قصاد حسينية مكتوبه

بنت الزهره فاطم هاي مرضيّه
والحاجات يم معصومة مگضيّه

ــــــــــــــــــ

بت وأم المكـــارم لازم انعــدها
سخيّه وما ترد الإيــد إلـ تمدهـا
دگ الباب وإخذ الحاجه من عـدها
تگضيها أو تِرِد ابراحه نفسيّه

ــــــــــــــــــ

ابدي منين بيهـا .. أو وين أختمها ؟
بمعصومة الجوانب صعبه أرسمها
چبيره ويا قصيدة الليله إلـ تلمها
الحچي ابمعصومه كون ايصير ليليّه

ــــــــــــــــــ

الليله الوحده وي معصومه متكفّي
أويه السلطانه كون إنكفّي ونوفّـي
كون إبصدري حيل الليله أدگ چفي
تستاهل قليــله وياهــا لطميّـه

ــــــــــــــــــ

هاي إخت الرضا السلطان . والقاسم
كريمه هواي كلّش تشـبه الكاظـم
من الزهره خذت مو بس إسم فاطم
هنيئـاً للزچيــه بهيــچ علويّه

ــــــــــــــــــ

تقره إگــلوب هــاي إبنيّة الزهره
تعرف حاجتك بس تدخل الحضره
چن عمها الحسن ما لمّت السُفَره
گبل إحچايتك تنطيـك عالنيّـه

ــــــــــــــــــ

شيل ايدك الليله وسلّــم إعليها
بسم الله گـول ونيتــك انويهـا
معصومه الدموع الليله تشريها
يا سلطانــه گِلها إتعبت ما بيّه

ــــــــــــــــــ

عمها حسين هاي وتشتري الدمعه
شكو إبگلبك كلام احچيلها اتسمعه
مِدْ چفك الخالي إتّـرْسه و ترجعه
الـ عليك هواي عد إخت الرضا إشويّه

ــــــــــــــــــ

#مهدي_التقي
#عظم_الله_أجوركم_بذكرى_شهادتها

https://t.me/QPASF

نزله الامام العسكري (ع)




يالعسكري بدمع الحزن نادينه : يمسموم
سامره حزنانه بفگد والينه : يمسموم
نبچي ونون بدمع الحزن
يمسموم
يمسموم

١

هالليله بدموع الحزن ننادي : يمسموم
ابنك چبدته اتوذرت يالهادي : يمسموم
ويگول كل خادم انه اعتقادي : يمسموم
بالمجلس اخذ يالحسن مرادي : يمسموم
ابچي بدمع واكسر ضلع
يمسموم
يمسموم

٢

لجلك بچينه والدموع بحسره : يمسموم
عايش مصابك بالگلوب اشكبره : يمسموم
الليله نحلفك يالحسن بالزهره : يمسموم
للمجلس احنه انريد منك نظره : يمسموم
الهم ينجلي يابن علي
يمسموم
يمسموم

٣

هذا الخبر هالليله من نذيعه : يمسموم
تنحب تنوح اعليك كل الشيعه : يمسموم
ضاگت علينه سيدي الوسيعه : يمسموم
نقسم عليك بأمك الشفيعه : يمسموم
شوف الخدم تبچي بألم
يمسموم
يمسموم
٤

سمّو چبدتك سيدي النواصب : يمسموم
واحنه گلبنه الليله لجلك ذايب : يمسموم
ماتنگـطع تمشيلك المواكب : يمسموم
حضرت الليله بدمك وتطالب : يمسموم
بدم رگبتك و إمحبتك
يمسموم
يمسموم

٥

نكتب عهدنه وبالدمع نادينه : يمسموم
والينه يبقه العسكري والينه : يمسموم
خدام الك تقبلنه يا مهدينه : يمسموم
وسجلينه يالزهره بسجل سجلينه : يمسموم
يم المحن لجل الحسن
يمسموم
يمسموم





لاتنسون والدي ووالدتي وابني عباس من الرحمه والمغفره
خادمكم رياض الرسل الجابري

https://t.me/QPASF
قصائد لكل ايام محرم اشترك بالقناة

اسمك بالذهب // يازيد انكتب
تشهدلك دمائك
ناصر كربلائك
/////////////////////////////
اعظم ثوره بعد حسين _ هزت دولت الضالم
ميزت الحجي مولاي _ دمك فهم الوادم
مصيبة يومك المعروف _ بجت كل بني هاشم
عله جذع النخله يامصلوب _ مشي نتعنه الك لازم

مصلوب بجذع// نواسيك بدمع
ماعفنه عزائك
ناصر كربلائك
/////////////////////////////
كسرت جم خشم مولاي _ المناره وكبت انوارك
يازيد الشهيد اليوم _ هنياله الاجه وزارك
ياباب الله شوف الحال _ علينه وجه انضارك
حوائج عدنه من جيناك _ وطبعك تنطي خطارك

صحنه بالصحن // اكظي الماكضن
مخطوك بسمائك
ناصر كربلائك
/////////////////////////////
كل ما جاله يتجدد _ ذكرك سيدي يعله
كراماتك عله شوف العين _ وعدوك باقي بالذله
الاجاك امحزم ابيرغ _ كض شباجك وفله
الناس اتسولف ابصيتك _ زيد ايطيب العله

يومك ماجزه // بي جم معجزه
يشهدلك وفائك
ناصر كربلائك
/////////////////////////////
الكصدلك تقره البوجهه _ ابابك نيته مقريه
جم واحد اجاك اليوم _ يريد ترزقه ذريه
ورافع ايده يتوسل _ وذمت دمعه مبريه
يزيد ابجاهك وطيبك _ هواك انشمه بالريه

عجبت العجب // يالتقدر التعب
غطينه ردائك
ناصر كربلائك
/////////////////////////////
عله عمتك يبو يحيى _ دمعتك كل وكت تهمل
غيور وحزت ابروحك _ حرمه بالسبي شتحمل
شيصعدهه عله الناكه _ من يوكع طفل تنزل
يزيد وطبت الديوان _ هاي السالفه التكتل

لثارات السبي // طبعك زينبي
عله زينب بكائك
ناصر كربلائك
/////////////////////////////
ابن معصوم واخو معصوم _ شكبرهه المنزله العندك
طلعت بسيفك اتجاهد _ لثار المنذبح جدك
بعد قصت عطاشه الطف _ تميزت بحزن وحدك
وهسه سيدي الوادم _ بحظرتك لاذت ابسدك

نعرف هيبتك // لذنه بحظرتك
بحبابك لقائك
ناصر كربلائك
/////////////////////////////

تمت _ علاء الزيدي

https://t.me/QPASF


قصائد لكل ايام محرم اشترك بالقناة

ب ترة اني اليوم مو مرتاحة طمنيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
مو كلتي السفر يومين شو ما رجعوا لبتهم
مو كالوا رقيتهم لو طولت غيبتهم
ما متعودة ع الهجران متعودة على شوفتهم

رفرف گلبي جنح الطير خايف لا كلامج غير
لو واصل خبر لا ضير لكن لا خبر جاني
ولا يمهم خذيتيني

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني

يبنيتي المسافة بعيد تفرق سفره عن سفره
مليانه الدروب سيوف و الغايب معاه عذره
احجيلي بوداعة وياج موقف باقي للذكرى
احجيلي بوداعة وياج موقف باقي للذكرى
وين و يمتى ودعتيه واخر مرة كلمتيه
هم بنحره قبلتيه هم نفس الحوار الدار
هم نفس الحوار الدار بين الوالد و بينه

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني

يا عمه بنات حسين ما يتحملن غيابه
فاركنه بعد منين نسمع كلمة اليابة
صرنه نفكر من يروح نلزم طارف ثيابه
صرنه نفكر من يروح نلزم طارف ثيابه
ردنا نحاول ناخره بس من جابني لصدره
راسا راحت الفكرة عشت بروحه ثلاث سنين
مو معقولة ناسيني

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني

لو جانت الدنيا بخير ما غايب ضوه عيوني
لا مشوني فوك النار ذول الما يعرفوني
المثلي لبسن سوارات واني حبال لبسوني
المثلي لبسن سوارات واني حبال لبسوني

يجويني الرمل و امشي
دمعاتي بطرف رمشي
گلبي يگلي صاير شي
من كد ما يدك بخوف
كل اضلاعي تجويني

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني

شالوني على ظهر النوك ما راعوا صغر سني
شما يحجن خواتي وياي بعدوهن غصب عني
والدم من اذاني يسيل ما ادري شخذوا مني
والدم من اذاني يسيل ما ادري شخذوا مني
ينزف جرحي دم و تراب نفس القصة والاسباب
جن الزهرة خلف الباب هسه عرفت ليش الناس
يا فاطمه تناديني يا فاطمه

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني

اكعد بالخرابة شلون وانه الدنيا ملك اهلي
غير بيوت اهلنا بيوم ما اذكر وطت رجلي
معقولة الامل موجود وانه بهالوضع شكلي
معقولة الامل موجود وانه بهالوضع شكلي
كافي الوالدي اشتاقيت
هسه من الحلم فزيت
من كل خاطري ناديت
جيبولي ابويه بساع
خلوه بس يحاجيني

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني

من جابولي راس حسين
ورفعت الغطا و شفته
من كد ما بعينه جروح
يمكن ما عرف بنته
لكن نحره بعده يشوف
يعرف اني قبلته
لكن نحره بعده يشوف
يعرف اني قبلته

يلا امشينا بوية نروح
شلنا بدنيا كلها جروح
روح انت خذوها الروح
المن باقيه ودنياي
ما بيها انت يحسين

لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
لو بعده الزمان بخير خلي عيونج بعيني
https://t.me/QPASF

زيد الثائر هاي اخباره
**
معروف  ابعزمه وايثاره
شايل  من  حيدر فقاره
دين الله الكون بأسراره

جهز نفسه وكل انصاره
زيد  الثائر  هاي اخباره
***
راية   حيدر   بي منصوره
دستور الحق نهجه وسوره
نور الله الشع بالمعموره

قرآن  الباري   وأنواره
زيد الثائر هاي اخباره
***
مصداق  الثوره  القدسيه
حامل   منهاج   الحريه
تلگه ابشخصه الإنسانيه

مثل حسين طف مختاره
زيد  الثائر  هاي   اخباره
***
هاي الدنيا  اتميز العاقل
ناس العاشت سوء الباطل
تأمر........بالمنكر   وتجامل

شرع   الاحقاد  وأثاره
زيد الثائر هاي اخباره
***
واضح  تاريخه   وعنوانه
ثابت     بالموقف   ايمانه
محلاته بشخصه وبرهانه

عالم  وتشاهد  افكاره
زيد الثائر هاي اخباره
***
صولة  حيدر  بي معروفه
ذلاها اشگد جيش الكوفه
مثل الكافل چن ابطفوفه

لو يزعل  ماتخمد ناره
زيد الثائر هاي اخباره
***
ضد  الباطل  ثار   الانزع
هيهات   وللظالم  يخضع
معروف ابعزمه ومايرجع

يمحي المنكر هذا إصراره
زيد   الثائر  هاي  اخباره
***
تمت بعون الله تعالى الشاعر_يوسف_الفتلاوي


https://t.me/QPASF

القصيدة: زينب ردت من الشام

أداء: مسلم الوائلي

كلمات: عبد الحسين الشرع وعلي أكبر الغرابي

~~

زينب ردت من الشام تنشد عن اهاليها

تشكي تريد للوليان ضيم الي سده عليها

~

صاحت يا علي السجاد وتهل الدمع عبره

يبني جسم ابوك حسين گلي بيا كتر گبره

اريد اگعد وسولفله كل اللي سده وجره

وسجب دمعة عيوني

وراوي للولي امتوني

عنه بيوم مشوني

وخبره بناگتي الهزله ياهو الي يباريها

~

دليني ارد اسولفله عالشام وخرايبها

واحنه شلون طبينه ديره المحد يطبها

لا فزعت عشيره ولا رف بيرغ گرايبها

وهاي الما علينه اتلوگ

علويات فوگ النوگ

طبينه بهذاك السوگ

كل وحده اتعثر يحسين بسوطه الشمر يوليها

~~~~

دلاها اعله گبر حسين لاجن عالگبر طاحت

گامت عالوجه تلطم وسالت عينها وصاحت

خواتك من عگب عيناك يبن امي بيسر راحت

ردت ليك تشكيلك

تتصارخ مداليلك

يبو السجاد شحجيلك

يوم الوصلوها الشام والوادم لفت ليها

~~~

بهمها جوجبت يمه وصاحت خويه يحسيني

شيال الرمح يحسين يمك ما يخليني

كلما گرب بشوفي دار الراس عن عيني

قد يعجبك ايضاً
كلمات لطمية سولف يكلبي رضا الاراكي
منذ عام
كلمات لطمية سولف يكلبي رضا الاراكي
كلمات لطمية رايات المشايه مرتضى حرب
منذ عام
كلمات لطمية رايات المشايه مرتضى حرب
كلمات لطمية ألم سبي حرم باسم الكربلائي
منذ عام
كلمات لطمية ألم سبي حرم باسم الكربلائي
ويهز رمحك اگبالي

وانه يشوغ دلالي

هذا حسينج الغالي

گام يصيح وانه العين غرگانه بواجيها

~~~~

لگيت الناس ملتمه زلم يحسين ونساوين

تدگ بدفوف يبن امي كلها بجتلك معيدين

من شافوا ضعنه اگبل داروا عالضعن صوبين

اتعاين گامت علينه

كلها اتشمتت بينه

سجادك امگيدينه

وطفالك يبو السجاد عالهزل يجتفوها

~~~~

بثمانينك احتاريت كلها اتصيح يا عمه

ومامش بس علي السجاد يمي وحاير بهمه

وخلفله اعله راسك ذاك دار عيونهم يمه

وصار الشام كله عيون

ويعاين الطول ام عون

من بعد التعب لا لون

من بعد الخدر يحسين طولي انشاف تاليها

~~~~

ضلينه ثلث ساعات والوادم علينه اصفوف

كلها معيده بجتلك يحسين وتدگ بدفوف

وطفالك عله الهزل تبجي وترجف من الخوف

عالهزل يرجبونه

وسبي الكفر يسبونه

خوارج من يسمونه

روحي اتشوغ يبن امي ودي الموت يلفيها

~

طبينه القصر يحسين بس شلون طبينه

كلها عيونها اعله الراس وانته عيونك علينه

ومن هول المصايب ذيج هسه عليك ردينه

ردينه اعله هذا الحال

بعيوني الدمع شلال

يا سهم الهجر جتال

وبس عليك راح اتصير زينب كل نواعيها
https://t.me/QPASF

مأسات الامام السجاد روحي فداه

يابويه الكسرت گلبي وأذتني اهواي
خلوك ابحر الهيمه واتصيح الـماي
كلشي بعيوني شفت
امن الرمح حد الطشت
واتصيح الماي
ــــــــــــــــــــــــــــــــــــــ
آنه الوجعان..وانته العطشان
ابحر التربان..نحرك يابس
ايطلبونك بيش..جابولك جيش
وابصدرك ليش ..خيل اترافس

شمسوي وهيچ اتموت..يحسيني
واتظـل ابلا تابوت..يحسيني
وگمت اسمع منك صوت..يحسيني

ياناس اوداعة جدي اتگلهم عطشان
وآنه اشما الطم راسي تبچي النسوان
بويه ليش اتطشرت
امن الرمح حد الطشت
واتصيح الماي
ــــــــــــــــــــــــــــــــــــــ
اشلونك يحسين..چنك موزین
داسن مرتين..الخيل بصدرك
ذباحك ذاك..ترفس خلاك
والسيف اذاك..إشسوه بنحرك

وانته بآخر لحضات ..يابويه
ظهرك شابع طعنات..يابويه
وعينك عالعلـويات..يابويه

اتگوم وتوگع عله وجهك ماعندك حيل
طبگن صدرك وي ظهرك رجلين الخيل
وآنه چم موته متت
امن الرمح حد الطشت
واتصيح الماي
ــــــــــــــــــــــــــــــــــــــ
معقوله الچان.. هيبة ديوان
كلش گصران..طولك صاير
صبعك مگطوع..صدرك مشلوع
چتفك مخلوع..من الحافر

نبچي وهمه ايضحكون..ياويلي
ابراسك ليش ايهوسون..ياويلي
وبزينب يتشمتون..ياويلي

والعلويات ايصيحن وين السجاد
لاتوصل نار الثوبه وايصير إرماد
وآنه إلمن التفت
امن الرمح حد الطشت
واتصيح الماي
ــــــــــــــــــــــــــــــــــــــ
اسال بام عون..ياعمه اشلون
هذا الـميمون..ردلچ خالي
ميمون احسين..بيه اتشمين
حگچ تبچين..راح الغالي

ولمن شفتي الذباح..ياعمه
من عينچ مدري شطاح ..ياعمه
شيبتي وحيلچ راح..ياعمه

الخيل ايركضن وايعثرن بهدوم احسين
وآنه الوجعان شبيدي وانتي اتصرخين
اصعب أيامي عشت
امن الرمح حد الطشت
واتصيح الماي
ــــــــــــــــــــــــــــــــــــــ
آه امن الشام.. غربه وألام
وراسك گدام.. يمشي اويانه
وملتمه الناس..تضرب بالراس
وعين العباس.. دم مليانه

گام ايونن عالنوگ..عماتي
مستحيات امن السوگ..عماتي
گلبي اعليهن محروگ..عماتي

يابويه وشفت اجبينك صابوه بحجار
ولو طگو اي مسبيه راسك يندار
وآنه باحزاني ضعت
امن الرمح حد الطشت
واتصيح الماي
ــــــــــــــــــــــــــــــــــــــ
ظليت إوحـيد.. أصفگ بالايد
وبقصر ايزيد..وإمچتفيني
سعفه ابنص ريح..ايوگفوني واطيح
وادموعي اتصيح.. آه يحسيني

ظليت ابلا خوّان..ياروحي
صرت آنه الهم دفان..ياروحي
وكسرن گلبي النسوان..ياروحي

الماتو كل اهله اگباله اتموته المأسات
وجهي اعليكم يابويه شابع طگات
امن البواچي ماجزت
امن الرمح حد الطشت
واتصيح الماي

محمد الجماسي

#اللهم_عجل_لوليك_الفرج


https://t.me/QPASF
قصائد لكل ايام محرم اشترك بالقناة

يا بو فاضل...طيحت إيدك مو وكتها يا بو فاضل...ضربوا امتوني و ردتها يا بو فاضل...زينب آنا الواعدتها...يا بو فاضل و الله دنيه و صارت أخبارك بعيده...و انت ذاك العشت كل عمري بوريده أذكر الشامت قبل من يرفع إيده...ما أميز بينك و بين الرعيده أشتكيلك...و الشمس صبغة عباتي أشتكيلك...جنت وياك اشحلاتي أشتكيلك...روحي ورده وذّبلتها...يا بو فاضل خويه مشتاقة لك بقد ما نخيتك...خنقه صارت بالمخيم و اعتنيتك قبل لا أوصل إلك وصلت منيتك...عمت عيني امخضر الدم بلحيتك هذا حالي...قصتي انطبعت بيديه هذا حالي...ليش ما دفنوك بيه هذا حالي...دمعتي بخدك عفتها...يا بو فاضل قلبي ما ينطيني سهم العين أعوفه...لون وجهك حيل متغير أشوفه خويه دليني اعله جرحك حته أروفه...قلي وين اليوجعك خليني أطوفه آنا و أنت...نشبه اشراع السفينه آنا و أنت...امتون و اجفوف إلتقينه آنا و أنت...وحده موتتنه ردتها...يا بو فاضل راسك اعله الرمح و اجفوفك قطيعه...ما عرفتك من لقيتك عالشريعه ليش ساكت ضاقت بعيني الوسيعه...احجي حرقت خيمتي نار الفجيعه يا هضيمه...الماي يتبده اويه عمرك يا هضيمه...امدافع اسهام اعله ظهرك يا هضيمه...خويه رايح ما قلتها...يا بو فاضل يوجع افراق الاخو وداعت شبابك...من بعيد ايبّين بوجهي غيابك راح أوزع جم نهر خويه بثوابك...و أقضي كل العمر منتظره اعله بابك ما أعوفك...لحد ما تعمه النواظر ما أعوفك...أدري ما تكسر لي خاطر ما أعوفك...يا أخو الما رخصّتها...يا بو فاضل اشلون أردن للخيم و اعيوني حمره...لو سإلني حسين عنك بيش أصبره هاي أول مره أشوف إيده اعله ظهره...فرقة الخوان ما توصلها كسره بربعينك...خويه مشّايه أعتنيلك بربعينك...أترس اعيوني و أجيلك بربعينك...أرسم اهمومي العشتها...يا بو فاضل دارت الدنيه و تفارقنه بسهوله...انت طايح و الخصم يمشي اعله طوله ابداخلي ديرة حجي خليني أقوله...بعدك اتصبح فعل ماضي الرجوله ما أعاتب...لا تظل تحرق ابدمك ما أعاتب...عفت كسرة ظهري يمك ما أعاتب...أنت روحي الما عفتها...يا بو فاضل ما أقلك ارجع أعرف مستحيله...بس أقلك طيحت المالح ثقيله خويه جاملني أحلفك بالعليله...قلي بس فترة غيابك مو طويله ما أريدك...تعتذر يا خويه مني ما أريدك...تنقهر و اتزيد وني ما أريدك...بس أريدك إي قلتها...يا بو فاضل

https://t.me/QPASF

قصيدة مولاتي زينب ع

ويلااه زينب ويلااه

هوة الركض مو للزلم
ݘا زينب شلون أركضت
خمسين عمر ام الخدر
شوفولي حڵ يهل البخت
ݘم مرة طاحت بت علي
أبݘم جثة بليل اعثرت
ما صايرة بوادم كبل
ياهو السمع حرمة أنولت
بس زينب وعند العرب
مرتين خدر الله أنسبت

ياناس مو هينة وعلي
نسوان هاشم تنولي

الله وأكبر يا هلي
بالحومة زينب صيحت
ــــــــــــ ــــــــــــ ــــــــــــ

ياهوة م̷ـــِْن عدكم سمع
حرمة ويركبوهة الهزل
ياهوة يقبل تنظرب
اختة ويجتفوهة ابحبل
ترضون زينب ياخلك
يضربهة بالسوط النذل
والحادي متعمد ترة
م̷ـــِْن يدفع برمحة طفل
وشافت ابدرب السبي
شافت (ألم) ما ينحمل

مو حكهة اذا ماتنعرف
مابينت نقطة ضعف

بيديهة من كثر الشگف
كل السياط اتگطعت

ــــــــــــ ــــــــــــ ــــــــــــ
هوة السبي الآۆلْ صعب
بس السبي الثاني كلف
بالمرة الاولة اتلوعت
بالسبي الثاني أولا عرف
لٱ والي ظل ولا حمة
والناس گامت تستخف
بيهة ويشتموهة العرب
وعيونهة ذبلت نزف
ظلت وحيدة ام الخدر
مثل الجنازة بلا ݘتف

امن السبي الآۆلْ باقي أثر
والمتن بالسوط انحفر

أولا خاطر اعليهة انكسر
شمسوية هيج أتمرمرت
ــــــــــــ ــــــــــــ ــــــــــــ

أيدفعونهة أبكعب الرمح
وقبضة السيف وبالغمد
يضربوهة جدام الخلڰ
حتى الشماتة هم تهد
والسوط مو سوط وگبل
م̷ـــِْن يلسع ايشلع الجلد
ݘا هيج تاليتة الخدر
بيه ناس غربة التنفرد
مو قصدي بس واقع صعب
يالمهدي تعرف بالقصد

عمتك وحيدة وي الزلم
اني ادري مابيهم شهم

يابوية زينب تنشتم
والناگة م̷ـــِْن سمعت بݘت
ــــــــــــ ــــــــــــ ــــــــــــ

✍المقصر… حسين حمدان الدلفي
ــــــــــــــــــــــــــــــــــــــــــــ

https://t.me/QPASF

اتذكر امك ونته كافل…… يبو فاضل…
يبو فاضل…
شفت الهلال وذكرتك… .تخدم الحره ابسفرتك…
يبو فاضل… ..يبو فاضل
/////////
كون روحي توصل الطف كربله…
والكه ابو فاضل عزيزي واساله…
هل الهلال اشدكول العايله…
وخاف دمعة زينب اتضل سايله…
وخاليه تبقه المنازل… ..يبو فاضل… يبو فاضل…
امن الحره وتسرهه…. وتمسح ابجفك قهرهه…
يبو فاضل… يبو فاضل…
//////
مارحت وياك يبن ام البنين….
وخاف احيرك وعرف ابكلبك حنين…
وانه اعرفك زين ياكرة العين ..
وبيني تحتار ولبين اخت الحسين…
الدنيه باختك لاتبادل…. يبو فاضل..
يبو فاضل…
انته يوم الي اكفلتها ....تنطي روحك يبني الها…
يبو فاضل… يبو فاضل…
//////////
هسه وين ويمن انته ياشهم….
اتخيلت عباس وجهك مبتسم…
تروح فدوه امك الك ولهل اسم…
ادري زينب عندك وماتنهضم….
ودري متهاب الجحافل… .يبو فاضل… يبو فاضل…
امانه تصون الامانه… اتندهك اختك ياحمانه…
يبو فاضل… يبو فاضل…
//////////
شفت الهلال واحس ضيم وقهر..
وكلت ماحل موعدك يبني الكمر…
بعد ايام وتروح اعله النهر…
وماتردلها وسهم يطفي النظر…
وعل شريعه الكمر افل.. يبو فاضل… يبو فاضل…
وينك اتصيح العقيله… .غيبتك صارت طويله…
يبو فاضل… يبو فاضل…
//////////
تدري يا عباس المن صرت احن…
امساهره عيني لون ليلي يجن…
شوكي راد حسين وعليه كمت اون… .
كتله غيب ارجوك يهلال الحزن…..
وشاف جرحي العنه غافل… يبو فاضل… يبو فاضل…
من تهل تجرحلي كَلبي…. ابهلتك للحره تسبي..
يبو فاضل… يبو فاضل…
///////
عمرك اول يوم وعيوني تشوف… .
اجه حيدر والدك حب الجفوف…
جفوفك يطيحن يكلي بالطفوف ..
ورايتك عل نهر يوليدي تعوف..
وبالخيم تنطر ثواكل… يبو فاضل… يبو فاضل…
لو طحت راحن يساره… وكل كلب يلهب شراره….
يبو فاضل… يبو فاضل…
///////////
خادم الحسين
احمد الطيب الحلي

https://t.me/QPASF

عريس الولد جابوه يتجوله.

ماترهم الزفه بلايه هلهوله

امنيتي الولد عريس اشوفنه.

هلهولت خواته وصفگت الحنه

من الخيمه عماته اليزفنه.

بنت عمه العروس تعاين لطوله

عريس الولد جابوه يتجوله.

ماترهم الزفه بلايه هلهوله

فرحانه بأ ابنها تبخر هدومه.

هذا اول فرح للكاضي ملزومه

ما تدري بابنها مصاحب الحومه.

المنيه زفته وبسيوف يقروله

عريس الولد جابوه يتجوله.

ماترهم الزفه بلايه هلهوله

لبس هندام ابوه وشاجخ عگاله.

عمه من الخيم صد وتعناله

على عمه الولد مطالع لخاله.

يشبه صورة العباس گلوله

عريس الولد جابوه يتجوله.

ماترهم الزفه بلايه هلهوله

معروفه بسلفنه البت لبن عمها.

زفه وكون عباس ايتجدمها

سكنه تصير جنتي واني اصير امها.

ايسويها البخت وتصير معقوله

عريس الولد جابوه يتجوله.

ماترهم الزفه بلايه هلهوله

معروفه بسلفنه البت لبن عمها.

زفه وكون عباس ايتجدمها

سكنه تصير جنتي واني اصير امها.

عريس الولد جابوه يتجوله

ماترهم الزفه بلايه هلهوله.

معقوله وتصير الما حسبتلها

والعباس سكنه اله ادللها.

معقوله وتصير الما حسبتلها

والعباس سكنه اله الدللها.

اگعد يمه بت عمك شگللها

جاسم راح منج اه يمدلوله.

عريس الولد جابوه يتجوله

ماترهم الزفه بلايه هلهوله.

جاسم راح منج ونهدم حيلي

حسبت احساب ام بيتي تصيريلي.

ها يمه يجاسم اگعد احجيلي

شنهي بخاطرك يصير بس كوله.
 
عريس الولد جابوه يتجوله

ماترهم الزفه بلايه هلهوله.

كلشي يصيرلك لاتاخذك حيره
 
اسويلك عرس ماصاير بديره.

من عباس اطشلك هاكثر غيره

بخت حسين ازفك والزلم ذوله.

عريس الولد جابوه يتجوله

ماترهم الزفه بلايه هلهوله.

https://t.me/QPASF

#تراث
إحنه غير حسين ما عدنه وسيلة
والذنوب هواي كفتها ثجيله
وغدا يبدو لنا سدا منيعا....
هذه آراؤنا فيه جميعا….
والذنوب هواي كفتها ثجيله
…………………………………………

هنا ياهلكثرة ذنوبك وإنت متحير بأمرك
إخدم بمأتم إمامك لو ردت للجنه مسلك
وإنت بالتأبين تخدم تسمع الهاتف يكلمك

لو إلك قوة فاكرة....بنور العقيده منوره
وللخدمه عندك مقدره.... وباللطم وسمت صدرك

هالوسام يخمد جهنم شعاعه....
والوثيقه البيها تحصيل الشفاعه
من بكاه وهو لله مطيعا...
تطفيء النار له تلك الدموعا
والذنوب هواي كفتها ثجيله....
إحنه غير حسين ما عدنه وسيله
----------------------------------------

يالذي عندك عقيده ثابته وحره وشريفه
وتعلم الميزان حق وكفة أعمالك خفيفه
وما إلك غير الشفاعه وبيها آمالك ضعيفه

فص العمل لا تخالطه....ويه حسين قوي الرابطه
أكرم الوادم بالعطه..وما يرد مايوس ضيفه

واليخدم حسين بالجنه يتنعم..... وبالأناشيد الحسينية يترنم
جاره في الدهر لا يخشى ضياعا....
شأنه يعلو ويزداد إرتفاعا….
والذنوب هواي كفتها ثجيله...
إحنه غير حسين ما عدنه وسيله
----------------------------------------

والذي بهاي المآتم ينفق بحسب إقتداره
وغايته خدمة إمامه لا رياسه ولا إماره
ويه ريحانه محمد (ص) تاجره وربحه التجاره

جنه وقصور عاليه...وأنهار عذب جاريه
وحور وقطوف دانيه...ولا تفوتك هالبشاره

والصرف لحسين مصروف بچفوفه... واحد بسبعين ضعفه يعوضونه…
كل من أنفق من شيء رجاءا...
وله سبع وسبعين ضياعا…
والذنوب هواي كفتها ثجيله...
إحنه غير حسين ما عدنه وسيله

الشاعر المرحوم مهدي الأموي الكربلائي
----------------------------------------

https://t.me/QPASF

نزله للقاسم ع

يا جسام … چنه الحسن ونعومه
يا جسام … يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل ضنهم ازغير وابد ما يگدر
وشعلمه بهاي الحرب كر و فر
تاليهه ذكـرهـم مـواقـف خيبر

جاسم والنعم …  رجفهـه الزلم
لا  مــا ينهزم … خـوفها المنايه
الجده حيدره …  محـد يگـدره
دنيـه و آخره … عاشگ للولايه

يا جسام … يـا يــوم يشبـه يومه
يا جسام …  يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عدوانه رجعو وهوه ظل يتقدم
بچـاهـم اشمحلاتــه مـن يتبسم
راجـل نـزل و بكل عدد ما يهتم

واللي يوصله … بسيفـه يجنـدله
زلـزل كـربلـه …  عن عمه يحامي
ما همه العمر … الـزلمـه مـو كُـبُر
گلهــم افتخر … بالنصره الامامي

يا جسام … بالساحه حلوه علومه
يا جسام … يرعـب دخـل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ادخيل الله من سرفنهن ارداناته
عمـره زغيـر ويـرعـب ابصـولاته
تشبــه لبــو فاضـل بعــد خزراته

متلـثم طلــع ... چـم رگـبه گطـع
والكل انفزع … من هاي الشهامه
زلمه الوحّدّه … فگــره العــانــده
كلهه تناشده … يكشف عن لثامه

يا جسام … بيهـم جلاهـا همـومه
يا جسام …  يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حيّـرهم و بچـه الحـرب بفنـونه
شـال اللثـام و كلهـم ايشوفـونه
انت الحسن لـو منهو يتوسلونه

نـــدري بالحســن … ميت مـن زمن
رد يحمي الضعن ...ما يترك خواته
تشبهلـــه و علــي … صوتـك معتلي
مـن شكلك ولـي …  ياحامل صفاته

يا جسام … شــايلهـه كــل ارســومـه
يا جسام … يــرعــب نــزل للحــومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گللهم آنـه ابـن الحسن عرفوني
جسام اسمـي و فنكم اتلاگوني
وحسين مـا عوفنه نور اعيوني

هاذ آنه اكبرت … تلميـــــذه صـــرت
منكم ما خفت … گدهه رافع الراس
لـو واحـد گدر … لخيــامـــه عبـــــر
يتـــــوذر وذر … هيبه وعمي عباس

يا جسام … نـــاذر العمـــه ادمــومـه
يا جسام … يــرعــب نـــزل للحـومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يامـه كتــل بيهــم زغيــر السـاده
مـل الجـنود ودور اعــله القـــاده
يــالَ ثـــار الحسن لمـــن نـــــاده

ظل يطبگ طبگ … هـايــم بالعشگ
و اليهــوه صـدگ … حوطهم عجيبه
اختنگت نينــوه ... مــا بيهـه هـــوه
و اعليهــم نـــوه … مـا يتـرك حبيبه

يا جسام …  شايــل الغيــره دومــه
يا جسام … يرعــب دخــل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الشاعر ابو ياسر المياحي

https://t.me/QPASF

قصائد لكل ايام محرم اشترك بالقناة

             حي الله عباس

غضب عباس ودخل للحومه
ظلت  اكباله  العده  مهزومه
مثل حيدر من غزاها بيومه
أنه العباسُ أكرِم وكفى
جعل الميدان قاعا صفصفا
وعلى الاشلاء سيفا وقفا
طب عليها بزوده      ياحلاة زنوده
             للحرب مشهوده


كفو ياخيالها الما ينغلب
حاسها وخله الظهر فوك الگلب
صعب والعباس ملگاته صعب
عْجبَ القوم بسيفٌ قاطعا
بقتال الشرِ حقاً ابدعا
قوة من حيدرٍ قد جمعا
بيده شايل سيفه     منها ماخذ حيفه
           بكيفه هي بكيفه


الحومه ما بيها زلم توكف اله
تموج من خزراته ظلت كربله
يا شجاع الوكف يمه وقاتله
أرهبَ الأعداءَ والحقُ يُقال
سيطرَ العباسُ في سوح القتال
ولهُ عزمٌ شموخ كالجبال
من غضب خيالها       ترادمت بخيالها
            دخيله بيده وشالها

شهم ومخلفك علي يبن الكرام
تموت كلها من طرف نصل الخيام
على رمحه تگوم وبسيفه تنام
قد علا العباسُ ظهر العاديات
وأشقَ الدربُ من صوبِ الفُرات
انا من دونُ حُسينٌ لا حياة
حسين گرة عيني      أمي التوصيني
           حسين اخوي وديني

بيهس وبيهم ابو فاضل وكف
ما يهمه لو گبل سبعين الف
اخو خيته معتبر وزلمه كلف
كشُداقمْ كهريتً كضبور
عندما يغضبُ بالحرب صبور
انزل الأعداء في حفر القبور
عيت وطباها          جن علي الوازاها
             بضربته ساواها

الشاعر اسعد الناصري

https://t.me/QPASF

قصائد لكل ايام محرم اشترك بالقناة

( ليلة الحادي عشر ) الشاعر ذوالفقار جلعاوي

وداعا يخوتي وداعا يا خيم
مشيت ابنص زلم سبيه بلا علم
............
كاعده بنص الخيم ودخلت اعليه الغرب
ويه الحسين انتهت وتبدي وي زينب حرب

مات صاحت أبوجهي العساكر كومي شوفي شلون صاير
سحكت بصدره الحوافر
ونحره ذاك بنص مناحر
حسين ما الحك خويه اودعك وسمعت تكسير ضلعك
إيجرك الحافر يدفعك شلون من جواها اطلعك

عالوجه خويه طحت ونعميت من الترب
لو اشوفن جيت الك ما اشاكف بالضرب

ردت اوصل الك وخضب وجهي دم
مشيت ابنص زلم سبيه بلا علم
............
يضحك اكبالي الشمر من دخلها الخيمتي
يسحك امصلايتي وبيده كطع سبحتي

صاح جائزه الكلمن هضمها وبالمتن سوطه لجمها
اردشوف أبعيني دمها جيبوا روس اخوتها يمها
آه جابوا الروس او شفتها ولا ملامحها اعرفتها
وجوه اخوتي او ضيعتها اشكد حوافر سحكتها

كلبي احسن ما يدك راح اموت ابحركتي
الكل نحر انظر صحت آنه زينب يخوتي

بعمر خمسين أنه العمر كله انهدم
مشيت ابنص زلم سبيه بلا علم
............
راس يلفت ناظري من الحوافر بي أثر
يهتز برمحه او وكع أمن اركض وجدمي إيعثر

ليش لو دنه العسكر اليه الراس ظل ينظر عليه
صاح ياهو ايجيب اديه عوفو اختي الزينبيه
بعيد الراسه جان ايجرني عطره ماعرفته الرمح اعبره
ابعينه نبله او وحده حمره بوجنته من الخيل حفره

خويه زينب صاح الي وينضرب شفته بحجر
وانه بعد اختك صحت هذا راسك يا كمر

يبو فاضل صدك العمد راسك هشم
مشيت ابنص زلم سبيه بلا علم
............
حركوا اكبالي الخيم وركضت بآخر خلك
طلعت منها الحرم وآنه ظليت اختنك

نار حافيه اجدامي وجوتني طاحت الخيمه اعله متني
ركضت النسوان اجتني لحكت بيه او طفتني
هناك ركضت رقيه أبحزنها وجندي يلحكها اعله ونها
كطع السوط بمتنها وجر تراجيها من أذنها

البنت الحسين اركضت ارجع الطفل احترك
والأشرده من الخيم بحافر الخيل انسحك

يتامه بلا ولي ولا واحد سلم
مشيت ابنص زلم سبيه بلا علم
............
جلجل اعليه المسه ونامت عيون المله
وانه اساهر وحدي حارسه اعله العايله

ليل وحدي لحسين اعتنيته ردت اودعه وما لكيته
قطعه قطعه دوريته ويالرمل من لملميته
وين التله ما اندلها ظلمه جا لبو فاضل اكلمه
اتلكه زينب خويه زحمه اشتاكت الصدرك تشمه

ورجعت محني الظهر ابدم اخويه امهيله
ساعه ويطر الفجر وراح اودع كربله

المصيبه اعله الهزل منو يركب الحرم
مشيت ابنص زلم سبيه بلا علم
............
............
ذو الفقار جلعاوي

https://t.me/QPASF

قصائد محرم الحرام (الليله السادسه)

نزال (للانصار)
....................................................
هــــوس حبيب وشـــــال بيــــده الرايـــــه
ولزينب أخــــــت حسيـــــن أنطه حچايــــه
.......................................................
شيـــخ الانـصار بصـــــوتـــــه لمــــــــن ناده
عــــــــد عينـــــــــچ يگلها يعمــــــة الساده
الجيــــــــش هـــــذا كلــــــه ماتهمنه أعداده
واليوم لاجلچ نـــــذبـــــــح احنـــــــه القاده

غايتنه محـــــــــد يوصلچ يازينب الغايــه
.......................................................
هــــــــــــوس حبيب وناده هايخت حسين
امنـــي يزينب يمـــــچ احنــــــــه لاتخافين
عالمــــــــوت والله اليــــوم كلنـــــــه ناوين
الكــــــــــون كله نگلبـــــــه واحنه السبعين

نشتـــــــري الموت لخاطرچ يازينب شرايه
.......................................................
گلهـم حبيـب حسيــــــــــن نبقـــــــــى وياه
الـــزيـــن يوفــــي لصاحبه وماينطي مگفاه
بالروح بالـــــــــــدم والله احنـــــــــه نفداه
والمـــــوت وي حسيـــن عدنـــــــه شمحلاه

انصـارك احنـــــه وللابد يحسين وفايـــــــه
......................................................
هـــــــوس حبيب وصـــــــاح هايالشجعان
الحومـــــــه نگلبها گلب من ندخل الميدان
منريــــد تبقــــــى قـاده اولا فـــــــــــرسان
بـــــــــروس الزلم هاليـــــوم نتـــرك نيشان

جيشك يزيـــــد شـــــــواي واحنه الاهوايه
......................................................
مــــــــــن زينب أحنـــــه ننتظــــــــر هلهوله
أوحتى بسم الله نبــــــــــــــدي الصولـــــــه
وحسيـــــن أجـــــوه أنصاره وگلولــــــــــــه
بالقاده والله اليــــــــــوم نلعب جـــــولـــه

بالحومــــــه صرناله سند صرناله تچايــــــه
.......................................................
بغيــــره وعــــــزم أنصاره مـــــــــن طبوها
شمحلـه السيــــوف بأيـــــدهم لزمــــــوها
والروس تتطاير بقت بالحومــــــــه خلوها
الغــــزايــــــــه والله اليــــــوم هل ردوها

شـــــردت القاده بالحرب وانهزمت الغزايه
................................................. الشاعر عماد محمد الدراجي

https://t.me/QPASF

قصائد لكل ايام محرم اشترك بالقناة

آه .. من گلبك جرت
آه .. و الآه اكبرت
آه .. او بالطف خضرت
آه .. آه .. آه .. آه
حزنك بالدهر ... ما فوق البشر
حسيناه

تهمس ابآخر نفس مدري اشتگول ؟
لچن همسك تارس آذان الزمان ..
صوتك الله و اكبر التحت الخيول
خضر الله و اكبر ابوكت الأذان ..

چنك من الميمون من تهوي
عيوق1 هاوي امن الفضه العلوي
وجهك امدمه او جبتهك تضوي
او آهاتك ابسمع الدهر تدوي

صوت .. بي ضج الملك
او صوت .. بي ناحت هلك
او صوت .. رد منك إلك
آه .. آه .. آه .. آه
ابآهاتك صور .. ما فوق البشر
حسيناه

لا تزال الأرض دمعتها فرات
من وگفت ابأبوفاضل تنتخي ..
القبلوها اثلاث أيمه امگطعات
او طاحت اويه الرايه چلمة يا أخي ..

بدر الذي اعله العلگمي اتبده
باب الحوائج صار للشده
اللازم ابگبره لازم ابزنده
الحلفه ابزينب حاشه ميرده

عين .. كحلها السهم
او عين .. ظلت عالخيم
او عين .. منك تبچي دم
آه .. آه .. آه .. آه
النايم عالنهر .. ما فوق البشر
حسيناه

ابدم رضيعك حين چفك ينترس ..
اتقدمه قربان لچفوف الإله
يرفعه او بي يصبغ اخدود الشمس ..
او كل غروب ابدمه تتزين سماه

عبدالله غصنه انكسر و الشجره
ابفصل الربيع أوراقها صفره
او كل طفل من دمه جرت قطره
ذمه ابرگبته الأسگط الزهره

سال .. دم محسن غدر
او سال .. دم طفلك هدر
او سال .. دم عگبه اشكثر
آه .. آه .. آه .. آه
قطره امن النحر .. ما فوق البشر
حسيناه

أمس وحدك لا معين او لا نصير ..
انسد عليك النفس من ست الجهات
الدهر گال اوياك أسوي الما يصير ..
اشما يگلك خذ بلاء إتگله هات

او من شافك الله امسلم لأمره
خلاك أبو التسعه من العتره
او خلا ابترابك للشفه سره
او خلا الإجابه ابگبة الحضره

يوم .. نحرك ينحر
او يوم .. نحرك ينتصر
او يوم .. للمهدي الأمر
آه .. آه .. آه .. آه
ثار المنتظر .. ما فوق البشر
حسيناه

ماتمك چان ابخرابه اعله التراب ..
و بس حريمك چانن اليبچن عليك
او كبر طاري المدمع او صيت المصاب ..
و الشعائر روت من دم ودجيك

و ابدرب زينب شوف اليعجب
كل خطوه منها اتحولت موكب
و ابأربعينك عاين او إحسب
چم ناعي ينعه او نادب اليندب


شوف .. الجثته امرضرضه
او شوف .. بعياله اشگظه ؟
او شوف .. ألله اشعوضه ؟
آه .. آه .. آه .. آه
عشرين ابصفر .. ما فوق البشر
حسيناه

ما فوق البشر
ميرزا عادل أشكناني
قم المقدسة
ذو القعدة 1445 ه

https://t.me/QPASF

عكيلي للأنصار

*موته اويحسين اشمحلاهــا * مـوتـه اويحسيـن اشمحــلاهـــا
* بس البيــه حـظ يتـمـناهـا * مـوتـه او يحسيـــن اشمحــلاهــا
---------------------------------------------
1 – يهـتــف صــوت انصـــار الثـــوره
عـــد عيـــنـــك يــــا روح الزهــــــره
عـــالمــــوت انـــوقــــع بـــالعشـــــره
• فكـــرنه اوزيــن احـسبناهـــا * موتـه اويحسين اشمحــلاهـــا
---------------------------- -------------
2 – دنيــه اوصـارت كلــش صعــبــه
تهجـــيـــر اومـــأســـاة اوغــــربـــــه
كــــون ابنــــــــادم يحمـــــــــــد ربــه
• على هــاي القسمــه الردناهــا * موتـه اويحسيــن اشمحــلاهــا




3– عفنـــــه الحــج اوعـفـنـــه العمـــره
واعبرنــــــه الصحـــــراء الخـطــــــره
جـــينـــه انمــــــوت ابحــــب العـتــــره
• حـتى الخــــدر طلـكــناهــا * موتــه اويحسيــن اشمحــلاها
-------------------------------------------
4 – مــثل الكعـبــه حسيــن انشوفــــه
أحــرمـنــه او كــل يـــوم انـطــــوفـــه
مـــا تـرهـــبنـــه اسيـــوف الكــوفـــــه
• اولا بينــه اليكـــره مـلكــاهــا * موتــه او يحسين اشمحـــلاهـــا
---- ------------- -------------------------
5 – انمـوت انمـوت اشكـــد مــاعـشنــه
هـيهـــات أهـــل الدنيــه اتــغــشــنــه
للمـــوت ابـــواهــس غــبــشــــــنـــه
*عـالجـنــه البالطــف شفــناهــا * مـوتــه او يحسيـن اشمحـلاهــا



6 – هــوسنـــه امــن انـطــانـه الـرايــه
يامـــوت احــنـــه اهــلــك شـرايـــــه
لبـن الهــــادي انطـيـنــــه احجـــايــه
• و اكـفـــان المــوت البسنـــاهـا * موتــه اويحسـين اشـمحــلاهــا
------------------------------------------------
7 – عـبـأ جــيـش الـرده اصفــوفـــه
وحـــده حســـين اشلـــون انعـــوفـــه
يـــوم العـــاشــر احـــنـــه اســيــوفـــه
• والنيــه اويـــاه صـفـيـناهـــا * موتـــه او يحسيـن اشــمحـلاهـا
---------------------------------------------
8- خـــل العـسكــــر يــسمــــع كلـــــه
عــن صــــوت الحــق مــا نتـخلـــه
نهــتـــف هـيهـــات امـــن الـذلـــــه
• بس جـيـب اليفهـم مـعـنــاهــا * موتـه او يحسيـن اشمحــلاهـــا

خـــادم أهـــل البيــت عليـــهم الســـلام
أبـــو حــيدر المجــــــراوي
1446 هــــج / 2024 م

https://t.me/QPASF

قصائد لكل ايام محرم اشترك بالقناة

لمولاي الأكبر عليه السلام

يبني يالأكبر ينور عيوني
هيج يبني شلون ويفجعوني

انا أمك يبني يا بعد النظر
شكد تعبت اعليك تعبني السهر
وهسه گلبي اعليك يا يمه انفطر
يبني من همي تغير لوني

يعين الله الفاگده التفگد ولد
بالأخص لو جان بس هو السند
وانت واحد  عندي  لبيتي عمد
شلون عنك يالولد بعدوني

بيش اصبر گلبي يا بعد الگلب
وانت صاير وذر طايح عالترب
يوم عاشر يبني راواني العجب
ريت وياك العده يذبحوني

شلون طايح عالترب حدر الشمس
وانت من العطش ولسانك يبس
انشد وگوه اجر يمه النفس
وين ابني يا خلگ دلوني

مستحيل انساك يبني مستحيل
خل دموع العين عالخد وتسيل
يمه ومصابك فطر من مني الدليل
كون وياك بگبر دفنوني


الشاعر اسعد الناصري

https://t.me/QPASF

قصائد لكل ايام محرم اشترك بالقناة

ياحسيـن بضمايرنـه******* صــــحنه بـــــيك آمــــــنّه
لا صيحة عواطف هاي *******لا دعـوه ومجــرد رأي
هـذي مـن مبادئنـه******* صِحـنـه بــك آمــــــــــــنّـه

*****

بتكوينه البشـر يـا حسيـن******* متسـاوي النوعيــــــه
جسمه ومحتـواه واضـح******* ومعــــــروف بتساويّـه
الشئ البـي خفـي ومجهـول******* نــــزعاتـه النفسيـه
وهيّه بدورهـا اتكشفـه******* وتظــــــهـر لـك مخافيّـه
تكشفه مـن اتجاهاتـه******* شر يـو لا حســـــــن نيّـه
واحنـه بنفسـك آمنّـه******* مـن اعرفـــــــناهـا قدسيّـه
لشخصيتك لمسنه أوصاف******* مــنوجـدت بشخصيـه
لمسنه بيك أبوالاحرار******* اعرفـــنـه المـوت حرّيـه
لمسنه التضحيه بشخصك******* عرفنا الشرف تضحيـه
لمسنه بيك أبي ومثليـن *******عرفــــنـا الـذل عبوديـه
لمسنه اعلى الكرامه اﮔضيت******* عرفنا نريدها هيّـه
لمسنه ابذلت دم وحييـت******* عرفنـه الدنيـا وقــــتيـه
لمسنـه قسـوة اعدائـك ******عرفــــــــنـا احنـه فدائـيـه
عرفنه انضل بدين يزيد******* مـن أيـد لقــــسـاوة أيـد

*****

عن سابق علم يحسيـن******* وعـن تركيـز بالفــكـره
حبينـاك وتبعنـاك******* ونـــــــتوقـع غصـص مــرّه
ونتوقع وقت محذور******* وساعـات الــتمـر خطـره
مابيـن اليكيـدنّـه******* وبــــــــــيـن ايـدبـر الـغـدره
ومـع احساسنـا هـذا******* والشفـنـاه وننـــــــتـظـره
آمنّـه وتوطنّـه *******علـى كـل شـي بعـد يــــــجـره
معلوم اليشم ازهـار******* يوخـزه الشـوك بالشجـره
على ريحتكم شنـو أزهـار******* نتحمـل أذى جمـره
تربة كربلاء تشهد *******المن دمنـه أصبحـت حمـره
ويوم العاشر بعاشـور *******هـم يشــــهـد مـع الذكـره
وكل طعنة رمح تشهد******* وكل سيف الطبـر طبـره
كلهـا تصيـح آمنـه******* بمحــــــبـتـك يـا ابوالعـتـره
حقيقتنـه وطبيعتنـه******* اكتـــــسبناهـا علـى الفطـره
احنه وكل دمه مهدور******* وكل طعنه جرح ونحـور
بساحـات الشـرف كلنـه******* صـــــــحنـه بيـك آمنـه

**********

ياحسين ارتبطنا ويـاك******* بالـدم بالـــــنفـس بالجيـد
مثل ما ﮔلنـه عالفطـره *******لا صـــــدفـه ولا تعويـد
افرض نشذ عن خطّك******* ونسير على خــــط ابعيـد
افرض يجتذبنه الكاس******* ويســحرنه هـوى التجديـد
افرض ننفتـن بافكـار******* ونتـــــــسمـم وفتـره نحيـد
افرض نلتهـي نقامـر******* ونـــــــتصـرف بـلا تقييـد
اشما تفرض بعد يحسين******* اشم نعـمل بعـد ونزيـد
لابـد ماتجـي الساعـه******* البيهـا نـــــــنتبـه ونعـيـد
لابـد ماهـو الرحمـه******* يدركنـا ونــــــــرد اجديـد
حتـه ايخانـه نهـرم******* ويـــــــضعـف جيلنـا ونبيـد
ولا نﮕدر نحرك راس******* ولا نــﮕـدر نحـرك أيـد
ولنشـوف صـوت تسندنـه******* وســــــــــادة مــوت
بآخـر نفـس احسبنـه******* صــــــــــحنـه بيـك آمـنّـه

********

على سيرة عقايدنه******* نحبكم يا ابـن داحـي البـاب
فتشنه بمحبتكم******* وماظـــــل علـى العيـن حجـاب
لا حب محترف طامع *******لا حب هاوي شبّ وغاب
حب المحترف عنده******* بتحـــقيـق الاربـاح حسـاب
وحب الهادي يتنقّل******* ويه اهوائه على ساعـه وذاب
الحب حبنا العلى الفطره******* العالم معتقـد بالالبـاب
روّاد الاصـول تﮕول******* عاليعــــــتقـد مـا ينعـاب
جيناكـم واحنـا ابيـن******* الـرحــــــــــم والاصــلاب
على هاي العقيده نسير******* الحاضر والمضـه والآب
وعلى كل صوات من عدكم******* نرفع صوتنا بايجاب
بصوتك من صحت يحسين******* هل مِن ناصر لهالدين
مابيـن الاصـلاب احنـه******* صحـــــــــنـا بيـك آمنّـه

**********

مر بينه علـى حبـك دور******* لا يِـــــــنِّسـه ولا يِخفـه
مـن عدوانـك الچانـت******* بينـه تريــــــــــــد تتشـفّـه
علينه افرضـو أحكـام******* بـلا رحـــــــمـه ولا رأفـه
ثبتنـه بثقـه وبرهنّـه******* للظالـم رغــــــــــــــم أنـفـه
چنّه من نجي نـزورك******* علـى العـــــــاده المأتلفـه
يتحجـج علينـه ايريـد******* يمنــــــــعنـه بألـف حرفـه
ﮔال اللي يزور حسين******* وله مهمـــــا يكـن ظرفـه
عليه ميّت ذهب يدفـع******* رسـم ازيـــــارتـه ايكلفـه
دفنه وكل شخص مِنّه******* يشعـر بعــــــده مـا وفّـه
شنهو الذهب شنهو المال******* اليحب يتوطـن الحتفـه
رد ﮔال اليزور حسين******* من ايـده ينــﮕــطـع چفّـه
انطينه اچفوفنه بالحال******* وركــضنه نـزورك بلهفـه
عنك ما منعنه الخوف******* ﮔطعـو من ايدينـه چفـوف
مـن الالـم مـا صحنـه******* صحنـه بيـــــــــــك آمنّـه

********

عشت يا ابن النبـي فتـره******* يصعــــب عاليحددهـا
مـات النبـي وأنظمتـه******* جديـدة عهـــــــد مولدهـا
والنـاس ابكفـر وبديـن******* مضـــــــطربـه عقايـدهـا
ولن حكم ابـن ابوسفيـان******* بـده للنظـــــــم يفسدهـا
ودين الدوله صح إسلام******* يعــــمّ احلـوﮔــك ويدهـا