Xabar berganimizdek, 22-sonli Mehribonlik uyi 8 nafar tarbiyalanuvchilardan tashkil topgan futbol jamoasi Chexiya Respublikasining taklif bilan 2024-yil 18-20-oktyabr kunlarida Nimburg shahrida bo‘lib o‘tayotgan Mehribonlik uylari tarbiyalanuvchilari o‘rtasida butun dunyodan 16 ta futbol jamoasi ishtirok etuvchi Xalqaro I-Chexiya futzal chempionatida ishtirok etdilar.
19-oktyabr kuni bo‘lib o‘tyotgan Xalqaro I-Chexiya futzal chempionatida davlatimiz sharafini himoya qilayotgan yosh futbolchilarimiz ilk daqiqalardan boshlab yutuqlarni qo‘lga kirita boshladilar. “V” guruh bosqichida har 7 o‘yinda ham mutlaq g‘alabani qo‘lga kiritdilar.
O‘zbekiston-Polsha uchrashuvida durrang natijani qo‘lga kiritdilar, o‘yin so‘ngida penaltilar seriyasi belgilandi va yosh jamoamiz 1 ballni boy berib qo‘ydilar.
Natijada yosh futbolchilar 8 o‘yinda raqib darvozasiga 50 ta gol urdilar, faqatgina 3 golni o‘tkazdilar.
Jamoada Maksim - darvozabon, Daniel – chap qanot hujumchisi, Nodir- o‘ng qanot hujumchisi, Arslan - himoyachi, Namoz - himoyachi, Sanjar - markaziy yarim himoyachi, Igor - markaziy yarim himoyachi, kichkina Arslan – hujumchi.
Ijtimoiy himoyaga muhtoj bo‘lgan va bugungi kunda Agentlik tomonidan qo‘llab-quvvatlanib borayotgan bolalarimizga g‘alabali o‘yinlari va O‘zbekistonimizning sharafini shijoat bilan himoya qilganlari uchun tashakkur izhor etamiz!