شعر .

يَنعاد الزمن بس انتَ ماتنعاد .

١٠/٢٢ ذكرى وفاة الشاعر سمير صبيح "

أنا ردتك تجيني مَا تجيني
أشوفك بالصور واتحاضن وياك
بويه لو طايح بأديني
واذا گتلك عُيوني مقصر يَجوز
حبيبي انتِ وحبيبي وعين عَيني
وأگابل عَينك الحلوه وأغني
وكل اليوجعنك يوجعني
إذا تنجرح أنا انجرح وياك
مثل ما أنا منك انتِ مني .

فاگدينك.
مرة أذكر بيك نحجَي
ومَن وصلنهّ الحَرف أسمَك
هب حَنينك، انتَ وينك؟
لاقَريب ونعتنيلك
ولاتجي ونلمحها عِينك
انتَ وينك؟

يوميّة ويَّه واحِد
ذابها شمالك يجي
يوم وأشوفَك
مَحد بحالك .

راح أصبُر بدونك وأرهم بليّاك
وأذبح رمَش عِيني الچان يبچيلك .

وكونَك تحَبني صِدك چا دورتنِي .

آنّه وياك لا غَالب ولا مغّلوب
انجرحِنا اثنينا وانتهت سَد بسدّ .

خذني يمَّك
گبُل لا يخلص صبُرنه
ويطفىٰ دم وجُوهنه وتِطلع صفر
خذني يمَّك
بعد ماظل كُل عذر لا تعتذر
خذني يمَّك
گبُل لا يم الصُفر ينحَط صُفر
- جبَار رشِيدّ .

منا وانتهت بس انت خسران
چنت تخون بيه تكلي نعسان؟
عفت العاف روحه وچلّب وياك
بس الظاهر انت تريد تنهان
جبتها وياي تغلط واني اراضيك
واجيك اني اعتذر رغم انته غلطان
اخذ اعذارك ولم دمعك وروح
عليمن هسه جاي تكلي ندمان
عرفتلهن ترا ومايمشن انوب
جاي تكلي اسف ؟ والله بطران

أبوج يريد بيت وعندي كومه بيوت
متنازل گلتله وكلها منطيها
هَز أيده وضحك ، گلالي يبن النَاس
ترى بيوت الشِعر ما ينسكن بيها !

انا متعلم عليك هوايَّ
يا سوّلة سكتّي
ويا طواريك من الظلمَه تجيني
جانّن ثيابي علي غربه
كبل جيتك
ومساتحش من عيوني
وعلى المامش حنيني
شلون اوصفك؟
"وانت دَفتر واني چلمه ..

هيَ الكاتلتنه عَيونها كبار
وسَواد الليل ضَايع
وَي شَعرها
خُصر نَخلة وبَياضج
چَنه جُمار ومَلامح هادئة
تبَين سَحرها
ويَمها الناس مَا مَحسوبة
عَالناس
سَفينه وتَيهتنا بَنص بَحرها
تتنَفس مَحنه وعَاطفة وشوك
ومَيلوك الذهَب بس بنَحرها
وَشلون اوَصفها بيها الوَصف
مَحتار أذا حَتى الوَرد
يَلحك عَطرها

هَذولة إحّنا گطن
و إنتُم حچيكُم نار يحرگنِا ،
شمِس والليّل
يكتلنا ،
هَذولة إحّنا علىٰ الفُطرة وتعذبنِا .✨.

مَحتاج نكَعد سوه ،
وأحجيلك شكَد خِفت
مِن راحَت عَيونك
ومِن كَتلي خل نلتقِي
صَدكَني مَرني القَلق
أبديلك بيا حجي
من تسأل شلونك .

الليلُ يعبثُ بالفؤادِ وَكَم لهُ
‏صَولاتُ حِزنٍ صَافناتُ جِيادِي
‏يا ليتَ شِعرِي كَم سَأبقى صَامِدًا
‏والشوقُ يطعنُ وَالدموعُ جِهادِي
‏الحبُّ صبرٌ والتَّصبُّرُ قطعةٌ
‏من نارِ حربٍ أُجِّجَتْ بشوادي.

صدُك لفك ترابّ و شالتك گاع
صُدك لفك چفنّ مِثل اليُموتون
صدُك وياك أشوفنّ ساعة ودَاع
و صدُك عني رِحت مثلّ اليروَحون
جانت دنيتي بيها أنتَ المَتاع
بلاية متاع دنيا نعيَشها أشلونّ .

أسِهّر مو غِشيّم أدري السهِر موُ زيَن
بسَ المُشكله شمَا تعتِقد صعبُه
إذا كسَره بفرآشك ما تعُرف تنامّ
شِلوُن تنامّ عينهَ الكسَرتهّ بگلبُه .


روُح گد مابيكَ وارجعِ
تلگهّ حُبك مُستمّر
الشّمس متغيِر
تفاصَيل السُمر .

فتراكَ تدريّ
إنَ حُبكَ مُتلفي
لكنني أُخفي هواكَ
واكتمُ ان كُنت ماتدري
فَتِلكَ مُصيبةٌ
أو كُنتَ تدري
فالمُصيبةُ اعظمُ .