* * *
Men moziyni etsam xotir
Qirqta jonim o’rtanodir,
Kimlar haqqi bo’lib botir
O’zbekchada gapiraman!
Qancha jadid bobom tili
Qadoq qo’lli momom tili,
Tug’ilajak bolam tili
Men o’zbekcha gapiraman.
Ha! Qutlug’ yo’l bosib kelgan
Ha! Ulug’ yo’l bosib kelgan
Ko’ksiga shon osib kelgan
O’zbekchada gapiraman!
Yetishguncha sarson kezdik
Orzu edi, armon kezdik
Otam o’zbek! Onam o’zbek
Men o’zbekcha gapiraman.
Men har tilni qulgum hurmat
Egasini qilgum izzat,
Ona yurtda esa faqat
O'zbekchada gapiraman.
U har turli bezaklarsiz
O'zi go'zal, o'zi tengsiz,
O'zgarish-u, xotolarsiz
Men o’zbekcha gapiraman.
Yo'l chetida kelgani yo'q
Kecha paydo bo'lgani yo'q,
Singani yo'q, o'lgani yo'q
O'zbekchada gapiraman!
Til boqiylik bunyod etgay
Yursang yo'ling obod etgay,
Til millatni tirik tutgay
Men o'zbekcha gapiraman!
Ona tilda gapiraman!
✍🏻 Mahliyo Karimova
✅@mahliyo_karimova_official