ليل عُمري وعُمرَك مخَلص بَعد مابي صبُر ،
خل نلِم احلامنا ،
ونحفُظ صورهَن كَبل لا ياخذهِن بـ دَربة الـ فجُر ،
خَل نلِم الـ باقيات ،
سنيني وسنينَك نسَويهن عمُر ،
وهنة مَ يكفن عمُر ،
ونَبدي مِن جدة وجَديد ،
بـ واهِس سنين الـ صَغر ولو وازانة الـ كُبر ،
خل تمشي ايامنا بـ خطوة الـ عاقِل ،
مِن عثَر مَرة ورجَع يمشي حَذر ،
خَل نعيش الـ حُب ستَر ،
خَل نضُم ارواحنا بيناتنا ،
ويَ أسرارنا ولا نشتهَر ،
وافتخُر بية ويَ روحَك ،
وانا ويَ روحَي اضَل بيك افتخُر ،
خَل نسَوي الـ عِشرة ورقَة ،
ونصنَع مِن الـ دَمعة والـ ضحكة حبُر ،
حَتى كُل لَحظة الـ تمُر بـ الـ جاي نِكتبها شعُر ،
خَل نكول الـ ماضي غَلطة ،
وذَنب يتسَجل ذَنب مِن ينذكر .