بالنسبه للحالات اللي بنزلها في بيدج الفيس او جروب الواتس والتليجرام
ده عمل تطوعي يفيد زمايلنا الأصغر مننا سنا
الفكره دي جاتلي وانا في الكليه لما كنت بدور علي اي حالات عمليه استفاد بيها في بيئتي واتشجع بيها اني اذاكر في دراستي
وكنت بلاقي حالات فعلا بس اوقات كتير مبكونش فاهمها
وقتها قررت اعمل جروب اسمه المستشفى عالتليجرم موجود من تلت سنين بالظبط
وجروب المستشفى عالوتساب موجود بقاله سنتين
وكذلك بيدج الفيس بوك موجوده بقالها سنتين
وكانت الفكره اني انزل اي حاله طبيه تقابلني في الشغل ونشرحها مع بعض بحيث تفيد زمايلنا الأصغر مننا سننا في حياتهم لحد ما ينزلو مستشفى ويحتكو بالحالات دي
دلوقتي حابين عدد اكتر يشوف الحالات عشان ناس اكتر تستفاد
وعشان نتشجع نكمل لما نلاقي الناس متفاعله وحابه المحتوي اللي بنقدمه😅
فكرت اني اعمل ترويج للبيدج عشان ناس اكتر تتابعنا وناس اكتر تستفاد
وعملت كدا فعلا ومجابش اي نتيجه
وده لان محتوانا علمي
والصراحه مش حابب يكون في كوميكس
حابب نقدم محتوي علمي فقط
حد اقترح علينا أننا نشوف ناس متطوعين منكم يشيرو كل بوست بينزل عالبيدج
سواء يشيروه علي جروب الدفعه أو أي جروبات موجودين فيها بحيث ناس اكتر تعرفنا وتستفاد مننا
لو حد حابب يتطوع تمام
هنعمل جروب واتساب يكون فيه الشباب اللي حابه تتطوع وتشير الحالات اللي بنزلها
كل بوست هينزل عالبيدج هنزل اللينك بتاعه علي جروب الواتساب بتاع الناس المتطوعين ويشيروه
مفيش اي عائد مادي ليا عاللي بعمله علي بيدج الفيس او علي جروبات التليجرام والفيس
وبالتالي العمل كله تطوعي لله
اللي حابب فكرة أنه يكون في جروب المتطوعين اللي هيشيرو كل بوست منزله ممكن يبعت رساله واضيفه
ربنا ينفع بينا وبيكم يارب ❤️