نور الكيمياء 🤍

@noormohsweed

البداية 9/10/2022

قاوم ما تكره لتصل الى ما تحب 🤍...
حتنجح وحتوصل للمكان يلي انت تبيه، غدوا حتخلي الحلم حقيقة والكل مجبور انه يوقف ويصفق ♥️.

اليوزر الشخصي:
@noorsweed04

شرح لماده الكيمياء مع مس نور
مساعده الطلبه والطالبات لتحقيق حلمهم 💜🔥

نور الكيمياء 🤍

10 Jan, 15:43

يلي مزال منضمش للقناه ينضم 🌝❤️‍🩹

4,004

نور الكيمياء 🤍

09 Jan, 10:23

القناه الاحتياطيه لأن معاش نقدر انزل اهني 🥹

3,950

نور الكيمياء 🤍

09 Jan, 10:06

https://t.me/noormsd

4,018

نور الكيمياء 🤍

09 Jan, 10:06

.السلام عليكم 🤍 كيف حالكم دفعه الكفاح 🥹
بالنسبه لللقناه راح انزل في قناه ثانيه وراح يكون ل دفعه 06بس باش ما تتلخبطش الحكايه ولمنهج الكيمياء بس طبعا بعد البوست راح نبعتلكم الرابط ونتمنى الكل يدخلها

3,409

نور الكيمياء 🤍

04 Jan, 18:59

سادكم لليوم حسيت روحي للحظه اني طبيبه علم النفس 😂🥲💔.

بس بجد حلوه وقنينه رسائلكم 🥹❤️🫂.

وان شاء الله اتكون عطله خير عليكم 💜...

3,152

نور الكيمياء 🤍

04 Jan, 18:21

بالنسبه ل سؤال الاول :لانه دماغك متبرمج انه يقرا الحاجات الصاعبه ومخلي الساهل ما تقراش فيه

والسؤال الثاني: لانك يمكن اتحب تفهم اكثر من انك تحفظ ، ف في الفهم راح يتخزنوا المعلومات لمده طويله اما الحفظ يوم يومين بالكثير وينتسوا لو ما جدد المعلومات وقريتهم مره ثانيه 🤍

2,700

نور الكيمياء 🤍

04 Jan, 18:18

⁣💌 وصلتك رسالة جديدة
⏱ وقت الرسالة: 2024/01/04 - 09:17:55 PM
----
ليش الاسئله الصاعبه والتعجيزيه نجاوبها ؟
والاسئله التافه نغلط فيها

ليش الرياضه والميكا ليخافو منها الناس فل
والنحو مش فل؟😂🙂
----

2,301

نور الكيمياء 🤍

04 Jan, 18:17

حاول تطبقه يلي تقرا فيه يمكن تفهم الطريقه اكثر ومعادش تنساها 🤍

1,988

نور الكيمياء 🤍

04 Jan, 18:16

⁣💌 وصلتك رسالة جديدة
⏱ وقت الرسالة: 2024/01/04 - 09:13:32 PM
----
انصحوني في التقنيه المعلومات
الماده هذي مش متقبلتها بكل وحتى لو نقراها اكثر من مره ننساها وتدره كبدي منها الحق🙂
----

1,953

نور الكيمياء 🤍

04 Jan, 18:15

لو اسبوع شن بتقروا فيه لو لو بعد العطله في امتحان أو مراجعه او أو انقوليلك اقرا قبلها بيومين بس اسبوع هو وعلاش ترهقوا في روحكم وانتم كيف طلعتوا من الامتحانات ، اهااا انقوليلك لو في الفتره الثالثه اقرا لكن انتم توا قاعدين في الفتره الثانيه واسبوع بس عطله ف استغلها في شيء ثاني تستفيد بيه+قبل القرايه بيومين حضر الدروس يلي عندك قبل بدايه القرايه بس ما ترهقش هلبه روحك يعني اتعرف على الدروس الاولى يلي بتاخدها بس بس مش قرايه قرايه🫶

1,812

نور الكيمياء 🤍

04 Jan, 18:12

⁣💌 وصلتك رسالة جديدة
⏱ وقت الرسالة: 2024/01/04 - 09:11:26 PM
----
تنصحينا نقرو فالعطله ولالا!🙂
----

1,689

نور الكيمياء 🤍

04 Jan, 18:00

فكري من ناحيه ثانيه هو انتي لو كنتي مش مريضه كنتي حتقصري في موادك ؟!!!
اكيد لا
باذن الله ربي راح يعوضك في الفتره الثانيه واتجيبي النسبه يلي تبيها 💜🫂.
وموفقه يا جميله 🫶

1,588

نور الكيمياء 🤍

04 Jan, 17:58

⁣💌 وصلتك رسالة جديدة
⏱ وقت الرسالة: 2024/01/04 - 08:45:37 PM
----
اناااا مرضت في الامتحاانات ماجااوبت فيهم نبي حدد يقويني والله مقهوررر😭😭
----

1,599

نور الكيمياء 🤍

04 Jan, 17:34

لو اسبوعين وبتروحي استغليها في العباده أصلا مفيش وقت حتى تقري الا في الليل لو بتقري في المواد يلي عندك فيهم امتحانات وهكي باش لما ترجعي ما تلقيشي متراكم عليك 🤍.
وان شاء الله تروحي بسلامه ياجميله🫶

1,472

نور الكيمياء 🤍

04 Jan, 17:31

⁣💌 وصلتك رسالة جديدة
⏱ وقت الرسالة: 2024/01/04 - 08:10:09 PM
----
اني الاحد بنسافر للسعوديه🥹✅️

نبي نستغلها العطله في هلبا شي؟
يعني لو عندكم مقتراحات ومنضيعش الفرصه👀!؟

+هل تنصحيني نقرا فالعطله ولالا؟؟
----

2,290

نور الكيمياء 🤍

04 Jan, 17:30

منزلاته فيما سبق 🫶

2,488

نور الكيمياء 🤍

04 Jan, 17:30

صح انه اتأخرت فيه البوست بس راح يفيدكم هلبه هلبه 🤍.
اول شيء ک كونك شهادة لازم تبذل جهدك وتتعب باش توصل لحلمك أو ل هدفك يلي تسعاله 🌟.
نحكوا شويه على القرايه 🌚💜.
اول شيء لازم اتخلي الاساتذه مركزين عليك وديما اسأل و أسأل هالشيء هاده راح يخليهم ينتبهولك وكان ما فهمتش نقطه أو درس مش تسكت لااا اسال (انت جاي باش تتعلم واتلقط درجات باش اتجيب نسبه قويه وهي جايه باش اتعلمك وتعطيك الدرجات لو تستحقها🔥 ).
لما اتروح من الثانويه خود بريك شويه وتغدى وكان عندك خدمه أو ک بنت حتى انتي لو عندك خدمه اي شيء ديريه وفضي روحك الساعه2 ونص او 3 وابدا باش اتكمل امبكري وبعدين ترتاح
وننصحكم کطالبه كنت في شهاده من كورس انجليزي ل كورس رياضيات ل كورس ميكا انروح المغرب نقرا ،من غير تعب والارهاق في السيمستر الاول ف بعدين السيمستر الثاني عرفت اساتذه عالنت وقريت معاهم ف تمنيته انه من الاول درتها ف فوتوا الكورسات اقروا عالنت افضل ،،،في زمن امتاعنا في هلبه اساتذة الله يبارك 🔥🌝
لما تبدوا في القرايه ابدوا بالمواد يلي عندك فيها امتحان أو كويز وبعد ما اتكملوا مروا شويه على الاسئله استرشاديه أو الفاينل ولو 10 أسئله منها تختبر نفسك 👀💜، وبعدين ابدوا بالمواد يلي عندك فيهم مراجعه ل المواد يلي عندك فيها واجبات وراجع قبل لا ترقد لو عندك امتحان (لانه الدماغ راح يكون مثبت اخر شيء قريته قبل لا ترقد)
واهم شيء حاولوا اتنظموا كراساتكم منها لما الاستاذه اتصلح ح تنتبه لكراستك🤓🤍 .
نبدوا بالاساتذه يلي ممكن تستفيدوا منهم (ملاحظه: ثبتوا على استاذ واحد في كل ماده ما تقعدوش من استاذ ل استاذ وفي مواد ساهله تقدر تقراها حتى بروحك ولا توجع دماغك من كورس ل كورس تقدر بس اتحل اكبر عدد من الاسئله السنوات بس وهاده يكفي ،، وفي مواد تقدر تقراها بروحك زي الاحصاء واللغه العربيه و التربيه الاسلاميه...الخ).
عندنا في الرياضيات في هلبه اساتذه يقروا فيها بس Top :
أ.عبد المنعم ابو القاسم مع انه شرحه طويل بس الحق عن نفسي اني استفدت منه
أ. محمد الهجني

عندنا في الميكا:
أ. مفتاح معيتيق _ أ. عبد الرزاق هامان_أ. عبد المنعم ابو القاسم_ أ. ايوب الجبراني_ أ. عبد الودود القماطي

عندنا في الفيزياء:
أ. عبد الحميد المقلش _ أ. ايوب الجبراني_أ. محمد مسعد طه ( نسخ لصق من اسئله الوزاره 👀🤍) _أ. عبد المنعم ابو القاسم
عندنا في English توووب يلي مافيش زيه اثنين في شرح الانجليزي أ. محمد عبود الله يبارك 🔥.
عندنا في اللغه العربيه:
اي قلت عربي طبعا نحكي على النحو يلي يركب الشيب ولا تفهمه ومره ناقص ومره خطأ ماليكم غير أ. بدر القاضي الله يبارك 🔥.

عندنا في الاحياء:
أ. اسماء الفرجاني _ أ. عبد الحميد السائح
طبعا تعتبر حفظ اكثر من الفهم ومادامها توا كلها مقرر ف ركزوا على الباب البيئه لانه احني ک دفعه 04 ماجابوش منه وكذلك تقريبا دفعه 05 ، ف الباب هاده غير مقرر ليييه قداااش ف لو تبحثوا على اسئله عليه ابحثوا على اسئله قبل 2011 ممكن تلقوا عليه اسئله تقدروا تقروها

عندنا في الاحصاء :
أ. عبد المنعم ابو القاسم _أ. محمد هيثم
عندنا في التقنيه الحق ما نعرفش ولا استاذ أو استاذه تشرح فيها بس في عاليوتيوب يشرحوا فيها

وطبعا نختموها بماده الكيمياء تقدر تقراها عندي 🌝🤍.

....
الملخص 💜.
مافيش شيء صعب عليك تقدر توصل ل وين ماتبي حتسمع ناس هلللبه يقولولك انك مستحيل اتجيب 100 أو في 90 بس شويه جهد وتعب تقدر توصلها ماهياش شيء صعب والله ، ربي عارفك انك كل يوم تتعب وتجتهد باش توصل ل مستوى كويس أو تبي اتفرح اهلك بنتيجتك🤍 وربي عارفك في ايام راح تفشل من التعب ويمكن تفقد درجه أو درجتين و و و وتتعصب وتبكي بس ربي مستحيل راح ينساك ( عمركم سمعتوا شخص بعد ما قري فشل من سابع المستحيلات🤝🏻💜).
ثق واتأكد انه ربي مخبيلك فرحه اتخليك تسجد واتقول هاده كله ليا🤩.
ربي يوصلكم وين ما تبو واتكملوا مشوار 12 سمه وربي ما يضيعلكم تعب 🤍.

2,152

نور الكيمياء 🤍

04 Jan, 17:30

⁣💌 وصلتك رسالة جديدة
⏱ وقت الرسالة: 2024/01/04 - 08:03:53 PM
----
اعطيني نصيحه طريقه دراسه للاختبارات طريقه مراجعه تنضيم وقت اي حاجه وسيله دراسه اي شي يمكن يساعدني نكون افضل ف الفتره التانيه 💛
----

1,211

نور الكيمياء 🤍

04 Jan, 17:04

انسوا القرايه شويه راهو كيف طلعتوا من الامتحانات مزال بتحرقوا دمكم حتى في العطله 🥲🔫
ابعدوا شويه على القرايه خلونا نتناقشوا في اي موضوع ثاني واني في الاساس درتلكم موضوع ( شن الحاجات يلي ناويين تلغوها في السنه هادي وضيفوا بدالها شيء كويس أو عاده كويسه)🫶

1,249

نور الكيمياء 🤍

04 Jan, 17:00

عادي واولهم اني جبت في الفترتين الاولات 100% بس بحكم اسئلتنا جت الله يبارك مانحكيلكمش جبت 92٫50 وفخوره فيها لاني قريت بدم ورب وماندمتش 1% لاني ما قصرتش في ولا ماده والحمدلله 🤍...
...
وثاني شيء مش قلتي قصرت في الفتره الاولى خلاص معناها شدي اكثر فيها الماده يلي كنتي مقصره فيها ولو محتاجه اي شيء عندك اليوزر امتاعي في بايو امتاع القناه كلميني وباذن الله مش راح انقصر معاك 💜

1,319