Type to search
Advanced channel search

سيلين .

@ll8yor

" احياناً مشاعر واحياناً ، فرااغ " .

سيلين .

22 Oct, 22:16

اواخر " الليل العتيم "وبقاياه
‏قضبان باب لسجني الانفرادي

‏فالانتظار اللي عجزت اتعداه
‏لا هقوه فـ بكره ولا بال هادي

‏كن الاماني والسهر والمحاتاه
‏تعثو فساد بما بقى من فوادي

‏يارب لامن صارو العالم أشباه
‏ميزني .. انا مقدر أعيش عادي .
67
سيلين .

20 Oct, 05:47

يطري علينا شيّ ما يطري عليك
‏فـ لا تـذم الشيّ  . . لأنـك جاهله

‏أخذ السهل دامه بمتناول يديك
‏بس الصعب خلّه لمن يستاهله .
503
سيلين .

15 Oct, 21:55

‏تظاهرت بالراحه وانا خاطري مكبوت
‏اسولف مع سالم واهوّن على هاديّ

‏ياجابر ياشين البكيه اللي مافيها صوت
‏هذي والله اللي يمكن تطلّع فوادي

‏له العهد فاللي عاد من عمري الموقوت
‏لاسولف من اسمه لين يرثونه احفاديّ

‏لو ابسط حقوقه كلمةٍ كنها الياقوت
‏يسولف به التاريخ هجري وميلادي .
1,171
سيلين .

14 Oct, 20:59

اعتبرني ليا من ضاق صدرك ؟ مكان
‏فدوتك لو بكيت الليله بـ طولها

‏اعتبرني حضن لامن فقدت الحنان
‏خل سحب الهموم تصّب هملولها

‏اعتبرني ملاذ .. تحس قربه بـ امان
‏وايّ كلمة تخاف تقولها ؟ قولها

‏اعتبرني شعور وفاقده من زمان
‏وجا يلبّي .. ندا عينك ومرسولها .
1,236
سيلين .

13 Oct, 20:08

‏سلامي على الصبر وسلامي على الهقوات
‏لولاها غديت رعيةٍ مالها راعي

‏اشوف الحزن بالذات مثل السهر بالذات
‏على ادنات شيً زين يشعاني الشاعي

‏اعاني من اللي لو يعانيه غيري مات
‏مع الميت اللي فوق قبره نعى الناعي

‏ياخوفي من الجاي ويا وجدي على اللي فات
‏مع ان بعضها حاجات مال امها داعي .
1,217
سيلين .

12 Oct, 20:02

وحيد لكني ما أشعر اني فعلاً وحيد
لو كان منتم معي ، لكن ربي معي

على فراش النعي احيان يولد قصيد
ياللي تبون القصيد انا بحاجة نعي

كل ما يطيب وجعي جيتو تبون الجديد
تدرون بأن الجديد اللي تبون وجعي ؟ :(
1,379
سيلين .

10 Oct, 23:02

أخاوي اللي ما تغير مباديه
واسرارنا ف العمر بير وغطا

يفهم مبادي نظرتي قبل احاكيه
يعني قبل لا اقولها له قرااها :(
1,517
سيلين .

10 Oct, 03:03

البارحه والقاع ماهو بـ حدري
‏عاملني الوقت الخبيث بخباثه

‏والضيق وسّع بيته فوسط صدري
‏غيّر مداخيله وجدد أثاثه

‏كنّي وأنا ادوّر على الشمس بدري
‏اللي يدوّر فِـ العباد استغاثه

‏إن جيت بشكي للبشر ضاع قدري
‏و أنا كبييير وكبريائي وراثه

‏الأرض كانت كم في كم؟ مدري
‏لكنّها صارت اثنين فـ ثلاثه .
1,684
سيلين .

09 Oct, 18:54

التحفظ يمدحونه مع ظروف الحياه
‏لاتخلي باب .. الاسرار للعالم رخو

‏الشجيع تجيه الاوجاع من كل اتجاه
‏مستحيل انه يعلم بها حتى الاخو :)
1,519
سيلين .

08 Oct, 00:08

‏بعض الليالي مامرتني مرور الكرام
‏احداثها مُحزنه وامراضها مُزمنه

‏وأنا اللي أقصى طموحاته يعيش بـ سلام
‏فاقد شعور السلام الداخلي كم سنه

‏انا الحزين الحزين اللي عليه الكلام
‏وأنا الغريب الغريب المغترب بـ وطنه

‏ياصاحبي صاحبك ماهو على مايرام
‏ الحزن مثّر على نفسّيته وبدنه .
1,787
سيلين .

06 Oct, 01:35

‏تراني اشره وانقد العلم واشوم
‏وهدوئي الواضح علي لا يغرك

‏الساكت اللي كن ماعنده علوم
‏ما فيه شي من علومه يسرك

‏من كثر ما قد طاح ماوده يقوم
‏يمكن بعد فتره ما عاد يتحرك .
1,852
سيلين .

05 Oct, 03:02

‏أختفي عن العالم وأنام عشرين ساعه
‏وأتواصل مع الشعر .. والناس ناسيها

‏عندي هواجيس وبقلبي عالمٍ ملتاعه
‏وماعندي كلام واللجّه بصدري راميها

‏تصحصحني الدلّه وصوت خالد وسماعّه
‏وتهديني السجّه عن ناسٍ ماني مدانيها

‏هذي أوضاعي وبالي مدري وش أوضاعه
‏لكن الأكيد الناس هذي ما أدانيها :(
1,905
سيلين .

02 Oct, 21:43

ودّي أغفى على صدرك ثواني وأفوق
‏لين ما أستجمع أنفاسي على مفرقه

‏عاشقك عاد جرحه باليّتهْ الفتوق
‏كان ما تقدّر تورّدهْ ماك ! أعتقه

‏يا دبيب الحياة و دمّها بالعروق
‏خايف تكون حلم ٍ ما أقدر أحقّقه

‏من تعلّقت فيك و فيك جبت الطروق
‏كن عنقي تعلّق في حبل مشنقه .
2,181
سيلين .

02 Oct, 16:38

اشتقت لك ياراحة القلب والروح
‏واشتقت اسولف لك عن الحب وينك

‏الشوق لا جلك داخل العين مفضوح
‏ليتك تشوف شوق عيني بعينك ):
2,030
سيلين .

30 Sep, 21:35

‏انا مثل الكلام اللي على الجدران
‏كتبني واحد .. وعالم بتقراني .
2,217
سيلين .

30 Sep, 21:34

‏كنّي اللي رجع ديرة اهله بعد غيبه
وانكرته الوجيه العابره ، و الأماكن .
2,289
سيلين .

30 Sep, 21:33

كلّ ما جادلت لك جاهل بتطلع مخطي
‏ما يغلب الجاهل .. الا واحد أجهل منّه .
2,236
سيلين .

30 Sep, 21:33

ياهل السواليف مدري عن سوالفكم
فيني من الضيق شي مّ تحسونه .
2,245
سيلين .

30 Sep, 21:33

من يجادل واحدٍ ماهوب قانع
كنه يحط العلاج بفم ميّت .
2,252
سيلين .

30 Sep, 21:32

فيه امور مايجوز العذر فيها والتغاضي
‏لا وصلنا عندها حطيت قلبي تحت رجلي .
2,223

2024 All Right Reserved