🔴 ምክረ አበው MEKRA ABAW™

🔴 ምክረ አበው MEKRA ABAW™ pinned «DV 2026 እንዴት ራሳችን መሙላት እንችላለን? በጥያቂያቹ መሰረት ዲቪ 2026 ለመሙላት መከተል ያለብንን መንገዶች እነሆ በመጀምሪያ ዲቪ መሙላት የምንችለዉ ከ መስከረም ረቡዕ 22/2017E.c ጀምሮ ጥቅምት 26/2017E.c ለሊት 6፡00 ድረስ ብቻ ነ ↗️ የዲቪ ፎርሙን ከመሙላታችን በፊት ማሟላት ያሉብን ነገሮች፦ እያንዳንዱ የ DV አመልካች የትምህርት / የሥራ ልምድ ማሟላት አለበት ማለትም በ…»

🔴 ምክረ አበው MEKRA ABAW™:
1,ጽጌ አስተርአየ ሠሪዖ እምዓፅሙ
ለዘአምኀኪ ጽጌ ለገብርኤል ምስለሰላሙ
ወበእንተዝ ማርያም ሶበሐወዘኒ መዓዛጣዕሙ
ለተአምረኪ አኀሊ እሙ
ማኅሌተጽጌ ዘይሰመይ ስሙ።

አበባን ይዞ ያበሰረሽ ገብርኤል፣ከገብርኤል ሰላምታ ጋር እጅ ከነሳሽ ሰው ዓፅም ውስጥ የጽጌረዳ አበባ በቅሎ ታየ
ስለዚህም የክርስቶስ እናቱ ድንግል ማርያም ሆይ ደስ የሚያሰኝ የዜማው ድምፅ ባስደሰተኝ ጊዜ ብርቅና ድንቅ ልዩም ለሆነ ለታምርሽ አመሰግናለሁ ስሙ ማህሌተ ጽጌ ለሚባል ታምርሽ ምስጋናን አቀርባለሁ።

🌼🌼🌼ከአንድ ሙት ሰው አፍ የጽጌረዳ አበባ ስለመታየቱ ታሪክ🌻🌻🌻🌻
በኢያሪኮ ባሕር ደሴት ውስጥ የሚኖር ስሙ አስቴራስ የሚባል አንድ ዲያቆን እመቤታችን ድንግል ማርያምን የሚወድ ነበር።የውስጥ በደሉን በማሰብ በሚጸልይበት ጊዜ ከኃጢአቱ መፍራት የተነሣ ድምፁን ከፍ አድርጎ(አሰምቶ) አይጸልይም ነበር።
በለሆሳስ እመቤቴ ድንግል ማርያም ሆይ ሰላም ላንች ይሁን እያለ ይጸልያል።
ከዕለታት አንድ ቀን ከነበረበት ቦታ ወጥቶ
ራቅ ወዳለ አገር ሄዶ ሳለ ርህራሄ የሌላቸው ሰዎች ድንገት አገኙትና ገደሉት።
በድኑንም ትተውት ሄዱ ሌሎች ሰዎች በዚያ መንገድ ሲያልፉ ቡድኑን ወድቆ አገኙት በመንገድ ጥግም ቀበሩት።
ከ3 ቀን በኃላም እመቤታችን ድንግል ማርያም ክፉ ሰዎች ባሉባት በዚያች አገር እሷን ለሚወድ ሌላ አንድ ዲያቆን በራእይ ተገልጻ ታየችው።
ወዳጄ ሆይ የሚወደኝና ጸሎቱ በእኔ ዘንድ የተወደደ ዲያቆንን ስለተገደሉት በዚያች አገር ውስጥ ባሉ ክፉ ሰዎች እኔ አዝኛለሁ አለችውና ከአሁን ጀምሮ ጓደኞችህ ዲያቆናትን ይዘህ በመንገድ ጥግ ወደ ቀበሩት ሂድ ብዬ አንተን አዝዝሃለሁ።
መቃብሩን ቆፍሩ በድኑንም ከዚህ አውጥታችሁ በቤተክርስቲያን መቃብር መካከል ቅበሩት የገደሉት ሰዎች ግን ልጄ ይበቀላቸዋል አለችው።
ዲያቆኑም የእመቤታችን ድንግል ማርያምን ትዛዝ በሰማ ጊዜ ፈጥኖ ተነሳ ጓደኞቹንም ሰበሰባቸው ያየዉንም ራእይ ሁሉ ነገራቸው የዚያን የሞተ ዲያቆን መቃብሩን ቆፍረው በድኑን አወጡ ርሄ እንደሚባል ሽቱ መልኩ(ደም ግባቱ) ሽታው ደስ የሚያሰኝ አንድ ጽጌረዳን ከአፉ ውስጥ አገኙ ምንም መለወጥ (ጉስቁልና) አላገኘውም ነበር ይህን ድንቅ ታምር አይተው እጅግ ተደነቁ እመቤታችንንም ፈጽመው አመሰገኑ።
ከዚህ በኃላ እንደ ሕጉ እንደሥርዓቱ ገንዘው በክርስቲያኖች መቃብር መካከል በክብር ቀበሩት።
ስለዚህ ጽጌ አስተርአየ ሠሪፆ እምዓፅሙ
ከዓፅሙ (ከበድኑ) ከጽጌረዳ አበባ ታየ አለ።

ክፍል ሦስት ይቀጥላል
Share &join
👇👇👇👇👇👇
💚 @Mekra_Abaw 👈
💛 @Mekra_Abaw 👈
❤️ @Mekra_Abaw 👈
✝✝✝✝✝✝✝

🕯 .... ቅዱስ ሚካኤል.... 🕯

ክብር ለሚገባው ክብርን እንሰጣለን
ንጉሥ ለወደደው እንሰግድለታለን
እንኳን ለሚካኤል ለሚቆም ጌታ ፊት
ክብርን እንሰጥ የለ ለምድር ሹማምነት

እንኳን አደረሳችሁ አደረሰን 🕯️
@mekra_abaw✝️❤️🙏

🔴 ምክረ አበው MEKRA ABAW™ pinned «የሚከተሉትን ጥያቄዎች ትክከለኛ ሆሄ የያዘውን ምረጡ [ 20 % ] 1 ተክለ  ሐይማኖት  በ  _____ተወለዱ? ሀ  ነሐሴ  24                       ለ   ታሕሳስ   24 ሐ  ጥር  24                         መ   ሰኔ  24 2  ሰዉን  ትልቅ  የሚያደርገው   ____ነዉ? ሀ   እምነት                          ለ ሀብት - እዉቀት  -ሥልጣን…»

ማኅሌተ ጽጌ ትርጉሙ ምን ማለት ነው
ማኅሌት ማለት ምስጋና፣ ወረብ፣ ለዘብ፣ማወደስ፣ማድነቅ መዘመርማለት ነው።
ጽጌ ማለት አበባ፣ ሮማን የፍሬ ምልክት ማለት ነው።
ማኀሌተ ጽጌ ማለት በአበባና ፍሬ የተመሰሉ ድንግል ማርያምና የማሕጸኗ ፍሬ ክርስቶስ የሚመሰገኑበት የአበባ ምሥጋና ማለት ነው።
የማኅሌተ ጽጌ ደራሲ የሕይወት ታሪክ
ይህ ደራሲ ቀድሞ ያላመነ ያልተጠመቀ ነበር። በወጣትነት ዕድሜው አውሬ ለማደን ወደ ዱር ሄዶ ሳለ ተገልጻለት ያያት የእመቤታችን ሥዕል ለዚህ ታላቅ መንፈሳዊ ድርሰት አበቃችው።


የዚህ ደራሲ ሥር መሠረቱ በንጉሥ ሰለሞን ዘመነ መንግሥት ከኢየሩሳሌም ወደ ኢትዮጵያ ታቦተ ጽዮንን ይዘው ከመጡት ከ318 ሌዋውያን ነገድ ነው። የተወለደው በኢትዮጵያ ሲሆን ወደ ዱር ሄዶ ሳለ የመልኳ ደም ግባት ደስ የሚያሰኝና በጽጌረዳ አበባ ያጌጠች የተሸለመች የድንግል ማርያም ሥዕልን በዚያች በረሃ ውስጥ አግኝቶ ይደነቅ ነበር።
ይች ሥዕል የተገለጸችለት በሰሜን ቨዋ ይፋት ልዩ ስሟ ገዳመ ደንስ ትባላለች። በዚች ቦታ ሥዕሏን አግኝቶ እየተደነቀ ሳለ ሌላ አንድ ኢአማኒ ሰው ወደ እርሱ ቀርቦ ምን ትፈልጋለህ? የክርስቲያን ሥዕል ነውን! ብሎ ለድንግል ማርያም ምሥጋና ይድረሳትና ያችን ሥዕል በያዘው በትር መታት ወዲያውኑ እሱም ሞተ።ከዚያ በኋላ እንደ ሚያዝያ ወር የጽጌረዳ አበባ ክንፎቹ በነጭና በቀይ ቀለም ያጌጡ መልአኩ ሩፋኤል በወፍ አምሳል ሆኖ አንድ መነኩሴ እስኪመጣ ድረስ ይችን ሥዕል ጠብቃት ብሎ በሰው ቋንቋ አነጋገር ተናገረው። ውስጡ ጥበበ እግዚአብሔር ነውና
አባ ዜና ማርቆስ ደብረ ብሥራት ከሚባለው ገዳም ተነሥቶ ይፋት ሄዶ ከአይሁድ ቤተመቅደስ ገብቶ ከነብዩ ኢሳይያስ ትንቢት ውስጥ በምዕራፍ 11፥1
ትወጽእ በትር እም ሥርወ ዕሤይ ወየዐርግ ጽጌ እምጉንዱ(ከዕሤይ ግንድ ብትር ትወጣለች (ትገኛለች)ከሥሩም ቁጥቋጦ ያፈራል) የሚለውን ንባብ በግዕዝ ሲያነብ ሥዕሏን በዱር ውስጥ ያገኘ ያ ኢአማኒ ወደ አባ ዜና ማርቆስ ቀርቦ የዚህን ቃል ትርጉም ንገረኝ አለው።
ትወጽእ በትር የሚለው ንባብ እመቤታችን ከዕሤይ ነገድ መወለዷን
ወየዐርግ ጽጌ የሚለው ደግሞ እመቤታችን ድንግል ማርያም በድንግልና አምላክን መዉለዷን የሚያስረዳ ቃል ነው ብሎ ተረጎመለት።
ያም ኢአማኒ አባ ዜና ማርቆስን ይህን ቃል መልካም ተረጎምክ መልካም ተናገርክ አለውና ደስ ተሰኝቶ ኢአማኒው የተደረገውን ተአምር ሁሉ ልንገርህ ስማ ማለት መልአኩ ሩፋኤል በነጭ ወፍ ተመስሎ ይችን ሥዕል አንድ መነኩሴ እስኪመጣ ድረስ ጠብቃት ብሎ በሰው አነጋገር ያናገረውንና ያየውን ሁሉ ታምር ለማስረዳት ጀመረ። እንዲህም አለ ይፋት በረሃ ውስጥ አንዲት ሥዕል ልጅን ታቅፋ አይቼ በሥዕሏ እየተደነቅሁ ሳለሁ ሌላ አንድ አይሁዳዊ ጓደኛዬ ወደ እኔ ቀርቦ ምን ትፈልጋለህ? የክርስቲያን ሥዕል ነውን ብሎ ሥዕሏን በያዘው ብትር መታት። ያም ጓደኛዬ ወዲያዉኑ ሞተ።
የሥዕሏም መልክ በጽጌረዳ አበባ ያጌጠች ነበረች ብሎ ሥዕሏን ወዳገኘበት ወደ ገዳመ ደንስ አባ ዜና ማርቆስን እየመራው ሄዱ። ያችንም ሥዕል ቅዱስ ሚካኤል ቅዱስ ገብርኤል ግራና ቀኝ በክንፋቸው በክብር ጋርደዋት አገኟት።
አባ ዜና ማርቆስም እጅግ ደስ አለው።በል አስቀድመህ በልጇ በኢየሱስ ክርስቶስ እመን ይችን ሥዕል እሱ እንዳስገኛትና ሰማይና ምድርን በውስጣቸው ያለውንም ሁሉ የፈጠረ እንደሆነ እወቅ አለውና።
በአብ በወልድ በመንፈስ ቅዱስ ስም አጠመቀው።ስሙንም ጽጌ ብርሃን ብሎ ሰየመው።ያች ሥዕልም የእስክንድርያው ሊቀ ጳጳስ አባ ማቴዎስ ከመዓልቃ አምጥቶ ያስቀመጣት ነበረች።
አባ ዜና ማርቆስም ሥዕሏን ከዚያች ቦታ ደብረ ብሥራት ወደሚባል ገዳሙ በዘመነ ጽጌ ጥቅምት 1 ቀን ወስዶ በክብር አስቀመጣት የምትከብርበት ቀንም ጥቅምት 3፣ሰኔ 8 ቀን እንዲሆን አደረገ።
የኢትዮጵያዊው ሊቅ ቅዱስ ያሬድ ድርሰት ጣዕመ ዜማ (በማኅሌት)እያሸበሸቡ እየተወዛወዙ እንዲያመሰግኗት ደቀመዛሙርቱን ቀሳውስቱን ዲያቆናቱን መዘምራን ሊቃውንትን መሪጌቶች አዘዛቸው።
በካህናቱ የማኅሌት አገልግሎት ጊዜም እመቤታችን ድንግል ማርያም ከሰማይ ወርዳ የአገልግሎት ጉባኤያቸውን ትባርክ ነበር። አባ ዜና ማርቆስም ንጹሕ ዕጣንን እያጠነ ያችን ሥዕል ይዞር ነበር።
ከጽጌ ብርሃን ዘመዶችም ብዙዎቹ ጌታ ከድንግል ማርያም ያለ ዘር በድንግልና እንደ ተወለደ አመኑ። አባ ዜና ማርቆስም በሰሜን ሸዋ ውስጥ በሚገኘው መንጠቅ ወንዝ አጠመቃቸው።
አባ ዜና ማርቆስ ላጠመቀው ለጽጌ ብርሃን መጻሕፍተ ሐዲሳትን ከነ ትርጓሜያቸው ጋር አስተማረው። ብሉያትንና የነቢያት መጻሕፍትንስ ቀድሞ በአባቶቹ አይሁድ ሥርዓት እያለ የተማረ ነበር።
ከዚያ በኋላ ገብረ ማርያም ከሚባል ጓደኛው ጋር ይህን ማኅሌተ ጽጌ ከ ዳዊት መዝሙር 150 ከልጁ ሰለሞን መጽሐፍ 72 ቃላትን አውጣጥቶ መንፈስ ቅዱስ ባናገረው በአባቷ ዳዊት ምሥጋና ቁጥር መጠን 150 ማኅሌተ ጽጌ ድርሰት ደረሰ።
አንድ አመት ጓደኛው ገብረ ማርያም አባ ጽጌ ብርሃን (ጽጌ ድንግል) ካለበት ደብረ ብሥራት ገዳም መስከረም 24 ቀን ገብቶ ለዘመነ ጽጌ አገልግሎት 40 ቀን እስከ ኅዳር 8 ቀን ቆይቶ ወደ አገሩ ይመለሳል።
በሚቀጥለው ዓመት ደግሞ አባ ጽጌ ብርሃን (ጽጌ ድንግል) ጓደኛው ገብረ ማርያም ወደአለበት ደብረ ሐንታ ሄዶ 40 ቀን የዘመነ ጽጌ አገልግሎትን ፈጽሞ ወደ ገዳሙ ይመለስ ነበር። እንዲህ እያሉ እመቤታችን ቅድስት ድንግል ማርያምን በመላእክት ማኅሌት በትሕትና በፍቅር እስከ ዕለተ ዕረፍታቸው ሲያገለግሉ ኖረዋል።
የማህሌት አገልግሎታቸው እና የጸሎታቸው በረከት ከጥምቀት ልጆች ጋር ይሁን።
Share &join
👇👇👇👇👇👇
💚 @Mekra_Abaw 👈
💛 @Mekra_Abaw 👈
❤️ @Mekra_Abaw 👈
✝✝✝✝✝✝✝

የሚከተሉትን ጥያቄዎች ትክከለኛ ሆሄ የያዘውን ምረጡ [ 20 % ]


1 ተክለ  ሐይማኖት  በ  _____ተወለዱ?

ሀ  ነሐሴ  24     
                
ለ   ታሕሳስ   24

ሐ  ጥር  24  
                     
መ   ሰኔ  24

2  ሰዉን  ትልቅ  የሚያደርገው   ____ነዉ?

ሀ   እምነት                         
ለ ሀብት - እዉቀት  -ሥልጣን
ሐ  ምግባር                        
መ  ሀ  እና   ለ

3  እመቤታችን  በ   _____ተወለደች?

ሀ  በጎልጎታ                            ሐ   በዮርዳኖስ
ለ  በሊባኖስ                           መ    በ ቤተልሔም

4   እመቤታችን  በ   __   በቤተመቅደስ ገባች?

ሀ  በ 3ት  ቀኗ                        ለ  በ3ት  ሳምንቷ
ሐ  በ 3ት   ወሯ                   
መ በ 3ት አመቷ

5  ፍስሐ ፅዮን   በ  __ አሀዱ  አብ ቅዱስ   አሀዱ ወልድ  ቅዱስ  አሀዱ ዉእቱ  መንፈስ ቅዱስን ብሎ  አመሰገነ?

ሀ በተወለደ  በ3ት  አመቱ       
ለ  በተወለደ   በ 3ት ወሩ
ሐ  በተወለደ   በ3ት   ቀኑ    
 መ በተወለደ  በ3ት  ሳምንቱ

6   ተክለሃይማኖት   የሚለውን  ስም  ያወጣለት 
  መልዓክ ____ይባላል ?

ሀ  ቅዱስ ሚካኤል                    ሐ  ቀዱስ   ሩፋኤል
ለ ቅዱስ   ገብርኤል                   መ  ቅዱስ   ዑራኤል

7 _____በኢያሪኮ  መራራውን  ዉኃ  ያጣፈጠ  ጻድቅ ነው ?

ሀ  ቅ.ኤልሳዕ                         ሐ   ቅ. ይስሐቅ
ለ  ቅ. ኤልያስ                        መ   ቅ.  ያሬድ

8 አዳምን  ከገነት  ጫካዎች  ጀምሮ   እስስ _  ፈለገው ?

ሀ   ቤተልሔም                   
  ለ   ጎለጎታ 
ሐ  ጌቴሴማኒ                      መ    ቤተመቅደስ

9 ጻዲቁ አቡነ ተክለ ሐይማኖት _አመታትን አሰልፎ በ ____በተባለ ቦታ ለረጅም ሰአት ቁሞ በመጸለይ  ሳለ  እግሩ  ሊቆረጥ  ችሏል ።

ሀ 29 አመት  በደብረ አንገች       ሐ  29 አመት  በደብረ  አሰቦ
ለ  15  አመት  በደብረ  ዳሞ       መ  15  አመት  በደብረ   ታቦር

10 እመቤታችን  በቤተመቅደስ  __አመት ቆየች?

ሀ 10              ለ  15         
  ሐ   11             መ  12

11  ቅዱስ  ያሬድ   መዝሙረ  ዳዊትን  ከ _ ተማረ?

ሀ  አጼ  ገብረ መስቀል                  
ለ   አጼ   ዳዊት
ሐ   መምህር  ጌዴዎን                  
መ   ቅዱስ ጳዉሎስ

12 "መልካም ያደረጉ ብዙ ሴቶች አሉ አንቺ ግን ከሁሉ ትበልጫለሽ፡፡” ያለው  ቅዱስ  __ ነዉ?

  ሀ. ቅዱስ  ጳዉሎስ               ሐ  አባ  ሕርያቆስ
  ለ   ቅዱስ  ኤፍሬም              መ   ጥበበኛው  ሰለሞን

13 ማርያም ማለት     ልዕልት    ማለት   ነው። ይህ እንደምንድን  ነዉ?

ሀ  ከፍጡራን በላይ ናትና ማር፤ በምድር ያም በሰማይ ናት ::
ለ   ወደ መንግስተ ሰማያት  መርታ  የምታገባ  ናትና ።
ሐ   በስጋ በሕሊና  ንጽሕት  ናትና ።
መ   ጸሎትን   ታሳርጋለችና

14 _____ በመንፈስ ቅዱስ ተቃኝታ የእመቤታችንን ክብር  ተናግራለች ፡፡

ሀ  ሊዲያ          ለ  እሌኒ         ሐ  ኤልሳቤጥ    መ  ኢየሉጣ

15  _____ ፋሲካችን ክርስቶስ ታርዶአል” በማለት እንደ ሙሴ ፋሲካን በእምነት እንድናደርግ መክሯል፡፡

ሀ  ቅዱስ   ጳዉሎስ             
ለ    ቅዱስ   ዳዊት
ሐ  ቅዱስ    ጴጥሮስ             
መ ጥበበኛው  ሰለሞን

16 ሙሴን   እግዚአብሔር  የጠራው   ለምንድን ነዉ?
ሀ  ከተቀደሰችዉ ስፍራ   ጫማውን  ያወልቅ ዘንድ
ለ  እስራኤላውያንን  ከግብጽ  ባርነት  ለማዳን
ሐ   ወተትና  ማር  ወደምታፈስሰው   ከነዓን  ለማስገባት
መ  ሀሉም

17 እስራኤላውያን በእግዚአብሔር ኃይል በሙሴም መሪነት ከግብጽ ወጥተው ወደ ከነዓን  ሲጓዙ  ምንድን  ነበር ጉዟቸውን  የገታዉ?

ሀ  ቀይ  ባህር                      
ለ  የ  ፈርዖን   ጭፍሮች
ሐ   የኤርትራ  ባህር               መ   ግብጻውያን 

18  የእግዚአብሔር ሕዝብ እስራኤላውያን በግብጽ ሃገር በባርነት ለብዙ ዘመናት  ከኖሩ በኋላ ጬኸታቸውን ለቅሶአቸውን የሰማው የአባቶቻቸው አምላክ እግዚአብሔር ለ  ____ የገባውን ቃል ኪዳን በማሰብ በኃያል ክንዱ ነጻ አደረጋቸው፡፡

ሀ ለሙሴ       ለ ለአብርሃም    ሐ  ለይስሐቅ    መ ለያዕቆብ

19  ከ አሰርቱ  ቃላት  የ  አምስተኛው  ቃል  ___ይላል ።

ሀ  አትጣሉ  ተጣረቁ
ለ  አትግደሉ   ነፍስ አታጥፉ
ሐ  አትዋሹ   እዉነት  አዉሩ
መ  አታመንዝሩ  አትሰስኑ 

20 ስለ ቃልኪዳኑ ታቦት  ትክክለኛ  ያልሆነዉ የቱ  ነዉ?
   ሀ   እግዚአብሔር ለእስራኤል ለሰጠው ቃልኪዳን የሚታይ             ምልክት ነው፡፡
   ለ    ታቦቱ በወርቅ የተለበጠ
   ሐ   መክደኛው ከወርቅ የተሠራ ነበር፡፡
   መ  በላዩም ሁለት ኪሩቤል ተቀርፀዋል፡፡
   ሠ   በላዩም  ሀለት  ሱራፌል  ተቀርፀዋል።

የከበዳችሁን ጠይቁ !!!
@mekra_abaw

†🕊"እንዳንተ ያለ ይቅር ባይ ማን አለ?"†🕊
ወመኑ መሐሪ ዘከማከ፤
ምስለ ኖኅ ኪዳነ ዘአቀምከ፤
ምስለ ኖኅ ኪዳነ ዘአቀምከ ለደቂቀ ፳ኤል መና ዘአውረድከ ፡፡
ወበጽጌያት ምድረ አሠርጎከ፤
ወስነ ገዳምኒ ምስለ ቅዱሳኒከ፤
ወከመ ወሬዛ ኃየል መላትሒሁ ጒርዔሁ መዓርዒር አምሳሉ ዘወይጠል፤ ሰማየ ወምድረ ዘአንተ ፈጠርከ ፀሐየ ወወርኃ ዘአስተዋደድከ፤
በከዋክብት ሰማየ ዘከለልከ ወበጽጌያት ምድረ አሠርጎከ ፡፡
ቀደሳ ወአክበራ አዕበያ ለሰንበት ወአልዓላ እምኩሉ ዕለት፤ ወመኑ ሐሪ ዘከማከ፤ ወኲሉ ይሴፎ ኪያከ፡፡
በዚህ መዝሙር በተሰኘው የቅዱስ ያሬድ ድርሰት ወስጥ የምንመለከተው እጅግ የረቀቀ ምሥጢር አለ። ኢትዮጵያዊው ሊቅ ቅዱስ ያሬድ ይህን የእግዚአብሔርን ሥራ በዚህች አጭር ግጥም ሰብስቦ አስቀምጦልናል።

በዚህ መዝሙር ወስጥ በአጠቃላይ አምስት ዋና ዋና ምሥጢሮችን/ የእግዚአብሔር ሥራዎች እንመለከታለን። እግዚአብሔር ለምን ቸር መሐሪ አምላክ ተባለ የሚሉትን መመለስ እንችላለን።

1. ምስለ ኖኅ ኪዳነ ዘአቀምከ፣ ከኖኅ ጋር ቃልኪዳን የገባህ።
ለእስራኤል ሕዝብም መናን ከሰማይ አውርደህ የመገብክ።
በዚህ ስንኝ ውስጥ የእግዚአብሔር ዘለዓለማዊ መሐሪነትና ዘለዓለማዊ መጋቢነት ይመሠጠራል። እግዚአብሔር አምላክ 7 ኪዳናትን ከቅዱሳኑ ጋር ፈጽሟል። ከዚህ ውስጥ አንዱ ኪዳነ ኖኅ ነው። ምድር ላይ ሰዎች እንደ ሰው መኖር አቁመው፣ ኃጢአትን እንደ ጽድቅ ቆጥረው። ከእግዚአብሔር ጋር ተካክለው በደሉ እግዚአብሔርም ምድርን በንፍር ውሃ አጠፋት። ታድያ እግዚአብሔር ከዚያ መዓት ከተረፈው አባታችን ኖኅ ጋር ዳግመኛ ምድር ላይ የንፍር ውሃ ላላመጣ ቃልኪዳኔን በቀስተደመና ገልጫለሁ በማለት ቃል ገባ።
በጣም የሚደንቀው ሰባቱም ኪዳናት የሰው ልጅ ሲበድል እግዚአብሔር ይቅር ሲል የምንመለከትበት ነው። ይህ እግዚአብሔር ፍጹም ቸር መሐሪ አምላክ መሆኑን እንመለከትበታለን።
በዚሁ ለእስራኤል ሕዝብ መናን የመገብክ አንተ ነህ ብሎ መጋቢነቱን ይነግረናል። በዚያ በአርባ ዘመን የእስራኤል ጉዞ እግዚአብሔር ከጭንጫ ላይ ውሃን አፍልቆ አጠጥቶዋቸዋል። ከሰማይ ጎሞር በተባለች ደመና መናን ጠቅልሎ አምጥቶ መግቧቸዋል። ይህ በጣም የሚደንቀው የእግዚአብሔር መግቦት ነው። በዝናም አብቅሎ በፀሐይ አብስሎ የሚመግበን እርሱ ለመሆኑ በዚህም ቸር መሐሪ እንደሆነ የምናምንበት ክፍል ነው።

2. ወበጽጌያት ምድረ አሠርጎከ፣ ምድርን በጽጌያት ያስጌጥክ ገዳማትን በቅዱሳንህ።
ይህ ደግሞ የእግዚአብሔርን ድንቅ ሥራውን ያሳየናል። የምድርን አበቦች ስንመለከት ሳይፈትሉ ሳይደክሙ እንዲህ አጊጠው መመልከት በጣም ይገርማል። በዚህ ውስጥ እግዚአብሔር ምድርን የፈጠረ ያስጌጠ ሥነፍጥረታትን በሥርዓት በጊዜያት ያመላለሰ አምላክ መሆኑን እንመለከታለን።

3. ሰማየ ወምድረ ዘአንተ ፈጠርከ፡ ፀሐየ ወወርኃ ዘአስተዋደድከ። ሰማይንና ምድርን የፈጠርክ ፀሐይን እና ጨረቃን ያስማማህ።
በዚህኛው ደግሞ ፈጣሪነቱን እንመለከታለን። ሰማይ ብሎ በማደርያቸው በሰማይ ያሉ መላእክትን ከነማደርያቸው። ምድር ብሎ በምድር ያሉ ፍጥረታትን ከነማደርያቸው የፈጠርክ። ይህ ብቻ አይደለም። ፈጥረህ ለቃልህ ያስገዛሃቸው። ፀሐይን በቀን ጨረቃን በሌሊት ያሠለጠንካቸው። ከዚህ ቃልህ ወደየትም እንዳያልፉ የወሰንክ ባሕርን በቦታው የብሱንም በቦታው የወሰንክ። ከዋክብትን በሰማይ ያጸናህ፣ ምድርን በአበባ ያስጌጥክ፣ ከቃልህም እንዳይወጡ ያደረክ፣ ዝናምን በወቅቱ ፀሐይን በወቅቱ የምታፈራርቅ አንተ ነህ በማለት ፈጣሪነቱን ገዢነቱን ትእዛዛቱን ያሳየናል። በዛው ውስጥ ሁሉ ፍጥረታት ሲታዘዙልህ የሰው ልጅ ብቻ ሁል ጊዜ ከቃልህ እየወጣ ኃጢአትን ያደርጋል። ብሎ የእኛን ኃጢአት መሥራት በእነሱ መታዘዝ ሰውሮ ያሳየናል።

4. ቀደሳ ወአክበራ አዕበያ ለሰንበት ወአልዓላ እምኩሉ ዕለት፤
ከሁሉ ዕለት አከበራት ቀደሳት ከፍ ከፍም አደረጋት። ይልና ዕለተ ሰንበትን በዚህ ውስጥ በምሥጢር መንግሥተ ሰማያትን ያሳየናል። በዚህ ውስጥ እንግዲህ ብዙ ምስጢሮችን እንመለከታለን። የእግዚአብሔር የማዳን ሥራ፣ዕለተ ሰንበትን ስናስብ ዕለተ አርብን አብረን እናስባለን። ሰንበትን ከፍ ከፍ ያደረጋት እርሱ በዕለተ አርብ ምራቅ ተተፍቶበት ፣ተዘብቶበት ተስቆበት ፣ተጎሳቁሎ፣ ተሰቅሎ ለመናገር ቀርቶ ለማሰብ የሚከብድ መከራን ተቀብሎ መሆኑን ያስቃኘናል። በዕለተ ሰንበት የእኛን ማረፍ እንመለከታለን። ጌታችን ኢየሱስ ክርስቶስ ሰንበትን ለማክበር ብሎ ሳይሆን የሰውን ልጅ ከሲዖል ወደ ገነት ከሞት ወደ ሕይወት ሊያሻግረው ሲል ይህን ሁሉ መከራ እንደተቀበለ። ከዚያ ሁላችንም በዚህች ሰንበት መልካም ምግባር ከበጎቹ የሚቀላቅል ዕውቀት በቀኝ የሚያቆም ምግባር ካለን ተስፋ የምናደርጋት መንግሥተ ሰማያትን እንደምንረከብባት በጥልቅ ምሥጢር ጠቅልሎ ሊቁ አስተምሮናል።

5. ቅድስት ቤተክርስቲያን ራሷ ሕይወቷ ክርስቶስ ነው። ይህቺን ክርስቶስን ከስብከት አልፋ በመዝሙሯ በማሕሌቷ ብቅዳሴዋ ይህ ብቻ አይደለም ከዚህ አልፋ በንዋያቷ በከበሮዋ በመቋምያዋ በጸናጽሏ የምትሰብክ ቅድስት እናት ስለ ክርስቶስ አታስተምርም ማለት አላዋቂነት ነው። እኛም ካልቀረብናት አናውቃትም ካላወቅናት አንወዳትም ካልወደድናት ወርቅ የሆነ ዜማዋን ትተን ጭቃ በሆነው የዓለም ዜማ እንሳባለን፣ ረቂቅ የሆነውን ትምህርቷን ትተን በተራ ፍልስፍና እንሰጥማለን፣ ቅድስናን የሚያሰጥ ተጋድሎዋን ትተን ለሚያልፈው ስንጋደል ቅጠል ብቻ እንደሆንን እንቆረጣለን። ስለዚህ እንቅረባት የእግዚአብሔር ቸርነት የሚገለጥባት ቤተ ክርስቲያን ነችና ከእርሷ አንራቅ።

🌹መልካም የጽጌ ሳምንት።🌹
@mekra_abaw✝️❤️🙏

"ይህቺ ጥፊ የኔ ናት"

መነኮስ አባ አርሳንዮስ በገባበት ገዳም ዉስጥ፣ እግዚአብሔርን
እያገለገለ ሲኖር አንድ ቀን ከገዳሙ ሕግ ዉጭ የሆነ ነገር
ይፈጽማል፡፡ ጥፋቱ ከገዳሙ አበምኔት ይደርስና አበምኔቱ አስበዉ
ብገስጸዉ ያፍራል፣ ዝም ብል ጥፋቱ ጥፋት ሳይመስለዉ ሊቀር ነዉ
አሉና፡፡ የሱን ረድዕ ጠርተዉ እንዲህ አሉት፡፡ "አርሳንዮስ ያጠፋዉን
ጥፋት እኔ እያየሁህ በእርሱ ፊት አንተ አጥፋ ከዛ በጥፊ
እመታሃለሁ፡፡ ያኔ እርሱ በአንተ ጥፊ ይማራል አሉት፡፡"
እንደተመካከሩት በአርሳንዮስ ፊት ረድኡ የእርሱን ጥፋት አጠፋ
አበምኔቱም ተቆጥተዉ በጥፊ መቱት በዚህ ጊዜ ነገሩን የተከታተለዉ
አርሳንዮስም "ይህች ጥፊ የኔ ናት" ብሎ ተናገረ፡፡
እግዚአብሔር እኛን ባጠፋነዉ ቅጣት የግድ እስከሚቀጣን ቁጭ
ብለን መጠበቅ የለብንም ፣ከሌላዉ ጥፋት፣ ከሌላዉ ቅጣት መማር
አለብን፡፡ ከሌላዉ ጥፋት መማር ትልቅ ዕዉቀት፣ ታላቅ ማስተዋል
ነዉ፡፡ አርሳንዮስ ጓደኛዉ በጥፊ ሲመታ፣ ይች ጥፊ የኔ ናት አለ እንጂ
ባጠፋዉ ጥፋት ነዉ የተቀጣዉ ብሎ አልፈረደበትም፡፡ እኛም ቁጣ፣
መቅሰፍት፣ እኛ ጋር እስኪመጣ መጠበቅ የለብንም ከጓደኞቻችን
ከጎረቤቶቻችን በሌላም ሀገር ከምናየዉ ከምንሰማዉ ተምረን ንስሓ
መግባት አለብን ጾም ማለትም ይህ ነዉ፡፡ ንስሐ የምንገባዉም
ኃጢአታችንን ስናስተዉል ነዉ፡፡ ማስተዋል ከሌለን ኃጢአቱን እንደ
ጽድቅ ቆጥረን ለንስሐ አንበቃም፡፡
ማስተዋልን ገንዘብ ያደረገ ምዕመን በሌላ ላይ የተደረገ ቅጣት
በርሱ ላይ እንደመጣ ይጠነቀቃል፡፡ እንደ ርግብ የዋህ እንደ እባብ
ብልህ በመሆን የነገሮችን ሁኔታ በማስተዋል ይከታተላል፡፡ ከሰብአ
ትካት ከሰዶም ይማራል ሎጥ የዳነበትን መንገድ ይከተላል ቃሉን
በመስማት በኖህ መርከብ በተመሰለች ቅድስት ቤተክርስቲያን
ይገኛል እራሱን በንስሐ በሥጋ ወደሙ በጸሎት በእግዚአብሔር
ቸርነት ከሚመጣዉ መቅሰፍት ያድናል፡፡
የአባቶቻችን በረከታቸው ይደርብን አሜን፡፡
@mekra_abaw
👆👆👆👆👆👆👆👆👆

🌹 እንኳን ለዘመነ ለማኅሌተ ጽጌ 3ተኛ ሳምንት ለዕለተ እሑድ እግዚአብሔር አምላክ በሰላምና በጤና አደረሰን።

እንኳን አደረሳችሁ🙏

ማኅሌት ንጹሕ የምስጋና መስዋዕት የሚቀርብበት  በመሆኑ በማስተዋል እና በፈሪሐ እግዚአብሔር ሆነን በቃሉ መሰላልነት እግዚአብሔርን የምናስብበት፣ ወደ እርሱ የምንቀርብበት ነው፡፡ የዜማ ዓላማው ቃሉ ወደ ውስጣችን እንዲገባ ጊዜ ወስደን እንድናሰላስል፣ መልእክቱን እንድናደምጥ ማገዝ ነው፡፡ በመሆኑም መዝሙረኛው “ እግዚአብሔር ለምድር ሁሉ ንጉሥ ነውና፤ በማስተዋል ዘምሩ።” እንዳለው በተለይም ከወረብ በኋላ የሚገባው ቸብቸቦ ላይ ብናስተውል መልካም ነው፡፡ " ብክዩ ኅዙናን ሐልየክሙ ስደታ . . .” ስደቷን እያሰባችሁ ያዘናችሁ አልቁሱ እየተባለ በቸብቸቦ በደስታ መዘመር መልእክቱን ካለመረዳት ወይም ካለማስተዋል ካልሆነ በስተቀር ከምን ሊሆን ይችላል ?!  በቸርነቱ ዋጋ የምናገኝበት የምስጋና መስዋዕት ማቅረብ እንድንችል በስደቱ፣ በእናቱ ልመና ይርዳን፡፡
✝️ሰናይ ዕለተ ሰንበት 🌹
@mekra_abaw ✝️❤️🙏

ቅምሻ ፪ - ከአሐቲ ድንግል

ድንግል ማርያም እግዚአብሔር ስለመረጣት ነው ንጽሕት የሆነችው ወይስ ንጽሕት ስለሆነች ነው እግዚአብሔር የመረጣት?

አንዳንዶች ስለ ድንግል መመረጥ ሲነገር ሲሰሙ ሲመርጣት ላትመረጥ ነውን? እርሱ ጠበቃት እንጂ እርስዋ ምን አደረገች ሲሉ ይሰማሉ። እግዚአብሔር ሰለመረጣት ነው ንጽሕት የሆነችው የሚለው አደገኛ ክህደት ነው። ለምን ቢሉ እግዚአብሔር ለሰው ልጅ የሰጠውን ነፃ ፈቃድ የሚንድ ነውና። ዳግመኛ እርሷ እግዚአብሔር ስለመረጣት ብቻ ከሆነ ንጽሕት የሆነችው እያንዳንዱ ሰው ንጹሕ የማይሆነው እግዚአብሔር ስላልመረጠው ነው ወደሚል የቅድመ ውሳኔ ክህደት የሚያመራ ጠማማ መንገድ ነው።

እንዲህ ከሆነ ደግሞ በዓለም ላይ ለሚሠሩ የርኩሰትና የአመፅ የበደል ውድቀቶች ሁሉ ተጠያቂው እግዚአብሔር እንጂ ሰው አይደለም ብሎ እግዚአብሔርን መሳደብ ነው። ምክንያቱም እግዚአብሔር የመረጠው ብቻ ንጹሕ ከሆነ ሁሉም የመንጻት ሥልጣን ካልተሰጠው በበደለኛነት ዘመናቸውን የፈፀሙ ሰዎች ተጠያቂ መሆን የለባቸውም፤ ከኃጢአት ለመንጻት ቢፈልጉ እንኳን አልተመረጡምና አይችሉም ማለት ነዋ! እንዲህ ከሆነ ሰዎች ሁሉ ሊድኑ እና እውነቱን ወደ ማወቅ እንዲደርሱ የሚወድ እግዚአብሔር (ጢሞ. ፪፥፫) ፈቃዱ ወዴት አለ? እርሱ የመረጣቸው ብቻ የሚነጹ ከሆነ ባልመረጣቸው ላይ ለምን ይፈርድባቸዋል? ፈታሒ በጽድቅነቱስ ወዴት አለ?

ነገር ግን ርቱዕ የሆነው የሐዋርያዊት ቤተክርስቲያን የቀና የጸና አስተምህሮዋ እንዲህ አይደለም። እግዚአብሔር ሰዎችን ፍጻሜያቸውን አስቀድሞ አይቶ ይመርጣል እንጂ ወስኖ መርጦ የፈጠረው ሰው የለም። በወንጌል የእግዚአብሔር መንግስት በመካከላችሁ ናት ማለቱም ሰው ለመዳን የሚያስችለው ለመምረጥ የሚያበቃው ኃይል በእጁ እንዳለ ሲያጠይቅ ነው። በስሙ ለሚያምኑ የእግዚአብሔር ልጆች ይሆኑ ዘንድ ሥልጣንን ሰጣቸው የተባለውም ለዚህ ነው። በስሙ ለሚያምኑ የተሰጣቸው ስልጣን የተባለው ለመዳንም ላለመዳንም የሰው ነፃ ፈቃድና ልጅነት እንደተሰጠ ሲያስረዳ ነው። እግዚአብሔር ወደ አቤልና ወደ መስዕዋቱ ተመለከተ የተባለውም አቤል የልቡን ቅንነት የመስዕዋቱን መበጀት ስሙርነት አይቶ ተመልክቶ አቤልን ተቀበለው እንጂ አቤል እንዲያ እንዲሆን አድርጎ ወሰኖ መርጦ አልፈጠረውም። በአንፃሩ ወደ ቃየልና መስዕዋቱ አልተመለከተም ማለት የቃየልን የልቡን ጥመት አየና የመስዕዋቱን አለመበጀት አይቶ አልተቀበለውም ነገር ግን እግዚአብሔር ለክፋት ወስኖ አልፈጠረውም። እግዚአብሔር ሲኦል የሚገቡ ሰዎች እንዳሉ አውቆ ሲኦልን አዘጋጀ እንጂ ሲኦል በሚገቡ ሰዎች ላይ አስቀድሞ እንዲገቡ አድርጎ ወስኖ አልፈጠረም።

እናቱ ድንግል ማርያምን ከእናቷ ማሕፀን መርገም እንዳይኖርባት የጠበቃት እርሱ ነው ቅድመ ዓለም የአምላክ እናት እንድትሆን የመረጣትም እርሱ ነው። ነገር ግን ፍፃሜዋን በነፍስ በስጋ በአፍኣ ንጽሕት እንድትሆን አውቆ መረጣት እንጂ እርሱ ሰለወሰነ የጠበቃት የመረጣት አይደለችም። በዘመኗ ሁሉ በቅድስናዋ ተሸልማ እንደምትኖር አውቆ ከመርገም አነጻት፥ ኖሮባት አይደለም እንዳይኖርባት ጠበቃት እንጂ!

መንፈስ ቅዱስ ጠበቃት አነፃት መባሉም ፍፃሜዋን አይቶ መርገም እንዳይኖርባት ጠበቃት ማለት ነው እንጂ በዓለም ኃጢአት እንዳትሰራ ከለከላት ማለት አይደለም። ንጹህ ሆኖ መፈጠርማ አዳምም ተፈጥሮ ነበር በተፈጥሮ የተሰጠውን ንጹህ ጠባይ በቅድስና መጠቀም አልተቻለውም እንጂ እርሷ ግን ንጽሕናን ቅድስናን ደራርባ ይዛ ተገኝታለችና በዛው ድንግልናዋ ለአምላክ እናትነት በቃች። የሕይወት ፍሬን አፈራችበት እንዲመርጣት እግዚአብሔርን የሳበ በአምላክ ዘንድ ሞገስን የያዘ ንጽሕና ይዛ ተገኝታለችና እንድትመረጥ ሆና ተገኝታለች። ንጹሃንን ለክብር መምረጥማ ለፈጣሪ ድንቅ አይደለም ከእርስዋ ይልቅ ጠላቶቹን እኛን በደሙ ፈሳሽነት ይቅር ማለቱ አይደንቅምን?.......(ቀጣዩን መጽሐፉን ገዝተው ያንብቡ)

(ከርዕሰ ሊቃውንት አባ ገብረኪዳን ግርማ አሐቲ ድንግል ገፅ 272-277 ላይ የተቀነጨበ)
@mekra_abaw

ተወዳጆች

(ቅዱስ አግናጥዮስ፣ መልእክት ኀበ ፊልጵስዮስ፣ ምዕ. 4)

እንዳለው

“ሰይጣን በአንዳንዶች መስቀሉን ይክዱ ዘንድ በእነርሱ ላይ ሥራውን ይሠራል

የጌታችንን ሕማማቱንና ሞቱን እንዲያፍሩበትና ምትሐት ነው እንዲሉ በውስጣቸው ይሠራባቸዋል

ከድንግል መወለዱንና ሥጋ መልበሱን፣ እንዲሁም የእኛን ባሕርይ ርኩስ እንደ ሆነ አድርጎ ይነቅፋል፡፡

ከአይሁድ ጋር ደግሞ ሰዎች መስቀሉን እንዲክዱ ቤተ ክርስቲያንን ይዋጋታል፤ ከአሕዛብ ጋር ደግሞ ድንግል ማርያምን ይነቅፋሉ፣ ያክፋፋሉ፡ ክርስቶስ ከእርሷ ባሕርይዋን ገንዘቡ አድርጎ እንዳልተወለደ አድርገው ይናገራሉ፡፡

የክፋት ሁሉ መሪና ፍታውራሪ የሆነው ዲያብሎስ አሠራሩ ብዙ ዓይነት ነውና፣ እርሱ የሰዎች ፈታኝና አታላይ እንደ መሆኑ ሰዎችን በተለያዩ መንገዶች ከእውነት ይለያቸው ዘንድ ይፈትናቸዋል፡፡”

መልካም ቀን

በዚህ ምድር ሳለን ከእግዚአብሔር ጋር ካልተዛመድን በሰማያት ልንዛመደው አንችልም፤ የመንግሥቱ ጣዕም ያለው በዚህ ነውና። ከእግዚአብሔር ጋር  ያለው ዝምድና እዚህ ምድር ላይ ይጀምራል። ይህም እንደ እግዚአብሔር እንደ ራሱ "ልጄ ሆይ ልብህን ስጠኝ።" ምሳ 23፥26 በሚለው ጥያቄ ይጀምራል። በዚህ ጊዜ እግዚአብሔር ልብን አንጽቶ በፍቅር ከሞላው በኋላ በዚያ ራሱን ያሳድራል። ወንጌል "የእግዚአብሔር መንግሥት በመካከላችሁ ናትና።"ሉቃ 17፥21 ብሎ እንደሚናገር ይህ የእግዚአብሔር መንግሥት ማረጋገጫ ይሆናል።

ስለዚህ የሰማያትን መንግሥት ከማግኝት በፊት ሰው በውስጡ ያለውን የእግዚአብሔርን መንግሥት ማግኝት መቻል አለበት። ይህ ይሁን እንጂ አንድ ሰው የእግዚአብሔርን መንግሥት ሊያገኝ የሚችለው እንዴት ነው? ከእግዚአብሔር ጋር ያለውን ኅብረት ሊያገኝ የሚችለውስ እንዴት ነው? ሁል ጊዜ ከእርሱ ጋር የሚሆነውስ እንዴት ነው? በዚህ ዙሪያ የምሰጣችሁ ምክር ምንጊዜም ቢሆን በእርሱ እንድትጠመዱ ሲሆን ይህም በቤተክርስቲያን ውስጥ ስላለው ስለ እርሱ ሥራና ስለ ራሱ በማንበብ የሚከናወን ይሆናል።

ከቅዱሳኑ ጋር ስላለው ዝምድና ስለ ድንቅ ባሕርያቱና በማንኛዎቹም አጋጣሚዎች ውስጥ ስላለው ስለ እርሱ እጅ አንብቡ። በዚህ ጊዜ ልባችሁ በእርሱ ፍቅር ይንቀሳቀሳል። በማንኛውም ጊዜ ውስጥም ከእርሱ ጋር ይገናኝ ዘንድ ዝግጁ ነው ።

አቡነ ሺኖዳ ሣልሳዊ
@mekra_abaw

🕯️ በግሸን ደብረ ከርቤ ብዙ መንፈሳዊና ልማታዊ ተግባራት ያከናወኑት ታላቁ አባት አባ መፍቀሬሰብእ ኪዳነወልድ በ96 ዓመታቸው ከዚህ ዓለም ድካም አረፉ።
በረከታቸዉ ይደርብን 🤲

🕯️🕯️🕯️🕯️🕯️🕯️🕯️🕯️🕯️🕯️🕯️🕯️

@mekra_abaw 🕯️

እነዚህን መግዛት የሚፈልግ @habmisget ላይ ያናግረኝ

ቅምሻ - ፩

አሐቲ ድንግል - አንዲት ድንግል

ድንግል ማርያም ለምን አንዲት ድንግል ትባላለች?

እመቤታችን ድንግል ማርያም በምድርም በሰማይም አቻ የማይገኝላት አንዲት ድንግል ናት። ከኪሩቤል የምትበልጥ ከሱራፌልም የምትልቅ በራሷ ላይ ትእምርተ መስቀል ያለው አክሊልን የተቀዳጀች በወንጌል የተፃፈች አንዲት ድንግል አለች። ይላል ቅዱስ ያሬድ።

ከዚህም ተነስቶ አንድ ሰው ተነስቶ በወንጌል ሌሎች ደናግል የሉምን? ስለምን በወንጌል የተጻፈች አንዲት ድንግል ትላለህ? ብሎ ቢጠይቀው ከኪሩቤል የምትበልጥ ከሱራፌል የምትበልጥበት የድንግልና ዘውድ ያላት አንዲት ድንግል አልኩህ እንጂ ደናግላንማ ብዙ ደናግል አሉ ብሎ ይመልስለታል።

ቀጥሎም በመላዕክት ክንፍ የምትጋረድ በክብሩ መንበር በፊት ምህረት የምትለምን በራሷ ላይ ትእምርተ መስቀል ያለው አክሊል የተቀዳጀች አማኑኤል የመረጣት አንዲት ድንግል አለች።

አሁንም ቅዱስ ያሬድን ስለምን አማኑኤል የመረጣት አንዲት ድንግል ትላለህ አርሱ የመረጣቸው ብዙ ደናግላን የሉምን? ብሎ የሚጠይቀው ቢኖር፥ አማኑኤል ሥጋን ይለብስ ዘንድ የመረጣት፤ ከእርስዋም ሥጋን ለብሶ አማኑኤል የተባለባት፥ በመላእክት ክንፍ የምትጋረድ፥ እግዚአብሔር በክብሩ ዙፋን በፊቱ ለመቆም የመረጣት፥ በእናትነት የሰለጠነ የባለሟልነት ዘውድን የተቀዳጀች አንዲት ድንግል አልኩ እንጂ እርሱ የመረጣቸው ደናግላንማ ስንቱ! ብሎ ይመልስለታል።

ደግሞም ፀጉሯ እንደ ሐር ፈትል ያማረ፥ የአንደበቷ መዓዛ እንደ እንኮይ የጣፈጠ ትእምርተ መስቀል ያለው አክሊልን የተቀዳጀች የልዑል ንጽሕት አዳራሽ የሆነች አንዲት ድንግል አለች።

የእግዚአብሔር ማደሪያ የሆኑ ሌሎች ደናግላን የሉምን ስለምን ለይቶ እርሷን አንዲት ድንግል አለ ቢሉ? ከእርሷ ስጋ ይነሳ ዘንድ እግዚአብሔርን በማህፀኗ ዘጠኝ ወር ከአምስት ቀን የወሰነች እውነተኛ የእርሱ ማደሪያ ሌላ ድንግል ከማርያም በቀር ወዴት አለ ይለዋል! ብቻዋን የእግዚአብሔር መቅደስ ለመሆን የበቃች እንደሆነች ሁሉ ከቅዱሳን ሁሉ ተለይታ በእግዚአብሔር ተቀባይነት ያለው እንደ እንኮይ የጣፈጠ አማላጅነት ያላት አንዲት ድንግል እርሷ ብቻ ናት! ስለዚህ እንደ ቅዱስ ያሬድ እመቤታችን ብቻዋን አንዲት ድንግል የተሰኘችበት ወላዲተ አምላክነቷ፤ ንፅሕናዋ ፤ማኅደረ መለኮትነቷ አማላጅነቷ እና ዘለዓለማዊ ድንግልናዋ ናቸው ማለት ነው።

፩.በድንጋሌ ሥጋ ዘለዓለማዊ
በተፈትሆ የማይመረመር ድንግልናዋ ነው። ይህም ሥስት የማይመረመሩ ግብራት አሉት። ድንግል እንደሆነች መፀነስ፥ ድንግል ሆና ሳለ መውለዷ፥ ከወለደች በኋላ ድንግል ሆና መኖሯ ናቸው። እነዚህ በህገ ተፈጥሮ የማይታሰቡ ረቂቅ ግብራት ናቸው። ሰው ድንግል ሆኖ ያለ ወንድ ዘር መፀነስ አይቻለውም፥ በድንግልና እያለ የፀነሰ መሆን አይችልም፥ ሰው በድንግልና መውለድ አይቻለውም፥ ከወለደ በኋላ ደግሞ ድንግል መሆን እንዴት ይችላል? ድንግል የሆነች ሌላ ሰው እናት አይደለችም፥ እናትም ከሆነች ድንግል አይደለችም። ይህ ለአንዲቱ ለድንግል ማርያም ብቻ የተቻለ ነው።

፪. ድንግል በቃሏ - በቃሏም ድንግል
የቃል ድንግልና በሦስት ወገን ነው። እኒህም ክፉ አለመናገር፥ ምስጋና አለመብላትና በጎውን መናገር ናቸው። ሰው በንግግሩ ብዙ ኃጢአቶች ይሰራል። ሐሜት፣ ማጉረምረም፥ ቁጣ፥ ብስጭት፥ መዋሸት፥ መርገም፥ መሳደብ፥ ዋዛ ፈዛዛ፥ ያለጊዜው መሳቅ መሳለቅ፥ ዘፈን፥ ተውኔት፥ ድንፋታ፥ መንፈግ ነገር ማመላለስ፥ ቃል መለዋወጥ፥ አደራ መብላት፥ በሀሰት መማል፥ ሰጥቶ መንሳት፥ ክህደት፥ ማታለል፥ ማስነወር፥ አድልዎ፥ መጠራጠር፥ ማሽሟጠጥ፥ አሽሙር፥ ኃጢአትን ማመስገንና ማስፈራራት እነዚህን የመሳሰሉ ሁሉ ናቸው።

እመቤታችን በማንም ክፋትን ተናግራ አታውቅም አንደበቷ የለዘበ የለመለመ ነው። ቅዱስ ገብርኤል ዓይን ያላየውን ጆሮ ያልሰማውን በሰው ልቡና የማይታሰብ ዕፁብ ድንቅ የመውለዷን ዜና ሲነግራትም እኔ ወንድ ሳላውቅ እንዴት ይሆንልኛል ብላ ነገሩን ወደ መረዳት ተሻገረች እንጂ ይህ የማይሆን ነገር ነው ብላ ወደ መጠራጠር ወይም መልአኩን ወደ መንቀፍ አልቃጣችም። የአንደበት ድንግልና ማለት የማይቻል ጭንቅ ፍጹም ከተፈጥሮ ህግ በላይ የሆነን ነገር በመስማት ጊዜም ቢሆን ያለመጠራጠር በሃይማኖት መጠየቅና ፍፃሜውን በትዕግሥት መጠበቅ ነው።

መከራ በደረሰ ጊዜ ብዙ የቃል ድንግልና ያላቸው ቅዱሳን ችግሩን የፈጠሩትን ከመንቀፍ ይልቅ በእኔ ችግር የተከሰተ ነው ብለው ራሳቸውን ይወቅሳሉ። ነገር ግን እነርሱ ቀድሞ መበደላቸውን እያስታወሱ ነው። የድንግል ማርያም ግን የሚደንቀው ምንም ነውር የሌለባት ስትሆን በቃሏ ድንግል ስለሆነች እኔ ኃጢተኛ ነኝ ትል ነበር። በብስራተ መልአክ አምላክን የፀነስኩ እናት ነኝ ስትል ገናንነቷን አትናገርም። መልካም በመናገር ንግግሯ ሁሉ ሃይማኖት ተስፋና ፍቅር ናቸው።

፫. ድንግል በኅሊናሃ - በኅሊና ድንግልና የፀናች አንዲት ድንግል፦
ሰው በተግባር ቢነጻ በንግግር አይነጻም፥ በንግግር ቢነጻ በኅሊናው መንፃት አይቻለውም። ጻድቃንም ቢሆኑ ወድቀው ተነስተው በተጋድሎ ለክብር ይበቃሉ እንጂ ከጅማሬ እስከ ፍፃሜው አለመበደል ከቶ የተቻለው የለም። እመቤታችን ድንግል ማርያም ግን በኅሊናዋ እንኳን ያልበደለች ፍጽምት አንዲት ድንግል ነች። ጽድቅን ሁሉ የተሞላች ድንግል ማርያም ንጽሕት በመሆኗ በኅሊናዋን ድንግልና፤ የቃሏን ድንግልና፤ የስጋዋን ድንግልና በአንድ ላይ "እንዘ ኢይአምር ብእሴ" "ወንድ ስለማላውቅ" በሚል የንፅህና ሸማ ጠቅልላ ተናገረች (ሉቃ.፩፥፴፬) በዚህ ድንግልናዋም አምላክን ለመፀነስ በቃች።.....(ቀጣዩን መጽሐፉን ገዝተው ያንብቡ)

(ከርዕሰ ሊቃውንት አባ ገብረ ኪዳን ግርማ አሐቲ ድንግል መጽሐፍ ገፅ 241-251 የተቀነጨበ)
@mekra_abaw

መክፈል ሳይኖርባችሁ እናንተው ሞክሩት ከከበዳችሁ ግን inbox @habmisget አናግሩን በትክክል ሞልተን confirmation code እንልካለን

DV 2026 እንዴት ራሳችን መሙላት እንችላለን?
በጥያቂያቹ መሰረት ዲቪ 2026 ለመሙላት መከተል ያለብንን መንገዶች እነሆ

በመጀምሪያ ዲቪ መሙላት የምንችለዉ ከ መስከረም ረቡዕ 22/2017E.c ጀምሮ ጥቅምት 26/2017E.c ለሊት 6፡00 ድረስ ብቻ ነ

↗️ የዲቪ ፎርሙን ከመሙላታችን በፊት ማሟላት ያሉብን ነገሮች፦
እያንዳንዱ የ DV አመልካች የትምህርት / የሥራ ልምድ ማሟላት አለበት
ማለትም
በ ፕሮግራሙ መሰረትም-
✅ • ቢያንስ የሁለተኛ ደረጃ ትምህርት ወይም ተመጣጣኝ, የ 12 ዓመት ትምህርት በሚገባ ያጠናቀቀ / ያጠናቀቀች።
ወይም
✅ • ባለፉት አምስት ዓመታት ውስጥ የሁለት አመት የሥራ ልምድ ያለው።
✅ •ጉርድ ፎቶ ግራፍ
በመቀጠልም
www.dvlottery.state.gov በሚለው ዌብ ሳይት መግባት
↗️ ዌብ ሳይቱ ዉስጥ ገብተን Entry ሚለውን በመጫን መቀጠል በፎቶ መልክ የተቀመጠልንን Authentication code በድጋሚ በመጻፍ ወደ ፎርም መሙያዉ መግባት።
ፎርም አሞላል

✏️ 1. Name - ስም - Last/Family Name (የመጨረሻ/የቤተሰብ ስም ወይም
የአያት ስም) ፣ Middle Name- (የመካከለኛ ስም ወይም የአባት ስም) ፣
First Name (የመጀመሪያ ስም ወይም የእርሶን ስም)
✏️ 2. Gender - ፆታ - ወንድ (Male) ወይም ሴት(Female) መምረጥ።
✏️ 3. Birth date - የልደት ቀን - መጀመሪያ Month (ወር) ፣ Day (ቀን) ፣ Year ( ዓመት) በፈረንጆች አቆጣጠር በተሰጠው ቦታ መጻፍ።.
✏️ 4. City Where You Where Born - የተወለዱበትን ከተማ.
✏️ 5. Country Where You Were Born - የተወለዱበትን ሀገር
✏️ 6. Country of Eligibility for the DV Program - ለ DV መርኃ-ግብር ብቁ የሆነ ሀገር ማለትም yes ሚለዉ ላይ በመተው ማለፍ
✏️ 7. Entrant Photograph - የመግቢያ ፎቶግራፍ ማስገባት
↗️ - የቅርብ ጊዜ ጉርድ ፎቶግራፍ -ፎቶ ግራፉ በደንብ የሚታይ ልኬቱ 600ፒክስል
↗️ * በ600 ፒክስል የሆነ መጠኑ ከ 240 ኪሎባይት የማይበልጥ ከለር ፎቶ ግራፍ ፣JPEG Format መሆን አለበት።
✏️ 8. Mailing Address - የፖስታ መላኪያ አድራሻ መሙላት
✏️ 9. Country Where You Live Today - አሁን የምንኖርበትን ሀገር መምረጥ
✏️ 10. Phone Number - ስልክ ቁጥር ማስገባት ለኢትዮጲያ +251 ብለን በመጀመር ስልካችንን ማስገባት / አለማስገባትም ይቻላል
✏️ 11. E-mail Address - የ ኢሜል አድራሻንን ማስገባት
✏️ 12. What is the highest level of education you have achieved, as of today?
የትምህርት ደረጃችንን መምረጥ
✏️ 13. What is your current marital status?- በአሁን ሰአት ያለን የትዳር ሁኔታ መምረጥ
✏️ 14 . Number of Children - የልጅ ብዛት በቁጥር መጻፍ እያንዳንዱ የተወለዱ ሕጻናት እንዲሁም የማደጎ ልጆች፣ የእንጀራ ልጆች በእርስዎ ፎርም ውስጥ እያንዳንዱ ያላገቡ ህጻናት, ምንም እንኳን ልጅዎ ከእርስዎ ጋር አብረው ባይኖሩም መሞላት አለባቸዉ።
↗️ በመጨረሻም continue በማለት Confirmation Number ያለበትን ወረቀት ፕሪንት በማድረግ ማስቀመጥ እና በ Confirmation Number ን
DV-2026 ሲወጣ ማየት እንችላለን።
DV-2026 Submission Confirmation : Entry success

⏩በዚ መሰረት ፎርሙን በመሙላት እድላችሁን መሞከር ትችላላችሁ

የከበዳችሁ ካለ @habmisget አናግሩን