🇵🇸 ‏ ፍልስጢን ‏🇵🇸

Tala

💔

▪️ የጋዛው ሸሂድ የሕያ ሲንዋር ኑዛዜ!
➤ [ የኻን ዩኑስ የዘካ ኮሚሽን ፕሬዚደንት ዶ/ር ጀሚል አቡ ቢላል እንዳስተላለፉት ]
———

እኔ ግዞትን ወደጊዜያዊ እናት አገር፣ ሕልሙንም ወደዳርቻ የለሽ ትግል መለወጥ የቻለ ስደተኛ ልጅ የሕያ (ሲንዋር) ነኝ። እኒህን ቃላት ስደረድር የሕይወቴን ቅፅበቶች በመላ እያስታወስኩ ነው። ያደግኩባቸውን ጠባብ ጎዳናዎች፣ ያሳለፍኩትን ረጅም የወህኒ ኑሮ፣ በፍልስጤም ምድር የፈሰሰችዋን እያንዳንዷን ደም አስታውሳለሁ።

ፍልስጤም አንዲት ቅዳጅ ትውስታ፣ በፖለቲከኞች ጠረጴዛ ላይ የተረሳች ቁራጭ ካርታ በሆነችበት ዘመን በኻን ዩኑስ የስደተኞች መጠለያ በ1962 ተወለድኩ። ሕይወቴ የተፈተለው በእሳት እና አመድ መካከል ነበር። በወረራ ሥር መኖር ዘላለማዊ ወህኒ መሆኑን ገና በልጅ ዕድሜዬ ተረዳሁ። በፍልስጤም ምድር ተርታ የሚባል ሕይወት እንደሌለ በአፍላነቴ ተገነዘብኩ። በዚህች ምድር እኖራለሁ ያለ ሰው ዝናሩ የማይነጥፍ መሣሪያ በልቦናው ይታጠቅ፣ ለረጅሙ የነፃነት ጉዞ መንፈሱን ያዘጋጅ ዘንድ ግድ ይለዋል።

ኑዛዜዬ ከዚህ ይጀምራል…! ወረራውን በመቃወም የመጀመሪያዋን ድንጋይ ከወረወረው ታዳጊ ግዙፍ እውነታን ተረድተናል። የምንወረውራት እያንዳንዷ ድንጋይ ቁስላችንን አይቶ ዝም ላለው ዓለም የምናሰማት ቃላችን ናት። የሰው ማንነት የሚለካው በዕድሜው ሳይሆን ለእናት አገሩ በከፈለው መስዋዕትነት መሆኑን የጋዛ ጎዳናዎች አስተምረውኛል። የእኔም ሕይወት ያለፈው በዚሁ መልክ ነበር… ተደጋጋሚ ወህኒ፣ በርካታ ውጊያ፣ የበዛ ሕመም እና እስከገደፉ በተስፋ የተሞላ ሙቅ ሕይወት…

በ1988 ነበር የዕድሜ ልክ እስራት ተፈርዶብኝ ለመጀመሪያ ጊዜ ወህኒ ቤት የገባሁት። ፍርኃትን ከነጭራሹ አላውቀውም። በጨለማ የእስር ቤት ክፍሎች ሆኜም በግድግዳው ገጽ ላይ ወደሰፊው አድማስ የሚከፈት መስኮት፣ በብረት ፍርግርጎቹ መካከልም የነፃነቱን ጉዞ የሚያበራ ፋኖስ ይታየኝ ነበር። በእስር ቤት ሶብር መልካም ባህሪ ብቻ አለመሆኑን፣ ይልቁንም ባህርን ጠብታ በጠብታ የመጭለፍ ያክል እንደብረት ጠንካራ መሣሪያ መሆኑን ተረዳሁ።

ኑዛዜዬን እንካችሁ…! ወህኒ ቤትን አትፍሩ። ወህኒ ቤት የነፃነት ጉዟችን አንድ ግብዓት ነው። ነፃነት ከተሰረቀ መብት ይልቅ ከህመም ተፀንሶ በትዕግስት የሚቀረጽ ሐሳብ መሆኑን የተማርኩበት መድረሳ ነው።

በ2011 በ"ወፋኡል አሕራር" የእስረኛ ልውውጥ ስምምነት ስፈታ ማንነቴ እጅጉን መቀየሩን ለማስተዋል በቃሁ። የወጣሁት እምነቴ ጠንክሮ ነበር። ትግላችንም ከትግልነት ባለፈ እስከ መጨረሻዋ የደም እንጥፍጣፌያችን ተሸክመነው የምንዘልቅ የአላህ ውሳኔ (ቀደር) መሆኑን ተገንዝቤ ነበር።

ኑዛዜዬን እንካችሁ…! ነፍጣችሁን፣ ለድርድር የማይቀርብ ክብራችሁን፣ መሞት የማያውቅ ሕልማችሁን አጥብቃችሁ ያዙ። ጠላት ትግላችንን ማስቆም ይሻል። ወኔያችንን በማለቂያ የለሽ የድርድር ተስፋ ጠፍሮ ለማኮላሸት ይደክማል። እኔ ግን እላችኋለሁ… በመብታችሁ አትደራደሩ። ትግላችን በተሸከምነው ነፍጥ ብቻ የሚሰፈር አለመሆኑን አትርሱ። ትግላችን ፍልስጤምን መውደዳችን፣ በከበባና በድብደባ የማይፈታ ወኔያችን መሆኑን አስታውሱ።

ኑዛዜዬን እንካችሁ…! ለሸሂዶቻችን ደም ታማኝ ሁኑ። እሾሃማውን መንገድ ያሳየን ትውልድ በደሙ መስዋዕትነት የነፃነትን መንገድ አስጀምሮናልና በፖለቲካ ጨዋታ፣ በዲፕሎማሲ ውስለታ ክብሩን ዝቅ ከማድረግ ተጠንቀቁ። የእኛ መኖር ዓላማ ቀደምቶቻችን የጀመሩትን ትግል ከዳር ማድረስ ነውና የፈለገው ቢሆን ከመንገድ ማፈንገጥ አይገባም። ጋዛ ምንጊዜም የትግሉ ዋና ከተማ፣ የፍልስጤማዊ ወኔ መቀመጫ ልቦና ሆና ኖራለች። ወደፊትም ትኖራለች።

በ2017 የሐማስን የጋዛ ክንፍ አመራር ኃላፊነት ስወስድ ለእኔ ጉዳዩ የአመራር መቀያየር ጉዳይ ብቻ አልነበረም። ይልቁንም ከወንጭፍ ጀምሮ ወደነፍጥ ያደገው ገናና ትግላችን ዕድሜ የቀጣይነት ሠንሠለት ነበር። በእያንዳንዷ ቀናት የሕዝባችንን ዘወትራዊ ፍዳ በዓይኔ በብረቱ ታዝቤያለሁ። የነፃነት ጉዟችን እያንዳንዷ እርምጃም ብዙ መስዋዕትነት የሚከፈልባት መሆኑን ተረድቻለሁ።

አንድ ነገር ግን እርግጠኛ ሆኜ እነግራችኋለሁ…! እጅ መስጠት የባሰ ዋጋ ያስከፍለናል። ግዴለም በጥንካሬያችን እንዝለቅ። ዛፍ በሥሮቹ አፈሩን አንቆ እንደሚረጋ ሁሉ የፍልስጤምን አፈር ሙጭጭ አድርገን እንያዝ። ለመኖር የወሰነን ሕዝብ የትኛውም ንፋስ ከመሬቱ ሊነቅለው ከቶ አይችልም።

የአቅሷ ማዕበል ዘመቻ መሪ መሆን ለእኔ ትልቅ ክብር ነበር። የአንድ ግሩፕ ወይም የአንድ ንቅናቄ መሪ ሳይሆን ነፃነትን የሚያልም ፍልስጤማዊ ሁሉ ድምጽ መሆን እንደቻልኩ ተሰምቶኛል። ትግል ኃላፊነት እንጂ ምርጫ እንዳልሆነ ሁሌም እረዳ ነበር። እናም ይህ ልዩ ዘመቻ በፍልስጤማውያን የትግል መዝገብ አዲስ ገጽ የሚገልጥ፣ የተለያዩ ታጋይ ቡድኖችን በጠላት ፊት በአንድነት የሚያሠልፍ ዘመቻ እንዲሆን ጥልቅ ፍላጎት ነበረኝ፤ ጠላታችን ሕፃን ከሽማግሌ፣ ድንጋይ ከዛፍ ሳይለይ ሁሉንም ያጠቃልና።

ኑዛዜዬ ግለሰባዊ አይደለም…! ይልቁንም ነፃነትን ለሚያልም እያንዳንዱ ፍልስጤማዊ ሁሉ፣ በትከሻዋ ሰማዕት ልጇን ለምትሸከም እናት ሁሉ፣ በዕኩያን ጥይት ልጁ ለተገደለችበት አባት ሁሉ የጋራ ስንቅ የሚሆን ውርስ ነው።

የመጨረሻ ኑዛዜዬን እንካችሁ…! ትግላችን መና እንደማይቀር አትርሱ። የምንከፍለውን ዋጋ ብቻ ሳይሆን በወኔ እና በክቡር ስብዕና ጌጠን የኖርነውን ሕይወት አስታውሱ። የጋዛ የከበባ ኑሮና የወህኒ ውጣ ውረድ ትግሉ ትከሻ የሚያጎብጥ፣ ጉዞውም ሰውነት የሚያዝል መሆኑን አስተምሮኛል። ግና እጅ አልሰጥም ባይ ሕዝብ ብዙ ተዓምር ይሠራል።

ከምድራዊ ሕይወት ፍትህ አትጠብቁ። የዓለም ሕዝብ ሕመማችንን ዓይቶ እንዳላየ መሆን መምረጡን ስረዳ ኖሬያለሁ። እናንተም መረዳታችሁ አይቀርምና ከሌሎች ፍትህ መጠበቁን ትታችሁ ራሳችሁ ፍትህ ሁኑ። የፍልስጤምን ሕልም በልቦናችሁ ያዙ። ከእያንዳንዱ ቁስለት ጥንካሬን፣ ከእያንዳንዷ ዘለላ እንባ ተስፋን መምዘዝ ተማሩ።

ይሃችሁ የእኔ ኑዛዜ ነው…! መሣሪያችሁን በፍጹም አትጣሉ። ወንጭፎቻችሁን አታስቀምጡ። ሸሂዶቻችሁን አትዘንጉ። ሕልማችሁን አትተዉ። እኛ በአፈራችን፣ በልቦናችን፣ በልጆቻችን የወደፊት ተስፋ ውስጥ እንደምንኖር አትዘንጉ።

ኑዛዜዬ ይህ ነው…! እስከሕይወቴ መጨረሻ የታመንኩለትን የፍልስጤም ውዴታ፣ በጫንቃዎቼ የተሸከምኩትን ታላቅ ሕልም ከዳር አድርሱ። እኔ ብወድቅ እናንተ አትውደቁ። ወደመሬት ያልጣልኩትን ሠንደቅ ዓላማ ከፍ አድርጋችሁ አውለውልቡ። መስዋዕትነቴን እንደድልድይ ተጠቅማችሁ ለተተኪው ክንደ ብርቱ ትውልድ መደላድሉን ፍጠሩ። እናት አገር በተግባር የሚኖሩት ተጨባጭ እንጂ የሚተርኩት ተረክ አይደለምና በሚሰዋው እያንዳንዱ ታጋይ እልፍ ተተኪዎች እንደሚፈጠሩ ጥርጣሬ አይግባችሁ።

የእኔ ተራ ደርሶ ከተለየኋችሁ የነፃነቱ ማዕበል የመጀመሪያ ጠብታ እንደነበርኩ፣ ሕይወቴንም ጉዟችሁን ስትፈጽሙ በማየት ጉጉት የገፋሁ መሆኔን አትዘንጉ። በጠላታችሁ ጉሮሮ ውስጥ የተሰካችሁ እሾህ ሁኑ። ዓለም ለሐቃችን መታገላችንን እስኪረዳ፣ ለዕለታዊ ዜና የቁጥር ግብዓት ብቻ እንዳልሆንን እስኪገነዘብ ድረስ ትግላችሁን ቀጥሉ።

የሕያ ኢብራሂም ሲንዋር | ጋዛ

👤riyadh

"በሜዳው አሏህ አለ!"
ይላል በፈራረሰችው የሊባኖስ ከተማ በአቧራ የተሸፈነችው መኪና

የቀሳም ብርጌድ ከወራሪው ኃይል የጦር ጄቶች ተተኩሶበት ሳይፈነዳ የቀረን ከባድ ቦምብ፤ለወራሪያኑ ሜርካቫ በስጦታ መልክ መልሶላቸዋል።
"የናንተው ሸቀጥ ወደናንተው ተመልሳለች።'" ይላል የዐረቢኛው ፅሁፍም🔥

እንደኛ ስድስት ስምንት ሰዓታትን አይተኙም።በቀን ሁለት ሶስቴ አይመገቡም።በቂ የሚጠጣ ውሃንም ላያገኙ ይችላሉ።ሊያጠፋቸው ከተነሳው ጠላታቸው ጋር በኃይል ተመጣጥነው አይደለም ዘመቻውን የጀመሩት።ነጩን ባንዲራ ማውለብለቡ የተከበረውን አቅሷ ለፅዮናዊው ኃይል አሳልፎ መስጠት በመሆኑ ነው እምቢኝ ያሉት።በዚህም መንገዳቸው ላይም የአሏህ እገዛ እንዳለ እርግጠኛ ሆነው ነው የጀመሩት።ነቢያዊው ትንቢትም ከነሱ ጋር ነው።ለመቶ አመት በድክመት መንገድ ላይ የነበረችውን ኡማን የማንቂያ ደውልን ደውለዋል።አሏህ ይቀበላቸው..ፊታቸውን ያብራላቸው🤲

"ፀሎት የማደርገው የየህያ ሲንዋር አይነት አሟሟትን እንዲሰጠኝ ነው።ጀግና ነው።
ክፉውን አለም ፊት ለፊት የተጋፈጠና ህይወቱንም ለዚያው ትግል የሰጠ ነው።ዘላለማዊ እረፍት ይገባው ነበር፤አግኝቶታልም።"

አንድሪው ቴት

የመሪዎች ግድያ ፍልስጢናውያንን እና ተቃውሞውን ያዳክማል?

سلامٌ عليك اسيراً
ومطـادًا
وقائـداً
ومشـتبكاً
وشهـيداً
وسلامٌ عليك حيث يدون التاريخ
سلامٌ عليك في الخالدين..❤️

ጥንታዊያኑ አይሁዶች በርካታ ነቢያትን በዘግናኝ መልኩ ገድለዋል።ከገደሏቸውና ካስገደሏቸው ነቢያትም የመጨረሻው ነቢይ የሕያ ነበሩ።
የኛው የሕያን፤እንደ ነቢይ የሐያ አይሁዳዊያኑ የሚርሱበት የመጨረሻው መሪ ያድርግልን🤲

የህያ ወደ ጌታው ሄደ!

+ ጀግንነት እርከን ነው፤ የህያን ማማው ላይ ታገኘዋለህ!

+ ለአመት ከመሬት በላይ ሆኖ ትእዛዝ እየሰጠ ታገላቸው፤ በድንገት አግኝተው ገደሉት... ለነርሱ ድንገት ለርሱ ግን በጉጉት ሲጠበቅ የነበረ ቀጠሮ፤ ነገሩ ከአመታት በፊት እንዳለው ነው "60 ለተሻገርኩት እኔ ጠላቴ ከግድያ የተሻለ ምን ስጦታ ሊያቀርብልኝ ይችላል"

+ የመጨረሻ ደቂቃዎቹን የድሮን ምስሎች ላየ የጀእፈረ ጠያርን መጨረሻ ሰአት ያስታውሳል፤ አንድ እጁ የለም የያዛትን እንጨት ወደ ድሮኑ ይወረውራል...

+ የአለምን ሂደት የቀየረውን ማእበል የቀመውን ኢንጂነር ኪስ ቢፈትሹት ከሙስበሃ፣ አዝካር፣ ሽቶ፣ ጥፍር መቁረጫ፣ ሜንቶስ ከረሜላ እና ጥቂት ቁሳቁሶች ውጪ ምንም አላገኙም (Ofc የጠላቶቹ መድሃኒትም አለች) አቡኡበይዳ ለኡመር እንዳለው ነው "ከምሄድበት ይደርሰኛል፡ ሌላ ኮተት ምን ይሰራልኛል"

+ ልእለ ሃያሉ አላህ ይህን መልእክት እያስተላለፈ ይመስላል "ጡፋኑም የኔ ድሉም የኔ ነው! የኔ እና የኔ ብቻ"

+ አማ ሙቃወማዋ አበቃላት ለሚሉ ህልመኞች ያኔ ቀሳም ሲሞት ባበቃለት ነበር፤ ወይ ሸይኽ አህመድ ሲሄዱ ባከተመለት ነበር፤ ዶ/ር ሪንቲሲ፣ ጀእበሪ፣ ሰላህ ሸሃዳህ፣ ኒዛር ረያን፣ የህያ አያሽ፣ ኢስማኢል ሃኒያህ ሲሞቱ በተንገዳገደ ነበር... ይልቅም ወደ ድል በር የሚያዳርው ድልድይ በመስዋዕትነት ክምር ብቻ ነው የሚታለፈው!

"አላህ ቃሉን የሚያጥፍ ጌታ አይደለም"

ሰለም በየህያ ላይ "በተወለደበት እለት፣ በሚሞትበትም እለት፣ ህያው ሆኖ በሚቀሰቀስበት እለት ይውረድ"

👤huzeyfa

እኚህ ሁለት ጆርዳናዊያን ወጣቶች በጎረቤታቸው ፍልስጤም የሚደርሰው ግፍ አንገሽግሿቸዋል።ለአመት የዘለቀውን የዘር ማጥፋት ወንጀል እንደ አብዛኛው ዐረብና የሙስሊሙ ዓለም አይቶ ማለፉ ከእምነታቸው ጋር አብሮ ሊሄድ አልቻለም።በተቀረፀ ቪድዮ ለቤተሰብና ወዳጆቻቸው ይቅርታን በመጠየቅ በቅርብ ያገኙትን ትጥቅ ታጥቀው ወደ እስራኤል ድምበር በመግባት ከወራሪው ኃይል የሚችሉትን ጥለው ተሰውተዋል።
አሏህ ይቀበላቸው🤲

"ወራሪው የጠላት ኃይል ለኔ መስጠት የሚችለው ስጦታ ካለ፤ትልቁ እኔን መግደሉ ነው።በነሱ እጅ መስዋት ሆኜ ወደ አሏህ መሄድን ነው የምፈልገው።አሁን አድሜዬ 59 ነው።በኮሮና ከመሞት ይልቅ በF-35 ወይም በሚሳይል ተመትቼ መሞትን ነው የምመርጠው።...ከጥቂት ጊዜ በኃላ ስድሳዎቹ እገባለሁ።ያ ማለት የማረፊያና ወደ መጨረሻው የእውነት ዓለም የመሄጂያ ጊዜዬ ደርሷል ማለት ነው።በተለመደ መልኩ ከመሞት ሸሂድ ሆኜ ጌታዬን መገናኘትን እመርጣለሁ።"
የህያ ሲንዋር ከሶስት አመታት በፊት

ሙሉ የወታደራዊ ትጥቅ፣የዚክር ሙስባህ፣የነቢያዊ አዝካርና ዱዓዎችን የያዘ መፅሃፍ፤ሽቶና የንፅህና መጠበቂያ እቃዎች...እኚህ ነበሩ በአቡ ኢብራሂም ኪስና እጅ የተገኙ እቃዎች።ታዲያ ይህ ሞት አያስቀናም!?

ከክብር በኩል በአላህ መንገድ እየታገሉ መሞት በቃ!
ከታላቅነትና ጀግንነት በኩል የአላህንና የአማኞችን ጠላቶች ፊት ለፊት መጋፈጥ በቃ!
ከፅናት በኩል ለአመታት ሳይሰንፉና ሳይደክሙ መታገልና የፍልሚያ ሜዳ ላይ መዘውተር በቃ !

ያ የህያ በርግጥ የፍላጎትህን አግኝተህ ከህያዋን ሰማእታት ተርታ የመሰለፍን ክብር አግኝተሃል ..

👤eman ab