СОКИН КУЗ ЁМҒИРИ....
Сокин куз... Самода кумушранг булут,
Қўшилиб мен ила кўз ёшин тўкар.
Сен асло қалбимдан бўлмайсан унут,
Юрак ҳам аламдан чокини сўкар.
Айлансанг қанийди майин ёмғирга,
Муҳаббат фаслида тинмайин ёғсанг.
Пок қалбим айланди сенсиз сағирга,
Дилим нурафшондир томчинг-ла боқсанг.
"Чаккилаб" уйғотсанг нажиб туйғумни,
Розиман умрбод шундай яшасам.
Тунлари олиб қоч кўздан уйқумни,
Ишқимиз ошини сен-ла ошасам.
Ҳар томчинг юрагим торини чертса,
Хотирот чандиғим яшнарди гулгун.
Ул тақдир айрилиқ ёзиғин йиртса,
Севгимиз қовушар, ечилар тугун.
Ёмғирсан, бағрингда пичирлар лабим,
Жиловин бермади менга эҳтирос....
Афсус, тонг отмоқда хирадир таъбим,
Яна сенсизликда қоламан бехос.
СОКИН КУЗ... САМОДА ЁҒАДИР ЁМҒИР,
ИШҚНИНГ НАСИМЛАРИ ЭСАДИ ҒИР-ҒИР...
✍ Мунира Султон
БЕКОБОД
http://t.me/Maloxatinaa
✨ 𝐓𝐞𝐥𝐞𝐠𝐫𝐚𝐦 | 🍃Тушда кечган умрлар🍃 ✨