الشاعر امجد الشطري

@oydgh

@AmjadAlshatri

الشاعر امجد الشطري

23 Oct, 03:37

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://t.me/Alsaidyh

الشاعر امجد الشطري

23 Oct, 02:56

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

الشاعر امجد الشطري

19 Sep, 10:20

أسمك أعله لساني عايـش بوجـداني
حبك الغذاني يامحمد

1
يامحمد عمري أول مابديته
فتَحّت عيني وجمال أسمك قريته
حبك من أمي وأبوي آنه خذيته
هو غذاني المحنه من هويته

أهلي الربوني محبتك غذوني
أنت نور عيوني يامحمد

2
هذا أنت الدايم مغطيني خيرك
أختنك بالدنيا وتنفس عبيرك
الله خالق كلشي بس ماخلق غيرك
بس علي الكرار سميته نضيرك

يمنته الوفايه هي شالت راية
عنده أحلى حجايه يامحمد

3
يامحمد شفتك بكل ذكرياتي
مرة أسميك العشك مرة غلاتي
أنت أسمك منيتي وسيرة حياتي
بلا وجودك ماعرف صومي وصلاتي

أنت الــ مدليني ماخذلت سنيني
أنت محور ديني يامحمد

4
أنت نفسك علمتني أعله الأمانة
وأرفضت أهل الدجل وأهل الخيانة
آنه وكتك كله ماعشت بزمانه
بس تبعتك من جنت بالصلب آنه

آنه من حبيتك بالوريد لكيتك
وبالرمش ضميتك يامحمد

5
يامحمد أنت إلي مفضّل عليه
شما أطلبك بالشدد مترد أديه
والله لو روحي ودليلي أنطي هدية
ما أوافي وياك أبد يابو الزجية

روحي إلك مو كافي يابو قلب الصافي
بخدمتك ماوافي يامحمد

6
أنت حبك بالقلب ماله نهاية
هو يبقى وترتحل كل البرايا
بالأفق طول الزمن منشورة راية
رايتك للمهدي عنوان البداية

باجر يعليها من يهل مهديها
بجفه يكتب بيها يامحمد

بغداد
امجد صاحب الشطري

https://t.me/oydgh

1,863

الشاعر امجد الشطري

19 Sep, 10:19

أشرقت شمس البرية يامحمد يامحمد
مرحبا يابو الزجية يامحمد يامحمد

1
تزينت كل الحواري وبتهج بدر السعد
وأذنت كل الملائك الليلة أبو الزهرة أنولد
حتماً الكعبة الشريفة صارت بعيده مهد
نزل وبصوته ينادي قل الله أحد

نادت الجنة الزهيه يامحمد يامحمد
مرحبا يابو الزجية يامحمد يامحمد

2
صوت من السمة السبعة بالفرح ظل يعتلي
صلو عالهادي محمد الليلة كل هم ينجلي
هذا طه أنولد نوره من فضل ربُ العلي
أمل كل الدنيا بيده وبيد أبو اليمه علي

يا صرح كل التقية يامحمد يامحمد
مرحبا يابو الزجية يامحمد يامحمد

3
خجلت الشمس الوسيعه وخجل وياها الكمر
يوم وجه النور ضوه ونخلق سيد البشر
مولد الهادي محمد كل محب بيه ابتشر
البل أرض والبل ثريا كلها سمعت هالخبر

تصيح كل العالمية يامحمد يامحمد
مرحبا يابو الزجية يامحمد يامحمد

4
مولدة للناس نعمة ورحمة الله رحمته
انفكست عيون الظلالة عن بعد من شافته
هاشمي وطيب السيرة ونعم من الجابته
عالصدق وأعله الأمانة وعالكرامة ربيته

مدرستنا الهاشمية يامحمد يامحمد
مرحبا يابو الزجية يامحمد يامحمد

5
منقذ الأمة محمد الله هو العلمه
نزّل القران كله بصدره من وحي السمه
ختم بي كل النبوة وعالنبوة قدمه
سيد الكونين هذا الروح بسمه هايمة

الليلة شمعتنا ضويه يامحمد يامحمد
مرحبا يابو الزجية يامحمد يامحمد

6
بلا محمد جان ضعنه وجان صرنه بلا أمل
ولا عرفنه الدين كله ولا علي خير العمل
قمة الإسلام هو بجيته كلشي أكتمل
كسر أهل الشرك بيده بزود ابن عمه الفحل

بكل وكت حامي الحمية يامحمد يامحمد
مرحبا يابو الزجية يامحمد يامحمد

بغداد
امجد صاحب الشطري

https://t.me/oydgh

1,225

الشاعر امجد الشطري

11 Sep, 19:49

حزيـن المهـدي كاصــد ارض ســامره
يـون لفـراك أبــوه وتصبــره الـزهـرة
مهمـوم يبــن الحســـن

1
بعـالــم ثانـي مــن سِـــرّ وعلـــوم الغيـــب
أجه راعـي المصيبـة بــرأسـه لون الشيب
صرخ صرخة أعله أبوه ومنها شك الجيب

بجـت مكـة أعلـه صـوته وقبة الصخرة

2
كصــد محنــي الظهــر متـوجــه المــرقــد
يــــون الـوالــدة ودمــع الحـــزن عالخـــد
يــدك صــدره بحـــرارة وصـوتـه يتـــردد

أويلــــي عليــك بــويــه وشـابــج العشـرة

3
انحنه ظهـره الشريف وفاطمة أتسنده
يكلهـا محنتـي وحده أقسـى من وحـده
انكسـر قلبـي أعله أبويه الليلـة ياجده

القلـــب مــن ينكســـر ماينجـبـر كســــــرة

4
لـزم شبـاك أبـوه ظــل يمسـح بجفــه
يكلــه روحتـــك بــويـــه علّـي كلفــه
يسمـــونك غـــدر ياوسفـــه الوسفــه

مثــل جــدي الحســن مــن سمتـه الزمـرة

5
وكــف يــم الضريح ودمعـــة يتجاره
شايــل رايتـــــــه ويستقبــل أنصاره
لســامـــره اجـــت مشايــــــة زواره

شــاف الكــون يمشـي وخنكتـــه العبــــره

6
ينــادي بعبرتــه يامـــن كصدتونـي
واسوني بمصابي الليلة واسونــي
على أمصيبة أبويه الغالي عينوني

بنوح ودمعة أبويه بهل مسه أنذكره

شطره
امجد صاحب الشطري

https://t.me/oydgh

1,924

الشاعر امجد الشطري

05 Sep, 19:55

🏴🔻 جديد 🔻🏴

قصيدة { مصيبة الإمام }

▪ الرادود 🎤 : #علي_المعراج
▪ الشاعر 📝 : #أمجد_الشطري

▪ المناسبة 📅 :
استشهاد #الإمام_الرضا (ع) 1446 هـ

#حسينية_أبي_الفضل_العباس - #الصفار

▪ رابط القصيدة :

https://youtu.be/MS39z4mob2M?si=rOBMQEIm1YvBx3kk

1,847

الشاعر امجد الشطري

31 Aug, 05:30

لهاي المجالس خدام وبكل زمن نحيها

1
يبقى العزا بسم الرسول وآله
من عدنه ونات الحزن تتعاله
هنياله يخدم للنبي هنياله

لابسهن ثياب السود وأم الوفه يواسيها

2
هاي المجالس والله ماننساها
نحيى ونموت ومانزل وياها
قول الإمام الصادق الحياها

أحيوها أمرنا بكل يوم وهل كلمة نفخر بيها

3
بينه أعله فقد الهادي جمره وحسرة
ماتنطفي طول الدهر مستعرة
دايم ننادي ويلي يابو الزهرة

هليلة دمعات العين من دم نضل نجريها

4
أول مصيبة الليلة حلت بينه
ليلة رحيل المصطفى هادينه
آخر صفر نسمع خبر ياذينه

ينفطر جبد المختار وينعه بحزن ناعيها

5
ندري القلب من الدمع مايشفه
وقلب الزجية الليلة فايض نزفه
جف الغدر ماعدنه رحمة ورئفه

يتم الزهرة بهل اليوم بس تنحب مخليها

6
تبجي أعله فكده واحنه نبجي عليها
لمن تضل وحدها من يحميها
ذيج الظليمه باجر اتأذيها

بنت الهدى ماترتاح من يرتحل هاديها

7
يدري مصاب الزهرة يحصل بعده
ويكلها من بعدي أنتي أول وحده
ضلعج يكسره الضالم أبكل حقده

يافاطمة وهاي العين بدموعج تغمضيها

8
ونضل نواسي فاطمة بدمعتنه
ولحد ظهور المنتظر حسرتنه
باجر يجي وبيده ترف رايتنه

وأهل الغدر وأهل الجور بسيف الولي يفنها

شطره
امجد صاحب الشطري

https://t.me/oydgh

1,814

الشاعر امجد الشطري

31 Aug, 05:29

جــرحنــه يارســــول الله لايبـــــرد ولايشفه
يتامة من بعد فركاك ألف حيف وألف وسفه

1
محمـد كـل محـب هليـوم قلبه بغيبتـك مكسور
مثل جمر الغضـة وأكثر عله فراكك صبح مجمور
الملائك كلها تبجي عليك وتنعه بهالمصاب الحور

مــدامعهــا ونواعينـه
على مصابك يهادينـه
نعـــزيهـــــا وتعزينـه
جمـر فركــاك مايبــرد لهيبـة ولاتظــن يطفه

2
ماصـار الفـلك لـولاك ولا نجـم السمه الضوه
إذا ترحل يضيع الكون وبعدك كلشي مايسوه
يمـأوه الحايـر بـدنيـاه يضـل عقبـك بـلا ماوه

يتيـــم أيصبـــح الإسلام
وعليه تتهاوش الإظلام
وشمــــا مـــــرت الأيام

قلبنه من الحجـي الشمـات أبـد ماينقطع نزفه

3
محمـد يافضـل نذكـر ومناقــب عنـك أنعـدهن
الشجاعة والشرف والزود بيك البـاري جامعهن
بوجه كل ظالم أسيوفك أبدر وبأحد شاهرهن

جبــل علــو النجـم شافوك
جيوش الطاغي ماوصلوك
علي وحمزة الذي طاعوك

صاروا بالشـدد ويـاك وكل واحد شهـد جفـه

4
منو المثلك تحمل ضيم وشايف امصايب بكثرك
لجل ديـن الله يالمختـار نـذرت اسنينـك وعمرك
يصابر ما وصل أيوب عشّـر من همك وصبرك

محمـد جـم الــم شفتـه
وديـن الباري ماعفتـه
فديتـه بـدمـك وصنتـه

بدينك شفنه كل الخير يراعـي الطيبـة والعفه

5
يهل ناوي الهجر للموت بغيابـك تــروح الوين
أيتامك مـع الزهـراء بــس تبجـي وتهـل العين
بعينـك هل مسه عاين زينب والحسن وحسين

ماضـل كـل أمل عدهم
بــس المـدمـع بخدهم
أنـت المصطفى جدهم

يغفـه بحضنك حسينـك هسـه بيا حضن يخفه

6
فاطـم مـن بعـد عينـاك يتيمـة وتكسر الخاطر
يـم الزهـرة بـس يـــوم وتنــزل بالقبــر باجر
ضلعهـه بغيبتـك ينصاب ويحرك بابهه الغادر

مـن ترحــل يبـو العتره
الظــالـم يغـــدر الزهرة
وخدها الطاهر أيسطره

ويطيـح الطفـل منهـا عديـم الشـرف والرئفه

بغداد
امجــد صاحــب الشطـــري

https://t.me/oydgh

1,353

الشاعر امجد الشطري

31 Aug, 05:28

وين أروح يالنويت أعله الهجر بويه
وين أروح راح ظلعـي ينكسر بويه
باجـر عـدوك يهجم عليه
من يعصروني منهو إليه

1
الليلة صعبة بيها فركه
راح ترحل عني وتخليني وحدي
آنه بنتك وارتجيتك
عود إليه وبيدك أمسح دمع خدي

ما أريد أسمع ابوج الليلة راح
ضمني بويه بحجرك وخل استراح

يالحبيب أرد أشمك بويه رد روحي
يالحبيب مالي حيل أعله البُعد روحي
خليني أضمك بثنين أديه
من يعصروني منهو إليه

2
وين أروحن من تسافر
تدري هجرانك صعب وتعرف وضعي
مالي غيرك ياحبيبي
خوفي من تروح لا ينكسر ضلعي

خذني يمك بالقبر ضمني بحنين
اسلَم بضلعي ولايطيح الجنين

ما أريد أحمل أفراكك صحت وينك
ما أريد بويه والله تعذبت وينك
أمنيتي بويه تجيني المنية
من يعصروني منهو إليه

3
بويه تذكر من قلتلي
فاطمة من بعدي أنتي أول شهيدة
يجي الظالم لعد دارج
يدفع الباب بجدامه ويرفع أيده

حين يسطر خدي وتنوح العيال
أنت مو يمي إذا قتلك تعال

وره الباب راح أصيح الحك إلي بويه
وره الباب أنظر مجتف علي بويه
وآنه دمعتي عالخد جريه
من يعصروني منهو إليه

4
ضلعي ينزف وآنه أنحب
أيده ع الضلعين وأيد مغطيه عيني
بويه قلي؟ بهذا حالي
مدري أحير بسوط قُنفذ لو جنيني

أنطيني حل يابويه قلي المن أصير
تقبل أبقى بحيرتي وضلعي كسير

مستحيل أحتمل ذاك الألم ويلي
مستحيل بالضلع نابت سهم ويلي
بعدك أصيرن أول ضحية
من يعصروني منهو إليه

5
شلون حيره بعد هضمي
أنظر حسين وحسن وبنيتي زينب
كلها تبجي كبال ضلعي
وآنه أبجي وياهم وقلبي أيتعذب

زينب تقلي أبد لا ترحلين
آنه أموت وضلي أنتي ويالحسين

بالطفوف يوم عاشر ينذبح يمه
بالطفوف يرتفع رأسه برمح يمه
يتساوه جسمه وي الوطية
من يعصروني منهو إليه

شطره
امجد صاحب الشطري

https://t.me/oydgh

1,725

الشاعر امجد الشطري

27 Aug, 18:39

لوليدي الحسين

اداء الملا #محمد_بوجبارة
كلمات #أمجد_الشطري

مخطوطة بتول العجمي
غلاف فجر سعيد
توزيع علي افسري
مكساج احمد البرمكي

مونتاج علي عبدالمحسن المنديل
إشراف عام محمد عبدالله

انتاج #مأتم_النمر
١٤٤٦ هـ ٢٠٢٦

https://youtu.be/Y9C3bsKcpn0?si=VmqOrdCyIkgI3CP7

1,434

الشاعر امجد الشطري

20 Aug, 18:06

بالأربعين بالأربعين نمشي مشايه
بالأربعين بالأربعين نرفع الراية

1
الممشه حان أيامه تحضوا ياخدامه
يلا رفعوا أعلامة وكربله تعنوها

حيدر يجازينه فاطمة توافينه
حسين يفخر بينه رايته علوها

بالأربعين بالأربعين كربله الغاية

2
المهدي يمشي ويانه بيده عالي الوانه
زينب الترعانه والله تنسانه

الخطوة نسرع بيها وزينب نواسيها
بالدرب ننعيها وهي هم تنعانه

بالأربعين بالأربعين تنحب الآية

3
أبو المواكب حاضر وبخدمته أيفاخر
ياهلا بالزاير يهتف بوجدانه

دمعته تتجاره بقلبه تسعر ناره
مايعرف أعذاره والهلا أعله لسانه

بالأربعين بالأربعين شيعة وفاية

4
نفخر بكل شيبة همه أساس الهيبة
كلوب تملك طيبة والعشك متبيعه

الشاب يمشي بحيلة ودمعه دم يسيله
للسبط يوفيله وبنحنائه أيطيعه

بالأربعين بالأربعين كلها عناية

5
المشه بأشواكه وي الكمر يتلاكه
لهفته مشتاكه ينادي يابو الغيرة

اليعتني بحسراته أو لوعته وناته
خلي يعرف ذاته مايصيح بحيرة

بالأربعين بالأربعين نوافي الحجاية

كربلاء المقدسة
امجد صاحب الشطري

https://t.me/oydgh

2,223

الشاعر امجد الشطري

20 Aug, 18:06

صاحت مشاعرنا الولائية
موعدنا يوم الأربعينية

1
راية علي شيلوها يمشاية
وطف كربله تعنوها يمشاية
لزيارة لتفوتوها يمشاية
جلمة عهد وفوها يمشاية

هاي المسيرة تبقه شيعية
موعدنا يوم الأربعينية

2
صوت الكمر ناداكم يمشاية
كل الهلا وحياكم يمشاية
المهدي يمشي وياكم يمشاية
وأم الحسن ترعاكم يمشاية

تنادي الزجية بخالص النية
موعدنا يوم الأربعينية

3
الخطوة بأجر محسوبة يمشاية
تبقى وتظل مهيوبه يمشاية
كلمن كصد محبوبة يمشاية
مغفورة كل أذنوبه يمشاية

واجب عليك واجب عليه
موعدنا يوم الأربعينية

4
كلمن يجي بشواكه يمشاية
يم القبر نتلاكه يمشاية
زينب تجي أعله الناكه يمشاية
ونار القلب حراكه يمشاية

برؤوس الغوالي تمشي محنية
موعدنا يوم الأربعينية

5
كل موكب يحيكم يمشاية
عالموعد متانيكم يمشاية
وحسين يفخر بيكم يمشاية
طول السنة بطاريكم يمشاية

جمعتنا هالخدمة الحسينية
موعدنا يوم الأربعينية

6
أهل العراق تنادي يمشاية
من الجبل للوادي يمشاية
خدام لابن الهادي يمشاية
الكم فرشنه بلادي يمشاية

هاي الأرض بحسين محمية
موعدنا يوم الأربعينية

7
كل الطوائف قامت يمشاية
والدول كلها اشتاقت يمشاية
لحسين كصدت زارت يمشاية
والجنة نزلت طافت يمشاية

حفتهم الغِيرة العراقية
موعدنا يوم الأربعينية

8
يبقه العهد بدماكم يمشاية
للموت أحنا وياكم يمشاية
شكراً على مسعاكم يمشاية
وحسين ماينساكم يمشاية

كل عام نرفع جلمة قدسية
موعدنا يوم الأربعينية

شطره
امجد صاحب الشطري

https://t.me/oydgh

1,704

الشاعر امجد الشطري

20 Aug, 18:05

شد حيلك وكوم يزاير كربله

1
شد حيلك وتوكل للبقعة العظيمة
وكصد صوب الجنة بإصرار وعزيمة
عطر حسين بمشيك راح يهب نسيمه
وشيخ أنصاره أيسجلك بجفوفه الكريمة

وأنت بالادين لوائك شايله
شد حيلك وكوم يزاير كربله

2
لتفوت هالفرصة هاي أعظم تجارة
عوف الدنيا وبالك تتركها الزيارة
كل هم ميظل عندك لو شفت المنارة
والما زار احسينه كل عمره خسارة

هاذي للأحرار رسالة عاجلة
شد حيلك وكوم يزاير كربله
3
ماظل شي للمشه هم روحك يزاير
البس ثوب الأسود خلك أنت حاضر
لأرض الطف عطشانه وملهوفة المشاعر
موعدنا وي زينب يم الكعبة باجر

زينب تناديك يراعي المرجله
شد حيلك وكوم يزاير كربله

4
درب حسين نوصفه وحِده من العجايب
بالزحف المليوني تتلاكه المذاهب
مجانية الخدمة مابيها ضرائب
من هسه منشورة ومتحزمة المواكب

وترحب بصوت هلا وميت هلا
شد حيلك وكوم يزاير كربله

5
اقره بقول الصادق وافهم شنهو كايل
بدرب الحسين الخطوة جم عمرة تعادل
أفضال شكد بيها ما يعقلها عاقل
بس صفيها النية ويبرالك بو فاضل

عباس أبو الزود يريدك توصله
شد حيلك وكوم يزاير كربله

6
راح تشوف بدربك أشكال المعاجز
الابكم والي بمشيه عاجز
يسولف وي حسينه ومرفوعة الحواجز
يمكن راح تشوفه يمشي وكلشي جائز

نظره من الحسين توصله للفله
شد حيلك وكوم يزاير كربله

7
من توصل يازاير للأرض الشريفة
تلكَه حسين هناكه فاتحلك مضيفة
تشرب مايه بصحنه وتشبع من رغيفه
وتعاهد يم كبره انك ماتعيفه

مشاي أجي ازحوف يبن عقد الوله
شد حيلك وكوم يزاير كربله

شطره
امجد صاحب الشطري

https://t.me/oydgh

1,597

الشاعر امجد الشطري

17 Aug, 10:00

شبيه المصطفى - جمعه حامد (نزلة نجفية)
https://youtu.be/Ju0pdAJlZZw

اداء (#جمعة_حامد)
كلمات (#امجد_الشطري)

توزيع عقيل المنصوري

مونتاج وتنفيذ

سيد أحمد البطاط

انتاج حسينية خدام فاطمة الزهراء(ع)

الكويت

1,631

الشاعر امجد الشطري

13 Aug, 15:11

جهزوا المواكب - #جمعة_حامد
https://youtu.be/VSgcRUb4LUg

قصيدة (#جهزوا_المواكب)

كلمات (#امجد_الشطري)

مونتاج وتنفيذ

سيد أحمد البطاط

انتاج حسينية خدام فاطمة الزهراء(ع)

الكويت

1,624

الشاعر امجد الشطري

08 Aug, 17:59

كتبتها بدمعة العين

اداء #حسين_العكيلي_الكربلائي
كلمات #أمجد_الشطري

موكب شباب كربلاء
ليلة ٢٢ محرم ١٤٤٦

https://youtu.be/4dNNUq7RyGQ?feature=shared

2,163

الشاعر امجد الشطري

08 Aug, 17:35

الله وياك - جمعة حامد
https://youtu.be/KRzhoWH8uM0

كلمات #أمجد_الشطري

تصوير
يونس سعيد مصطفى سلامة

توزيع/حسين الهـرداني

مكساج

خالد السعيدي

مونتاج
السيد أحمد البطاط

انتاج
@حسينية خدام فاطمة الزهراء (ع) دولة الكويت

اخراج خادم الزهراء (ع)

1,978

الشاعر امجد الشطري

07 Aug, 17:44

🏴🔻 جديد 🔻🏴

قصيدة { ننادي ياحسين}

▪ الرادود 🎤 :#جمعه_حامد
▪ الشاعر 📝 : #أمجد_الشطري

▪ المناسبة 📅 :
ليلة 25 محرم 1446 هـ

#حسينية_أبي_الفضل_العباس - #الصفار

▪ رابط القصيدة :

‏https://youtu.be/bcc3_UAP5A0?si=AkSlcf3sY_JAB2QJ

1,761

الشاعر امجد الشطري

03 Aug, 06:02

🏴🔻 جديد 🔻🏴

قصيدة { زين العباد }

▪ الرادود 🎤 :#جمعه_حامد
▪ الشاعر 📝 : #أمجد_الشطري

▪ المناسبة 📅 :
إستشهاد #الإمام_السجاد (ع) 1446 هـ

#حسينية_أبي_الفضل_العباس - #الصفار

▪ رابط القصيدة :

‏https://youtu.be/y1d2pZjY0nY?si=BP01sQIBpSxkGel1

2,040

الشاعر امجد الشطري

02 Aug, 13:59

دليني وينك - جمعة حامد
https://youtu.be/rEy8F3-DLCU

الرادود #جمعة_حامد

كلمات #امجد_الشطري

تصوير
يونس سعيد مصطفى سلامة

مكساج
حسن المرهون

مونتاج
محمد الطائي

انتاج
@حسينية خدام فاطمة الزهراء (ع) دولة الكويت

اخراج خادم الزهراء (ع)

1,874