الشاعر الحسيني مهند العايدي

جديد على بركة مولاتي فاطمه ع

ج

قصيدة فاطمه الزهراء ع•&
ثگيل••عزاء


يمه يمه•••طاح گلبي بطيحتچ
يمه يمه•••فدوه اروح لدمعتچ
يمه يمه••يمه يمه
•••••••••••••••••••••••••••••••••••••••••••••••

يمه ياشمعة حياتي لبيهه اشوفن كل درب
شگد رحيمه بكل حياتچ بينه لومر الصعب
يالحنينه وماكو مثلچ ياگل بروحي العتب
لا تعوفني بغربتي ودمعي العيونچ يصب

يمه يمه•••فدوه اروح الشيلتچ
يمه يمه•••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

صعبه دنياي ابغربتچ يابعد كل العمر
خنگه ولمخنوگ يمه صعبه عگبچ ينتظر
ومن لفاچ البين يمه خله بظلوعچ كسر
وانه يايمه بمصابچ منكسر عندي الظهر

يمه يمه••• صعبه تكتل فرگتچ
يمه يمه•••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

ماهدت روحي وغلاتچ خنگه صارت ياهوه
يادوه جروحي من طيحن ليش ماصحلچ دوه
ريت نعشي وياچ يمه وللگبر نمشي سوه
نار هجرچ بيه صارت والگلب يمه نچوه

يمه يمه••••والله تكتل عازتچ
يمه يمه••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

ظلمه يمه البيت صاير ياضواي ومهجتي
وخيمتي الچانت عليه هسه طاحت خيمتي
شتسوه عگبچ هاي روحي ونتي موش بدنيتي
وطولچ الغالي تمدد ريته يمچ موتتي

يمه يمه•••صعبه باجر شوفتچ
يمه يمه•••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••

والله ماتسوه حياتي بدون عينچ يالبخت
من طفت شمعة سنيني يعني دنياي نتهت
تمرمرت يمه بكسرتچ والعمر وج وهفت
جنة الله وعمري يمچ عگب عينچ مانمت

يمه يمه••••منتي اموت بدفنتچ
يمه يمه ••••فدوه اروح لدمعتچ
يمه يمه••يمه يمه

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍

نسالكم الدعاء

انشاء الله ♥

جديد

قصيدة شهادة ام ابيها••♕
ثگيل حزن


يم حسن صوب دليلي فگدچ وهاج الوجع
عيني مايوگف دمعهه من جست كسر لظلع
•••••••••••••••••••••••••••••••••••••••••••••••

الله لا ينطي الشماته الخلت بظلعچ كسر
راح حيلي وراح لوني وراح كل تعب العمر
يصباح الله يفاطم يمچ يطيح الصبر
علي قالع باب خيبر عگب عينچ منفجع

•••••••••••••••••••••••••••••••••••••••••••••••

فارگاني شلون وجهج ونتي سباح الگلب
مصابچ لهدملي حيلي ودمعي علوجنه يصب
وسفه عگب النبي كلهم دارة عليچ الغرب
شحچي عگب الهذا شفته وبنچ الغالي وگع

•••••••••••••••••••••••••••••••••••••••••••••••

رحمة الله شلون صاير بيچ كل هذا الجره
بالمغيسل مرت ايدي على ظلوع مكسره
والله مابيهه اصدلچ وحيله طايح حيدره
النار ولناس اعله بابچ وخدچ الغالي نصفع

•••••••••••••••••••••••••••••••••••••••••••••••

روحي مكسوره بغيابچ ماشفت مثلچ مصاب
ألم ظلعچ ريته بيه والهجر حارگلي باب
يلچم بروحي الجرالچ بيه چن هذا العذاب
ضاگت الوسعه بمصابچ گلبي شيب ونشلع

•••••••••••••••••••••••••••••••••••••••••••••••

ونار بابچ بيه تسعر ماطفت من فرگتچ
صوبچ بسمار حار وبيده صافع وجنتچ
طاح محسن علوطيه وحمره نزلت دمعتچ
حترگن چفوفچ خطيه وگبرچ بگلبي نزرع

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍

اليحتاج الحن موجود انشاء الله بعد كلبي

شجاعة اسد الله علي ع

جديد

قصيدة شجاعه اسد الله••&
نزال •عزاء



ياحيدر ••• ياحيدر
ياحيدر ••• ياحيدر


بصفين الحرب حيدر••• محد يركد گباله
معروف الاسد بلكون••من ضربته الچتاله
بهدومه الصفر طبها •••• يازلمه التدناله
سيف الله ونزل علگوم••حت لموت يبراله

معدل والعساكر طگهم بدربه
معصوم ويطرهم طرت الكعبه
بصياره وشرگها بقوته وحيله
وگباله الزلم كلمن يكض گلبه

ياحيدر ••• ياحيدر
ياحيدر ••• ياحيدر

•••••••••••••••••••••••••••••••••••••••••••••••

حيل الله ونزل چن موت••تكتل شمرة لساده
شيخ ومن يطب ميدان••بحيله وطگته مراده
حار ومنه حت النار •••چواهه بحچي عناده
وطگ الخيل چف يمنا••• بعزمه طيح القاده

خياله وتبختر عالكفر كلهه
چف الله ونزل بجيش يغزلها
مالح بلحرب من ضربته وسيفه
سطرهه لجثث من لرگب تلها

ياحيدر ••• ياحيدر
ياحيدر ••• ياحيدر

•••••••••••••••••••••••••••••••••••••••••••••••

ياعركه اليطبهه تصير •••كوم بلا نفس تنذب
حيدره من يطب لجيش•گاع من لدمه تشرب
محد يلحگ چفوفه•من يغضب صدگ يغضب
خيل وبالزلم تعثر ••• يحرگها الزلم لو طب

الااف لزلم يصفطهه بچفوفه
ملثم حيدره وسطراته معروفه
يرتاح شتضن طب لعرك حيدر
من وجه وگفه يكتلهم بشوفه

ياحيدر ••• ياحيدر
ياحيدر ••• ياحيدر

•••••••••••••••••••••••••••••••••••••••••••••••

وبچفوفه نقلع خيبر ••• كل هاي الزلم سهله
الحيله وبالحرب بركان••• متضل الزلم عدله
عگال بكل وكت موجود••بس لله لنصر يعله
ومترجل عليهم دوم ••• گاعه ويعرف لشتله

وتلتم الخلگ يم حيدره كلهم
يعرف بالزلم ماحاجه يعرفهم
مكتوب النصر من طلعته گباله
ذابهك جثث حيدره ولا عدهم

•••••••••••••••••••••••••••••••••••••••••••••••

بالثامه الاسد لوصال••• محد يچهب عيونه
يطويهه لحرب مهيوب•••تكتل شمرت متونه
نورالله يطب الجيش••شلون لضوه يچهبونه
شراهه الكفر عالگاع ••• حيدر مايگدرونه

ماخاسر حرب والله يعرف زلمه
منصور بقدرته وشاهده النعمه
سواهم زرع من كل كتر طگهم
رابح كل وكت بس محد يلزمه

ياحيدر ••• ياحيدر
ياحيدر ••• ياحيدر

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍

نزال عزاء

انشاء الله ♥

جديد

قصيدة فزعة العباس ع••&
نزال عزاء


حي الله ابو فاضل
حي الله ابو فاضل
•••••••••••••••••••••••••••••••••••••••••••••••

يلمطيح الخيل ياخيالهه
بريشتك عباس تعب رجالهه
فوت بيهه وكسر الهه خشومهه
وخلي نورك بالحرب يبرالهه

يالمتعب صفوفهه•••يعمي نورك شوفهه
بطگتك والحاجب ••• سوي يمك روفهه

حي الله ابو فاضل
حي الله ابو فاضل

•••••••••••••••••••••••••••••••••••••••••••••••

طب على ميدان وگطف روسهه
الحيل حيلك يبو فاظل دوسهه
بغيرتك والگوم طيح اكتارهه
يالمخوف الخوف ياكابوسهه

چفگ اليهدم هدم •••خل تشوف لموزلم
گمر وشمحلاتك ••• بدرعك يلوگ النجم

حي الله ابو فاضل
حي الله ابو فاضل

•••••••••••••••••••••••••••••••••••••••••••••••

عالمطهم طالع وصار الجره
ياعضيد ويامراجل حيدره
خافت السبعين منك يالگمر
وجمر راسك يحرگ لفوگ لثره

داس فوگ رگابهه•••چف علي وطلابهه
بعده واگف طاحت ••بجمرته وحطابهه

حي الله ابو فاضل
حي الله ابو فاضل

•••••••••••••••••••••••••••••••••••••••••••••••

وخلي عالتربان دمهم طافح
بچفه گاطعهه الرگب ميصافح
غيضه يكتل لو غضب كفالي
هاشمي ومعروف گلبه الصالح

حگهه هاشم والناس••بالحرب رفعة راس
شافت الماموجود••••شسوه چف العباس

حي الله ابو فاضل
حي الله ابو فاضل

•••••••••••••••••••••••••••••••••••••••••••••••

ورادمهه ردم بس ماتعب يوم
وول گمر وحده يعارچ الگوم
وصار زامط يمه طگن اعروگه
هذا ابن القلع باب الكفر دوم

ابن الشال فقار •••• بعيونه الغضب صار
يحرگ گام بلجيش••راسه وچفه بس نار

حي الله ابو فاضل
حي الله ابو فاضل

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمدع
نسالكم الدعاء//1446ه‍

انشاء الله ♥

جديد

قصيدة مناجاة زينب ع••||
شور وگفه



ياخويه يحسين
ياخويه يحسين


حرگولي لخيم وركض لياصوب
وكلهه مذبحه يحسين متگوم
نسوانك خطيه وبين الااجناب
وزينب بالفله وماشافت النوم

اركض وين گلي لركض شيفيد
متعوبه واجتنه الموش اجاويد

ياخويه يحسين
ياخويه يحسين

•••••••••••••••••••••••••••••••••••••••••••••••

حيره اليا كتر اطي الوجه وين
ونته اعله لرمح يحسين مطروح
زينب والشماته تلاگت اليوم
كسر ظهري لفراگ ولاچم جروح

شيبني الذبح يابعد الاانفاس
وطايح عالنهر مذبوح عباس

ياخويه يحسين
ياخويه يحسين

•••••••••••••••••••••••••••••••••••••••••••••••

عطش يبس گلبنه وطالعه اروح
ويالعطشان طايح گلبي عطشان
مسلب عالترب مبيوگه الهدوم
مطشر عاالاارض والدنيه تربان

وماخلو عليك ظلوع بالخيل
نركض والجمر چوه المداليل

ياخويه يحسين
ياخويه يحسين

•••••••••••••••••••••••••••••••••••••••••••••••

مختنگه وغلاتك والنفس ضاع
وصعبه بكربله نشتم هوه الزين
من الكثر العجاج وغارة الخيل
دخان وترب نشهگ يالحسين

هجمت خيلهم والحيره الزغار
طلعت كل حرمنه وفكري محتار

ياخويه يحسين
ياخويه يحسين

•••••••••••••••••••••••••••••••••••••••••••••••

ماظل حيل عگبك ولدمع سال
مهضومه وتطگني حثالة الناس
وسفه وبت علي مابين كفار
فحطانه وصيحن خويه عباس

ألحگ عالخدر ماظلت امتون
وباچر عالهزيله تنسبي ام عون

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍

عظم الله اجركم بشهادة الزهراء ع