♥̷_̷የ̷ፍ̷ቅ̷ር̷_̷ግ̷ጥ̷ም̷♥̷

#ለአንች# #ይብላኝልሽ#
:
ለአንች ይብላኝ እንጅ እኔን ለገፋሽኝ
ከልቤ ስወድሽ በአፍ ቃል ለወደድሽኝ
በሹፈት አንደበት ማሬ ውድ ላልሽኝ
የአፍሽን መዝጊያ ቁልፍ የልቤ ነው በለሽ
እውነት በሚመስሉ ቃላቶች ሸንግለሽ
ከልብሽ በለለ በተፈጥሮ ቆዳ በከንፈርሽ ስመሽ
ልብሽን ከሌላ አካል ከእኔ ትተሽ
ጉ
ድ
ሰ
ራ
ሽ
ኝ
ግን ግድ የለም ይነጋል መቸም መሽቶ አይቀር
ጨለማን ያጠቃል እውነትና ፍቅር
አይ ያንች ነገር
ያን ሁሉ ማንነት ጨርሽ ስሰጥሽ
ማነም ከለለበት ልብ ከፍቸ ሳስገባሽ
አንች የኔ እናቴ የሂወት ምስጢሬ ብየ በነገርኩሽ
እያመመኝ እንኳ ያንን ነገር ሁሉ ለአንች በሆንኩልሽ?
ወ
ይ
አ
ን
ች
ፍቅር ማለትኮ ነው የእግዜር ስጦታ
ፍ-ፁም እውነታንን በጀርባው ያዘለ
ቅ-ንነትን መርህ አርጎ የታደለ
ር-ዝራዥ ውሸት ከውስጡ የለለ
ግን አንች
የተስፋ መንገዴን በሬንን ዘግተሽ
አይዞህ ባይ ከለለው ከጫካው ጥለሽ
ምን ባደርግሽ ይሆን እንዲህ የጨከንሽ???
እ
ስ
ኪ
ን
ገ
ሪ
ኝ?
መውደዴ ነው ስህተት ወይስ ልብ መስጠት
ነው ሁሌም ሰርክለት ስምሽንን መጥራት?
ነው ወይስ ደግሞ መክፈሌ ነው መስዋት??
በይ እንጅ መልሽ

በቃ ይሄ ነው መልስሽ ያራቀሽ ምክንያት?
ለአንዴ ላትመለሽ ያራቀሽ እኔ ቤት?
ስትገርሚ
ትሰሚ ከሆነ ልንርሽ አንድ እውነት?
ሞልቶ አልተፈጠረም ማንኛውም ፍጥረት
ለምን እንዲህ አልከኝ ብለሽ ከጠየቅሽ
ሙሉ አድርጎ አንችን ከፈጠረሽ
ነገ ማሰብ ቀርቶ እሡን ትረሻለሽ
ሰለዚህ
ሰው ሁኖ ተፈጥር መች እንከን ይጠፋል
ድከመት ደግነትም አብሮት ይኖራል
ግን ከመራቅ ይልቅ ሌላ ከመፈለግ
አይቻልሽም ወይ እኔንን ሰው ማድረግ?
እረ ግን
እኔ በአንች አልፈርድም በቃ ትቸዋለሁ
ከላይ ከመግቢያየ ሁሉን ብየዋለሁ
ግድ የለም ይነጋል ነገን አየዋለሁ
ሰለንፁህ ፍቅርሽ አመሠግናለሁii


✍ገጣሚ ልጅ ፋሲል የጎንደር ልጅ
@Gebrieln19211227
መታሠቢያነቱ ለአንች ለ(H

SHARE AND JOIN @Nizretm

Any comment @Muba88

ከወደድኩት ላካፍላችሁ

🕯ፍቅር ማለት 1 ሚሊዮን ሴት ማፍቀር አደለም 🙅‍♂ ፍቅር ማለት አንድን ሴት በአንድ ሚሊዮን መንገድ ማፍቀር ❤️ ነው!

ወንድነት ማለት ሁሉም ሴቶች ስለወደዱት አደለም ወንድነት መለኪያው አንድዋ ሴት ከሌሎች አብልጣ ስትወደው እና ለስዋም ታማኝ እና ፍፁም መሆን ነው።

ነጥቡ መፈቀር ላይ ሳያሆን አፍቅሮ ተፈቅሮ መቆየት ላይ ነው

Any comment @Muba88

SHARE @Nizretm
SHARE @Nizretm

Channel name was changed to «♥̷_̷የ̷ፍ̷ቅ̷ር̷_̷ግ̷ጥ̷ም̷♥̷»

#ስጀምር
ማፍቀር ምንማለት ነው እያልኩ የነበረ
በኔ ሲደርስብኝ ገባኝ እያደረ

ለካ ማፍቀር ማለት ስለሰው መኖር ነው
ከራስ ላይ ቀንሶ ለሰው መጨነቅ ነው

አይመስለኝም ነበር ተችሎ የሚኖር
የራስን ፍላጎት የትም ሚወረወር

ሳፈቅር ግን ገባኝ ላንቺ ብቻ ሳስብ
ማፍቀር እንደሚልቅ ከሰው አስተሳሰብ

አዎ ዛሬ አወኩኝ የፍቅርን ትርጉም
ለካ የተፈቃሪን ህመም ነው አብሮ መታመም

አሁን ግን ኮራሁኝ አፍቃሪ ስለሆንኩ
ለራሴ ብቻ ሳይሆን ለሰውም ስለኖርኩነው

#Hani
Any comment @Muba88

SHARE @Nizretm
SHARE @Nizretm

😘💞አንድ ቀን💞😘

አፍቅሪኝ አልልሽም
እኔ እንዳፈቀርኩሽ
ተጎጂ አልልሽም
እኔ እንደተጎዳሁት
አንቺን በኔ ቦታ ማየት አልፈልግም
ከቶ አያረካኝም…
ግን ብቻ አደራ…
ከልብሽ ውደጂኝ ከውስጥሽ አኑሪኝ
ከህሊናሽ ካልራኩ ቢቆጠሩ አመታት
ታፈቅሪኝ ይሆናል አንድ ቀን ምናልባት።🌹


...........♥️💍••●🍃🌹🍃●•........


✍ @Muba88

ቀጥረሽኝ....ፈላስፋ አደረግሽኝ


ላገኝህ ስትዪኝ...
በፊትሽ ለማመር ፣ በፊትሽ ልነጣ
ልብሴን አጣጥቤ ፣ ገመድ ላይ ሳሰጣ
ደመናው ኬት መጣ?
አርፍጄ እንዳላጣሽ ፣ ስፈራ ስሳቀቅ
ልብሴን በላዬ ላይ
በእግር መንገድ ላደርቅ
ስራመድ እየሮጥኩ
መንገዱ አጠረ ፣ ካልሽኝ ቦታ ደረስኩ፡፡

ሰአቱ እስኪደርስ ፤ ሰአት እየፈጀሁ
በምናብ ገፄ ላይ
ስትመጭ የምልሽን ፣ ቃል እያዘጋጀሁ
ካንቺ ጋራ ስሆን...
እንዴት እንደምሔድ ፣ አካሔድ ሳጠና
አንዴ አንገት ስሰብር ፣ አንዴ አንገት ሳቀና
አንዴ እግሬን ስጎትት፣ አንዴ እግሬን ሳነጥር
ቀፈቴን ስደብቅ ፣ ደረቴን ስወጥር
እንደድሮ ለኪ ፣ እርምጃ ስቆጥር
ጫማዬን ነደለው ፣ አገኘኝ እንቅፋት
ሰአቱ ገና ነው...
ኒስትሮ ጋ ሔድኩኝ ፣ ጫማ ለማሰፋት፡፡
ሊስትሮው...
በወስፌ መንጠቆው ፣ ጅማቱን ይጠልፋል
ቀዳዳ እያበጀ ፣ ቀዳዳ ይሰፋል
ይለኛል ጫማዬ...
"የህይወት ትንሽ ሽንቁር...
ጊዜና ግመልን ፣ እኩል ያሳልፋል፡፡
ሰአቴን አየሁት ፣
ከቀጠርሽኝ ሰአት ፣ ጥቂት ደቂቃ አልፏል፡፡

እየተጣደፍኩኝ...
ያልሽኝ ቦታ እስክደርስ
እስካገኝሽ ድረስ
ቅድም ያጠረብኝ...
እዛው በዛው ሆኖ ፣ ራቀኝ መንገዱ
መድረስ ተረት ሆነ ፣ "ሲሔዱ ሲሔዱ
ሲሔዲ ሲሔዱ
ሲሔዱ ሲሔዱ ፣ መንገዱ አያልቅም
ሳጣሽ ተፈላሰፍኩ...
መፈለግ ነው ብዬ ፣ የፍልስፍና አቅም፡፡

እፈላሰፋለሁ!
ልብሴን ስዳብሰው ፣ እላዬ ላይ ደርቋል
ሰማዩን አየሁት ፣ ደመናው ተፍቋል
መንገዱ ቅድም ላይ ፣ ልሔደው ስል ያልቃል
አሁን ላይ ስሔደው...
ስሔደው ስሔደው ፣ ስሔደው ይርቃል፡፡
ወደ ጫማዬ ሳይ ፣ አንድ እግሬ ነው ባዶ
ሊስትሮው እጅ ላይ....
ትቼው መጥቻለሁ ፣ ያልሽኝ ሰአት ሔዶ
የህይወትን ሽንቁር...
ላይጠግን ይሰፋል ፣ በወስፌ ተቀዶ፡፡

እፈላሰፋለሁ...
ቀድሜ መጥቼ ፣ በማርፈዴ ሳጣ
በጣም ከቀደመ....
እጅጉን ይሻላል ፣ አርፍዶ የመጣ፡፡
ሰው የሚሉት ፍጡር...
ነፍስ ከስጋ ጋር ፣ እኩል ሲሞግተው
ፍፁም ልሁን ሲል ነው ፣ ፍፁም የሚስተው፡፡

እፈላሰፋለሁ...
ቀድሜሽ መጥቼ ፣ አርፍጃለሁ ሳውቀው
እፈላሰፋለሁ!
ቀድመው ሲያረፍዱ ነው ፣ መንገድ የሚርቀው
እፈላሰፋለሁ!!!
የሚጠነቀቅ ነው ፣ ማይጠነቀቀው!!!

✍️✍️✍️በላይ በቀለ ወያ

Share @Nizretm

Join @Nizretm

​​​​​​​​​​​​​​​​​​▓▓▓▓▓▓▓ ግጥM ▓▓▓▓▓▓▓



አንቺን ያጠሁ ለታ

አንድ እውነት ልንገርሽ ስሚኝማ ውዴ
አንቺን ያጣሁ 'ለታ ከበፊት መውደዴ
ሲቃዬም አይሎ
እስትንፋሴ ግሎ
ጭንቀቴ ይጨምራል
የናፍቆቴ ልኬት ከመጠኑ ያልፋል

አዎ ውዴ አንቺን ያጣሁሽ 'ለታ .......

ደግሞ ስትናፍቂኝ ሀገር ይጠበኛል
ከአንደበቴ ቃላት ማውጣት ይጨንቀኛል
የማወራው ሁሉ ግራ ይገባኛል
በቀን በጠራራ ለኔ ይጨልማል
ማታም በጨረቃ
ድንገት እያነቃ
ተነስ ተነስ ተነስ ብረርና
ካለችበት ደርሰህ እቅፍ አርጋትና
ናፍቆትህ ይውጣለህ
ሳማት እንደልብህ
ይለኛል መንፈሴ
እስክትወጣ ነብሴ
አዎ የኔ መውደድ አንቺን ያጣው ለታ
ድምፅሽ የራቀለት ከሰማይ ከፍታ
የቆጡን የባጡን መልሼ መልሼ
በሀሳቤ ቅኝት ሁሉን አዳርሼ
ደግሞ ምንአገኛት ምን ሆናነው ፍቅሬ
በናፍቆት ልትቀጣኝ የጠፋችው ዛሬ
ብዬ አስባለው አገኝሽ ይመሥል
ከምናቤ ጓዳ ካንቺጋ ስዋልል።
ያለፈን ትዝታ እያነሳው ስጥል
በሳቆችሽ ድምፀት ደግሞ ፈገግ ስል
ከተጓዝኩት ዓለም ከምናብ ስነቃ
ትውስ ይለኝና የናፍቆቴ ሲቃ
ስብር ስብርብር እያለ መንፈሴ ሲከዳ
ቃልሽ ሲሆን ብርታት የእምነቴ እዳ
በዝምታ ልሳን በመጥፋት አለንጋ
ሲገርፈኝ ያደረው ናፍቆትሽ ለሊቱ እስኪነጋ
ለቀን ይጥለኛል እንቅልፌን ሳልተኛ
ለፀሐዩ ግለት አድርጎ ተረኛ
ዳግም ሊያዋትተኝ ባይን እያስማተረ
ድምፅሽን በንፋስ ጭኖ እያመጣ ጆሮ እየቀሰረ
ስሞችም ሲጠሩ ለኔ እያስመሠለ
ሲያሰዞረኝ ይውላል ቀና እያስባለ

እናም የኔ ናፍቆት :- ......

እውነታው ይሄ ነው አንቺን ያጠሁ ለታ
ናፍቆትሽ ሲበዛ ሳቄም ተደብቆ ያልፋል በዝምታ።


™ በዳኒዘር ™


any comment @Muba88


Share & join @Nizretm

​​​​​​​​​​​​▓▓▓▓▓▓▓ ግጥM ▓▓▓▓▓▓▓


➲ ​​​​ኧረ የማን ልሁን

ከለታት ባንድ ቀን እየኖርኩ እያለ
መጣልኝ ሠውየው ወደድኩሽ እያለ
ብዙ ቀንም ሳይቆይ ተመልሶ ደሞ
ጠላሁሽ ሊለኝ ነው? ልቤን አሳምሞ

ከለታት ሁለት ቀን እየኖርኩ እያለ
ሌላኛው መጣልኝ አፈቀርኩሽ አለ

ሁለቱን እያሰብኩ ብዙም ሳልቆይ ሳለሁ
ከለታት ሦስት ቀን እየኖርኩ እያለሁ
አንደኛው ተነስቶ አበድኩልሽ አለኝ
ኧረ አሁንስ በዙ የማን ልሁን አልኩኝ
ሁሉም ለኔ ለኔ ሲንገበገቡልኝ
የራሴ መሆንን እራሴ ተመኘሁኝ

ለመወሰን ከብዶኝ ባለሀብት ቦታ
አራተኛው መጣ በሀብቱ ሊረታ
ማን ሊሰማው ከቶ ሀብቱን ቢያስጎበኘኝ
እስኪ ይፈልገኛ እኔም ግን ስሆን ሞኝ

ለአምስተኛ እንኳን ቦታ አልሰጥም ብዬ
በውሀ ውስጥ አልዋኝ ሆኜ እንደዳክዬ
ወይ አልሰቀልም ሆኜ እንደ ፓፓዬ

ሀብታሙ ሀብቶቹን ደሀው ንፁህ ፍቅሩን እያወዳደሩ
በልቤ ዙፋን ውስጥ በፍቅር እንዲኖሩ
ዛሬ ከኔ ጋ ናት ዛሬ ከኔ ጋራ እየተፎካከሩ
እኔን ወደኋላ ትተውኝ በረሩ

ግን .............
ከሀብታሙ ብኖር ሀብቱ አማለለኝ
ግን ደሞ እንደገና ደሀው ፍቅሩ ያዘኝ

የሚወደኝን ሠው ገፍቼ ገፍቼ
የምወደውን ሠው ስከተል አብዝቼ
ኋላ እንዳይፀፅተኝ ሁሉንም አጥቼ

ሜሮን ገነነ ✍


━━━━━━✦✗✦━━━━━━━


Share&join @Nizretm

➳➳➳ ሼር ያድርጉ!! ➢➢➢

#​​እሱን_ተይው ..... 🤦‍♀

ስትወጅው ካልወደደሽ
ስትቀርቢው ካልቀረበሽ
ስትጠጊው ካልተጠጋ
ስለፍቅር ካላወጋ

አይሆንሽም እሱን ተይው
አትድከሚ ላታገኚው
ማፍቀርሽን እያወቀ
በፍቅራችሁ ካልፀደቀ

በቃልሽ ላይ ካላመነ
ጥርጣሬ ከሰፈነ
በመውደድሽ እየኮራ
የውሸት ፍቅር ከሚሰራ
ልብሽ ይቁረጥ እሱን ተይው
ላንች ላይሆን አትወትውችው


Any comment @Muba88


━━━━━━✦✗✦━━━━━━━

Share & join @Nizretm

➳➳➳ ሼር ያድርጉ!! ➢➢➢

መተሽብኝ ነበር :
ለሊት ላይ በህልሜ፣
አቤት ብዬም ነበር :
ስምሽ መስሎኝ ስሜ፣
ግና ሳልጨርሰው :
ፍቅርን አጣጥሜ፣
ፍጥን እንደ ንፋስ :
እጥር እንደ #ጳጉሜ፣
..............አልሽብኝ አለሜ ።

✍ @Muba88

SHARE & JOIN @Nizretm
SHARE & JOIN @Nizretm

.......#የዘመኑ_ሰዎች

በአርቲፊሻል ውበት ግራ እየተጋቡ
በልብ ሳይገናኙ ባሳብ ሳይግባቡ
በቃላት ጋጋታ ውስጡን ሳያጣጥም
በአፍ ላይ ፍቅር ብቻ ከንፈር የሚገጥም
በስሜት ሚነዳ እልፍ ሰው ሲበዛ
ከሚጋባው ይልቅ የሚፋታው በዛ።😭

╔═══❖•🌺🌸•❖═══╗
@Nizretm
╚═══❖•🌺🌸•❖═══╝

4 any comment
@Muba88
❥❥________⚘_______❥❥

ምኖረው ለነፍሷ ምትገለኝ ለነፍሱ፣
ሚታገላት ልቤ ሚያሸንፋት ኪሱ፣
የምትከሰኝ እሷ የሚዳኘን እሱ፣
አለመገጣጠም ግጥም ነው በራሱ፡፡

✍በላይ በቀለ ወያ

Share & join @Nizretm

............አየሽ ?

ይሄንን ምኞት ነው
ይሄንን እሳት ነው
የፍቅርሽ ማዕበል
ድራሹን ያጠፋው
በፍቅርሽ ወተት ነው
እንስሳነት ከስሞ
ሠው መሆን የፋፋው
ይሄን ጉድ ምኞት ነው
ፍቅርሽ ያከሸፈው
ሚሊዮን ብልግና
እልፍ መሻት ገሎ
ውስጤ የገዘፈው
........አየሽ......?

✍አሌክስ አብርሀም

@Nizretm

ስስምሽ ስላየሁ
ትላንትና በህልሜ
ዛሬን ቶሎ ተኛሁ
ልስምሽ ደግሜ
ታድያ ምን ያረጋል
የህልሜ ደራሲ
አትታደል ቢለኝ
ህልሜን ገለባብጦ
ሲስሙሽ አሳየኝ!!!

✍በረከት በላይነህ

@Nizretm

#ኤልዳን_ለኢትዮጵያ

{የፍቅር ጠንቋይ}
°°°°°°°°°°°°°°°°°

(አፍቃሪና ጠንቋይ ለራሱ አያውቅም)

እኔ ማለት
ስላንች እያሰብኩ መኖርን የምመኝ
ለራሴ የማላውቅ የፍቅር ጠንቋይ ነኝ
:
ምግብ ቀርቦ
ለመመገብ እጄን ብዘረጋም
ያንችን መጉረስ
ሳላረጋግጥ ወደ አፌ አላስጠጋም
አንች ካልበላሽ መብላት አያምረኝም
ፆሜን እንኳ ብውል ምንም ቅር አይለኝም
በአንች መብላትነው ልቤ የሚረካ
በአንች መጥገብ ነው ሆዴ የሚፈካ
እኔ ለእኔ አልልም
በአንች መኖር ነው ህይወቴ ሚሳካ
በቃ እኔ ማለት
ካለመብላቴ ይልቅ መብላትሽ ሚያኖረኝ
ለራሴ የማላውቅ የፍቅር ጠንቋይ ነኝ
:
አልጋ ላይ ተኝቼ
ለማንቀላፋት እጅግ ብመኝም
ያንችን መተኛት
ሳላረጋግጥ እንቅልፍ አይወስደኝም
አንች ካልተኛሽ እንቅልፍ ለምኔ
ሳልተኛ ቢነጋም አይደንቀኝም እኔ
አንች ስትተኚ ነው መንፈሴ የሚያርፈው
አንች ስትተኚ ነው ህይወቴ ሚታደሰው
እኔ ለእኔ አልልም
በአንች ህልም ነው መኖር ምፈልገው
በቃ እኔ ማለት
በመተኛትሽ ውስጥ እንቅልፌን የማገኝ
ራሴን ማላስቀድም የፍቅር ጠንቋይ ነኝ
:
ከፊትሽ ቆሜ
ፍቅርን… ከገፅሽ ብቃኝም
ያንችን ድምፅ
ካልሰማሁ የኖርኩ አይመስለኝም
አንችን ሳልሰማ ከምል ኑሪያለሁ
ጆሮ ባይኖረኝ በእጥፍ እመርጣለሁ
አንች ስትናገሪ ነው ምትለመልም ነፍሴ
አንች ስትናገሪ ነው ሚሰማኝ ውዳሴ
እኔ ለእኔ አልልም
በአንች ቃል እኖራለሁ ቢቆረጥም ምላሴ
በቃ እኔ ማለት
የፍቅር ቃላትሽ ህይወት የሚሰጠኝ
መናገር ማልሻ የፍቅር ጠንቋይ ነኝ

© ዳንኤል ከበደ


"SHARE" @Nizretm

____ የምዕዳን ጀምበር ____
.......
አንቺ ሁኚ ÷ ደማም ፣
እኔ ልሁን÷ አመዳም ፣
በፍቅርሽ ነው እንጂ ÷
በቃልሽ አልደማም ።
...............

@Muba88♥♥
@Nizretm

😘እኔ ወድሻለሁ😘

በካፊያ ዝናብ ተኝቶ እንደማለም፣
በተስኪያን ስሞ ደሞ እንደመሳለም፣
፡
እኔ ወድሻለሁ
ተጠምቶ እንደመርካት ተርቦ እንደመጥገብ፣
ነጠላ አጣፍቶ
ጧፍ በእጅ ይዞ የመዘመር አጀብ፣
፡
በዚህ ሁሉ መውደድ እኔ ስውተረተር፣
ያንቺ ጠብ አይልም
በአንደበት ብቻ ሁሌ እንደምሰማው ፖለቲካ ቀመር፣
፡
ቢሆንም ግን ዳሩ እኔ ወድሻለሁ፣
እንዳገሬ ገንዘብ
ትቀየሪ እንደሆን እጠብቅሻለሁ፡፡❤️

@Muba88♥♥

╔═══❖•🌺🌸•❖═══╗
@Nizretm
╚═══❖•🌺🌸•❖═══╝
❥❥ ⚘ ❥❥

​​ውሸት ነው

ፍቅሬ እንዳንዴ አመሌን የማጣው
በንፁ ጨዋታሽ የምነጫነጨው
በጥርስሽ ብርሀን ፊታን የማጠቁረው
ምነው ሆዴ ስትይ ብወድሽ የምለው
እውነት እንዳይመስልሽ አይደለም ውሸት ነው

ደግሞም አንዳንድ ቀን
እኔ አንቺ አብረን ሆነን
የምለይሽ በሰመመን።
ከሰመመን መልሰሽኝ
ምንው ሆዴ ስትይኝ
ሀሳብ የከተተኝ
ፍቅርሽ ነው ያልኩትኝ
እውነት ይሁን ውሸት እኔንም አልገባኝ
ሌላም በሌላ ቀን አዱኛ ስተርፈን
አድባር ሲቀርበን ፍቅር በልተን
ፍቅር ሰርተን እንዳበቃን
ታፈቅረኛለህ ስትይኝ ከእኔ በላይ ያልኩትኝ
በእውኔ አይሆንም በህልሜ መሰለኝ
ደግሞም ሌላ ጊዜ
ከሀገር ምድር ተገልለን
እኔ ባንቺ አንቺ በእኔ ተጠልለን
ምሽት ደርሶ ሲለያየን
ጀንበር ዘቀዘቀችች መለየት ሊሆን ነው
ነግቶ እስከማይሽ ናፍቆት ብዙ ነው
ብዬ ያወራሁሽ እኔ ልሙት ብዬሽ
እውነት እውነት ስልሽ
እውነት እንዳይመስልሽ
ውሸት ነው ልንገርሽ
በፈጠረሽ አምላክ ይሄን ሁሉ እውነት
አሁን የነገርኩሽ እራሱ ውሸቱን እውነት
እንዳይመስልሽ እውነት ግን አለሜ
ውሸት ይመስልሻል አንቺን ባላፈቅር
ይሄ ሁሉ ይወራል ውሸቴን ነው ተብሎስ
ከወደዱት ሌላ ለጠላት ይፃፋል
እውነቱን ልንገርሽ ሊፃፍም ይችላል
እውነት ነው ብሎ ማታለል ይቀላል
እኔ ግን ልንገርሽ
እውነት ነው ስልሽ
እውነት እንዳይመስልሽ
ውሸት እንዳይመስልሽ....

➲ከኤፍሬም ስዩም
━━━━━━✦✗✦━━━━━━━
ምርጫዎ ስለሆነ እናመሰግናለን

✦ የምንም ግዜ ተወዳጅ የሆነው
➳➳➳ ሼር ያድርጉ!! ➢➢➢
አዘጋጅ፦ @Nizretm

@Muba88♥♥

#ፍቅሬን_ተረጀልኝ😍

ልቤ ላይ ያሰርኩት የዝምታ ማተብ
በሀቅ የታሰረ የእምነቴ ገደብ
ፈሪ ነህ ተብየ በሀሰት ስሰደብ
በቃላቶች ጅረት እውነቴ ሲታጠብ
:
አደዩ ልብሽን በቃላት ባልቀስመው
ጠላት ምቀኛሽን በነገር ባልነድፈው
ቃሌ ባያረካሽ ውስጥሽን ባይነካው
ዝምታየ ጥልቅ ነው ማንም ያተረዳው
:
የቃላት ጥርቅም የሀገሬ ስብጥር
የዓንቀፅ ጋጋታ የድርሰቶች ክምር
ፍቅርን ላያፀና በቃል ለሚሰበር
ዝምታ ሀቅ ነው ምንም የማይበገር
:
ልብሽን ባገኘው በቃላት ደልየ
የሞተ አስነስቼ ያለውን ገድየ
ልብሽ ላይ ከምሰፍር ውስጤን አታልየ
መኖር ይሻለኛል እራሴን በድየ
:
ግን ልብሽ ጆሮ ሁኖ ውስጤን አድምጠሽው
የዝምታ ገዳሜን ቆርበሽ ጎብኝተሽው
የልቤ ኪዳኑን በልብሽ ከትበሽው
ፍቅሬ ላይ ኮብልይ ሀቄን ተረድተሽው
😍😍😍😍❤️❤️😍❤️😍😍🥰
😭😭😭😭😭😭🥰🥰🥰🥰🥰
❤️❤️❤️❤️❤️❤️❤️❤️❤️❤️❤️



✍ @Muba88 ♥♥


"SHARE" @Nizretm
ይሄም ላንቺ ነዉ የተፃፈዉ #s

*ሁለት ዓለም*


፡
አንቺን እስካወኩሽ እስከዛች ቅፅበት፣
ብቻዬን ለመኖር ነበረ ያሰብኩት፣
፡
ፍቅርን አላለምድም ከእንግዲህ ለልቤ፣
ሰው አላምንም ከቶ ሞት ቢሆን ቀለቤ፣
፡
ብዬ ወስኛለሁ፣
እካገኝሽ ድርስ እንዲ ነኝ አውቃለሁ፣
፡
ያለፍኩት ስንክሳር፣
ሰው አምኖ መጎዳት
ቁስሉን ለማከም ብቻዬን ስጣጣር፣
ላላፈቅር ማልኩኝ ድጋሜ ብፈጠር፣
፡
ብታዪ ያን ሰሞን፣
ለኔም እግዳ ነው እንዴት እንደምሆን፣
፡
በደል እየመጣ የእንባ ቋቴን ወገቶ፣
ክህደት እያመመኝ መራር እውነት ግቶ፣
ነበር ያገኘሽኝ፣
ከፍቅር ስጣላ ፍቅር ያሳየሽኝ፣
፡
ታዲያ ምን ያደርጋል፣
የኔ ልብ ሲድን ያንቺ ያገረሻል፣
፡
ለካስ አንቺም ኖረሽ የፍቅር ታማሚ፣
ድንገት ተገጣጠምን
ፍቅርን ስጀምረው አንቺ ስትፈፅሚ፡፡

✍@Muba88 ♥♥

share @Nizretm