لـ ﺟَﻣــٰࢪۿه.✨

أكو ناس صمتها مخيف، ذوله اليصمتون بالوقت الي غلطات چبيره نكالت بحقهم، ويتغاضون عن أشياء صعب أي أحد يتحملها، اللي يسوون نفسهم مصدگین کلام الأخرين ويعرفون بأنه كذب ويكتفون فقط بأبتسامه خفيفه، اللي يستحملون ويضغطون على نفسهم هوايه ويكولون ميخالف تعدي وتهون، اللي يكونون قريبين الك بوكت الحاجة وبوكت النصيحة وينسحبون بصمت وبدون هوسه، اللي يتناسون حتی يسامحون بس مینسون، اللي وياك بوجه واحد صريحين وخلوقين وماعدهم وجهين.

الناس هاي زعلها صعب ولحظة أنفجارهم تكون أصعب، وصادمة كذلك لأي واحد جان قريب منهم، تكون لحظه همه مقرررين بيها أنك أنلغيت من حياتهم وشگد متحاول تصلح بعدين متكدر.
وبالرغم من طيبتهم بس لازم تخاف خاف منهم ، خاف تفقدهم لأن نادرین ، لأن حبوك وأستحملوك هوايه حتى يبقون موجودين يمَك، رغم أنه همه ماخذين بالهم من كل شيء وأنت متصور نفسك ذكي ، خاف وأتقي شر الحليم اذا غضب لأن قليل اللي يستحمل غضبهم بعد صبرهم الطويل. 🖤

بشكل عام الحياة ما تنطينة كلشي نريدة بس خلي نكون على ثقة انو الي يختارة رب العالمين افضل من اختيارنة حتى لو كان بي اذية النة بس بعد زمن راح نعرف انو ربنا اختار الطريق الصح النا
كل شخص راح الله يعوضة الي علينة نتماسك ونصير اقوة ونعيش اليوم وننسة الماضي ..🤎

وديتني لعالم حلو وخليتني أرجع وحدي !

ويه مرور الوكت ، الدنيا راح تعلمك درس كلش مهم ، الدرس انه وجود الناس يمك مامرتبط ابد ب الي اتقدمه الهم....
ألي يريد يضل يمك راح يضل بدون ماتنطي شي ، وألي يريد يروح راح يروح لو مهما قدمتله وسويت على موده...!
اختصار الكلام أن الموضوع واكف "على قدر مكانتك بقلوبهم"🤎

..🤍🤍..

دربالك تاخذ حقك من شخص ظلمك
اشرب چايك وشاهد الدنيا من اتدور

الاشارات الي تجي من رب العالمين لا تهملها مرات رب العالمين يكشفلك حقيقة كل شي عن طريق موقف او اشياء صدفة لا تهملها .

دائما خلو عدكم مبدأ الخصوصية يعني حتى اذا صادقت افضل ناس لتحجي كلشي خاص بيك الهم دائما كلنا لازم يكون عدنا جانب مخفي هو الي مريت بيه بصعوبات فشلت نخذلت نقاط ضعفك علاقاتك السابقة لتحجيهن حتى الاقرب ناس الك لان ماله داعي هالشيء .

الفرصة الثانية وفرها لنفسك بدل متنطيها لغيرك
لان صدگني الي ما تغير من البداية علمود نفسه
مَراح يتغير علمودك.

أحب اللي يگول كلمة ميخالف لغيره ،وهو اكثر شخص محتاج يسمعها.

الطريق طويل فأحسنوا الاختيار 🤎.

و‏يحدث أحيانا أن ندفع الثمن مرتين ، مرة للحصول على الشيء وأخرى للتخلص منه ..

يگول باسم الكربلائيّ بوحدة من القصائد "من عرفت ميّت -يا يمّة- نزلت ايدي من الدّعاء" ..

شگد موجع هذا الشّعور، أن تنزّل إيدك وتبطّل تدعي بشي بعد، لأن هوَ انتهىٰ خلاص وبعد ما بي رجعة، وتجي كلّما تريد تدعي تتذكّر هذاك الموضوع وتتأذّىٰ من جديد، رغم إيمانك بأن كلّ شي بي خيرة، بس إنتَ فقدت اهواي .. ولهذا دائمًا أشوف إن طلب الرّضا بالقضاء، والتسليم التام، وعدم التمسّك بشي -غير إمام الزّمان-، هوَ أولويّة بذواتنا.

الى إي هاوية سوف تمضي بنا أوهامنا ؟

للامانة ما اتذكر فد يوم ردت او عجبني شي واحد قدمه الي بكل بساطة ،كل الاشياء الي اريدها دائماً لازم اتعب عليها الا احصل عليها ، ولا الاشياء الي شفتها من بعيد جميلة بقت نفس ما هي من تقربت ، ولا شخص نطيته مكانه وحافظ عليها اذا ما خربها بنفسه ، واغلبية الي دخلوا حياتي بالبدايات شكل وبنهايات شكل ثاني ما بقوا نفس ما عرفتهم ف كلشي جان بتعب مو بسهولة ابد .

بعيداً عن الايجابية :

دائما تعلمو لسون شي ما يشبهكم مو من طبيعتكم خارج تصرفاتكم شي ميليق بيكم ولتجاملون على حساب نفسكم .

كُل إنسان سيء يدخل حياتنا هو حامل رسالة يريد يوصلها ديعلمنا درس، قد يعلمنا انو منثق هواي، يعلمنا منصدك بكل الكلام الي يحجو النا، حيبقى هالشخص وياك لحد ميكمل رسالته ومهما كان تعامله زين وياك ومهما تتوقع منه الأفضل، وتخلي كُل املك بي وتستثنيه عن الكل، بس بالحظة الي يوصل بيها خلاص لازم انطيه الصفعة هسه وابين اله الحقيقة، ويطلع وجه الأصلي ينتهي دور الاقنعة هالشخص حيغادر حياتك وتاركلك درس كُلش جبير، يغادر وكأنما ديڪول " انا اليوم وصلت رسالتي انتبه من الي حيجيك" استغل كُلشي تعلمته وياي في سبيل انو متوكع بالخطأ مرة ثانيه 🤎.

الما يعرفون شلون يعيشون دائماً يحسون الخطأ بالمجتمع او الدين او الاهل .

يا ريت تفرق بين اني متكبر
وبين اني ما بيني وبينك شي وما اعرفك اساساً .