Bizga mangu sen merossan ajdodlardan ,
O'zingdirsan tahdidlardan omon qolgan,
Goh xo'rlanib, goho qaddi bukuk bo'lgan,
Bugun esa e'zozlaydi seni elim,
Yasha abad ona tilim, ona tilim.
Sen deganda yodga kelar bobolarim,
"Bolam" deya erkalagan momolarim,
Goho "borin" so'zlolmagan daholarim,
Bugun mana o'zim erkin, so'zim erkin,
Yasha abad ona tilim, ona tilim.
Sen tufayli biyron bugun zabonim ham,
O'zingdirsan g'ururim , sharaf shonim ham,
Faxrim sensan, senla qaddi osmondirman,
Qayga borsam yoritgaysan o'zing yo'lim,
Yasha abad ona tilim, ona tilim.
Shodiyeva Gulbonu Sobirovna.
https://t.me/mahoratlipedagog
https://t.me/mahoratlipedagog