والقرآن ، أشغل وقت فراغك بأي شئ مُفيد ونافع ..
وربنا ييسر امور حضرتك ويقربك اليه بما يحب ويرضى يارب العالمين.
هدانا الله وإياكم جميعا إلي ما يحبه ويرضاه . #إن_مع_العسر_يسرا
وعليكم السلام ورحمه الله وبركاته حضرتك هتدخل علي كل حساب وتدخل علي سجل النشاطات وتحذف أي بوست نزلته والريأكتات والمُحادثات كلها وتخرج من الجروبات وتحذف الحساب نهائيا لان لما بتحذف الحساب بس بيفضل كل شئ ذي ماهو بس بيبقي بأسمFacebook User. باقي الرد 👇
لو كنت نزلت بدري شوية مكناش هنقف في الزحمة دي.. لو فلان كان لحق بدري يعمل العملية مكنش زمانه دلوقتي مات.. لو كنت دخلت الكلية الفلانية بدل الكلية دي كان زماني مبسوط أكتر..
يقول الرسول صلى الله عليه وسلم: ( إن أصابك شيء فلا تقل: لو أني فعلت كان كذا وكذا. ولكن قل: قدر الله وما شاء فعل؛ فإن لو تفتح عمل الشيطان ) رواه مسلم.
كل حاجة في طريقك ليك (إِنَّا كُلَّ شَيْءٍ خَلَقْنَاهُ بِقَدَرٍ) حياتك مش صدفة، رزقك مش صدفة، معاد موتك مكتوب مهما كان مكانك فين، خلي عندك يقين إن كل حاجة بتفاصيلها في حياتك دي أحسن حاجة ليك حتى لو أنت مش عارف تشوف دا بعينك! اطمأن بأقدار ربنا ليك وأول ما يحصل حاجة تحسها تقيلة على قلبك ردد "قدر الله وما شاء فعل" لأن أقدار ربنا كلها حكمة ورحمة..
قالت : "كُنا بنتخانق وبصراحة أنا كنت غلطانة ومأڤورة حبتين، بعد شوية قولتله ممكن ننزل؟ هز راسه بأيوة وكان لسه متضايق بس متجاهلش طلبي، لبست وقولتله يلا ونزلنا ركبنا العربية وهو بيسوق طبطبت على ايده وقولتله أنا آسفة .. سكت شوية وبعدها بصلي وضحكنا وقالي أعمل ايه بس؟ بحبك .. والحقيقة عمره ما كسـر بخاطري ورَدّني زعلانة ولا كسفني في أي مرة بحاول أصالحه فيها أو ألَطّف الجو وبيتراضى بسرعة، وإن جينا للحق هو بيراضيني أكتر". ♥️
تقريبا أجمل صفة ممكن تكون موجودة في أي راجـل إنه يكون سهل يتراضى، وليّن في الزعل، وبيسيب دايما باب مفتوح للصُلح، مبيقولش كلام جـارح ولا يكسف اللي معاه لو حاولت تصالحه ويسمّعها كلمتين مالهُمش لازمة .. تقريبًا ده أبسط مثال على مقولة : "لقد كان حنونًا حتى على أخطائي". ♥️
لو مش هتعرف تقول كلمة حق وتنصح اللي قدامك بما يُرضي الله يبقي تسكت أفضل .. بلاش تسقف للباطل مهما حصل ، لاننا بقينا عايشين في زمن الناس المؤذيه مصدقه نفسها أنها صح ، وصلنا لدرجة إنحطاط غير عاديه أبدا ، وللاسف المحترم بقي حاسس إن هو إللي غلط وإن تربيته وأخلاقه دول عائق وعبء عليه لانه دايما شايف النماذج السيئه هي اللي بتتشجع وهي اللي بتظهر وبتنحج .. فلذلك أدعم الصح دايما حتي لو كنت أنت لوحدك وأبعد عن الباطل حتي لو دعمه أهل ألارض جميعا .. فالحق دوما ينتصر بالنهايه ...♥️ #أخصائية_أجتماعيه