ذائقة الشعر شعبي

ويـن أنت ملـينه النشد
والنـاس گامت ماترد
لــ جبار رشيد 

الدنيه وين انه سارح بالظنون
وين عهد البي اسولف ويــــنه
هاي تاليه نظل بالچا شلــــون
شلون بينه يا الاهي شــــبينه

لــ صاحب الضويري

انه الخواف يا دنيا
وحال المبتلي
حالي
اعبر ع النهر عطشان والمي مو على بالي

لــ كاظم اسماعيل الگاطع

چذب لليل ادنگ والصبح جاي


لــ محسن الخياط

وصحت لــ إبعيد
يا نهر التعب لـ عيوني عبر إنعاس
نومني أريد أرتاح
بـ عيوني بچي
بگد الحچي المضموم عند الناس

لــ كاظم اسماعيل الكاطع

أگبال المرايه أرجفت لمّن شِفت شعري
وعضيت أصبعي بقهر عالراح من عمري
شبسرعه نام التعب بخدودي ماادري….!!

ولا ادري


لــ كاظم إسماعيل الگاطع

العدوي وصاحبي تغبش ضحكتي وياي

لــ علي رشم

مقاطع متفرغه للشاعر

ومن عداهه صبري صبر النوگ لو طول دربهــــه
وانه بيهه شما تحامت خيلهه وشظت عربهــــــه
والبعـــــــيد اعلـــــه الزلم عندي اشـكـبــرهـــــــه
ولو غدت مثل البسوس ومــلت الوادم حربهــــه
انمـــــوت بيهــــه وروحنه اتظــــل ابنصبهــــــــه

___

ويا حلاة الينتشي بچاس النصر والموت ضاگه
وهـــــــا مـــعّــــــزه بالشدايد طرلـــه عــاگـــــه
وگلبي فار اعليك تنوره وغده هبـهـب رواگــــه
وانـــتـــــه ذاك المـــا تـهــــيــــــه بالسواگـــــــه
وانه والمثلي عراقي اعليـــه ما يبخل عراگــــه
يا رفيــــــج المـــــا عرف طبـــــــع الرفاگـــــــه

_____

وانـــــــه حرب البيض تـــــونــــي اتعلمتـــــــــــه
وردت اگله اعله الصفات الماهي حلوه وما گلتله
وانه ادري الينچتل بـحـروبـهـن ماهوب چتلـــــه
وشيمـــــة الدنيا التعز روحه تــــعزّه وماتختلــه

لــ صاحب الضويري

هواي ناس بـ گلبي تالي الليل تكعد
و انت ما خسران لو منهم تصير

و بـ الچذب عن حالي تنشد
هذا ليل
و حتى المصوب يلم روحه و يهيد

و انا اناطر مدري المن
ما ينام الما عرف روحه شـتريد


لــ عقيل العرد

الـــيلة بـــيبان الـــحزن كــلش چـــبيرة

لــ اكرم كريم

مرخوص غني بلا حرج
اطرب على الحسرات اظن تدريني
لاتحترك وياي
خليني احترگ خليني


لــ كاظم اسماعيل الگاطع

بعد ساعة الچ يارووح
ساعة ومهلتچ ساعة
لو نحچي الصدگ ونغطي زر العيب
لو نخرب واذب عليچ طرگاعة

لــ كاضم اسماعيل گاطع

الحبل من خيط واحد  لكن اشكال
لو تلگاه مشانق لو مراجيح

لــ صباح الهلالي

‏حلاتك يانجم
يــ متعب السهران
تعبت ال يعدك وانت ماتنعد


لــ كاظم إسماعيل الگاطع

هَلي ..
صُواب البَروحِي
الليله اضَن چتَال
دَمِي هنَاك ، دَمِي هنَاا
كلسَاع ويطَگ مِن صُوب ، نافُوره !
هَلي ضَمولكُم صُوره .

يـ النَايمين بلا حِزن بـ العَافِيه .

طفيتك جمر گوه بطلاع الروح
من الدخان سوده الدمعة الأبچيها.

خضت التجربة و ضگت الخسارة شلون
مرة شما خطتها و ردت أحليها.

أحضني
انه ضلوعي مشتاگه لإيديك
وابقى حاضني و ابد لتعوفني
لا تذب روحك اذب روحي عليك
وخلي هاي الناس كِلها تشوفني

واذا مادبرتلك حبل لإعدامي
بس امشي وية غيري وصير كدامي