قلبي مليان بحكايات ..

قالولي بالبداية اطبعي "Hello world”
وانتهى بيه الحال انتف شعري من ورا هالبرمجة ..

كُنت أوزع تعبي على جيوبي
وأترك كتفي حرًا
كي أحمل عنك تعبك.

ضحكت

والله جديات
سبحان اللي يخلي الشي بعيونه مهما جان عادي وسيء بالحقيقة لأحلى شي بنظرنا ،بس لمجرد انه نذب حب هالشي بقلبنا ..

..

"أقدّر هذا النوع من الشجاعة، الوقوف بجراءة في منتصف الطريق واكتشاف أن الحلم الذي بحوزتك لم يعد يلائمك بعد الآن ،وأن هذا الركض يكفي" .

مرات اشوف نفسي أحلى واصلح إنسانة بالدنيا كلها ومرات إنسانة مليانة عيوب واغلاط،
مرات اللاحظ نفسي اركض منا ومنا من دون تعب وانجز كل اشغالي على اتم وجه ومرات يادوبني اكدر اكوم من مكاني وكل انجازي يكون داكدر اسويلي اكل ،
مرات اللكي روحي داضخ حب لكل اللي حولية وروحي واسعة الدنيا بكل اللي بيها وقادرة تضمهم الها ومرات لا عاجزة عن حب نفسي حتى،
بس جيت اكلكم أن هالأحساس وهالمشاعر عادي تجيك بين يوم ويوم وفترة وطبيعي وجودها،
لاتقسي على روحك بهالأشياء فـ هي داتدل على انك إنسان وداتتماشى ويه ضروف هالدنيا ومتغيراتها
الأهم من كل هذا ،انك ماتستسلم ولا تخليها تأثر عليك اكثر ..

موسم الامتحانات بدا

♥️♥️♥️♥️♥️♥️♥️♥️

ايًا كان
شغلة شخص حلم موضوع
حبوا أي بس بشكل معقول بدون مبالغة لأن راح ترجع عليكم
حتى لو جان الشي تظنون انه يستحق بمبالغتكم راح تكتشفون انه ماجان يستحق كل هذا ..

حبابين لاتبالغون
النقطة اللي توكعكم من مُبالغتكم للحقيقة المُرة قادرة أن تقتل كل المشاعر الحلوة اللي موجودة واللي بعدها مو جاية بداخلكم ..

هالكلام طلع من أكثر إنسانة جانت متمسكه بكل قناعاتها -بظنها هي الصح- ورافضة جانت أي شغلة مو حابتها وهسه شوي شوي بدت تنضج وتحب وتتقبل أشياء ماجانت تجي على بالها انه ممكن تحبها بيوم وتتقبلها ،
طلع من إنسانة جانت اللي مايوافقها رأيها عادي جدًا تبطل تحجي وياه بفكرة هي صح واللي غير عن فكرها وقناعتها هو الغلط ،
فـ انا هنا اصحح هالإنسانه وجاي اشتغل على كل هالأغلاط لحد ماوصلها مرحلة النضج اللي اريدها وتستحقها ..

حاول أن تتقبل أختلاف الآخرين عنك ووجهات نظرهم وماتحكم عليهم بأي شي بس لانهم عكسك
حاول أن اتصر على رأيك لكن لاتفرضه على غيرك وترفض بشكل قاطع أي فكرة وشغلة مو حابها هسه ،
لان وارد جدًا يجي يوم من الأيام تتغير وقناعاتك تكبر ورأيك ينضج اكثر من قبل وممكن جدًا ايضًا ماگلك تحب اللي جنت رافضة وتكرهه وانما تتقبله ونسبة الرفض والكره تقل تدريجيًا مع نضوجك ..

مادري إذا ناشرتها قبل أو لا
احبها كلش

♥️.

"أتأمل روعتي في المرآة وأدرك تمامًا معنى أن يكون المرء مسرورًا بنفسه وحزينًا في الوقت ذاته لأنه ليس بوسعه أن يذهب به إلى أماكن الربيع الذي يستحقه" .

إذا تبدي تمشي حياتك وكل مايصيرلك على مبدأ "ما اخذ إلا ليعطي"
راح تكتشف بعدها أنه فعلًا عطايا رب العالمين خير ومنطيك دائمًا أكثر من ما ياخذ واخذ منك،
وتكتشف أنه اصلًا كل اللي اخذه لا شيء مقابل ما انطاك وراح ينطيك هو ..

إذا أرادَ الله إتجاه سفينتك إلى اليمين ، فتأذيتَ وتألّمتَ ، فَاعلَم أن اليسار كان موتك المحتم .