កូនមេអំបៅ🦋💙

-សង្គមបានបង្រៀនខ្ញុំថា ត្រូវប្រយ័ត្នខ្លួនជានិច្ចមិនមែនគ្រប់គ្នាដែលយើងស្គាល់សុទ្ធតែល្អជាមួយយើងទេ…
-មិត្តភក្តិបានបង្រៀនខ្ញុំថា គ្រប់ការរាប់អានមិនមែនសុទ្ធតែចេញពីចិត្តទេ…
-ក្ដីស្រឡាញ់បានបង្រៀនខ្ញុំថា ភាពស្មោះត្រង់ ការឲ្យតម្លៃ ទំនួលខុសត្រូវវាពិតជាសំខាន់បំផុតនៅក្នុងទំនាក់ទំនង…
-ពេលវេលាបានបង្រៀនខ្ញុំថា ត្រូវតែប្រញាប់ធ្វើអ្វីដែលខ្លួនស្រឡាញ់ យើងនៅសល់ពេលមិនច្រើនទេសម្រាប់ធ្វើវា…
-បញ្ហាបង្រៀនខ្ញុំថា ត្រូវតែចេះអត់ធ្មត់ មិនចុះចាញ់ហើយរឹងមាំទើបអាចយកឈ្នះវាបាន…
-បរាជ័យបង្រៀនខ្ញុំថា រក្សាការព្យាយាមថ្ងៃណាមួយយើងនឹងធ្វើវាបានសម្រេច…
-ជោគជ័យបង្រៀនខ្ញុំថា កុំសប្បាយភ្លេចខ្លួន ត្រូវប្រឹងបន្ថែមទៀតទើបកាន់តែល្អប្រសើរ…🥰😊

#កូនមេអំបៅ# ❤️

ឲ្យគេខ្លាចដោយសារការគោរព ប្រសើរជាងឲ្យគេខ្លាចដោយសារមានអំណាច….

ពេលខូចចិត្តចង់រត់ទៅឱបគេឲ្យបានធូរស្បើយ ប៉ុន្តែបែរមកគិតម្ដងទៀត គឺគេហ្នឹងហើយជាអ្នកដែលធ្វើឲ្យខូចចិត្ត…😅🙂

គួរតែកាត់ផ្ដាច់នរណាដែលធ្វើឲ្យជីវិតអ្នកដុនដាប គួរតែកាត់ចោលដោយឈប់រារែកបើម្នាក់នោះតែងសាងបញ្ហា គ្មានភាពរីកចម្រើនឲ្យអ្នក ក្រៅតែពីបង្ករបញ្ហាផ្លូវចិត្តឲ្យអ្នករាំរ៉ៃ..

មិនថាជាស្នេហា បងប្អូន កូនចៅ ញាតិជិតឬឆ្ងាយ បើមនុស្សដែលគេបារម្មណ៍ពីផ្លូវចិត្តរបស់អ្នក គេនឹងមិនធ្វើឲ្យអ្នកពិបាកឡើយ ពេលខ្លះអ្នកគួរតែរៀនអាត្មានិយមខ្លះមិនមែនជារឿងខុសសំរាប់អ្នកណា ប៉ុន្តែវាជាការរំដោះខ្លួនឯងពីរឿងអព្វមង្គលទាំងឡាយ..

រៀនចេះស្រលាញ់ខ្លួនឯង កុំបណ្ដោយឲ្យខ្លួនរស់នៅក្នុងភាពខូចអារម្មណ៍ដដែលៗ ព្រោះចុងក្រោយអ្នកដែលពិបាក គឺមានតែខ្លួនអ្នកម្នាក់ប៉ុណ្ណោះ រៀនបដិសេធខ្លះ រៀនឆ្លើយថាទេខ្លះ រៀនកាត់ខ្លះ នោះជីវិតអ្នកប្រាកដជាបានធូរស្រាលជាងមុនឆ្ងាញ់ណាស់ ….😌😌

រឿងខ្លះ…😔😌

«សុំទោស»ជាពាក្យប្រើសម្រាប់សុំការអភ័យទោស ឬសុំឲ្យនរណាម្នាក់លើកលែងកំហុស…ប៉ុន្តែមិនមែនរាល់ពាក្យសុំទោសសុទ្ធតែអាចកែប្រែស្ថានភាពអាក្រក់ឲ្យទៅជាល្អឡើងវិញទេ យើងគ្មានថ្ងៃយល់ពីជម្រៅចិត្តនៃការឈឺរបស់នរណាម្នាក់ឡើយ រហូតដល់ថ្ងៃមួយជួបប្រទះវាខ្លួនឯងទើបដឹងថា ពាក្យសុំទោសមិនអាចធ្វើឲ្យការឈឺចាប់ថយចុះឡើយ…😌😌

អារម្មណ៍ដែលឈឺចាប់បំផុត នៅពេលជីវិតជួបបញ្ហាតែយើងនៅតែព្យាយាមធ្វើធម្មតា មិនអាចប្រាប់ឲ្យអ្នកណាដឹងក្រៅពីខ្លួនឯង បានត្រឹមនិយាយលួងខ្លួនឯងថាធំហើយត្រូវចេះដោះស្រាយវាដោយខ្លួនឯង….😌😌

ប្រសិនយើងអាចបញ្ឈប់ ឬក៏កាត់បន្ថយការចង់ឥតឈប់ឈរបាន…ប្រហែលជាយើងមិនសូវខកចិត្ត ឬក៏កើតទុក្ខដោយសារតែចំណង់គ្មានហេតុផលនេះឡើយ….😌😌🍃

ប្រើជីវិតបែបសាមញ្ញៗ រស់នៅជាមួយការពិត មិនបង្កើតភាពក្ដៅក្រហាយដល់អ្នកដទៃ ប៉ុណ្ណេះមានក្ដីសុខណាស់ហើយនៅក្នុងជីវិត…😌😌🌸

ពេលខ្លះភាពស្ងប់ស្ងាត់គឺជាចម្លើយដ៏ល្អបំផុត ដែលអាចជំនួសឲ្យការឆ្លើយតបសំណួរមួយចំនួន…😌😌

បើចង់បានភាពរីករាយនិងមានសន្តិភាពផ្លូវចិត្ត ចូរកុំព្យាយាមហួងហែងចង់គ្រប់គ្រងលើជីវិតអ្នកដទៃ…អារម្មណ៍គេ វាសនាគេ ទង្វើគេ សេរីភាពគេ បេះដូងគេ….ធម្មជាតិរបស់មនុស្សយើងម្នាក់ៗផ្សេងៗពីគ្នា… យើងមិនអាចបង្គាប់គេឲ្យធ្វើតម្រូវតាមចិត្តយើងតែម្នាក់បានឡើយ…រៀនទទួលយក រៀនដោះលែងទើបផ្លូវចិត្តមានសន្តិភាព🥰😌

នៅពេលដែលអ្នកចង់កាត់ផ្ដាច់នរណាម្នាក់ចេញពីជីវិតរបស់អ្នកមិនថាវាជាទំនាក់ទំនងប្រភេទណាទេ គេមិនបាននិយាយប្រាប់អ្នកដទៃអំពីបញ្ហារបស់យើងទាំងពីរទាំងស្រុងឡើយ…គេនិយាយតែចំណុចខ្លះៗនៃទំនាក់ទំនង….ដែលអាចធ្វើឲ្យអ្នកស្ដាប់យល់ថាអ្នកជាមនុស្សមិនល្អក្នុងក្រសែភ្នែកគេ….😌😌

មិនថាយើងធ្វើអ្វីក៏ដោយ ប្រសិនបើយើងផ្ដោតលើគោលដៅតែមួយ ប្រាកដជាជោគជ័យនៅថ្ងៃណាមួយ….🥰😌

🤍🥰😌

តម្លៃគឺស្ថិតនៅលើខ្លួនយើង មិនចាំបាច់ ទៅប្រាប់ឲ្យគេដឹងថាយើងល្អ ឬមិនល្អទេ….បើថ្ងៃណាមួយគេមើលឃើញពីតម្លៃរបស់យើង…គេនឹងយល់ដោយខ្លួនឯង!❤️😌

បើថ្ងៃណាមួយយើងព្រមដើរចេញពីកន្លែងដែលយើងធ្លាប់បានព្យាយាមធ្វើដើម្បីវារហូតមក មិនមែនយើងចុះចាញ់ជាមួយវាទគ្រាន់តែយើងព្រមទទួលយកការពិតថា. ..គ្រប់យ៉ាងវាពិតជាមិនអាចទៅមុខរួចមែនទោះបីជាព្យាយាមដើម្បីវាខ្លាំងយ៉ាងណាក៏ដោយ….😌😌☺️

🙏🏻🙏🏻🙏🏻☺️🌸

មនុស្សខ្លះចូលមកដើម្បីជារង្វាន់នៃជីវិត ប៉ុន្តែអ្នកខ្លះទៀតចូលមកដើម្បីធ្វើជាមេរៀនសម្រាប់ជីវិត ទោះបីឈឺចាប់បន្តិច តែយ៉ាងហោចណាស់ក៏អាចធ្វើឲ្យយើងរៀនចេះស្វែងយល់បានច្រើនពីមនុស្សទាំងពីរប្រភេទនេះ….😌😌😊

ខំប្រឹងដោយញើសឈាមខ្លួនឯងវាមិនស្រួលទេ ហើយវារឹតតែពិបាកនៅពេលដែលគ្រួសារទាំងមូលពឹងលើយើងស្ទើរតែទាំងស្រុង ចំណែកយើងត្រូវខំប្រឹងតែម្នាក់ឯង ឈឺមិននិយាយ ជួបបញ្ហាអ្វីក៏មិនដែលប្រាប់ យំគ្មានអ្នកដឹង ហត់គ្មានអ្នកសួរ…បានត្រឹមស្ងៀមស្ងាត់ម្នាក់ឯងរួចហើយក៏ខំប្រឹងបន្តទៀតដោយសារពាក្យថាទំនួលខុសត្រូវ…😊😊🙂

គេញញឹមដាក់យើងមិនប្រាកដថាគេចូលចិត្តយើងឡើយ គេធ្វើល្អដាក់យើងមិនប្រាកដថាគេស្រឡាញ់យើងឡើយ គេគោរពយើងមិនប្រាកដថាេគឲ្យតម្លៃយើងឡើយ..... ពេលខ្លះ វាគ្រាន់តែជាការសម្ដែងដើម្បីបង្ហាញឲ្យយើងឃើញថាគេជាមនុស្សល្អតែប៉ុណ្ណោះ…..😌😌