Ahmed pharmacy

اجتني احد الاخوات تكولي جان عندي انفلاونزا وصبحت هسه اذاني حيل توجعني وما اسمع بيها واحسها مسدودة وثكيلة شسوي؟

هنا بسبب الانفلاونزا صار تراكم بالسوائل وصار انسداد بقناة اوستاكي
(هاي القناة الي تصرف السوائل بين الاذن والفك)وبسبب تجمع السوائل صارت عدوى

انطيتها اوكمنتين 625mg علمود العدوى

كذلك كونجستال علمود يقلل ويصرف من السوائل
كذلك انطيتها ميجافين علمود الالم

حفظو هذا الكيس راح يتكرر هواي بالشتاء❤️

اجاني شخص عندة وحمة دموية بوجهة مثل الي بالصورة

كالي اريد شي يوخرها لان مخربة وجهي

انطيتة قطرة Timolol

هاي القطرة تقلص الاوعية الدموية مال الوحمة وراح تقلل تدفق الدم الها وراح يصير لونها حيل خفيف لحدما تختفي

استخدامها مرتين باليوم مسح على المكان
مدة شهرين

حفظو هذا الكيس هواي يتكرر❤️
#كيسات

اجتني احد الامهات
تكولي دا يطلعلي دوالي بكل جسمي وحيل زاعجني ودا استخدم علاج الهن مدا يفيد

ردت اعرف ليش هيج يصير عدها
سالتها هم تستخدمين علاجات ضغط سكر شي ثاني؟
كالتلي استخدم هذا العلاج "الاملودبين"

طبعا هذا العلاج يوسع الاوعية الدموية بشكل كبير وبسبب التوسيع المستمر راح تصير الاوردة رخوة وراح تسبب تغير بتوزيع الدم داخل الاوردة فراح ياثر على الصمامات الوريدية ويخليها تنزاح وتسوي عدها الدوالي

هنا وجهتها لطبيب وكولت الها خلي يغيرلج العلاج لان دا يسبب دوالي الج

كيس حلو حبيت اشاركم بي❤️
#كيسات

لهنا نختم وياكم هاي المجموعة من المضادات الحيوية

باجر نبلش بغير مجموعة❤️

ثانياً:-
ال imipenem

دائما يجي ويا Cilastatin ليش؟

اكو انزيم بالكلى اسمة dehydropeptidase

هذا يكسرلي ال Imipenem

لهذا السبب خلينا ويا ال Cilastatin حتى يثبطلي الانزيم الي يكسر ال Imipenem ونضل محافظين عليي

نفس الاستخدامات السابقة مال الميرونيم

استخدم الميرونيم

الاستخدام المعتاد مرتين يوميا (كل 12 ساعه)

او حسب حالة المريض

بحالة التهاب السحايا شفت دا يصرفو 4 مرات يوميا

يعطى IV بمغذي حصرا وبشكل بطيئ

اولا
امبول ال Meropenem

يجي بتركيز 500mg كذلك 1h

يشتغل على البكتريا السالبة والموجبة

الطرح مالتة عن طريق الكبد والكلى

(ننطي للفشل الكلوي بس نعدل الجرعة)

يعبر حاجز الدماغ الدموي يعني نكدر ننطي للسحايا

الحمل والرضعة تحت اشرف الطبيب

علاجات هاي العائلة

Meropenem
imipenem
ertapenem
doripenem


طبعا طرح هاي العائلة كولها عن طريق الكلى

الاكثر تواجد هي
Meropenem
imipenem

يشتغل على البكتريا السلبية والايجابية

هاي العائلة بيها علاج معروف ومشهور الي هو """الميرونيم (Meropenem)

هاي العائلة تستخدم للعدوات الشديدة والاصابات الي تكون جدا قوية ونستخدمها اخر خيار كعلاج نهائي وهو يعتبر الملجأ الاخير


هاي العائلة على كولشي تشتغل بس على البكتريا الي تصير بالمستشفات (MRSA) ما تشتغل وما تكدر تقتلها

ذكرنا المضادات السابقة وحجينا انو تنتج من تخمير بعض الفطريات وذكرنا اسم الفطر

هاي العائلة تنتج صناعية مو من تخمير فطريات

عائلة ال carbapnem

طبعا هاي العائلة من المضادات الحيوية تصنف ضمن ال beta lactams

شنو الية العمل مالتها؟

تثبط تكوين جدار الخلية البكتيريا

يعني تتصنف من ادوية

cell wall inhibitors

هاي العائلة تعتبر من اقوة المضادات الحيوية الموجودة بالعالم وهي اخر حل وخيار النا

ان شاء الله ب 8 م نكمل شرح الانتي بايتك❤️

اجاني شخص للصيدلية يكولي بطني تقرقر🥲
وتطلع اصوات وحيل حارجتني ماكدر اكعد بمكان بي ناس


هاي تقلصات تصير من تنقبض وترتخي الامعاء بسبب طعام معين او جوع

انطيتة دوسبتالين 135mg ثلاث مرات قبل الطعام

هذا العلاج يرخي الامعاء وما يخليها تطلع هيج اصوات

حفظو هذا الكيس خاف يتكرر❤️
#كيسات

اجاني شخص للصيدليه يعاني من حموضة وانتفاخ وحرقة بالبطن لان اكل بقوليات وبصل
كالي انطيني شي حيل متاذي

انطيته امبرازول 20mg مرتين قبل الطعام

كذلك دوسبتالين 135mg ثلاث مرات قبل الطعام

كذلك شراب كافسكون ثلاث مرات بعد الطعام

هذا الكيس يتكرر بشكل كولش قوي حفظو لان هذا العلاج مجرب وفعال لهيج حالة❤️
#كيسات

اخواني اسف منكم اليوم ما لحكت اكتب الشرح جدا اسف والله
شغل كولش هواي صار عندي بالصيدلية

اعوضكم ان شاء الله🙏

اخواني الشرح راح يكون بس ايام العطل يعني خميس وجمعة لان انتو كولكم دوام ودراسة عدكم ما اريد يصير ضغط عليكم

ايام العطل انزل شرح
وايام الدوام انزل كيسات ومعلومات بسيطة هيج بوست واحد باليوم

اخواني لحد هنا ننتهي من هاي العائلة

وذكرت الاشياء الي تحتاجوهن والي متوفرات بالصيدليات وتنصرف دائما

الاستخدامات

التهاب المجاري البولية
الالتهابات التنفسية
التهاب الاذن الوسطى
التهاب اللوزتين
التهاب البلعوم

تقريبا هاي العائلة تشتغل على كولشي