رثاء الاطهار للشاعرة والملا رغد البهادلي

@ragadalbhadley

قناة خاصة بنشر القصائد الحسينية والفواتح
للشاعرة ✍️ والملا🎤 رغد البهادلي
#ملاحظة اخواني الرواديد اذا متگدرون تذكرون اسم الشاعرة اقرأوها بأسم #(حسام البهادلي) وأحرم من يتلاعب بالاسماء

لاتغادرون من القناة فدوة🥺 انشرو الرابط خلي الرواديد والملايات يشتركو

رثاء الاطهار للشاعرة والملا رغد البهادلي

23 Oct, 05:53

للشاعره المبدعه ام علي الحلفي قلم حزين يخط ماجرى في كربلاء

تم تنزيل قصايد حزينه بالقناة من اروع القصائد
لتنسون اشتركو من هنا عبر الرابط

👇🏻👇🏻👇🏻👇🏻👇🏻

https://t.me/Om_Abeha

https://t.me/Om_Abeha

رثاء الاطهار للشاعرة والملا رغد البهادلي

15 Oct, 21:42

قصيده مربعه لفاطمة الزهراء ع
-------------------------------------------

شيال النعش بهداي عالبضعه
لا تلجم صدرها منكسر ضلعه

شيال النعش بهداي ويه امي
تانيني اريد احجيلها همي
عافتني و بعد بس البجي سهمي
خل تكعد تنشف مني الدمعه

خلي اتكوم اريد اسمع حجاياها
بعدني ابعوزها مكدر بلياها
يا شيالها وديني وياها
كون بصفها انام و ما الي رجعه

كون ابصفها اتوسد على الغبره
هاي ام المحنه فاطمه الزهره
مكسوره مشت عافتلي الحسره
اصغيرونه و عليها انحب و انعه

ابهيده ويه الزچيه من تنزلها
اذاها الضلع و المرض نحلها
عزيزه الوالده والروح فدوه الها
روحي ويه النعش طلعن فرد طلعه

كون اتوسد وياها ابفرد تربه
شلي بدنيتي چن عايشه ابغربه
البت ابلايه ام بحضانمن تربه
مشت عني ام هلا وحالي صعب وضعه

مشت عني الاحبيبه و بالهظم ضليت
و ضل يوحش نزلنه بعد ام البيت
رحت الشيلت امي و بيها انه شميت
صبح اظلم نزلنه و طافيه الشمعه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍ آلــشــاعرة 🎤 والملا ام بهاء الكربلائيه*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

1,935

رثاء الاطهار للشاعرة والملا رغد البهادلي

08 Oct, 08:11

قصيده فزاعيه مع هوسه لفاطمة الزهراء ع
-------------------------------------------

ايعينها الله الفارگتها الغاليه
تبقه دمعتها عليها جاريه

ايعينها الله اليوم كلمن فاگده
اخلاف الاحبيبه گلبها شيسعده
راحت الطيبه الحنونه الوالده
( بلياها .. ما تحله الگعده )

ما ترهم الگعده اخلاف عيناها
راحت و المحنه راحت اوياها
بعد للدار ما نهوه بناياها
( حزنانه .. الدار اخلافج )

حزنان النزل من مشت راعيته
بتج و الولد عدمن امخليته
ما ضلي دمع بجفاج هليته
( عاميني .. يايمه افراگج )

يعمي العين يمه افراگج شصعبه
و اليفگد اميمه ينهضم گلبه
شماله البين ياخذ كلمن انحبه
( ماذينه .. البين ابفگدج )

اه يفراگها امنه حيل دولبنه
صحت بصوت وينج يم الامحنه
بعد شوفة اعيونج بالنزل ردنه
( رديله .. ضل خالي المنزل )

ضلت شيلتج بالدار يا يمه
اشم بيها و اصيح و دمعتي تهمه
رديلي تراها عيشتي ضلمه
( مهضومه .. من دونج يمه )

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,991

رثاء الاطهار للشاعرة والملا رغد البهادلي

08 Oct, 07:30

قصيده فزاعيات حماسيه لفاطمة الزهراء ع
.....................

حسين هالليله
طر ثوبه على امه حسين هالليله

طر ثوبه و ينادي ااه يا يمه
روحي اعليج اه يالوالده امعلمه
لا ترحين عيني من البجي تعمه
ترضيها اضلن عايش ابضلمه
شلون من دونج
اضلن يالزجيه شلون من دونج

اضل اشلون لو ترحين من عندي
ما گلتي بعد جا منهو الولدي
جرح افراگ وجهج بالگلب يدي
گومي اوياي احلفج بالنبي جدي
ما ترهم اخلافج
ييمه گعدّتي ما ترهن اخلافج

ما ترهم ييمه الگعده من دونج
يحبيبه اگعدي و فتحي اعيونج
اسوم الروح والله لو يسومونج
شلي بعيشتي و راحو يدفنونج
انروح دفانه
اني و كل اخوتي انروح دفانه

صعبه اللي يروح و امه يدفنها
كون ابدالها روحه يجّفنها
اخلاف الوالده العيشه شلي منها
اليوم حسين صاح امي اريدنها
بالبيت مريوده
شمعه الوالده بالبيت مريوده

شمعه الوالده و بالبيت محلاها
مثل شجرة محنه و كلنه جواها
امنه شكد عطوفه و ضيعيناها
ما نلگه مثلها الحلو طرواها
و ضيعيناها
يا حيف الزجيه ضيعيناها

ضيعنه الحنينه و هاي مو سهله
البيت ابلايه ام جا منهو يدخله
توحشنه الثنايه و خلتج خله
يمه افراگ شخصج ابد منحمله
و حيل ياذينه
افراگج هدمانه و حيل ماذينه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,187

رثاء الاطهار للشاعرة والملا رغد البهادلي

08 Oct, 05:27

قصيدة مربعه لفاطمة الزهراء ع
.....................

تلوج اگبالي امي مدري شبيها
گوه اترد عليه من احاجيها

تلوج اگبالي امي و تهل عيناها
و مخنوگة نفس من احجي وياها
مدري شبي صدرها و هيج اذاها
و طول الليل حيرانه شيسليها

گولي شيوجعج يا نسمة اعذيبي
منين ادواج اجيبه و كونج اتطيبي
ضل دمعي اويا دمعج يمه اسچيبي
احس ابلچمتج و العين اجريها

تهل وياج عيني و شنهو الحيله
صغيرونه تراني و انتي انحيله
حالج حيل اذه گليبي هالليله
و عينج عني يمه ليش تخفيها

شبيها اعيونج و عني تضميها
حاجيني ييمه و روحي ارحميها
لتلوجين و الحسره تجريها
اويلي اعليها امي حيل ما بيها

الوجع يندار بيه يمه يا ريته
كون بصدري كسرج اني خليته
الليل اوياج كله گوه سهريته
و اگل للروح هاي امي و اباريها

طول الليل اون وياج يا وسفه
ما اگدر انام و عيني ما تغفه
كلساع و اگولن بلكي لو تشفه
بيها شلون امي و وين اوديها

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

1,973

رثاء الاطهار للشاعرة والملا رغد البهادلي

01 Sep, 16:13

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيات حماسيه للرسول ص 🌺
-------------------------------------------------------

و شال هيبتها
تون ام الحسين    و شال هيبتها

تون ام الحسين اليوم للهيبه
شال ابعيد عنها و بعد شيجيبه
و يا نار الابو بكليبها لهيبه
صاحت يا خلك هاي اعضم امصيبه
يصعب اغيابه
نبيكم راح عنكم      يصعب اغيابه

فكده شكد كلف ياوادم اعلينه
راح البي محنه و ما يرد لينه
يشيال النعش خله يحاجينه
اريد الطم و اگله شلون جا بينه
عدمن امخليني
ايهضومني ترا     عدمن امخليني

من باجر ترا بويه يهضموني
و اني اخلافك ايتيمه يسموني
حاجيني يبويه و يا ضوه اعيوني
بعدني ابعازتك بعدك يأذوني
باجر يفجعوني
لو ترحل ترا        باجر ايفجعوني

يبويه ادخيل ارحم حالتي وارجع
اني الزهره بتك تقبل اتوجع
صح امر الله لاجن يالولي اسمع
انه اخلافك اعيوني دم ترا تدمع
راعي المحنيه
وين الگه بعد      راعي المحنيه

من راعي المحنه نطلب الليله
و كلنه ابصوت واحد كلنه نشكيله
يبو الزهره نريدك همنه اتشيله
و نضره انريد كلمن روحه اعليله
كون هالليله
نريد امرد منك     كون هالليله

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

10,271

رثاء الاطهار للشاعرة والملا رغد البهادلي

31 Aug, 20:30

قصيده فزاعيه للنبي ص
-------------------------------------------------------

ايعينها الله الفاگده واليها
تبجي الزهره النبي امخليها

ايعينها الله ام الحسن هالليله
راح هيبتها و دمعها اتسيله
اتصيح يا فرگاك منهو ايشيله
و الادموع ادموم بس تجريها

تجري مدمعها دمه لجل الحبيب
اليوم ام حسين عاليها النحيب
اتصيح يا فرگاك مو هين صعيب
بنتك اخلافك تضل تاليها

بنتك اخلافك تضل امعذبه
و باجر اضوعي تصير امصوبه
تبقه دمعاتي اعله فگدك ساچبه
و روحي من فرگاك شيهديها

روحي ما تهده يبويه يالرسول
شلون اضن بالهضم واني البتول
ابد ما بيه اعله فگدك بس اجول
و ااخ يا عازاتك اني احجيها

ايعين كل بنيه ابوها الفارگت
اني روحي اعليك بويه فرفحت
هايمه و روحي يبويه ما هدمت
و راح يا روحي الذي امربيها

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

6,162

رثاء الاطهار للشاعرة والملا رغد البهادلي

30 Aug, 13:30

قصيدة فلة و فزاعية للنبي محمد ص
-------------------------------------------------------

بوية يل نبي المختار
لاترحل وتهجرني

بوية يابعد عيني
فراگك حيل ياذيني
ردلي ولا تاذيني
ترا بفرگاك تكسرني

اضل مكسورة يلوالي
وبعدك بلهضم حالي
والونات تحلالي
تدري البعد يهضمني

اضل يابوي مهضومة
ومن شوفتك محرومة
بوية اعليك مهدومة
واعداكم تمرمرني

اضل امرمرة بلحال
ونار البعد بلدلال
مو هينة ولا تنگال
يا بوية تيتمني

يتيمة ومارعوني الگوم
وانعاك بگلب ملجوم
بعدك يلولي مهضوم
ومحد بوية يرحمني

ونن للنبي الهادي
الزهرة تنوح واتنادي
افراگه خامش افادي
يحبيبات عازني

عزن هل مسة الزهرة
ضلت تجذب العبرة
اويلي شلون منكسرة
وما بطل عليه وني

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

5,346

رثاء الاطهار للشاعرة والملا رغد البهادلي

30 Aug, 13:30

قصيدة مربعة و فزاعية للنبي محمد ص حال ابنته الزهراء ع
-------------------------------------------------------

الشايل عنها ابوها حالها اشلونه
اليوم ام الحسن عالنبي محزونة

الشايل عنها ابوها شلون حالتها
مكسورة الخاطر   راح   هيبتها
ابألم فقدانه توجع حيل ونتها
مهضومة تضل لو غمض اعيونة

مهضومة الابنية الشال واليها
امشنة للزجية و خل نواسيها
ننحب عالنبي و نسمع نواعيها
تگله خايفة اخلافك يهضمونة

امگابل لطمت المختار اعدلنها
الزهرة امحزمة الليلة دعزنها
يستاهل ابوها اليوم اسمعنها
عونه اللي يدگ وايهلن اعيونة

وين الفاگدة وياها خل تحظر
تلطم عالحنين و حالها يقهر
اليوم ام الحسن دلالها اموجر
ابو ملگة الحلو وسفة يدفنونة

شال البي محنة و تگعد ابسده
حگها الزاجية تنحب على فگده
يرحل ليش عنه   كلمن انوده
و تضل بگلوبنة نيرانه جانونة

نيران   العزيز   شكثر   سعرية
اليوم امحزمة و تلطم الحورية
رايح منها ابوها و ما اله جية
و نعشه اگبالها ويلي يشيلونه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

4,315

رثاء الاطهار للشاعرة والملا رغد البهادلي

30 Aug, 13:30

قصيدة فزاعية جنوبية مع هوسة للنبي ص
.....................

*نعي قبل القصيدة*
😭
الليلة ام الحسن مهضومة و اتنادي
صدك فلت يبويه اوياك يالهادي
هذا افراگ موت و يمرد افادي

......

اليوم حد افراگنة و طش الضعون
شال ابوي المصطفى و بچة العيون

اليوم حد افراگنة و خلصت بعد
فلت العشره يبويه و ما ترد
و گلبي من شالوك يا حيد انمرد
( يعميني .. يفراگك بويه )

ذبّل اعيوني السهر ويا البچي
الراح ابوها شلون بعده تنتچي
وحشة بعده الدار صعبه مو حچي
( شينساها .. ايامك گلي )

شينسة ايامنة و الگعد يمعدل
يبوابراهيم تدري لو رحت انذل
عليك النوح اجيمه والدمع يهمل
( ايبجيني .. بُعدك كل يوم )

تدري الروح لو حنت ايا يابه
تذوب لفرگتك و اتنوح مرتابه
اجي يم الگبر وانحب على اترابه
( و حاجيني .. يا بويه اگعدلي )

اصيح اگعد يبويه الروح هضموها
و بتك يبو الزهرة شلون روعوها
طاح المحسن و ظلعيني كسروها
( سطروني .. من اندب بسمك )

سطروني يبويه و حيل هضموني
حرگو باب بيتي و ببني فجعوني
ليش الناس عگبك هيج اذوني
( كسروني .. من بعد افراگك )

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,915

رثاء الاطهار للشاعرة والملا رغد البهادلي

30 Aug, 13:23

قصيده فزاعيه مع هوسه للنبي ص
-------------------------------------------------------

اليون الزجيه عالي ونها
شال النبي يا حيف منها
كلجن حبايب ساعدنها

اليوم ام الحسن گومن انساعدها
شايل يا حسافه و راح والدها

اليوم ام الحسن گومن نعازيها
راح الدللاها و ينشد اعليها
نشد احزامنه كلنه اعله واليها
( وياها .. نتكابل كلنه )

امگابل لطمة المختار عالهامه
وين اويا الزجيه تجي لطامه
راح اعزيزها و اعليه محتامه
( يا يابه .. و اتصيح الزهره )

يا يابه تصيح و حيل مهضومه
اتگول ادليلي منهو اليشرك اهمومه
يوجع يالنبي وسط الكلب يومه
( ماردناه .. افراگك بويه )

ما ريد الافراگ و حيل ياذيني
يبويه ارجع عليه يابعد عيني
بعدني ابعازتك بس لا تجافيني
( مانهواه .. فگدك يكلف )

كلف يومك يبو ابراهم بجانه
حزنانه عليك الروح حزنانه
شيال النعش من راح هضمانه
( ما رداه .. الشايل نعشك )

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,041

رثاء الاطهار للشاعرة والملا رغد البهادلي

30 Aug, 13:23

قصيده فزاعيه سريعه للنبي ص
-------------------------------------------------------

شال النبي من منزله
و ام الحسن مهضومه

شال النبي من داره
و ام الحسن محتاره
و اتصيح تلهب ناره
و هالصبحت مهدومه

مهضومه لجله صبحت
و اتصيح يابويه و بجت
و شافت ادياره و فرفحت
و امعلگات اهدومه

حگها الزجيه ام الحسن
شال النبي و لجله تون
و هاليوم كاتلها الحزن
و اتگول يكلف يومه

يومك يبويه اشيحمله
اليوم الزجيه اموجله
و العين تجري هامله
بدموعها مسجومه

سجام دمع ابنيته
و اتصيح توجع فرگته
هاليوم تبجي رادته
و اتگول كون انسومه

بالروح اشري لو يرد
يوجعني شيحمله الفگد
يابعد روحي و الضمد
خليتني مالومه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

6,913

رثاء الاطهار للشاعرة والملا رغد البهادلي

30 Aug, 13:23

نعي للنبي ص
-------------------------------------------------------

من راح
اخذ حيلي الحنين ابساع من راح
و احس چن نار بالدلال من راح
و صحت عالشال نعشه ترد من راح
ريض خل اگله شلون بيه

ريض بالنعش خايب يجناز
هذا الحنين و ليه نعتاز
افراگه ترا للگلب بزاز

ما نحمل افراگه ترانه
و انوح كل احنه حزانه
محله گعدته والله اويانه

شيال نعشه رده لينه
هذا الحسن بس تجري عينه
و حسين ينشد جدي وينه

راعي المحنه و المروه
يالعشرته ما منها حلوه
ردته اليه دوم تچوه

يا تجايه ابنيتك يوالي
و معتازتك يا سور عالي
لو رحت يخرب كل دلالي

يمدللني و امدلل الاولاد
بعدني ابعازتك يازين الاجواد
بويه ابروحتك مصيوب الافاد

مصيوب بويه ضل دلالي
و اخلاف عينك باد حيلي
و اكول لعيني دمعج دوم سيلي

يمنشف الدمعات ارجع
ترضاها تضل اعيوني تدمع
بويه الگلب لجلك تصدع

بويه تصدع راس گلبي
و العين للبيبان تربي
و ادعي تجيني بلكي ربي

ياربي خل يرجع عليه
معتازته و شلون بيه
على افراگه مالي قابليه

ثاري الابو ياناس مريود
شمحلات اطب للبيت موجود
هيبه يبويه راعي الزود

يا هيبتي و هيبة اولادي
عني رحت يالنبي الهادي
و ابروحتك مردو افادي

مصيوب لمن راح گلبي😭💔

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,834

رثاء الاطهار للشاعرة والملا رغد البهادلي

30 Aug, 13:23

قصيده مربعه للنبي ص
-------------------------------------------------------

حگها الشال ابوها اتنوح مهضومه
ما يرجع بعد ليها و كلف يومه

حگها الشال ابوها هالمسه تدمع
يوم الزين يكلف حالها و يفجع
و يا چلمه البويه بعد ما تسمع
و گلبها اخلاف عينه تكثر اهمومه

شيال الحمل ما ضن يرد ساعه
اشكي اهمومي ليه و ابجي مرتاعه
بلكي ايهيد گلبي و تهده اوجاعه
و اگله اخلاف عينك احس مالومه

مالومه احس الروح يا يابه
تعال ابساع اگله يوجع اغيابه
ياراعي المحنه و راعي الاهيابه
تعال ابساع ليه اعليك مهدومه

هدمني اغياب فگدك يابعد روحي
ليل انهار لجلك ما بطل نوحي
تعال ارجع و طيب مني اجروحي
تراني اعليك بويه اصبحت ملچومه

يلچمني غيابك و النزل خالي
يا هيبة ابنيتك بويه يالغالي
اموت اموت ريت اليوم اشوالي
و لا ضلن اخلافك بويه مضلومه

بويه الدار باجر راح يلفوها
تشب نيران و ابنيتك يبچوها
و اضلوعي ترا بويه يكسروها
و ابني ايطيح مني و تنزف ادمومه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,823

رثاء الاطهار للشاعرة والملا رغد البهادلي

30 Aug, 13:23

قصيده فزاعيه للنبي ص
-------------------------------------------------------

اليوم اعله النبي نلطم على الهامه
عاف ابنيته تبجي اعليه محتامه

اليوم اعله النبي وناتنه تعله
شال و بنته خل نسمع شنو تگله
طبت للنزل و اعيونها تهله
و شافت موحشه داره و الاعمامه

وحشه الدار صاحت ويلي يايابه
و تلطم عالوجه و العين سچابه
الله ايعينها ام حشين مرتابه
حگها الشال ابوها اتريد لطامه

خلي انعينها و نتگابل اوياها
مهضومه اعله ابوها و فگده بجاها
يا يوم النبي هاليوم اذاها
تذكر عشرته و تتذكر ايامه

يا طيب العشره لا تخليني
يابويه و بعد روحي و بعد عيني
عليك النوح اجيمه من تجافيني
شعتب عالزمان التوجع اسهامه

شعتب عالزمان ايتيمه خلاني
من امي و منك بويه حرماني
بجاني عليك الوكت بجاني
و عيني اعليك بويه اليوم سجامه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,377

رثاء الاطهار للشاعرة والملا رغد البهادلي

30 Aug, 13:23

نعي للنبي ص
-------------------------------------------------------

هاليوم بس تبجي الزجيه
و اتصيح ردو الوالي ليه
يا علي ياحامي الحميه
محمل افراگه و مگدر اصبر

ياعلي رد النبي المختار
گلبي تراهو ملتهب نار
راعي المحنه سد الاديار
و يا حالتي من راح تقهر

افراگه ثجيل شلون احمله
ياعلي ابويه خلته خله
منهو الذي ابحالي يگله
بنتك دمعها بخدها يحفر

يا دمعتي للزين صبي
و ياروحي عاللي شال نحبي
يابعد ولدي و بعد گلبي
بويه عليك الگلب يسعر

بويه دليلي وجعاني
وياك غرب كل حناني
افراگك ترا حيل اهصماني
بعدك تگلي شلون اگدر

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,669

رثاء الاطهار للشاعرة والملا رغد البهادلي

30 Aug, 13:23

قصيده مربعه للنبي ص
-------------------------------------------------------

اتصيح و تنتحب مولاتنه الزهره
راح النبي منها و عينها تجره

اتصيح و تنتحب ردو النعش ليه
ما احمل الغيبه و لا افراگيه
ما بيه اعله فگده ابد ما بيه
گلبي اخلاف عينه شنهو ايصبره

شنو ايصبر دليلي افگد الاهيابه
حگي اليوم اصيحن حيل يا يابه
احس روحي اعله فگده حيل عطابه
نار اغيابه بيه اهواي مستعره

تسعر نار ابويه و حيل چانونه
الجان يمر عليه اعليه محزونه
بعدني ابعازته و غمضهن اعيونه
گلبي اخلاف عينه شنهو ايجبره

بيش ادليلي اجبره و يرد لدياره
و بيش اتهيد روحي و تستعر ناره
ضل يوحش دليلي من اصد تذكاره
و تخنگني من اصد لعمامته الخضره

تخنگني عبرتي و توجع الفرگه
اصيحن رد يبويه الروح محتركه
محتامه اعله طوله ابعازة الشبگه
راح ابساع خله بگلبي جم حسره

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,674

رثاء الاطهار للشاعرة والملا رغد البهادلي

22 Aug, 13:20

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة حماسيه للاربعين 🌺
------------------------------------------------------

جايه من الشام زينب جايه
شايله اعله امتونها شچم رايه
واويلاه     واويلاه

جايه من الشام هالتعبانه
و الدموع اعله الوجه غدرانه
اتصيح خويه حسين يا ملفانه
و وين كافل ضعني يتلگانه
انده العباس اسمعه اشكايه
واويلاه

جيت مهضومه و ثگيله اهمومي
خلي اسمعنه العتاب و لومي
امهدمه من البين يكلف يومي
من الهجر حسيت يصعب نومي
فارگيت اعيونه صار اهوايه
واويلاه

جيت   مخنوگه   ازور   اگبوركم
جبت ليكم صوغه هاي انحوركم
گومو ساعه لينه خلي اشوفكم
و الله محتامين صعبه انزوركم
بله شيفيد التراب ابهايه
واويلاه

جيت   ليكم   محد   اتلگاني
و ذاب گلبي من الهضم واذاني
صحت خويه حسين ما سمعاني
و لا كفيلي من اندهت شكاني
ردت اسولفله و اشوفن رايه
واويلاه

ردت اشوفن رايه بله و شيگول
خلي ينضر حالي ابن فحل الفحول
بلكي يفزع ليه و ايصول و يجول
الحرمه لو حشمت ندريها تنول
لجن يا وسفه المنيه هايه
واويلاه

صحت خويه حسين لتصد للضعن
ادري نقصان و بناتك ما اجن
كلهن من الضيم يبن اني گضن
مرمروهن ماتن اهناكه بقن
و جبت بس اثيابهن ويايه
واويلاه

-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

5,631

رثاء الاطهار للشاعرة والملا رغد البهادلي

21 Aug, 10:00

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 حديث و نعي للاربعين 🌺
------------------------------------------------------

في العشرين من صفر تأتي مولاتنا زينب ع الى قبور اولياءها عادت محملة بلألآم و المصائب و هية توصي العلويات من فوق النياق الهزيلة و تقول لهن ( يا علويات اذا وصلنا أحبتنا لا ترمينّ بأنفسكنّ على القبور فأني اخاف عليكنّ من الموت )
يقول مولانا علي السجاد ع عندما وصلنا إلى كربلا ان عمتي زينب ع لم تنتظر انت تنزل من ناقتها اول من رمت بنفسها من ظهر الناقة على قبر ابي الحسين ع منادية اخي يا حسين ياحبيب قلبي يا حسين يبن امي و نور عيني .......

شلونك جيت اگلك يا ضوة اعيوني
هد حيلي غيابك و اشعمل بية
افتح باب گبرك گوم شوف شصار
اجيت امتربة و اعيوني معمية
اول مرة اجيك و ما تگوم اگوام
صدك تعبان بعدك سوده اعلية
هذا الراس جبته اوياي من الشام
جان اعلة الرمح بس جبته اشوية
ابداعة خوتك بس اگعد و شوف
نحيلة و گاضية و تعبانة رجلية
شلون ابقة و اعيشن من بعد عيناك
اموتن ريت هسة و بعد هاهية

ونتاه
اموجر ضل دليلي و يجر         ونتاه
و ضل حزني عليكم حزن         ونتاه
اجيت وصحت خوية حسين      ونتاه
نايم بالترابة شلون بية

من الهزل شمرت نفسها
وصاحت اخيتكم منهو الها
گعدو و نشدو شلون ذلها

محتامة جيتك گوم لية
شلونك اشوفك رد علية
ما عندي بعد كل قابلية

جيتك اريدن خوية احظنك
مجبورة رحت تعذرني عنك
بس بالگلب گاضيني حزنك

خلي ابجي على وليان ساعة
يا گلبي يون كثرت اوجاعة
جسمي نحل حنيت اضلاعة

جيت و على گبرك اون حيل
وگبرك ارشه بدمعي الايسيل
وياي بس تبجي المداليل

وين التساعدني المسية
و اتنوح للضلو رمية
نامو يويلي شلون بية

جيناكم الليلة حراير
من الضيم هل دلال واجر
والسوط ضل بالضلع كاسر

زحمة يهلنة ساعة احجي
ومن جيتكم ماعندي اي شي
مرمرني الوكت مابية امشي

امصلايتك خوية جبتها
وبتك بلخرابة اني عفتها
ماتت و بيديني ادفنتها

كأني بلسان حال جابر الانصاري عندما التقى بعيال الحسين ع بعد رجوعهم من الشام ......

اويلي عليجن   يالابنيات
شبعتن مناحة و مهضمات
و گطعتن ادروب البعيدات

مشيتن دروب ابعاد و ابعاد
و ذاب من عدجن الافاد
و جيتن الليله لبو السجاد

جيتن و تتعثر الهزّل
الونة بيجن حيل تكتل
صعبة الهواشم هيج تنذل

جيتن و سيرتن لهلجن
و اخلافهم مايل حملجن
وين الحنين اليگعد الجن

محد گعد ينشد عليجن
و امحومرة صارت عبيجن
ردتن حنين اليشكيجن

-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

5,196

رثاء الاطهار للشاعرة والملا رغد البهادلي

15 Aug, 22:39

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه سريعه للاربعين 🌺
-------------------------------------------------------

اليوم زينب بت علي
جابت الروس اوياها

اليوم اجت من اليسر
تعبانه گاضيها القهر
تلطم على اتراب الگبر
من ردت الولياها

ردت حزينة و تنتحب
شمرت نفسها عالترب
محنية اجت من الغرب
ضيم اليسر اذاها

هاليوم اجت امحزمه
للاهل تبجي و لاطمه
و امتونها متورمه
سوط الشمر ورماها

جتهم الجانت غايبّه
حمرة عبيها امتربّه
اذيال العباية امخبخبّه
و ضيم اليسر سلاها

جتي الحزينه ناحله
ردت اضعون القافله
ويلاه جايه اموجله
اگبور الاهل تنعاها

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

6,972