𝘓𝘖𝘓𝘖 𖡟.

بِقمة ضياعي جِنت محتاج عِنوانك
ومِن صار ظلمة العُمر حنيت لألوانك
ما حاولت تِلفتت ، تِفتقد حِنيتي؟
مو چنت كل شيء الك
لميتك من الهَوىٰ وضميتك بريتي 🤎.

أردك للصفر ماردك وياي
وأراويك ال يثگل وجه مره
تعذره يجوز كلمن يغلط وياك
بس آنه اليغلط وياي أخسره 🤎.

يكول افگدك لو غبت
بس وقتي ميكفيني
جذاب ما يحجي الصدك
والله العظيم من احترگ
يستنكف يطفيني 🤎.

واذا گدامنة واحد بچة نموت
بكل موضوع دمعة ندخل أدينة
بيضة گلوبنة وكلش حنينة
يتعب غيرنة ، يبين علينة 🤎.

أنَا الخوَّاف يادنيّا
أنَا الخوَّاف مِن كُلشي
ولو أحلم حِلم موزين
أنَا أرجِف قبل رمشِي
يهزنِي الليل ألف مرَة
وأفِز بالليل ألف مرَة
وتعز رُوحي .. وأكل للخُوف
ظل بالبيّت وأنَا أمشِي
أنَا الخوَّاف يادنيّا
وحَال المبتلي حَالي ..
أعبُر عالنهَر عطشان
والمَي مو على بَالي
مِن أولها وجفيتي وياي
شَترجاچ مِن تالي؟
عيُوني وچذبن وياي وين الگه الصدك عدمَن
بَس طيُور تعبَانات يمي بليّل يلتمَن
سوالف همِّي و دنيّاي بيمَن هالگلب أمّن
وتعز رُوحي .. وأكل للخُوف
ظل بالبيّت وأنَا أمشِي 🤎.

فقدت السيطرة
وبالگوه جاي اصبر
واول مره احس بنفسي ضگت المُر
صفنت لنفسي
هذا التعب يخلص وين
شوكت اتعب واحس هذا التعب مثمـر 🤎.

اول ما شفت طولك اعله الباب
واول ما اجت عينك بعيني
چن تگول اعرفك صارلي سنين
و چن عشرة عمر مابينك وبيني 🤎.

حَرت شكتب
كَلام يمثِل آحساسي
يا حُبي و حَنانِي
و شجَرة أنفاسي
يا روحِي العَزيزة
وَ الما أملها بيَوم
يا رمَز المحبة
وَ يا اعز ناسِي 🤎.

‏جَاي أمُر بـ أسَوء أيَامي وجَاي أعَاني
النَاس تِتمشَىٰ لِحلمها
وانَه اركُض وبُمكانِي
وكُلها أخذِت حِصة مَني
فَرهدونِي بِليلة حِلوة
مِثل چُكليت الصِواني
شِهالضَياع الجَاي أعَيشه
بِحجة التَيهو دَربي
‏جَيت ادَليهُم عَليه وضِعت أنِي
وكُلها رَادت مِني تِخلص
عِشت مِثل الدُوة وَياهُم
كُلها مَجبورة عَليه بَس ولَا واحِد هِواني
ولِـ نَطيته دِروس يَنسىٰ جِرُوح نَاسه
طَبِق دِرُوسي ونِساني 🤎.

المكان الذي لا يأخذ وسعي واتّساعي ،
شغفي واندفاعي ، المكان الذي لا يتّسع لكلّ ألواني ومزاجاتي لا أحبّ أن اسكنه 🤎.

انا بنص الحرب
جي منطي كلمه وياك
نمت وي الجثث بعيون مفتوحه
نمت وي الجثث ماخفت وهتزيت
خفت من كتلي كلمن يلتهي بروحه
الصار منك مو شويه !
من تفاركنه حجيت حجايه تكسر
دير بالك على روحك هيج كتلي
چا صرت زين ودرت بالك عليه 🤎.

نكعُد بعَز الظهاري وننتَظركم عالجمَر
چنا بيضان وخربنه والله مَا چنا سِمر 🤎.

من تضيگ الدنيا بيك
ومن تحس روحك وحيد
راح تلگاني حبيبي
اني يمك مو بعيـد 🤎.

انتهت الله وياك
ما نصطلح دوم
بالجنة لوشفناك
بس تكعد نگوم 🤎.

إستمرارية السّعي رُغم المغثة أنجاز 🤎.

هَذا شارعكُم وصَلتة !
وجايَب وياي الخَريّف
علمِت روحي الشجاعَة
وبطليت من الرجَيف
وتالي خِفت الباب ادِگة
وگِمت ادِك اعلة الرَصيف 🤎.

ومن كالولي عنك طبعه مثل الهيل
التهيت بريحتك ما كلت كلبه اسود 🤎.

يَظهرُ على وَجهي
كَم انا احبّهُ 🤎.

عزائي الأكبر
هو اني أعرف مدى تغير الإنسان معي
حتى وأن لم يظهر لي شيئاً 🤎.

اسأل الله الذي اختارك من هذهِ الدُنيا
على عجل أن يكون قد أختارك لحياةً
أجمل لايعلمها سواه 🤎.