أنا بحب الناس الحنيّنة جدًا ، الحنينين في كُل حاجة ، في صداقتهم ، في حبهم ، في خِلافهم ، حتى في عداوتهُم حنينين وبيراعو ربنا ، الشخص الحنيّن مُستحيل يأذيك لإن هو تركيبته كدا لا بيحب يضُر حد ولا يكسر حد ولا بيقبل على غيره الحاجة اللِـ عمره ما هيقبلها على نفسه ، عشان كدا الشخص الحنين هيفضل هو الأقرب لِـ قلبي والأكتر جاذبية عندي ❤️❤️❤️❤️❤️❤️❤️❤️❤️❤️🤔🤔>>>.
سيدنا عمر بن الخطاب قال: (لو عُرِضَت الأقدار على الإنسان لاختار القدر الذي اختاره الله له) جُملة جميلة ومُطمئنة لأبعد الحدود، كل إنسان فينا واخد رزقه كامل وحتى في الابتلاءات ربنا بيدّينا على قد طاقتنا وتحمّلنا مهما حسينا إن الحِمل زيادة علينا ومش قادرين. طبع الإنسان إنه دايمًا عايز أحسن حاجة وبيألَف النعمة مع إنه لو بص حواليه هيلاقي إنه أحسن من غيره بمراحل وعنده نعم كتير جدًا في حياته مش حاسس بقيمتها وكان بيطلبها قبل كده. لو في حاجة نتمناها طول العمر هيكون الرضا، الرضا بقضاء الله في المَنع قبل العطاء♥️♥️♥️♥️♥️♥️♥️♥️♥️♥️♥️🌷✨
ازعل وعيط بس متفتحش بوقك لو هتفتح بوقك بغير الحمد وإنا لله وإنا إليه راجعون وقدر الله وما شاء فعل واللهمَّ أخلف لي خيرًا منها، متفتحوش لإنك في الأغلب هتعك الدنيا بكلامك، وإنما الصبر عند الصدمة الأولىٰ
الكلام وقت البلاء بلاء فوق البلاء، الله يلزمنا الصمت والرضا♥️♥️♥️♥️♥️♥️♥️♥️♥️🌷✨
اللِ بيعاتبك بيديلك دايماً الحلول في وسط كلامه ، بيقولك انا استنيت منك كذا او كذا ، اول ما يقول كدا اعرف انه بيديلك مفاتيح تصلح اللِ باظ من خلالها استغل الفرصة واعمل اللِ كان مستنيه منك، عشان لو معملتش كدا هتخسر حد نضيف بيحبك وباقي عليك. ❤
◂ مش جمال البِنت اللي هيناولك كوباِية المية ، ولا الدواء لما تِتعب ، و مش شكل الولد ، و تسريحِة شعرهُ اللي هتِسنِدك لما تِكبري ، و تعجِزي ، لازِم نِختار صح 🤍🤍🤍🤍🤍🤍🤍🤍💐 › .
انا لما بختفي فجاءة بحمي اللي بكلمهم مني ، لان مفيش حد يستحق أكلمه وانا ، حزين تعبان ، هبقى أناني لو عملت كدا خاصة ان طريقتي في الوقت دا بتوحيلهم اني مش طايقهم وبختصر الكلام ودا مش حقيقي دا بسبب الحالة اللي بكون فيها مش بسببهم المشكلة اني مهما انبسط برجع لنفس الوضع تاني كأنها لعنة .
جُملة "مهونتش عليا" دى حنينة اوى ، تخيل تبقى منيل الدُنيا ويجى حد يقولك كده .. العلاقات مش محتاجة نبذل فيها مجهود محتاجة إتنين فيهم رحمة على قلب بعض♥♥♥♥♥♥♥♥♥♥♥♥♥♥♥🌿".
- بحب أوي الناس اللي عندها ذوق وبتختار ڪلامها ڪويس وبتحط نفسها مڪان اللي قدامها قبل ما تتڪلم ومِش بتحب تحرج أو تجرح حد وعارفين أن الدنيا دوارة وربنا مِش بيسيب حق حد اتظلم أو اتجرح ، بحب الناس اللي لسانها طيب وبتجبر الخواطر ، الناس المتربية صح . ❤
مفيش أقسى من إنك تيجي على إنسان بيحبك نفسيًا؛ تيجي عليه في لحظة ما بيجري عليك ملهوف عشان تسنده، فتفاجئه بإنك تكسره فوق كسرته.. الحاجات اللي زي كده مبتتنسيش، وبيفوت سنين ممكن تعمل فيهم أي حاجة عشان يرجع يآمنلك تاني، بس محدش بيدي ضهره وهو مطمن للي استغل ضعفه، محدش بينسى لحظات الخوف العظيمة، حتى في عز قوتنا بعد كده بنفضل فاكرينها، علامة مبتروحش من روح صاحبها، وبتعلمه حاجات كتير أقلها الحذر .