ارثَر .

باچر اني وياچ نگعد
يلمنه بيت وحب چبير هواي گلش
چنه ديره
باچر اگعد من صباح الله واگلچ اني احبچ
ياهلي وگل العشيره
باچر ايدي تلم خصل شعرچ
واسويلچ ضفيره
انتٍ وسط عيوني اگبر من چبيره .

ورجع طيري حزين وجنحه مايل
اظنك شاگها گباله الرسايل

4:40

عمومًا روح ليش تبرر ؟
وتتعب يمكن اني ما انحب
روح وخل أضل وحدي
روح وراح تذكرني
من اي واحد يحبك
مَ راح يفهمك بكدي
وليضل بالك تعدي
تلكة الأحلى من شكلي
و مَ تلكة الأحن من عندي .

تجي تاخُذ صورك ؟ لو
اعلگهن
انا ما عندي چف بيه خير ويشگهن .

يبو عيون العليهن باچي ومغني .

أرسم بيك امس وابچي
ومدري الـ بيه شيفضه
و خفت لتشوفني مدمع
رسمت عيونك مغمضه .

جذبت شوكي حَبيبي
وأني ايدك چنت ما اجذب رسمها
الورده من ترسمها اشمها .

يجوز امر جنازة متسلم عليها
وأنت تمشي وي التحبه
يجوز الله يقوي گلبي والزم سوارك وأذبه

يجوز اموت وأنتِ ماكو

ضحكت هوايه من مشيت
چنت مصدوم مو بارد
مثل بصمة الشابك صاحبه المكتول
تهموني بكتل واني الجنت فاگد !
وبس تحبني رايد كلشي مارايد
وحته الحرب بيها الموته من صوبين
ليش وياك اموتً من طرف واحد ؟
ما صدگوني من حجيت
ومنو يصدگ اليرد من الحرب شارد ؟
لمن گتلي احبك چان عدنه شهود
ولمن گتلي رايح ماكو اي شاهد .

الله لا ينطي قرارك !
بيه لگيت شگد أذيه
و من اجيت وگلت لازم
بعد ما نبقى سويه
ما گدرت ارجعلك اني
ولا گدرت ارجع اليه .

ماجنت وياي واضح
واهتمامك چذبه جان
الله لاينطي اربعينك
لاحكيني بكل مكان
اربعينك بالشبه مو بالأمان
مدري ليش احنه التقينا
كلشي واضح من سلامك
من شفتني هواي ادخن
ليش كملته لكلامك
يا غلط بلغلط صار
جاي اشوفك ويه غيري وما اغار
عاشت ايدك كرهتني هواي بيك
لأن كايلي ابچي بس لشغله تسوه
ماكدرت ابجي عليك
والمشاعر فجأة من كلبي ختفت
فرصه الرجعه بعدها الرغبه بلرجعه إنتهت

مَره كتلك هَم يجي
يَوم وتملني
وكَتلي لا وشمرتَ أيدي ودمَعت
وكتلي مَا أكدر بَدونك
ضمني يمك
وكَتلي مَنو يبقالي بَعدك
لو رحتَ
وكتلي يومي قبل يومكَ
ياحبيبي شَعندي
أعيش بدونَ وجهك لو متت
هَسه وينك ياحبيبي شَو رحت

لا تشرحلي وتحاول تداويني
وتگلي يجوز والدنيا وباچر تنجمع الاحباب
نويت تروح ؟ أي گلي انتهينا وروح
لا تنطيني امل چذاب
مرات الامل كتال مو الصواب
السجن لو كُله حيطان اسهل يعيشوه
مُشكلة السجن بيه باب .