SAYYOR QABULLAR - XALQ BILAN ISHLASHNING SAMARALI USULI
💎Xabaringiz bor, aholi murojaatlarini tinglash va ularni qiynayotgan masalalarga yechim topish maqsadida, barcha mahallalar bo‘ylab birma-bir fuqarolar hamda yoshlar uchun sayyor qabullar o‘tkazib kelinmoqda.
👨💼Pastdarg'om tuman hokimi tegishli tashkilotlar rahbarlari hamrohligida o‘tkazgan navbatdagi sayyor qabuli “Paxtakor” mahallasi fuqarolari va yoshlari uchun 3-son kasb-hunar maktabida bo‘lib o‘tdi.
📍Sayyor qabulda kasb-hunar maktabining bir guruh o‘quvchilari ham ishtirok etgani, uchrashuvni yana-da qiziqarli tarzda o‘tishiga sabab bo‘ldi.
✍️Qabul davomida gaz, ichimlik suvi, elektr energiyasi, bandlik, moddiy yordam kabi turli soha va mavzuga doir murojaatlar kelib tushdi. O‘quvchilar ham, o‘zlarini qiziqtirgan savollar va kelgusidagi rejalari xususidagi masalalarni o‘rtaga tashladi.
✍️Qilingan murojaatlar ro‘yxatga olindi va barchasi ijrosini taʼminlash maqsadida mutasaddilarga yo‘naltirildi.
🌐Bundan tashqari, ishlash yoki o‘qish maqsadida xorijiy davlatlarda bo‘lib turgan yoshlar va fuqarolar bilan onlayn suhbat o‘tkazilib, ularni qiynayotgan masala va takliflari tinglandi.
✅Uchrashuvda soliq va kommunal to‘lovlarni o‘z vaqtida to‘lash, quyosh panellarini o‘rnatish hamda uning afzalliklari, mahalla hududida uyushqoqlik bilan hasharlar tashkil qilib ko‘chalar, qabristonlar, guzarlar, xonadonlar tashqi qismini tartibga keltirish, obod qilish masalalari ham ilgari surildi.
